الســــــــــــــــلام عليـــــــــــــكم






(( خــــــــــــــــــالد الفيـــــــــــــصل ))


لعل هاذا الاسم يختصر الكثير من العبارات فهو يحمل الشعر والانسانيه والريشه والقلم...

انه الصرح الكبير في كلماته وسمو أخلاقه.. ما أروعك ياسيدي... فكم أرويت عطشنا بكلماتك المعطره..

ولا نزال عطشى..

ولعل من لا يتذوق الشعر والفن يكفيه أن ينظر لمدينة أبها البهيه التي جعلها دايم السيف لوحه فنيه....

لن أطيل عليكم بالكلام فمهما كثر الكلام لن يوفيه حقه فأبو بندر رجل بكل ماتعنيه الكلمه...




يا فـارس الأشعـار منـي تحيـه

مع ريشتي حاولت اصوّر معانيـك

مزجتهـا بالـوان روحـي هديـه

ياليتني اخذ باقي العمـر واهديـك

يا ما خذينا مـن حنانـك عطيـه

وش عندنا في مثل هذا اليوم نعطيك ..



أترككم مع باقة شعريه رائعه لسموه...




(( تستاهل الحب نجديه )) ....



تستاهل الحب نجديّـه

رفيعة الشـأن عجّابـه

العين يا عين بحريّـه

لقلوب الاحباب نهّايـه

والجيد يا جيد ريميّـه

تجفل من الزّول لعّابـه

والرّيح يا ريح وسميّـه

نبت الخزامي تثنَّى به

صفيت مع صافي النية

يوم الذي صابني صابه

معاد لي روحة أوجيه

وقف هوانا على بابـه ....




(( غريب الدار )) ....


غريب الـدار ومنـاي التسلـي

أسلي خاطري عن حـب خلـي

سمعت الشور من قاصر معرفه

يحسب البعد عـن داره يسلـي

أسافر عنه مـن ديـره لديـره

عساي اسلاه لكن مـا حصلـي

أهوجس فيه وأنسى إني نسيتـه

وأفكر في ليالي(ن) قد مضن لي

وأنا لاجيـت أبنسـاه إلتوابـي

خياله وأنهمـر دمعـي يهلـي

وأشوفه واقف(ن) من دون دمعي

حبيب القلب في عينـي يهلـي

دعاني ياغريـب الـدار عـوّد

ترى مالـك محـل إلا محلـي

مكانك فـي عيونـي ياعيونـي

وقلبي مـن غرامـك مايملـي ....



(( من رياض المجد )) ...



من رياض المجـد لامجـاد الكويـت

مــن ثـبـات العـلـم للعـلـم الـثـبـات

جيـت أصافـح بالتّهانـي كــل بـيـت

للشّهـيـد الـخـلـد والـحــي الـحـيـاه

فوق غيمة شوق مـن أبهـا مشيـت

مـن نـداهـا فــزّت الصّـحـرا نـبـات

سيّرتـنـي نـشـوة الـحـب وسـريـت

للكويـت الّلـي هويـت أكتـب غـنـاة

في غناتي للشّرف صـوت وصيـت

ومـن غناتـي يرفـع الفـارس حـداة

وللكرامـة عـرضـة فــي كــل بـيـت

والـسـجـايـا بالـشـهـامـه نـايـفــات

ياالكويت الّلي على الباغي عصيت

يوم بعض الرّبع ينسـى المكرمـات

يـوم بـان الغـدر قلـنـا لــه خسـيـت

كـــل شـيـطـان رجـمـنـاه بـحـصـاه

دارت الـدنـيـا علـيـهـم واعـتـلـيـت

وانهـزم جيـش النّفـوس الخاينـات

يالفهـد عنـد الوعـد قـلـت ووفـيـت

طاغيات الـرّوس عـادت صاغـرات

مااختلـفـت ولاذخــرت ولاشـكـيـت

شـامـخ مـثـل الـجـبـال الـراسـيـات

دلّــــك الله يالـسـنـافـي واهـتـديــت

والنّصـر مــن عـنـد رب الكايـنـات

مـايـغـط الــحــق رجــــال بـخـيــت

مانـسـيـنـا يـالـكـويـت الـسـابـقـات

يــوم عــز بـدارنـا حـلــو المـبـيـت

إستضـفـتـونـا زمــــان الـنّـايـبــات

لين ابو تركي ظهر من فوق هيـت

واصطفق مـن نجـد لجبـال السّـراه

يرفـع الـقـرآن والسـيـف الصلـيـت

واستـرد الحكـم مـن عقـب الفـوات

ياالصّباح وياالسعودي لى انتخيـت

عـزوتـك عـنّـاز راعــي الـطّـايـلات

ويالاميـر الّلـي علـى العليـا نشيـت

جابـر العـثـرات محـمـود الصـفـات

فـــي بـــلادك كـــل تـكـريـم لـقـيـت

والنشـامـى ماكـتـفـوا بالـواجـبـات

بالكويت أعطانـي الشعـر وعطيـت

وبالكويـت الشعـر لـه طعـم وحـلاة




(( المعاناه))



