للتميز عنوان ،،، هو بيلسـ‘ـــان !! - شبكة القناص

**بيلســــــــان** · 06-02-2007, 02:26 AM

ياملحي وانا مغروره

تراي امزح بس مالقيت عنوان

بمناسبة الألفية الأولى لي في منتدى القناص ،
واللي ماتوقعت أوصل له قبل تمامي السنة(مادريت اني ثرثارة)
بغيت اكتب هالموضوع كذكرى في صفحات القناص..

المفروض اني منزله الموضوع بمشاركتي الـ1000 لكن بسبب خروج المنتخب حطيت حرّتي بالمواضيع،،
وبعد شتشت بأحدهن بس الله ستر واعمى عيون الحمر والخضر عن الموضوع ..

ملاحظة : موضوع متنوع ، فقراته مابينها ترابط ،، اعتبروه منوّعات ..

قبل ما ابدأ الموضوع ..
اهنئ الطلاب والطالبات على انتهاء الامتحانات بما تحمله من فترات عصيبه وتشنجات واغماءات
وان شاء الله نفرح بنجاحهم..

قناص جديد \ قناص مبدع \ قناص مميز

مراحل ورُتب يمر بها العضو في هذا المنتدى ،،
يصل لكل رتبة اذا تعدت مشاركاته عدد معيّن ..

سؤال تبادر في ذهني ،،
هل انا فعلا مبدعه؟
وهل سأكون متميزة؟

عشان اجاوب على الشق الأيمن من السؤال لازم ادقق في مشاركاتي،،
بصراحه ماقدرت اقيّم نفسي لأني دائما اعتبر نفسي مقصره وما وصلت للي اطمح له..

لكن عزائي الوحيد إني حاولت اكتب مايمليه علي ضميري اللي من المستحيل يكون دائماعلى صواب ،،
فإن اصبت فمن الله سبحانه ،،
وإن اخطأت فمن نفسي والشيطان..

طبعا انا ما اقصد انه لازم تكون كل مشاركاتنا فعّاله وذات قيمه وفائدة ،،
لأن فيه مواضيع ماتستوجب منّا الا شكر العضو والإشادة به ،،
او قد تكون مواضيع للتسليه..
لكن الشئ الذي لايختلف عليه اثنين هو وُجوب عدم مجاراة الآخرين في آرائهم
سواءً لغرض شخصي او محبةً لهم !!

مشاهدات بيلسانيه قناصيه ،،،

· لاحظت بعض الأعضاء ردوده مقتصره على ..
مشكور،،مبدع،، موضوعك روعه وانا معك في كل كلمه،،جبتها ع الجرح،،ننتظر جديدك،،لاتعليق!!
يعني مايخالف يصير لنا مشاركات بهالشكل بس موب كله !!
انا بنفسي بحثت بمشاركات بعض الأعضاء لقيت 75% من ردودهم من هالنوعيه!!
مدري هل لزيادة المشاركات فقط ،،
او لعدم القدرة ع التعبير؟!
مع اني ارجح الشق الأول ،، لأني كنت ببداية تسجيلي ما اعرف اكتب جملتين على بعض ،،
لكن بالمحاوله صارت ردودي اطول من الموضوع نفسه
ارحم العضو اللي ارد على موضوعه،،شكل امه داعيةٍ عليه<< اجل يستاهل..

· ايضا لاحظت ان بعض الاعضاء انفعالي في الرد (طبعا هم قليلين ولله الحمد)
مع ان الامر مايستدعي لذلك!!
كل الحكاية اكتب رأيك او تعقيبك بهدوء تام!!

مشاهدات بيلسانيه نتِّيه ،،،

· في رحلتي اللي ما تتجاوز الـ3 سنوات تقريبا في النت ،،
مريت بمواقع مختلفة التوجهات ،،
لكن كان النصيب الاكبر للمواقع النسائية،، وسأذكر ملاحظاتي عليها:
# نسخ ولصق ،، والنتيجة مواضيع متكررة وممله!!
# بعضها يخصص قسم للحياة الزوجية ،، لحد هنا ما فيه مشكله،،
لكن يتم التطرق لأمور خاصه جداً !! هنا لازم نتوقف!!
مالفائدة المرجوة من ذلك؟ خاصةً اذا عرفنا انه متاحه حتى لغير المتزوجين!!
بصراحه انا انصدمت ،، ماتوقعت ان الامر طبيعي بهالشكل!! ياعمري بريئه

مشاهدات موب بيلسانيه ( من هونيك وهون) ،،

· عضوه اضافت عضو للماسنجر، على اساس انه محترم وهذا لاحظته من مشاركاته،،
لكن 3 محادثات كانت كفيله بكشف القناع،، طبعا بهالحاله يمدحون الدليت(بعدي يا ×××)..

· هذا الموقف صار لأخوي بالسوق،، كان يتمشى بالسوق بأمان الله،،
وتجيه ذيك الحرمه تسأله عن طفل ضايع؟ فقال اخوي: ماشفته،،
عاد هي من زود حرصه ع الطفل عطت اخوي الرقم عشان اذا لقى الطفل يتصل!!

وش قالوا لتس؟ الولد يشتغل عندتس،، مدري هالطريقه للترقيم متى
استحدثوّه؟

قراءات بيلسانيه مجلاّتيّه(نسبه للمجلة ) ،،

* السعوديّون يلقون 50 مليونا في المهملات !!

]قدّر متعاملون في استيراد وبيع وطباعة بطاقات الزواج الورقية ان

الممكلة العربية السعودية تستهلك ما قيمته 50 مليون ريال سنويا من بطاقات الزواج.[

انا بعرف ليه نطبع 300 بطاقه ونعزم ناس مالنا بهم صلة ،،
ولا بعد فيه ناس يعطونك بطاقتك ومعه 10 بطاقات على بياض
(على وزن شيك على بياض) يعني اعزم من يعز عليك!!
والله من التبذير.