يا ليل خبرني عن أمر المعاناة

هي من صميم الذات ولا أجنبية

هي هاجس يسهر عيـونـي و لا بات

أو خفقة تجمح في قلبي عصـية

هي صرخة تـمردت فوق الأصـــوات

أو ونة وسـط الضمايـر خفـية

أو عبرة تعـلـقت بـيــن نظرات

أو الدموع اللي تسابق هميـة

أعاني الساعة و أعاني مسافـات

و أعاني رياح الزمان العتية

و أصور معاناتي حـروف وأبيـات

يلقى بها راعي الولع جاذبية

و لاني بندمان على كـل ما فـات

أخذت من حلو الزمان و رديـه

هذي حياتي عشتها كيف مـا جـات

آخذ من أيامي و أرد العطيـة...



غلا الناس ( سلطان بن عبدالعزيز )


ليـت المـرض ينقـل عـن اللـي نـودّه

والله لاشيله عن غلا الناس سلطان

شـيـخ جمـيـع الـنـاس ذخــر تـعــدّه

إن ضـاقـت الأيــام واشـتـدت أزمــان

ملجـا الرفيـق ومـن بعـد كـان ضــدّه

حتى العدو ينصاه لي ضاق به شان

محد(ن) وصل بالجـود والطيـب حـدّه

وانا اشهـد إنّـه أكثـر النـاس إنسـان

كم واحد(ن) عـن لحظـة اليـاس ردّه

حتـى زرَع لـه بالأمـل روض بسـتـان

أمّـا الشجاعـة فاسـأل الـلـي يـنـدّه

وعـزّي لمـن لاقـاه سلطـان غضبـان

يمنـاه إذا هـمّـت بحـصـن(ن) تـهـدّه

ويسـراه يـامـا عـدلّـت راس غلـطـان

وكل(ن) عطـاه الله مـن الحمـل قـدّه

ونصيـب ابوخـالـد هــزع كــل مـيـزان

وتضـحـك لـهـا عيـنـه وسـنـه وخــدّه

ما كنها إلا ريشة(ن) شالهـا حصـان

يـــاالله يـاربــي مـــن الـعـمـر مـــدّه

كـم عيـن محـتـاج ترجـلـه باحـسـان



(( مجموعة انسان )) ....


قالت من انت ؟ وقلت مجموعة انسان
من كل ضد و ضد تلقين فيني

فيني نهار و ليل و افراح و احزان
أضحك و دمعي حايرٍ وسط عيني

فيني بداية وقت و نهاية أزمان
أشتاق باكر و أعطي أمسي حنيني

و أسقي قلوب الناس عشقٍ و ضميان
و أهدي حيارَى الدَّرب و احتار ويني

و احاوم صقور الهوا حوم نشوان
و اسيّل الوديان دمعٍ حزيني

في عيني اليمنى من الورد بستان
وفي عيني اليسرى عجاج السنيني

تهزمني النّجلا و انا ند فرسان
و اخفي طعوني و المحبَّه تبيني

و إن ما عرفتيني فلاني بزعلان
حتَّى أنا تراني أحترت فيني



(( قلبي الي )) ...


قلبـي اللـي لـواه مـن الصواديـف لاوي

جـرّحـتـه اللـيـالـي والـحـظـوظ الـرديّــه

والله اني بوسـط النـاس كنّـي خـلاوي

مـن يلـوم المفـارق عقـب فرقـا خـويّـه

أشهد ان المفارق من عظيـم البـلاوي

ميـر هـذا نصيبـك يــا العـيـون الشقـيّـه

أتجلّـد وأقـول إنـي علـى البعـد قــاوي

والله أعلم بقلب(ن) فيه الأشواق حيّـه

كيف راحت يابوتركـي حياتـي شقـاوي

ويــن درب السـعـاده والـحـيـاة الهـنـيّـه

ليت لأهل الهوى والحب قاضي دعاوي

كان أداعـي عيـون اللـي فراقـه خطيّـه

كنّـي المبلـي اللـي قطّعتـه المـكـاوي

كــــل مــاجــظ بـالـونّــات زادوه كــيّـــه ....