*الببغاء ناكرة المعروف!!

]يبدو ان هناك صفة جديدة ستضاف للببغاء غير ترديده للكلام. كما يبدو ان الرجال على الأخص
سيواجهون النساء بهذه الصفة كونها تخص انثى الببغاء دون الذكر.
فقدكشف فريق عملي تابع لجامعة طوكيو ان انثى الببغاء تتذكر صوت زوجها
لمدة شهرين بعد فراقه ، ثم تبدأ بالتركيز على ايجاد زوج جديد بعد تلك المدة؟!
وارجح الفريق العملي هذه الظاهرة لدى انثى الببغاء الى فقدانها ذاكرة صوت زوجها السابق
وهو ماقال الفريق انه يساعدها على ايجاد ببغاء ذكر جديد ،، فسبحان الله![

والله يالأنثى له عالم غريب عجيب خاص(ن) به ،، ياحبيلنا بس..
اجل تنسى عشان تلقى رجل غيره >> على قولت المثل ظل راجل ولا ظل حيطة..

منوعات بيلسانيه ،،

· يؤتي الحكمة من يشاء !!

امل طالبة في المرحلة المتوسطه ،، مشاغبه لدرجة ان المعلمات يتوذّن منه بالحيل ،
مايقدرن يسيطرن عليه!!
المهم .. في بداية سنه جديده دخلت عليهم المعلمة جواهر وكالعاده بدت تتعرف ع الطالبات ،
وعرفت امل(طبعا كان صيته منتشر بين المعلمات) فقالت له المعلمه: انتي امل!!
غريبه يقولون انك مشاغبه وووو الخ. وانا اشوف العكس ، تبارك الله باين عليك هاديه ومجتهده..
امل استحت من كلام المعلمه وصارت تمشي ع الصراط المستقيم في حصص المعلمة جواهر..

صدق التعليم موب اشرح الدرس وخلصنا ،،
التعليم يشمل التربية واتقان الاساليب المختلفه في التعامل مع شخصيات متعددة للطلبة..

· اربح مع خليجي 18..

في يوم من الايام قعدت اتنقل بين القنوات ، ومير افتح على قناة الرياضه السعوديه وكان فيه برنامج اربح مع خليجي 18..
اللي لفت انتباهي ان بعض الشباب إلا بيجاوب لو هو شرق والرياضه غرب!!
واحد سأله المذيع من صاحب رقم 8 في منتخبنا في خليجي 18 ، عاد هو الا بيجاوب وقال ابراهيم ماطر!!
يا ابن الحلال الرجال مغبّر وانت تقول يلعب مع المنتخب الحين!!
وفيه بالمقابل واحد اعجبن قال والله انا معلوماتي الرياضيه صفر..

مسجّات بيلسانيه ،،

(1)

عن الدنيا سنرحـ‘ـل
يرافق سيرنا العمـ‘ـل
فإما روضة تشـ‘ـدوا
واما القبر يشتعـ‘ـل

(2)

قصيميه قالها زوجها قوليلي كلمة تدفين،
قالت فروة..قال لا ابي كلمة حلوة،
قالت طحينيه.
قال لا ابي كلمة تهزن هز،
قالت مرجيحه.
قال لا عطين كلمة تفجر احاسيسي ومشاعري،
قالت الله يعطيك قنبله بين عيونك تنثرك نثر تسانك اوذيتن.

(3)

شوي شوي ياقلبي شوي
بيِّن شي ..وخب شوي
لا تبيِّن فرحك للناس
الحساد اكثرشي

(4)

الوقت ضايع والبطاله فعلها فينا مقيم
اكبر مشاغلنا مسج ونرشح السوبر ستار
هذيحضاره ماتجملنا وذا واقع أليم
وين المبادي والقيم وين المعزه والوقار
فيهالزمن ما عاد تعرف من كريم ومن لئيم!
في هالزمن كل شي توجه باتجاهالانحدار
الله يثبتنا على نهج الصراط المستقيم
والله يحسن خاتمتنا في زمنصاير دمار

مساحه حرّه ،،

في هالمساحه بعتذر لكل اللي غلطت عليهم بقصد او بدون قصد(وهوالغالب) من اعضاء ومشرفين ومراقبين.
ايه بعد بسألكم صدز انا اشتشت بالمواضيع

بالنهاية ادري ان الموضوع طوييييييل بس مالي خلق انزل موضوعين>= = = عجّازه..

والى الفية قادمه بإذن الله..

][دمتم بود][

شرقاويه،، كلك ذوق
مشكوره
CC

نحبك يا هلال · 06-02-2007, 02:35 AM

بحاول و أنا أخُوك أسترجع ذكريات ( ألفيتي الأُولى ) عشان أقدر أشاركك ( فرحتك )
لكن أنا متأكد إنّي ماراح أذكرها بالضبط لكن بإذن الله راح تكُون لي عـوده و تعليق على نُقاط موضوعك ( الجميل ) كـ قراءة أوليّه سريعه ..

قوّاك الله
.....

اشواق الليل · 06-02-2007, 02:50 AM

هلا وغلا بيلســان
تسلمين عالموضوع المنوووع
ومبروووك الألفيه الأولى وإلى الأمام إن شاءالله
وبالعكس مافي تشتيت بموضوعكـ ,, استمتعت بقرائته كثير
كل الشكر لكـ

اشواااااااق اللــــيل

**MeSh3aL ~ 20** · 06-02-2007, 03:22 AM

ألف مبروك على الألفيه الأولى

ونتمنى لك مزيد من الرقى و التقدم .,,,.

أنتم السابقون ونحن اللاحقون .

غايه · 06-02-2007, 04:17 AM

*

هلا وغلا بليسان
وعقبال المليون ان شاء الله

أقتباس

المفروض اني منزله الموضوع بمشاركتي الـ1000 لكن بسبب خروج المنتخب حطيت حرّتي بالمواضيع،،
وبعد شتشت بأحدهن بس الله ستر واعمى عيون الحمر والخضر عن الموضوع ..

افااااا بليسان ماهقيتك تشتشتين

أقتباسمشاهدات بيلسانيه قناصيه ،،،

وانت الصادقه حلاة الواحد لارد انه مايكون سلبي

يوضح ولو جزء من وجه نظره
( الله يعطيك العافيه)

على ايش وشي الي اعجبك

(لاتعليق)

طيب ليه اضفت هالكلمه بلاها احسن

أقتباس

مشاهدات موب بيلسانيه ( من هونيك وهون) ،،

· هذا الموقف صار لأخوي بالسوق،، كان يتمشى بالسوق بأمان الله،،
وتجيه ذيك الحرمه تسأله عن طفل ضايع؟ فقال اخوي: ماشفته،،
عاد هي من زود حرصه ع الطفل عطت اخوي الرقم عشان اذا لقى الطفل يتصل!!

وش قالوا لتس؟ الولد يشتغل عندتس،، مدري هالطريقه للترقيم متى
استحدثوّه؟

ماشاء الله جازلها اخوك اشوف بس عليها طريقه

أقتباس

قراءات بيلسانيه مجلاّتيّه(نسبه للمجلة ) ،،

* السعوديّون يلقون 50 مليونا في المهملات !!

ذكرتيني بزواج لواحد من اقربنا داقين علينا ناس من الي عازمينهم يقولون عندكم بطاقات زياده في ناس نعرفهم يبون يحضرون<<< الله من وساعة الوجه

أقتباس

مسجّات بيلسانيه ،،

(1)

عن الدنيا سنرحـ‘ـل
يرافق سيرنا العمـ‘ـل
فإما روضة تشـ‘ـدوا
واما القبر يشتعـ‘ـل

اه الله يجعلنا من اهل الروضه

ويعينا لكل عمل ينتهي إليها

لاأخفي اعجابي بمواضيع وبشخصك

وشتشتي انا سامحتلك << قوية عين

BBP

*

أحـ مرجوجه ـــلى · 06-02-2007, 04:22 AM

هلا واله بيلسان مبرووووووووووووووك الالفيه وعقبال المليار
وموضوعك اقدر اقول عنه انه شااااامل كل شئ
وعقبالنا مع الالفيات

**MiSs_Tekana** · 06-02-2007, 05:03 AM

بداية الأخت غايه يرحم أمك نصيحه لوجه الله كبري الخط احولت عيوني أبي أقرى ماعرفت

نرجع لك بيلسان

أولا العنوان تستاهللينه وقليل عليك والله يامبدعه .. وثانيا مبروووك عليك الألفيه وعقبال المليون مشاركه

نبدأ بموضوعك الشيق والمميز صراحة

أقتباس
قناص جديد \ قناص مبدع \ قناص مميز

مراحل ورُتب يمر بها العضو في هذا المنتدى ،،
يصل لكل رتبة اذا تعدت مشاركاته عدد معيّن ..

سؤال تبادر في ذهني ،،
هل انا فعلا مبدعه؟
وهل سأكون متميزة؟

عشان اجاوب على الشق الأيمن من السؤال لازم ادقق في مشاركاتي،،
بصراحه ماقدرت اقيّم نفسي لأني دائما اعتبر نفسي مقصره وما وصلت للي اطمح له..

لكن عزائي الوحيد إني حاولت اكتب مايمليه علي ضميري اللي من المستحيل يكون دائماعلى صواب ،،
فإن اصبت فمن الله سبحانه ،،
وإن اخطأت فمن نفسي والشيطان..

طبعا انا ما اقصد انه لازم تكون كل مشاركاتنا فعّاله وذات قيمه وفائدة ،،
لأن فيه مواضيع ماتستوجب منّا الا شكر العضو والإشادة به ،،
او قد تكون مواضيع للتسليه..
لكن الشئ الذي لايختلف عليه اثنين هو وُجوب عدم مجاراة الآخرين في آرائهم
سواءً لغرض شخصي او محبةً لهم !!

اولا كلام منطقي وأنا وافقتك بكلامك مو محبة فيك << ماتستحي

لا لأن كلامك فعلا منطقي يعني كل انسان على حسب قناعاته ممكن أوافقك بالرأي لأن اما كلامك واقعي أو لأن تفكيرك مثل تفكيري

وممكن برضو أخالفك بالرأي اما لاختلاف وجهات النظر والتفكير وفي النهايه الاختلاف في الرأي لايفسد للود قضيه

ولكن وركزي على لكن الاختلاف هاذا له حدود يعني ممكن أخالفك بالرأي وأحاول أقنعك برايي لكن مو بمبدأ الاجبار

أو انك خلاص اذا خالفتيني ماتعجبيني أو ماعندك سالفه .. لا لكل انسان وجهات نظر اقتنعتي برايي كان بها ما اقتنعتي برضو كان بها وانتي لك راي خاص وأنا أحترمه وأقدره...