(( ارفع راسك انت ســــــــــــعـــــــــــــــــوودي ))



ارفـع راسـك انـت سعـودي...طيبك جاوز كـل حـدودي

مـالـك مثـيـل(ن) بالدنـيـا...غيرك ينقص وانت تـزودي

فـارس و اجـدادك فــوارس...و اصبحت لـبيت الله حارس

مغـروس بالمجـد و غـارس...في ميـدان العـز شهـودي

علمـك غانـم وجـارك سالـم...يخشى مـن هيبتـك الظالـم

راعـي صملـه دايـم والــم...سيف و قلب وفعل زنـودي

بالعالـم مـا مثـلـك مسـلـم...دايـم بالفضيـلـه مـحـرم

الخـايـف بــدارك منـعـم...وعن دخيل حمـاك تـذودي

دايـم سيفـك بـيـدك سـلّـه...مـا تغمـد سيفـك منـذلّـه

و حجـاجـك دايــم منفـلّـه...وأنت بنصـر الله موعـودي

فهـد القائـد فـهـد الـرائـد...فهد الصقر الحـر الصايـد

و العيـد بـعـون الله عـايـد...وسعودك ياوطنـي سعـودي



(( وقف ترى لي )) ....




وقف ترالي والهواوانت ميعاد..........يامن جمع بشفاه جمره وماها

طق اللثام ولاتبين لحساد...................لا لا تخلي كل عين تراها

في شفتك جمر حمر فيه وقاد...........اغليت انا لون الجمر من غلاها

اخاف من واهج شفاياك يزداد.......يحرق ورود الخد واهج سناها

وردٍ على غصنٍ من البان مياد .........ورد نمى في ظل رمشٍ كساها

رمشٍ على جال النواعيس صياد.......ذبح القلوب اللي تعرض حماها

عقلي وقلبي منك في حرب واجهاد. .. .واشوف دق القلب ميل خطاها



(( يغار سمعي )) ...


يغار سمعـي و يشـره كـل وجدانـي

لا غاب صوتك نهار(ن) ما بلغ سمعي

ياللي لقيت بنواعـس عينـك أوطانـي

هي ديرتي هي ملاذ القلب هي ربعي

أملي النّظر من جمالـك يـوم تلقانـي

و احبس خيالك بعيني حبسي لدمعـي

لا شفتك اعيش فـي عيونـك ازمانـي

وآخذ من نجومها وأشعل بها شمعـي

من نورهـا سالـت الفرحـه بوديانـي

ومن سحرها قام يورق بالذهب زرعي

يا واحد الحسن مالـك بالعـرب ثانـي

عطني شرابك وخذ قرطوع من نبعي

غريب الاطـوار و الغربـات ميدانـي

هي غربة العمر وافق طبعكم طبعـي

اصبحت تغريبتي و اصبحت عنوانـي

يا واحدي بالهوا و اثنينـي و جمعـي



(( ياصاحبي )) ....

ياصاحبي هانـت عليـك المحبـه

لاوحسايف عقب هاك المواثيـق

جمر الغضا في وسط قلبي تشبـه

نارٍ حطبهـا يابسـات المعاليـق

كـاسٍ مليتـه بالـوفـا لاتكـبـه

خلّه يبلل بالوصل يابس الريـق

صبّـه بقلبـي ثـم ملّـه وصبّـه

وان كان ودك غرق القلب تغريق

دام الهوى راسي وراسـك يهبـه

خذ سجّةٍ ترى زمانـك توافيـق

ترى حلاة العمر مـع مـن تحبـه

شخص تريد من جميع المخاليق ....




(( غريب ومسافر )) ..


غريب و مسافر لحالـي

ودروب الايـام تعـابـه

ادور المنـزل العـالـي

ازايم الحمل وارقـى بـه

ما حب انا المركز التالي

الاول امـوت واحيـابـه

وش لو عاد الثمن غالي

روحي على العز وثابـه

ما همني جمع الاموالـي

زهاد بالمـال واصحابـه

من فيصل اعيش با مثالي

ادرس وادرس من كتابه ...


(( ارفعي سهم المنايا )) ...


..إرفعي سهم المنايـا يالعيـون

مابقى فينـي مكـانٍ للطعـون

.. كل شبرٍفـي حياتـي إنجـرح

و الذي شقّوا خفوقي يشتكـون

.. يا العيون الطاغيه خفّي علـي

كبرت اللّي باوّل ايامـي تهـون

.. في عيونـي دمعتيـن واقفـه

ردّت الايـام دمعـي بالجفـون

.. بالغَت فيني تباريـح الهـوَى

و أستبدّت بي مواجيع الظنـون

.. خبّريني يا غـرام العاشقيـن

كيف يستهوي هل العشق المُنُون

.. إرحمي قلبٍ تجاريبـه قسـت

في زمانٍ ماعرف يـومٍ حنـون

.. اللسان يخون و البسمه كُذُوب

و اصدق التعبير نظرات العيون ...