أقتباس
مشاهدات بيلسانيه قناصيه ،،،

· لاحظت بعض الأعضاء ردوده مقتصره على ..
مشكور،،مبدع،، موضوعك روعه وانا معك في كل كلمه،،جبتها ع الجرح،،ننتظر جديدك،،لاتعليق!!
يعني مايخالف يصير لنا مشاركات بهالشكل بس موب كله !!
انا بنفسي بحثت بمشاركات بعض الأعضاء لقيت 75% من ردودهم من هالنوعيه!!
مدري هل لزيادة المشاركات فقط ،،
او لعدم القدرة ع التعبير؟!
مع اني ارجح الشق الأول ،، لأني كنت ببداية تسجيلي ما اعرف اكتب جملتين على بعض ،،
لكن بالمحاوله صارت ردودي اطول من الموضوع نفسه
ارحم العضو اللي ارد على موضوعه،،شكل امه داعيةٍ عليه<< اجل يستاهل..

· ايضا لاحظت ان بعض الاعضاء انفعالي في الرد (طبعا هم قليلين ولله الحمد)
مع ان الامر مايستدعي لذلك!!
كل الحكاية اكتب رأيك او تعقيبك بهدوء تام!!

اي والله جبتيها ع الجرح أنا شخصيا أي أحد يرد على موضوع لي وأنا تعبانه ع الموضع بعبارة شكرا أو يسلمو

صدقيني أتضايق لأنو أكييد ودي انه يتناقش معي يعطيني أرائه عشان أستفيد منه وأفيد برضو

وبالنسبه لكلامك عن نرفزة بعض الأعضاء مثل ماقلتي مو الكل لكن ألاحظ البعض مايتحمل اي كلمه تنقال له

يعني مثلا واحد الله يستر عليه منزل قصيده جا واحد رد عليه انو الوزن مكسور

طبعا ذاك تنرفز وليه تقول مكسور وقام يحاجج طيب أوكي كل انسان وله وجهة نظره

معليش انت واثق بقصيدك رد عليه ولكن بدون هالنرفزه الي مالها داعي حلو انو الانسان يتقبل الانتقاد برحابة صدر ..

أقتباس
مشاهدات بيلسانيه نتِّيه ،،،

· في رحلتي اللي ما تتجاوز الـ3 سنوات تقريبا في النت ،،
مريت بمواقع مختلفة التوجهات ،،
لكن كان النصيب الاكبر للمواقع النسائية،، وسأذكر ملاحظاتي عليها:
# نسخ ولصق ،، والنتيجة مواضيع متكررة وممله!!
# بعضها يخصص قسم للحياة الزوجية ،، لحد هنا ما فيه مشكله،،
لكن يتم التطرق لأمور خاصه جداً !! هنا لازم نتوقف!!
مالفائدة المرجوة من ذلك؟ خاصةً اذا عرفنا انه متاحه حتى لغير المتزوجين!!
بصراحه انا انصدمت ،، ماتوقعت ان الامر طبيعي بهالشكل!! ياعمري بريئه

والله ماعندي اي تعليق على هالبرقراف

لكن كل أملي من الي ينزلون موضوع نفس ماقلتي

مراعاة انو ربما أغلب أعضاء المنتدى صغار ..

أقتباس
مشاهدات موب بيلسانيه ( من هونيك وهون) ،،

· عضوه اضافت عضو للماسنجر، على اساس انه محترم وهذا لاحظته من مشاركاته،،
لكن 3 محادثات كانت كفيله بكشف القناع،، طبعا بهالحاله يمدحون الدليت(بعدي يا ×××)..

· هذا الموقف صار لأخوي بالسوق،، كان يتمشى بالسوق بأمان الله،،
وتجيه ذيك الحرمه تسأله عن طفل ضايع؟ فقال اخوي: ماشفته،،
عاد هي من زود حرصه ع الطفل عطت اخوي الرقم عشان اذا لقى الطفل يتصل!!

وش قالوا لتس؟ الولد يشتغل عندتس،، مدري هالطريقه للترقيم متى
استحدثوّه؟

بالنسبه لموقف العضوه مع احترامي لها ولرايك أنا أشوف انو هي أساسا غلطانه بأنها أضافت عضو ((رجل))

يمكن تخالفيني في الرأي لكن انا هالنقطه أتحسس منها كثيير وماتعجبني أوكي حتى لو كان زي مايقولون بعضهم مسن

وبس يقرى كلامي أنا ما أسوي شي غلط ... لا الغلط راكبك من راسك لــ رجولك مسن والا مو مسن يظل رجال

وبعضهم يقولون طيب أوك كأني أكلم واحد في المنتدى

لا في فرق لما تتكلمين مع شخص على مرأى من الناس ومن لما تتكلمين مع شخص انتي وهو لحالكم ..

وبالنسبه لموضوع أخوك جد لو اني مكانه كان ضحكت عليها وقلت لها العبي غيرها .. وين قاعدين فيه

الله يصلحها ويصلحنا بس ..

أقتباس

قراءات بيلسانيه مجلاّتيّه(نسبه للمجلة ) ،،

* السعوديّون يلقون 50 مليونا في المهملات !!

]قدّر متعاملون في استيراد وبيع وطباعة بطاقات الزواج الورقية ان

الممكلة العربية السعودية تستهلك ما قيمته 50 مليون ريال سنويا من بطاقات الزواج.[

انا بعرف ليه نطبع 300 بطاقه ونعزم ناس مالنا بهم صلة ،،
ولا بعد فيه ناس يعطونك بطاقتك ومعه 10 بطاقات على بياض
(على وزن شيك على بياض) يعني اعزم من يعز عليك!!
والله من التبذير.

شوفي ياقلبي الحين ياليته على طباعه وبس

صارت حركات في البطاقه وتكلف كثيير ليه طيب واخرتها في الزباله والله حرام

زي وحده أعرفها مسويه بطاقات لعرسها وقسم كلفتها 500 ألف نص مليون يعني

وكل البطاقه خرابيط في خرابيط وسوت كثييير يعني فوق عدد المدعويين

وفي الأخير في الزباله سألتها أيش استفدتي

قالت : عشان يقولون فلانه حلوه بطاقات عرسها

<<< يلعن أم السخافه والتفكيير بس

ما أقول الا على قولتهم هاذي الدنيا الناس صارت تهمها المظاهر كثثييير

وصدقيني ألحين وحده تسوي زواج وتخسر عليه كثييير وليته يعجب الناس

أبد مايعجبهم العجب لازم في انتقادات ولو ان الزواج اسطوري لكن برضو في انتقادات

ومن طاوع الناس مات وهلك يعني حلو انو الانسان تكون له نظره كبييره شوي ويفكر انو في ناس ماعندها تاكل وهو يلعب بهالفلوس

وربي لو كل واحد يفكر كذا ويطالع تحت كان احنا بخيرر مشكلتنا دايم عيونا فوق !!

أقتباس
*الببغاء ناكرة المعروف!!

]يبدو ان هناك صفة جديدة ستضاف للببغاء غير ترديده للكلام. كما يبدو ان الرجال على الأخص
سيواجهون النساء بهذه الصفة كونها تخص انثى الببغاء دون الذكر.
فقدكشف فريق عملي تابع لجامعة طوكيو ان انثى الببغاء تتذكر صوت زوجها
لمدة شهرين بعد فراقه ، ثم تبدأ بالتركيز على ايجاد زوج جديد بعد تلك المدة؟!
وارجح الفريق العملي هذه الظاهرة لدى انثى الببغاء الى فقدانها ذاكرة صوت زوجها السابق
وهو ماقال الفريق انه يساعدها على ايجاد ببغاء ذكر جديد ،، فسبحان الله![

والله يالأنثى له عالم غريب عجيب خاص(ن) به ،، ياحبيلنا بس..
اجل تنسى عشان تلقى رجل غيره >> على قولت المثل ظل راجل ولا ظل حيطة..

لووووووووووووول أول مره أسمع بهالمعلومه

يسلموووو ع المعلومات ^_^

منوعات بيلسانيه ،،

أقتباس
· يؤتي الحكمة من يشاء !!

امل طالبة في المرحلة المتوسطه ،، مشاغبه لدرجة ان المعلمات يتوذّن منه بالحيل ،
مايقدرن يسيطرن عليه!!
المهم .. في بداية سنه جديده دخلت عليهم المعلمة جواهر وكالعاده بدت تتعرف ع الطالبات ،
وعرفت امل(طبعا كان صيته منتشر بين المعلمات) فقالت له المعلمه: انتي امل!!
غريبه يقولون انك مشاغبه وووو الخ. وانا اشوف العكس ، تبارك الله باين عليك هاديه ومجتهده..
امل استحت من كلام المعلمه وصارت تمشي ع الصراط المستقيم في حصص المعلمة جواهر..

صدق التعليم موب اشرح الدرس وخلصنا ،،
التعليم يشمل التربية واتقان الاساليب المختلفه في التعامل مع شخصيات متعددة للطلبة..

وااااااااااو مره عجبتني القصه من جد حلو أسلوبها هالمدرسه

خلاص لاصرت مدرسه وفي عندي بنت مشاغبه بسوي نفس الحركه

أقتباس
· اربح مع خليجي 18..

في يوم من الايام قعدت اتنقل بين القنوات ، ومير افتح على قناة الرياضه السعوديه وكان فيه برنامج اربح مع خليجي 18..
اللي لفت انتباهي ان بعض الشباب إلا بيجاوب لو هو شرق والرياضه غرب!!
واحد سأله المذيع من صاحب رقم 8 في منتخبنا في خليجي 18 ، عاد هو الا بيجاوب وقال ابراهيم ماطر!!
يا ابن الحلال الرجال مغبّر وانت تقول يلعب مع المنتخب الحين!!
وفيه بالمقابل واحد اعجبن قال والله انا معلوماتي الرياضيه صفر..

حرام عليتس الرجال يبي يترزق الله يبي يفوز قال خلني أقول يمكن تصيب معي

أقتباس
مساحه حرّه ،،

في هالمساحه بعتذر لكل اللي غلطت عليهم بقصد او بدون قصد(وهوالغالب) من اعضاء ومشرفين ومراقبين.
ايه بعد بسألكم صدز انا اشتشت بالمواضيع

بالنهاية ادري ان الموضوع طوييييييل بس مالي خلق انزل موضوعين>= = = عجّازه..

والى الفية قادمه بإذن الله..

أبارك لك مره ثانيه ع الألفيه وفي انتظار ألفيتك الثانيه على أحر من الجمر

واسمحي لي حبيبتي ع الاطاله ..

ويعطيك ألف ألف عافيه

**حالــي الــذوق** · 06-02-2007, 05:57 AM

أقتباسبمناسبة الألفية الأولى لي في منتدى القناص ،
واللي ماتوقعت أوصل له قبل تمامي السنة(مادريت اني ثرثارة)
بغيت اكتب هالموضوع كذكرى في صفحات القناص..

المفروض اني منزله الموضوع بمشاركتي الـ1000 لكن بسبب خروج المنتخب حطيت حرّتي بالمواضيع،،
وبعد شتشت بأحدهن بس الله ستر واعمى عيون الحمر والخضر عن الموضوع ..

ملاحظة : موضوع متنوع ، فقراته مابينها ترابط ،، اعتبروه منوّعات ..

قبل ما ابدأ الموضوع ..
اهنئ الطلاب والطالبات على انتهاء الامتحانات بما تحمله من فترات عصيبه وتشنجات واغماءات

وان شاء الله نفرح بنجاحهم..