((سمرت))

سمرت بصحبة حروف القوافي احملها تناهيت خوافي
اشكل بالحروف الوان صوره احركها من المعنى بصافي
اشيل الحرف من معنى لمعنى واجاري ما زهر واظهر بخافي
والى منى عطيت الحرف ونه بها حرفي على النجمات طافي
يقوم كل نجم من منامه أنا ما نيب اسامر نجم غافي
يجيني كل نجم منه معنى ولا قد قلت للنجمات كافي
تصور لي دموع وابتسامه من عيون تقصوت ما تشاف
ألا يا نجم يا عالي تبصر شف بعين المحبه عين وافي
وخبرني عن علومه وحاله عسى قلبه مع الأشواق دافي
ولو ممشاي في جمر يفيده مشيت بجمرها كنه عوافي
ولكن وش يفيده لو ذبحني ومن يوصف جماله عقب قافي


((حنا العرب))

حنا العرب يــا مدعين العروبة و حنا هل التوحيد وانتم له اجناب
و حنا شروق المجد وانتم غروبه وحنا هل التاريخ و أنتم به أغراب
يوم الفقر شلتوا علينا عيوبه واليوم عقب النفط جيتوا لنا أنساب
ويوم الفقر فينا البداوة سبوبة واليوم صرتوا مثلنا بدو واعراب
لو الهوى منكم منعتم هبوبه لا شك رزاق الملا رب الأرباب
و لو المطرمنكم منعتم صبوبه لا شك رزق الخلق من عند وهاب
جيش الحسد سقتوا علينا حروبه كل يبي يزرع على جسمنا ناب
حرب على المحسن تراها عقوبة بالله عساكم ما تفيدون حراب
ياما عطينا ما ندور مثوبه الا من اللى من ترجاه ما خاب
و ياما نصرنا صاحب ضيقوا به عاداتنا نقدم الى ما لردى هاب
و ياما نصانا من تعثر دروبه يدخل حمانا من تعذرها الأصحاب
حنا بنينا دارنا من طيوبه و انتم سلبتوا داركم كل ما طاب
الله سقانا من بحرنا عذوبه و انهاركم مثل البحر هدر تنساب
حنا زرعنا الحب بارض خصوبه و أنتم زرعتوا كره الأجيال بتراب
وحنا دعينا السلم نوبه ونوبه وانتم حمام السلم بعتوه بغراب
يا من دعا للحرب ما ادراك خطوبه لا تحسب أن الحرب تهديد وخطاب
من شب نار الحرب يصلى شبوبه ومن ثور الفتنة تعرض للأسباب
ما يستر الرجال ملبوس ثوبه الدين وافعال الكرامة له ثياب


((في غربتي))


في غربتي ، عارضت أنا ركب الأغراب أشد.. وأنزل .. والليالي ركايب
أضداد .. وأقران وعدوان .. وأصحاب متناقضات الخلق .. ماغاب غايب
أسهر معـا تهويـم نجمـات الأحبـاب حتى يصيـر النجـم بالصبـح غايب
أصبح على فجرٍ ضحوكٍ ..وعجاب وأمسي على همسات، ستر العجايب
وقامت تجاذبني على درب..الأسباب نفس الشباب..يحدها عقل اشايب
مشيت في رمضا..وسنّدت بهضاب وعارضني سيول ،وهبّت هبايب
وأمسيت في صحرا..و قيّلت فـي غاب ومن طاول الغربـات،شـاف العجايب
مرتنـي الدمعـه، بهـا الوجد مـاذاب في غربة الأشواق ، راحت هبايب
مرتني البسمـه، تقل فوقهـا حجاب وراك خجلي يـارسول الحبايب
والحب.. مريتـه غريـبٍ علـى بـاب عقب القصور ..أمست قصوره خرايب!!
بغيت أسلي خاطـره .. عقب ماشـاب لقـيـت مـالـه بالتسلي طلايب
أقفى مـع المقفيـن .. وجـلٍ ومرتـاب على عقـوق الوقـت ،بالحيل عايب
في غربتي.. مريـت رجلي وركـاب أرزاق .. من رب الخلايق ، وهتايـب


((بنت الكحيله))

بنت الكحيله مهــرتي

وخيالتي من كل اصيل

ألقى عليها طربتي

بين المعنـق والشليل

صدر وقطاة فلوتي

العنـق والسـاق الطويـل

وقع الحوافر نغمتي

وحـداتنا رجع الصهيل

أبوي وجدي قدوتي

لو ما لهـم عندي مثيل

بالدين تفخر عزوتي

والرمح والسيف الصقيل

ماكر حرار ديرتي

ما في هل العوجا ذليل


((يالله دخيلك))