هاتي ونشوف وش عندتس

أقتباسقناص جديد \ قناص مبدع \ قناص مميز

مراحل ورُتب يمر بها العضو في هذا المنتدى ،،
يصل لكل رتبة اذا تعدت مشاركاته عدد معيّن ..

سؤال تبادر في ذهني ،،
هل انا فعلا مبدعه؟
وهل سأكون متميزة؟

عشان اجاوب على الشق الأيمن من السؤال لازم ادقق في مشاركاتي،،
بصراحه ماقدرت اقيّم نفسي لأني دائما اعتبر نفسي مقصره وما وصلت للي اطمح له..

لكن عزائي الوحيد إني حاولت اكتب مايمليه علي ضميري اللي من المستحيل يكون دائماعلى صواب ،،
فإن اصبت فمن الله سبحانه ،،
وإن اخطأت فمن نفسي والشيطان..

طبعا انا ما اقصد انه لازم تكون كل مشاركاتنا فعّاله وذات قيمه وفائدة ،،
لأن فيه مواضيع ماتستوجب منّا الا شكر العضو والإشادة به ،،
او قد تكون مواضيع للتسليه..
لكن الشئ الذي لايختلف عليه اثنين هو وُجوب عدم مجاراة الآخرين في آرائهم
سواءً لغرض شخصي او محبةً لهم !!

عضو جديد
عضو فعال
عضو مميز

المفروض ماتهمني الرتبه كثر مايهمني مدى ايجابيتي ومساهمتي مع الجميع

أقتباسمشاهدات بيلسانيه قناصيه ،،،

· لاحظت بعض الأعضاء ردوده مقتصره على ..
مشكور،،مبدع،، موضوعك روعه وانا معك في كل كلمه،،جبتها ع الجرح،،ننتظر جديدك،،لاتعليق!!
يعني مايخالف يصير لنا مشاركات بهالشكل بس موب كله !!
انا بنفسي بحثت بمشاركات بعض الأعضاء لقيت 75% من ردودهم من هالنوعيه!!
مدري هل لزيادة المشاركات فقط ،،
او لعدم القدرة ع التعبير؟!
مع اني ارجح الشق الأول ،، لأني كنت ببداية تسجيلي ما اعرف اكتب جملتين على بعض ،،
لكن بالمحاوله صارت ردودي اطول من الموضوع نفسه
ارحم العضو اللي ارد على موضوعه،،شكل امه داعيةٍ عليه<< اجل يستاهل..

· ايضا لاحظت ان بعض الاعضاء انفعالي في الرد (طبعا هم قليلين ولله الحمد)
مع ان الامر مايستدعي لذلك!!
كل الحكاية اكتب رأيك او تعقيبك بهدوء تام!!

البعض يهمه رقم المشاركه ..

ونلقاه نافض ام الأقسام برد واحد مشكور . ويعطيك العافيه

وماعتقد انه عاجز ع التعبيـر ... لان البعض انا اجزم انه مايدرى وش الموضوع
او وش الهدف منه .. كل همه منصب في زيادة المشــاركــه

أقتباسمشاهدات بيلسانيه نتِّيه ،،،

· في رحلتي اللي ما تتجاوز الـ3 سنوات تقريبا في النت ،،
مريت بمواقع مختلفة التوجهات ،،
لكن كان النصيب الاكبر للمواقع النسائية،، وسأذكر ملاحظاتي عليها:
# نسخ ولصق ،، والنتيجة مواضيع متكررة وممله!!
# بعضها يخصص قسم للحياة الزوجية ،، لحد هنا ما فيه مشكله،،
لكن يتم التطرق لأمور خاصه جداً !! هنا لازم نتوقف!!
مالفائدة المرجوة من ذلك؟ خاصةً اذا عرفنا انه متاحه حتى لغير المتزوجين!!
بصراحه انا انصدمت ،، ماتوقعت ان الامر طبيعي بهالشكل!! ياعمري بريئه

بهذي صدقتي

اذا ضاق صدري دخلت وانهبلت وطلعت

صاروا يطبون طبات تروع ... اوكي متزوجـ/هــ ... يستفيد ولوني اجزم ان معاد فيه شي يخفى على احد

لكن البلا ان من هب ودب دخلها صغير وكبير

أقتباسمشاهدات موب بيلسانيه ( من هونيك وهون) ،،

· عضوه اضافت عضو للماسنجر، على اساس انه محترم وهذا لاحظته من مشاركاته،،
لكن 3 محادثات كانت كفيله بكشف القناع،، طبعا بهالحاله يمدحون الدليت(بعدي يا ×××)..

· هذا الموقف صار لأخوي بالسوق،، كان يتمشى بالسوق بأمان الله،،
وتجيه ذيك الحرمه تسأله عن طفل ضايع؟ فقال اخوي: ماشفته،،
عاد هي من زود حرصه ع الطفل عطت اخوي الرقم عشان اذا لقى الطفل يتصل!!

وش قالوا لتس؟ الولد يشتغل عندتس،، مدري هالطريقه للترقيم متى
استحدثوّه؟

بالنسبه لأضافات الماسنجـر ... فحدث ولاحرج . لكن الناس اجنــاس

اما بخصوص موقف اخوك .. يمكن لها بزر ضايع و احسني النيـه

والله شوفي هالظاهره بدت تكثـر ... وهذا يدل ان شبابنا اعقلوا والأية انقلبت هاللحين

وين هالسوق بروح له . اخاف يجي احد يسأل عن جده والا شي

أقتباسمساحه حرّه ،،

في هالمساحه بعتذر لكل اللي غلطت عليهم بقصد او بدون قصد(وهوالغالب) من اعضاء ومشرفين ومراقبين.
ايه بعد بسألكم صدز انا اشتشت بالمواضيع

بالنهاية ادري ان الموضوع طوييييييل بس مالي خلق انزل موضوعين>= = = عجّازه..

والى الفية قادمه بإذن الله..

][دمتم بود][

ابد ماجــاء منتس الا كل خيــر

موضوع قمه في الروعه الصراحه

BBP

خربتي رقم مشاركاتي

هههههههههههههههههه

قلب الشلهوب · 06-02-2007, 07:32 AM

طرح رائع

وعنوان تستاهلينه وأكثر وليس غرور

وعقبال الألفية الثانية والثالثة لين 20

تحيتي وبالتوفيق BBP

miss strawberry · 06-02-2007, 08:23 AM

أقتباس
بمناسبة الألفية الأولى لي في منتدى القناص ،
واللي ماتوقعت أوصل له قبل تمامي السنة(مادريت اني ثرثارة)
بغيت اكتب هالموضوع كذكرى في صفحات القناص..

CC الف الف مبرووكCC

عقبال المليون << الا ياواصلتها

أقتباسالمفروض اني منزله الموضوع بمشاركتي الـ1000 لكن بسبب خروج المنتخب حطيت حرّتي بالمواضيع،،

ولايهمك
اااااااااااااااه بس يالمنتخب

أقتباس
قبل ما ابدأ الموضوع ..
اهنئ الطلاب والطالبات على انتهاء الامتحانات بما تحمله من فترات عصيبه وتشنجات واغماءات
وان شاء الله نفرح بنجاحهم..

الله يبارك بعمرك CC

قناص جديد \ قناص مبدع \ قناص مميز

مراحل ورُتب يمر بها العضو في هذا المنتدى ،،
يصل لكل رتبة اذا تعدت مشاركاته عدد معيّن ..

سؤال تبادر في ذهني ،،
هل انا فعلا مبدعه؟
وهل سأكون متميزة؟

عشان اجاوب على الشق الأيمن من السؤال لازم ادقق في مشاركاتي،،
بصراحه ماقدرت اقيّم نفسي لأني دائما اعتبر نفسي مقصره وما وصلت للي اطمح له..

لكن عزائي الوحيد إني حاولت اكتب مايمليه علي ضميري اللي من المستحيل يكون دائماعلى صواب ،،
فإن اصبت فمن الله سبحانه ،،
وإن اخطأت فمن نفسي والشيطان..

أقتباسطبعا انا ما اقصد انه لازم تكون كل مشاركاتنا فعّاله وذات قيمه وفائدة ،،
لأن فيه مواضيع ماتستوجب منّا الا شكر العضو والإشادة به ،،

والله انك صادقه وانا بصراحه احيان تجي حاله مااعرف اعبر ولا بكلمه واذا دخلت الموضوع لازم ارد وش السوات << يعني ماارد

أقتباس
او قد تكون مواضيع للتسليه..
لكن الشئ الذي لايختلف عليه اثنين هو وُجوب عدم مجاراة الآخرين في آرائهم
سواءً لغرض شخصي او محبةً لهم !!

صووح

أقتباس
مشاهدات بيلسانيه قناصيه ،،،

· لاحظت بعض الأعضاء ردوده مقتصره على ..
مشكور،،مبدع،، موضوعك روعه وانا معك في كل كلمه،،جبتها ع الجرح،،ننتظر جديدك،،لاتعليق!!
يعني مايخالف يصير لنا مشاركات بهالشكل بس موب كله !!
انا بنفسي بحثت بمشاركات بعض الأعضاء لقيت 75% من ردودهم من هالنوعيه!!
مدري هل لزيادة المشاركات فقط ،،
او لعدم القدرة ع التعبير؟!
مع اني ارجح الشق الأول ،، لأني كنت ببداية تسجيلي ما اعرف اكتب جملتين على بعض ،،
لكن بالمحاوله صارت ردودي اطول من الموضوع نفسه

والله بصراحه زي ماقلت لك قبل احيانا مايجيني تعبير يتجمد مخي واذا جتني هـ الحاله مشكله

والا والله اني مااقصر انا << عاشق واثق

أقتباس

ارحم العضو اللي ارد على موضوعه،،شكل امه داعيةٍ عليه<< اجل يستاهل..

الا ياحبي لك والله << تنبسط اذا شافتك راده في موضوعها تصير تشبه لهذا>>

أقتباس
مشاهدات بيلسانيه نتِّيه ،،،

· في رحلتي اللي ما تتجاوز الـ3 سنوات تقريبا في النت ،،
مريت بمواقع مختلفة التوجهات ،،
لكن كان النصيب الاكبر للمواقع النسائية،، وسأذكر ملاحظاتي عليها:
# نسخ ولصق ،، والنتيجة مواضيع متكررة وممله!!
# بعضها يخصص قسم للحياة الزوجية ،، لحد هنا ما فيه مشكله،،
لكن يتم التطرق لأمور خاصه جداً !! هنا لازم نتوقف!!
مالفائدة المرجوة من ذلك؟ خاصةً اذا عرفنا انه متاحه حتى لغير المتزوجين!!
بصراحه انا انصدمت ،، ماتوقعت ان الامر طبيعي بهالشكل!! ياعمري بريئه

من جد قلة حيا مايستحون صايرين

<< يالبيه يالقناص موقع محترم

أقتباس
مشاهدات موب بيلسانيه ( من هونيك وهون) ،،

· عضوه اضافت عضو للماسنجر، على اساس انه محترم وهذا لاحظته من مشاركاته،،
لكن 3 محادثات كانت كفيله بكشف القناع،، طبعا بهالحاله يمدحون الدليت(بعدي يا ×××)..