ستّل جناحه ثمّ حام يرقـى علـى متـن الهـوى يزفّه بعيـد ٍ و أنـا محـدود فـي حـدّ النظـر
له بالهوى شف و مرام يلعب مـع الغيمـة سـوا و لا جناح ٍ لي و أطير و الأرض صارت لي مقر
فكري تغشّاه العسام أمسيت و فكري مـا ضـوى الأرض كفر ٍ من الونس و الليل من فرحي قفـر
طيري ضرب جوّ الهيام ولو دعيتـه مـا ألتـوى عزّي لمن طيره غدا ولا لـه مـن أمـره مفـر
شبّيت ضوّي في الظلام في صحصحٍ ذيبه عـوى مالي أنيس إلا النجـوم أو نـور وضّـاح القمـر
خالي وكنّي في زحـام قلبـي تلهـب و أنشـوى ما عاد أميّـز بالحشـا ولا علـى ضـوّ الجمـر
وين أنت يا داعي سلام وين أنـت يـا بايـع دوا ردّوا لي النومـه تـرى فالعيـن جـلاّد السهـر
دوّرت في الشدّه حـزام ولا لقيـت اللـي قـوى يالله دخيلك مـا لقيـت اللـي نشـد بـه الظهـر


((مدور الهين))

يامدور الهيّن تـرى الكايد أحلـى و أسأل مغنّـي كيادات الطروقـي
الزين غالـي لكـن الأزيـن أغلـى و الكلّ شـرّاي ٍ بضاعـة وسوقـي
النوّ عالي و السمـا فوقـه أعلـى و لا فاق علم ٍ جـاه علـم ٍ يفوقـي
الصعب هلاّ قلت يا صعـب سهـلا دامك تبيني فأنت يا صعـب شوقـي
أحب اعسف المهـرة اللـي تغلّـى و أحب أروّض كل طـرف ٍ يموقـي
و أحب أسافر مـع سحـاب ٍ تعلّـى و أحب فوق الغيـم لمـع البروقـي
و أحب أساهر بدري اللـي تجلّـى و ارسم شعاع الشمس عند الشروقي
يا من علـى ثايـر فـؤادي تولّـى خلّك على قلـب الكرامـه شفوقـي
أكـرم عزيـز ٍ بالعمـر مسـتـذلاّ يسوق عمـره للمشاريـف سوقـي
اخترتك مـن النـاس للقلـب خـلاّ يا حيثك مرادي و كيفـي و ذوقـي
ما رحـت أدوّر كـل زول ٍ تحلّّـى لولاك تسوى ما عطيتـك خفوقـي


((الله أكبر))

الله اكبر كيف يجرحن العيـون كيف ما يبرى صويب العين ابد
احسب ان الرمش لا سلهم حنون اثر رمش العين ما ياوي لاحـد
يوم روّح لي نظر بعينه بهـون فز له قلبـي وصفـق وارتعـد
لفني مثل السحايـب والمـزون في عيوني برق وبقلبـي رعـد
نقض جروحي وجدّد بي طعون قلت : يكفي قالت عيونـه بعـد
وانعطف هاك الشعر فوق المتون وانثنى عـوده وقفـى وابتعـد
اشغلتني نظـرة العيـن الفتـون حيرتنـي بالتـوعـد والـوعـد
هي تمون العين والا ما تمـون لى خذت قلبي وقفت يـا سعـد



((تدلل علينا))

تدلل علينا ياسمـي الظبـي وش عـاد تدلل ولك بامر الهوى شافـع عنـدي
ولك في خيال الشاعر المهتـوي ميعـاد ومجلس على غيمة وليلة قمر نجـدي
اسافر معك لبلاد وانزل معك في بـلاد ومن غيمـة لغيمـة ولا للسمـا حـد،
رسمتك ضحوك الفجر يافرحة الاعيـاد ولمعة شعاع ينغمس فـي نـدى ورد
وغنيت بك صوت لقلب الهـوى ميـلاد ونغمة غرام ذاب في لحنهـا وجـدي
اشوفك مطر هتان لا بـرق لا رعـاد من الوسم يبعث بالصحاري زهر ودي
احبك وصل وبعاد احبك رضا وعنـاد ولايختلف وعدي ولاينتقض عهـدي



((خذاك الزمن مني))

خـذاك الـزمن منــي

وترك لي أشواقي

ليته خذا ذكراك من كل أوراقي

السهر ولا حياتي ليتها دمعة قهر

تذكر أيام القمر كيف السهر أصبح سهر

كيف الأماني اصبحت شكوى عمر

ليه انطفى فيك الزمان

ليه اختفى فيك الأمان

خذاك الزمن مني

يا روعة الماضي ولوعة حاضري

يا بهجة الخافق ومتعة ناظري

تذكر الحب الأمل قبل يصبح

ذكــريــات

تذكر الفرحة ولهفاتي عليك

أسبق الموعد عليك

لحظة الشوق الكبير

والخفوق اللي من اللهفة يطير

ورقصات الدقايق عند الوعد

وهمسات الحقايق قبل الوعد

ليه انطفى فيك الزمان

ليه اختفى فيك الأمان

الله على وقت مضى

فيه الرضى

فيه العيون اللي تعانق أحباب العيون

فيه الخليل اللي على خله يمون

حتى الظنون ما تختفي

فيه الهوى نشوان

فيه ابتسامات الزمان

أحكي الهوى واشكي النوى

وأساهر القلب الأليم

بعد الهنى

بعد ما كنا سوى

لايمي الحب العظيم

ليه انطفى فيك الزمان

ليه اختفى فيك الأمان


((بنات الريح))

من بنات الريح لي صفرا جفول كنها ظبي الفلا بجفالها
منوة الخيال عساف الخيول زينها في دقها وجلالها
زينها ما شفت وصفه بالمثول الله اللي بالجمال اصخى لها
تستذير كحيلتى من كل زول ما يصخرها سوى خيالها
اذكر الله كل ما قامت تجول و احمد الله خصنى بحبالها
كنها تمشي على قرع الطبول فتنى اللي خافقه يبرى لها
ظافي القصه على الطرف الخجول تنكسر شمس العصر بظلالها
وصفها وصف السحاب اللي يحول كل عين تستخيل خيالها
او كما طاري على الخاطر عجول صاحبه حقيقته ما طالها
كل رجل في حياته له ميول والهوايه تمتلك رجالها



((كل مانسنس))

كلما نسنس من الغربي هبوب حمل النسمة سلام
وان لمحت سهيل في عرض الجنوب عانق رموز الغرام
لك حبيب ما نسا كلمته دايم عسى
اطلب الله وارتجيه صبح يومي والمسا
كل زين اشاهده وانتم بعيد منوتي ليتك معي
وان سهرت الليل اهوجس بك واعيد هل لاجلك مدمعي
وانت هاجس خاطري وانت فرحة ناظري
يا قريب ويا بعيد فيك امس وحاضري
نشوتك تلعب مع قطر المطر وانتشى قطره معك
والسحاب يطاردك بين الشجر خالق الزين ابدعك
الندى في وجنتك صار عطر بلمستك
والهوى غنى طرب تستثيره بسمتك
كلما ضمت عيوني منك طيف يا بعد كل الطيوف
قلت ما مثلك على الدنيا وصيف لا حشا مالك وصوف
لا سحاب ولا مطر لا نسيم ولا زهر
لا طيور ولا زهر ولا مع باقي البشر



((في غير الزمان))

في غير الزمــــان

في نفس المكان

مرتني الذكرى و انا واقف

في نفس المكان

في غير الزمان

ياما ياما ضحكت أيام لكني بكيت

ياما ياما حلمت أحلام لكني صحيت

منها ابتديت و فيها انتهيت

الا من الذكرى

قالت لي الذكرى كلام عني ... والله بغيت انساه

و صاحت ربابة شوق و اثر النغم مني

يشكي و أنا شكواه

و غنى صوت في لحظة فرح

و هلت عين و قلبي انجرح

في عينها نظرة عتب

و بصوتها جرح و تعب

و شفت ابتسامة عليها هلت الدمعة

و نظرة ملامة من الماضي على ربعه

و انا مع الذكرى

في نفس المكان في غير الزمان

تعطيني الذكرى و لا تاخذ أبد

تحكيلي الذكرى و لا تسمع لاحد

و انا عندي كلام ممنوع حتى عن الخاطر

لا ياخذه أمسي و لا يقبله باكر

مقدر أوضح غايب الصورة

و لا أزود للمسا نوره

الله الله يا ذكرى

الله يا ذكرى ياما فهمتيني خطأ

ياما قدم رجلك على جمرك خطا

و اليوم هيضني هواي

أمشي و لا ادري وش بلاي

هو من شقاي اللي مضى و الا هناي

و انا مع الذكرى

في نفس المكان

في غير الزمان




((الونه))

اونّ وريـاح الليـالـي تـونّـي و البرد في جوفٍ كما الغار خاوي
ما كنّ لي عقـلٍ ولا قلـب كنّـي جذعٍ وقف في وجه الأيـام ذاوي
وبي عبـرةٍ محبوسـةٍ تمتحنّي في عيني وْحلقي و صدي شكاوي
وبي من قديم الوقت جرحٍ مكنّـي وبي من جديد أيام وقتي مكاوي
ان قلت زانت خالف الوقت ظنّـي و أن قلت هانت عاجلتني بـلاوي
اجـامـل ايــام ولا جاملـنّـي هامت بي الدنيا هيـام الخـلاوي
و الوقت جاير و الليالي أسهرنّـي و الحزن ما بين الضلوع مْتلاوي
أون وكـلٍ يحسـب أنّـي أغنّـي عليل و كلٍ يحسب أنّـي مـداوي



((لونسيت))

لو نسيت العمر ما انسى دمعتك صرخة ذابت من عيونك دموع
ترتعش مرتاعة في وجنتك وانتفض قلبي لها بين الضلوع
أزعجت صمت الليالي عبرتك بالخفا ثوره وبالظاهر خشوع
تسكب الدمعه وتظمى نظرتك مشهد النظرة وهي تظمى يروع
يا ضياع العمر ضيعة بسمتك ضاع معها خافق مثلك جزوع
ليت من يمتص جارح لحظتك والفرح يشعل دياجيرك شموع



((حدر القمر))


حدر القمر صوّت لخله وناداه ثلاث مرات وبالرابعة ون
حدر القمر يا ما همس له وناجاه وعيونهم ياما بنوره تلاقن
والبارحه عدا على الذيب بعواه واقفت ظنونه بالليال يتعادن
مرٍ حوالينه ومرٍ تعداه ومر تضاحك له ومر يتباكن
هذي سواة اللي عن النوم قزاه طيف الحبيب اللي على خاطره عن
ان شافت عيونه جمال تمناه وان صوت القمري لصوت الهوى حن
الجارحه تجرح وتسري وتنساه وجروح مجروح الليالي تساقن
والخافيه طعنة زمانه تمثناه والبينه عنها عيونه يبوحن



((دستور))

دستور يالساحل الغربـي فلّيت في بحرك شراعـي
ياموج هوّن علـى قلبـي داعيه من شطّكـم داعـي
اللي لهـا مبسـمٍ عذبـي رعبوب و عيونها وساعي
مملوحـه زادهـا ربّـي لفتة ظبي يـوم يرتاعـي
لو ما تهيّت على دربـي لقتنـي بدربهـا ساعـي
حنّيتها من حمـل ذنبـي لى مت وعيونها تراعي



((ساعة العيد))


يا ساعة الفرحه تشوقت للعيد عيد العيون وعيد قلب الصبابه
رد الجمال لشوفتي يا اتلع الجيد واسحب على حرفي لحون الربابه
حرفي بصوتك يا اجمل الصوت تغريد يا رمز حبي هاك رمز الكتابه
يا صبح عمر فيك للعمر تجديد وحبك يجدد كل يوم شبابه
للعين والقمرا وحسنك مواعيد وليل الهوى شرع للأحباب بابه
ياما زعجت الصوت باسمك تراديد وياما نسيم الوجد يمك سرابه
وياما تمنيتك على باقي الغيد واقول مثلك يا غلا الروح ما به
ابيك تهوى مثل ما اهواك وتزيد يا من خفوق القلب حسنك غدا به
يا قطرة الغيمه على يابس البيد رد الحياة لخافقي يا ذهابه



((في سحابه))

في سحابه ..

على متن التمني

شفت عمري

خيال في سحابه

يا ذهابه ..

تعدى ما ارجهن

كن عامه

نهار يا ذهابه ..

من غدا به

ربيع العمر مني

حسبي الله

على وقت غدا به ..

إلتوى به

رجا قلب يون

ويل قلب تعلق والتوى به

في شبابه ..

حبس نشواه عني

ما تهيا لذيذه في شبابه

ذا صوابه

عقب ما هو طعني ..

لو نسيته يذكرني صوابه

من هقابه ..

يخيب كل ظني

واعذاب الخفوق اللي هقابه

رد بابه ..

زماني وامتحني

يوم ثور عجاجه

رد بابه

يا ربابه ..

على المسحوب غني

من قصيدي

بكى قوس الربابه



((سريت))

سريت ليل الهوى لين انبلج نوره امشي على الجدي وتسامرني القمرا
طعس وغدير وقمر ونجوم منثوره انفاس نجد بها جرح الدهر يبرا
يا نجد الاحباب لك حدر القمر صوره طفلة هلال وبنت اربع عشر بدرا
حبيبتي نجد عيني فيك معذوره معشوقة القلب فيها للنظر سحرا
فضة شعاع القمر في نجد مسحوره منشاف لمع قمر في خدة سمرا



((الي توده))

إلى منه جفاك اللي تودّه ولا تدري وش الّلي عنك صدّه
تجرّع مالح التعبرات واصبر ترى كثر الشكاوى ما تردّه
وإلى من الّليالي عوّدت بـه تغانم كل فايت واستردّه
حذار تنشغل بعتاب خلّك ترى كثر العتب يمحي المودّه
ليالي العمر لحظاتِ قصيرة ومـا ودّعت منها لا تعدّه
تنهَض مثل صقرِ مد شوفه غداة الصبح روحه مستهدّه
وإذا حوّل على جول الحباري تولَّى خربها وإن طار ردّه
ترى الرجَال يثبت للشّدايد إذا ما هدّها وإلاّ تهدّه



((ياصقر))

ياصقر و اهنيك لك جنـاح تطيـر لى طرى لك نزعت وطرت يم الهوا
بين قلبي وبينك فـرق والله كبيـر لى كفخت انطلقت ولى كفخت التوى
انت حايم وانا بالقاع دوبـي اسيـر في صحاري زماني ذيب ليلي عوى
فوق جوك سحاب وحدر جوي هجير القدم فوق رمضا والخفـوق التـوى
الحذر يا صقر لا يشبكونـك اسيـر ويل صقرٍ يتله مربطه لـى نـوى
برقعته اللّيالي فوق وكـرٍ قصيـر عقب صفقه جناحه بالهوا لى اهتوى
كل حرٍ الى ضاق انتهض للمطيـر حومتـه بالسمـا ساعـة لقلبـه دوا
واعذاب الجناح اللّي يجـره كسيـر كّلما فزّ مكسور النواهـض هـوى


((أستكثرك))


أستكثرك وقتي على وغدا بك عادة زماني كل ما طاب هون
ليت الذي وداك يزين جابك تشوف عقبك كيف الأيام سون
شرق مشيت وغرب وقتي مشابك والقلب ماله لئيم فيك لون
عقب إلهنا بك ذاق لوعه عذابك تلـونت دنيـاه ولا تلـون
طويتني طي الورق في كتابك حتى مغاليق الحش لق تطوون
اشتقت لأيام الهوى في جانبك يوم الشموع بليل الأحباب ضوت
واشتقت أقول لهاتفك مرحبا بك واشتقت لغيوم الصحارى تكون
عوا ترى داع الهوى عند بابك وأروى القلوب الى بعد ماترون
غنيت لك عمري ولاجا جوابك واسمي مع مجنون ليلى تذون


((أجاذبك الهوى))

اجاذبك الهوى و أطرب و أغنّّي و أبادلك الغـرام بكـلّ فنّـي
و اشاهد صنعة الله في جمالـك و حكم الـذي فيـك امتحنّـي
و أشوف الودّ فعيونك و لاكـن يرد الودّ خـوفٍ فيـك منّـي
ولا أدري وش يخيفك يا حبيبي و أنا بك مغرمٍ جـاك متعنّـي
ولو أنك تلاحظ شفـت عينـي و هي تروي حديث الحبّ عنّي
تنعّـم دام تـوّك فـي شبابـك ليالي العمر مـا قـطّ أمهلنّـي
تعال أسقيك من جدول غرامـي شـرابٍ فيـه للعاشـق تهنّـي
و اهيم بكل سمـاوات المحبّـه الين أنـك بعـد مثلـي تغنّـي




وهذا العطاء ليس غريبا من سيد الكلمه ومروضها دايم السيف..


أختكم : نوره المزيونه

محترف

أقتباس

شكر خاص وتحيه لك أخت نوره

أنا أعتبر خالد الفيصل تحفه فنيه وهالكلام مو مجامله

لأن شعره يدخل القلب بسهوله.....وقصائده تآخذك للذكريات ....وألقائه القصائد بصوته....ألقاء مميز بالبساطه وعدم التصنع أوالتكلف

بصراحه ماأبغى أتكلم كثير ...عن دائم السيف لأنه....مو محتاج أحد يتكلم عنه....

تحياتي نوره وجهد رائع منكBBP

يعطيك ألف عافيه ع المررور وسمو الأميرغني عن التعريف

ألف شكر لك BBP

عطر الرحيل

أقتباس

بل هـ ذا الإبـ داع ليـ س بغريـ ب ٍ علـ ى جميلـ ـة الروح ..

’ .. [ نـ وره ] .. ’

.. ..


.. مثبت يا غاليه ..

يسلمووووو يدينك نوره

ولا انتي أختي أشواق

والله لايهيينك ع المرور المميز

تسلمين ع المرور نورتينا

مشكوره اختي على التغطيه المميزه


وخالد الفيصل شاعر وله وزنه

يعطيكي الف عافيه يا نوره المزيونه على قصائد الروعه من إحساس شاعر كبير

شاطر وعاشق الكاسر ..

العفووو أخوي

ولاهنت ع المرور المميز