هههههههههههههههههههههههههههههه حلووه

أقتباس

· هذا الموقف صار لأخوي بالسوق،، كان يتمشى بالسوق بأمان الله،،
وتجيه ذيك الحرمه تسأله عن طفل ضايع؟ فقال اخوي: ماشفته،،
عاد هي من زود حرصه ع الطفل عطت اخوي الرقم عشان اذا لقى الطفل يتصل!!

وش قالوا لتس؟ الولد يشتغل عندتس،، مدري هالطريقه للترقيم متى
استحدثوّه؟

قله حيا
يمكن اسلوب جديد في الترقيم الله لايبلانا

قراءات بيلسانيه مجلاّتيّه(نسبه للمجلة ) ،،

أقتباس
انا بعرف ليه نطبع 300 بطاقه ونعزم ناس مالنا بهم صلة ،،
ولا بعد فيه ناس يعطونك بطاقتك ومعه 10 بطاقات على بياض
(على وزن شيك على بياض) يعني اعزم من يعز عليك!!
والله من التبذير.

خلاص بزواجك لاتعزمين الا اعضاء القناص ويخب والا..؟

أقتباسوالله يالأنثى له عالم غريب عجيب خاص(ن) به ،، ياحبيلنا بس..
اجل تنسى عشان تلقى رجل غيره >> على قولت المثل ظل راجل ولا ظل حيطة..

حتى نساء الببغاء << اما نساء
<< إن كيدهن عظيم انتي يالببغاء

أقتباس
منوعات بيلسانيه ،،

· يؤتي الحكمة من يشاء !!

امل طالبة في المرحلة المتوسطه ،، مشاغبه لدرجة ان المعلمات يتوذّن منه بالحيل ،
مايقدرن يسيطرن عليه!!
المهم .. في بداية سنه جديده دخلت عليهم المعلمة جواهر وكالعاده بدت تتعرف ع الطالبات ،
وعرفت امل(طبعا كان صيته منتشر بين المعلمات) فقالت له المعلمه: انتي امل!!
غريبه يقولون انك مشاغبه وووو الخ. وانا اشوف العكس ، تبارك الله باين عليك هاديه ومجتهده..
امل استحت من كلام المعلمه وصارت تمشي ع الصراط المستقيم في حصص المعلمة جواهر..

صدق التعليم موب اشرح الدرس وخلصنا ،،
التعليم يشمل التربية واتقان الاساليب المختلفه في التعامل مع شخصيات متعددة للطلبة..

اي والله يازين الكلام الزين والاسلوب الزين والابتساامه
ياخي يازين الي يفق خشته بكل زمان ومكاااااان من جد اعزه انا
يالبيه بس

أقتباس

· اربح مع خليجي 18..

في يوم من الايام قعدت اتنقل بين القنوات ، ومير افتح على قناة الرياضه السعوديه وكان فيه برنامج اربح مع خليجي 18..
اللي لفت انتباهي ان بعض الشباب إلا بيجاوب لو هو شرق والرياضه غرب!!
واحد سأله المذيع من صاحب رقم 8 في منتخبنا في خليجي 18 ، عاد هو الا بيجاوب وقال ابراهيم ماطر!!
يا ابن الحلال الرجال مغبّر وانت تقول يلعب مع المنتخب الحين!!
وفيه بالمقابل واحد اعجبن قال والله انا معلوماتي الرياضيه صفر..

مسجّات بيلسانيه ،،

(1)

عن الدنيا سنرحـ‘ـل
يرافق سيرنا العمـ‘ـل
فإما روضة تشـ‘ـدوا
واما القبر يشتعـ‘ـل

اي والله

(2)

أقتباس
قصيميه قالها زوجها قوليلي كلمة تدفين،
قالت فروة..قال لا ابي كلمة حلوة،
قالت طحينيه.
قال لا ابي كلمة تهزن هز،
قالت مرجيحه.
قال لا عطين كلمة تفجر احاسيسي ومشاعري،
قالت الله يعطيك قنبله بين عيونك تنثرك نثر تسانك اوذيتن.

ههههههههههههههههههههههههههههههههههههه

(3)

أقتباس

شوي شوي ياقلبي شوي
بيِّن شي ..وخب شوي
لا تبيِّن فرحك للناس
الحساد اكثرشي

حلووهBBP

(4)

أقتباس
الوقت ضايع والبطاله فعلها فينا مقيم
اكبر مشاغلنا مسج ونرشح السوبر ستار
هذيحضاره ماتجملنا وذا واقع أليم
وين المبادي والقيم وين المعزه والوقار
فيهالزمن ما عاد تعرف من كريم ومن لئيم!
في هالزمن كل شي توجه باتجاهالانحدار
الله يثبتنا على نهج الصراط المستقيم
والله يحسن خاتمتنا في زمنصاير دمار

وانا اشهد

أقتباس

مساحه حرّه ،،

في هالمساحه بعتذر لكل اللي غلطت عليهم بقصد او بدون قصد(وهوالغالب) من اعضاء ومشرفين ومراقبين

ولووووووو
بالعكس مسمووحه << وش دخلك انتي

.

أقتباسايه بعد بسألكم صدز انا اشتشت بالمواضيع

االا بالعكس موضوع مترابط جدا الله يقويك

أقتباس
والى الفية قادمه بإذن الله..

بأذن الله

أطال الله في عمرك ومتعك على عمل صالح

][دمتم بود][
الف شكر لك خيتوو CC

**صاحــ السمو ــب** · 06-02-2007, 09:45 AM

.

.

.

اولـ شيء هلا بكـ أختيـ بيلساان ..،
ويسعدنيـ انيـ ارد على موضوعكـ الرائعـ ..،

وقبلـ كلـ شيء ألفـ مبروووك الألفيهـ .. وعقبالـ الألفيهـ الميهـ ..،

اقتباس: