الســـلام عليـــكم ورحمـــة الله وبركـــاته


مســـــــــــــــاء الخير......لأهل المجـــــــــلسBBP


من زمــــــــان عن المواضيع بالمجلس(رغم انه اول موضـــوع )


ببدا بالموضوع على طول......مالكم بالطويله


الجريمه تمت يوم الخميس 6-1-1428///الموافق25-1-2007


واليكم تفاصـــــــــيل الجريمه


بداية التخطيط للجريمهp21


قررت كليتنا العزيزه (ويش عزيزه الا وعه) انها تضع اختبار لنا يوم الخميس

وطبعا من الديمقراطيه اللي بكلياتنا ماكلفو اعمارهم... حتى يستشيرون...يسوون استفتاء..

اي شي بس يحطون لنا اعتبار


نزلت بهدوء تام الجداول وهم حاطين اختباريوم الخميس من الثقه الزايده

وحتى مافكروا يحطون تنويه انه فيه امتحان يوم الخميس..


المفروض لونوا جريمتهم الدمويه(الخميس)باللون الاحمر


قوبل الجدول بالاستنكار والرفض بس قدام الجدول ولا احد فكر يدخل عليهم ويوريهم شغلهم

ومن يوم جيت البييت وانا كل دقيقه اصرخ انتم حاسين كيف يعني باختبر الخميس

( من باب التنفــيس)

وكل مااتصل احد يسأل صح(اسمي)بتختبر الخميس؟؟بشفقه(وانا مااكره بالدنيا اكثر من نظرة الشفقه)


التمهيد لتنفيذ الجريمه

قام المجرمون بتوزيع اوراق قبل تنفيذ العمليه ب3ايام للتوقيع اننا على علم بتنفيذ الجريمه يوم الخميس


عمركم شفتم مجرم نذل بالدرجه هذي....يعلم الضحايا بوقت العمليه ويحدد لهم الوقت كمان

بلاه واثق ان مافيه ولا واحدمن الضحايا عنده بس نيه مايجي لموقع الجريمه؟؟؟




(.. ليلة تنفيذ الجريمه..)



يوم الاربعاء بعد الامتحان منقسمين البنات قسمين قسم ضحايا الجريمه وهن قليل امام القسم اللي يتشفى


ولا من زود خفة الدم واحدة تسال بصوت عااااااااااااالي؟؟؟بالله عليكم بتجون بكره تمتحنون؟؟؟


لابس بنجي نفطرونلعب ونرجع لبيوتناp21


من وصلت للبيت مااسمع غير؟؟


فلانه... لاتحسبين بكره اجازة ترى عندك امتحاااااااااان..

فلانه ...لاتخذينها نومه بكره وراك امتحان

فلانه... وراك ماخذه راحتك اليوم تراك بتمتحنين بكره

فلانه..ترى الاجازة بس يوم الجمعه مافيه غيرها..


وانا ماغير اصبر نفسي واقول .....اللهم طولك ياروووووووووح


البطاريه كملت يوم الاربعاء وطفت......اجي من هنا من هنا......حالفه ماتشتغل

المخ مقفل والنفس الله لايوريكم.......ماالومهم14سنه وهم متعودين ان الاجازة خميس وجمعه كيف اقنعهم ان ايام الهنا خلصت


جلست بالبيت والجو بااااااااااارد والناس كلهم تحت بطانياتهم


ولا احد فكر يشاركني لووجدانيا طبعا هم طول الاسبوع كذا...........بس ياناس اليوم غير بنمتحن الخميس


وجلست اقنع مخي ونفسي ومزاجي انه لازم اختبر...اعترضوا واستنكروا ...بس قلتلهم مكرها اخاكم لابطل


عاد هم طيبين والله وقفوا معاي وقفه مانساها لهم ابد (اللي اتكلم عنهم مخي ونفسي ومزاجي)


مكمن المعاناة<<<ترا الكلمه متعوب عليها واااااااجد

اني مااعرف اذاكر الا وانا اتمشى والجو باارد...وكل ماجلست وحطيت البطانيه على ظهري نمت

.واقوم مفزوعه..لاني مافيه احد يصحيني الناس نايمه واخاف تروح علي نومه ومااكون من الضحايا ...شفتوا الحرص؟؟

ومع هذه الاوضاع المأساويه....زادها ان دكتور الماده صعب ومايرتاح الا اذا رسب نصف القاعه اذا كان طيب

والماده ماهي سهله تحتاج لمخ...وتركيز واللي ماادري وين اجيبه


زي ماقلت ماقصروا معي مخي ونفسي ومزاجي...اجتهدوا معي وخلصت الماده بس التركيز لكم عليه




الطريق الى الجريمه

الساعه 7,30 تقريبا......صحيت ابوي وسويت فطور....رغم انه ماهو من مسؤلياتي...لان هذا الوقت مفروض اراجع


بس لسان حال البيت يقول من قالك تمتحنين الخميس


رحت هاليوم متاخره شوي..واوراقي بيدي اراجع يوم طلعت والا جارنا بوجهي ويطالع اوراقي بنظرات

ولسان حاله يقول(كثرتها اليوم) ويش هالمهبوله احد يمتحن الخميس ...وانا واصله مرحله من الضغط يحمد ربه ماحطيته براسي

والاكان علمته شلون يناظر


بالسياره وانا احاول جاهده اثبت المعلومات اللي ذاكرتها واراجع....ابوي الله يطول عمره

الا يستمع لاذاعة الرياض....(الاذاعه المفضله عند الوالد )

مايحتاج اقولكم الصوت كيف عالي ......ولا.. كني ناقصه هاليوم..المذيع

.تعرفون كيف يكون مذيعينا لمابيخففون الدم يزيد ثقله

جايب هالمذيع معه شاعر ويقوله علمنا ويش بمحفظتك

وعاد يطلعون من هالاوراق يقرون ويضحكون


وانا ماغير اكرر

الله يهدي ابوي......هذا وقته....ونفسي اقوله يخفض الصوت على الاقل بس استحيت

عاد اب وش نسوي نستحمل


رفعت عيني كأن الناس ميته الزحمه اللي مسوينها لهم اسبوع اختفت. .

الاشاره تحلف علينا غير نجيها ...من كثر الشارع ....فاضي

وهي نفس الاشاره اللي لنا اسبوع تولع خضرا وصفرا وحمرا 10 مرات وحنا مابعد شفناها؟؟من الزحمه(ماادري احس شرحي لك عليه بس عاد لاتدققون انا ضحيه)

وارجع للكتاب واحاول اقرا كلمتين قبل مانوصل وفي وسط محاولاتي الجاهدة للتغلب على صوت الراديو والتركيز


ماادري ويش خلاني ارفع عيني وإلا ياسر بوجهي وكان يتشفى بعد ويأشر باصبعه علي ويضحك علي اني بمتحن الخميس

(طبعا باعلان جوال الهلال اللي بالشوارع...اللي تغير شعاره الخميس من ناديك يناديك الى ناديك يناديك ونجومه تضحك عليك .)

وهذا وانا من اول المشتركين بجوال الهلال.وبكذا قناه...ومااحرص على اني شحني مايخلص بس عشان جوال الهلال



وبالذات ياسر ماله حق وانا اللي ذبحت عمري ادعي قبل الامتحان بيوم(مباراة العراق)انه يسجل ضربة الجزاء وبعدها ادعي يسجل هدف ثاني عشان يستفرد بقمة الهدافين ذاك الوقت


عشان تمنيت هداف كاس الخليج هلالي مو غيره



المهم مدامه الهلال ونجومه. .....يمونون .......بس غيرهم لا ......مااحد له حق يتشمت ذاك اليوم..

الا الهلال فديته


ساعة الصفر اقتربت..اقترب وقت التنفيذ


دخلت مسرعه والا الكليه فاااااااااااااااااااضيه..فقلت بنفسي الناس باللجان انتي اللي متاخره


طالعت الساعه والا بعدها ماوصلت ثمان ... صعقت ان الدنيا صح فاضيه مافيه احد


طلعت المبنى.... الممرات فاضيه...شكيت قلت شكلي ظالمتهم مافيه امتحان الخميس برجع


والا اشوف بنت بآخر الممر.....وانا اتجه لقاعتي..والا هدوووووء...بس فيه كتب قليله واوراق جنب القاعه استنتجت انه صح فيه جريمه قلت يابنت ادخلي لاتتهربين الجريمه واقعه لامحاله



دخلت والا القاعه اللي كانت اسبوع مليانه مافيها الا كذا بنت ...وكان تفصل بنت( سنه ثانيه) بيني وبين زميلتي بنفس السنه
واليوم مافيه احد كلهم بنات قاعتنا (وربي مظلومات)


وجيه البنات ماكانت تطمن.....بس اللي زاد الطين بله اليوم المشرفات متغيرات يعني حتى المشرفات باجازة


غير الدكتورات يراقبن علينا..وجايبين ثنتين مصريات راااااااايقات(عاد مصريه ورايقه شوفوا الوضع)


وواحدة منهن الله يسامحها لانها تدرسنا بنفس المادة بس بالعملي.....مسويه عارفه المنهج..


وكل شوي تقط كلمه يعني بتنبهنا..وهي حاستنا ...الله يسامحها بس ماابغى ادعي عليها لان امتحانها العملي كان روووعه وسهلBBP ....ليت تدرسنا حتى بالنظري كان ارتحنا...وفكتنا من هالدكتور؟؟



والدكتورة الثانيه بعد مصريه ..المشكله انها علم نفس....يعني مفروض تحرص على الحاله النفسيه للطالبه ماهو العكس


اول شيء محاضرة تقول ان العلك يقفل المخ.....ماهو زي ماتقولون يساعد على التركيز

وتداخل الدكتورة الثانيه...ترا يابنات الدكتورة فلانه خبرة ودكتوراه بعلم النفس وتتكلم كلام علمي (كنت بكره علم النفس من هالدكتورة رغم اني اموت بعلم النفس ونفسي تخصصت فيه بس ماعندنا هالتخصص )


وبعد ماانتهت من محاضرة العلك ماادري اللبان.....بدت قصه ثانيه بنت قدامي مصره الا تغير دفتر الاجابات وهو كل يوم عادي يغيرون بس اليوم مصره الدكتوره لا......لانها جريمه والضحيه تستعطف وهي مصره لا

واشغلونا معهم


بعد مافقدت الامل البنت سكتت.....وتبدا دكتورتنا بالسوالف اللي الواحد يادوب ماسك نفسه وده يقوم يوريها شغلها بس ضامن لاقام حرمان من الماده على طول...استحملنا


والضحيه اللي جنبي كل ماسولفت الدكتورة والا احد ازعجها قامت تتأفف...ماالومها...بس تراعي اني كمان منزعجه موناقصه ناس تضغط علي زياده



وسط هذي الاجواء..الاسئلة اختاري سؤالين من ثلاث اسئله وكلها الثلاثه طووووووويله


بديت بسؤال وتركته وبديت بالثاني وخلصت من الثاني رجعت للاول حسيت اني ماني حافظته زين يمكن اجاوب الثالث احسن بديت احل الثالث والا نص الوقت خلص والبنات ماشاءالله طالعين؟؟متى مداهم يشرحون والاسئله طوووووويله..قلت ماعلينا خلينا نحل


وانا احل تجلس دكتورتنا قدامي وتفتح دفاتر الاجابه وتقول (البنت دي مالها..مستخسره تكتب..والا ايه مش شارحه خالص..ولما تيقي الدرجات وحشه تقولو الدكتور ظلمنا)

ماكان لها داعي تجيب طاري الدرجات الوحشه اللي فينا مكفينا


وكل دقيقه تذكر بالوقت...بائي ربع ساعه...بائي 10 دقايق....وانا قلبي راااااح فيها والشرح مسترسل ماني قادرة انهيه واخاف اختصر واروح فيها

وخلصنا والحمدلله رجعت للسؤال الاول ويش اسوي وانا كاتبه شوي منه كنت ناويه اقطع الورقه واترك الثاني والثالث


والا دكتورة علم النفس تصرخ ذيك الصرخه اللي تشهدت بعدها ...بنت تسلم دفترها ومقطعه اوراق منه

وسوولها مشكله ودبسوا الاوراق وحاسوا الدفتر حمدت ربي اني لحقت عمري وماكنت مكان البنت؟؟انا رحت فيها وانا سمعت الصرخه على مدى كم متر كيف لوكانت جنب اذني.....كان تترحمون علي اللحين



وسلمت الورقه.....وسلمت معاها كل التعب والجهد ورفعة الضغط والمعاناه...الا شوي بقت معي للذكرى وانا اكتب هالجزء اللي بقى معي للذكرى......يعني كل المعاناه اللي كتبتها كانت جزء بسيط من اللي صاااار




بالنهايه.....للتوضيح



1-لااحد يجي يقولي عادي كثير يمتحنون الخميس وخاصة بالجامعه...صادقين بس مستحيل تكونون ممتحنين من السبت للخميس ووراهم امتحان السبت

يعني كل يومين او ثلاثه امتحان.....صح؟؟لاتقولون لا لان زميلاتي بالجامعه وقالولي


2-الامتحان كان ماده صعبه والدكتور اصعب ومن هواة الترسيب .


3-ويوم السبت الماده بعد صعبه وتحتاج لتركيز مضاعف 10مرات لان الامتحان طويل ودسم وموضوعي


4-بعدين ويش طاقة الانسان اللي يمتحن مواد دسمه وطويله 10مواد في 11يوم مايرتاح الا يوم واحد وليته يقدريرتاح ..لانه لازم يذاكراو يدرس فيه لان مادة السبت طووويله
نحمد ربنا اللي بالقوة كملنا ليوم الثلاثاء

5-بقول جملة اختصر فيها الموضوع (ان الامتحان من السبت لين الاربعاء احسه يوم والخميس اسبوع)

الله لايوريكم اللي شفته ولا يعيدها من ايام

إعتذاااااار

عندي مشكله بالحياة اني مااعرف اختصر عشان كذا الموضوع طويل جدا.

اعتذرCC ا للي ماخلص امتحانات لايضيع وقته بالموضوع



بالاخير اتمنى النجاح للي خلصوا امتحانات والتوفيق اللي ربي فاكهم وماعندهم



والتوفيق للي بعدهم يمتحنون ربي يعينكم



خاصة حبيباتيM&R بالتوفيق بالامتحانات<<<<قلبتها المجلس FM





بالاخير داريه ان الموضوع ماهو ذاك الزود.....بس اعذروني الموضوع الأول لي

عباراة عن معاناه يمكن عشتوها او بتعيشونها


مقدماCC


احب اشكر كل من مر على موضوعي سواء بالقراءة او الردBBP

واشكر الايقونات ساعدتني كثير...خاصة <<<<احبك





أختكم

فديت الهــــلال

الله يعطيك العافيه أختي!!!

معاناه والله !!!

شكلك من شلة الحاسب!!

الله يوفقك أختي !!

معاناة الاختبارات
عاد وشلون اذا صارت
يوم الخميس

الله ينجح الجميع

الله يعطيك العافيه
والله اني حاسه فيك
لاني مره كان عندي الخميس امتحان وماده صعبه والجامعه كانت فاضيه
والشوارع هادئه وناس نائمه ...وكانت نفسيتي عدم....
والله يوفقك الجميع في الامتحانات....

هلا وغلا وخيتي<< من جد ترحمين

اولا: موضوعك جدا متعوب عليه من خلال الاطار والوصف والرموز والابتسامات الخ...

ثانيا: للامانه يعني احس الاختبار بيوم الخميس شي عادي

يعني انا بجامعة البترول وانتو تعرفون مدى صعوبة جامعتنا الموقره اختبرت بيوم الخميس وعان ربكp10

لكن بالنسبه للي في مثل وضعك اعتقد انها شوي صعبه لكن اتمنى انك عديتي الوضع بأمان


بالسياره وانا احاول جاهده اثبت المعلومات اللي ذاكرتها واراجع....ابوي الله يطول عمره

الا يستمع لاذاعة الرياض....(الاذاعه المفضله عند الوالد )

عجبني ابوك واجد اعصابه بارده ماينلامp10


اخوي نحبك ياهلال يعني جامل شوي ولا تبالغ في ردودك


الله يوفق الجميع ...

يارب ابعدنا عن الجرايم وطاري الجرايم

الله يوفقــــــــك انتي وكل صديقاتك مريت بتجربتكم ومعاناتكم

الله يوفقك

.

الاختبارات بالخميس شيء طبيعي وتعودنا عليه

واشوف ان الوضع يقهر للشباب اكثر من البنات الاربعاء تحلى الطلعه والجمعه بين الشباب واللي وراه اختبار

مسكين خخخخخخخ وخاصة ااذا اتصلوا فيه هاه وينك عندي امتحان قرف

الله يوفقك ويوفق جميع الطلاب

.

^
^
اجل كود كل خميس عندك اختبار خاصه بهالأيام اللي الجو جو بررررر..

اختي فديت الهلال..
بصراحه انا بالجامعه ولابد كل ترم يكون عندي اختبار يوم الخميس،،
لكن انه يكون من السبت الى الخميس اختبارات هذي ولله الحمد ماصارت لي..

بالتوفيق خيتو..

نحبك ياهلال

الاحترام بالنسبه لي مبدأ .....لن اتنازل عنه مهما كانت المواقف..!!


اشكرك على مرورك وبانتظار مواضيعك(القيمه)

مجنون الكاسر ياسر

الف شكر على مرورك....والله يوفقنا للنجاح جميعا ان شاءالله

أرجان الرياض


حياك اختي والف شكر لمرورك...لوكنت من الحاسب تلقيني متعوده


بالتوفيق للجميع

ريحانه

الف شكر اختي وربي صادقه الله لايوريك امتحانات الخميس


ملك روحي

ربي يسعدك حاسه بي مايحتاج مجربه....الله يبعدها عنا ان شاءالله


وبالتوفيق

جوليانا

اجل جربتي....الله يعينك...بالتوفيق لنا جميع


بيلسان


يشرفني مرورك بيلسان لانك دائما مميزه......مشكورة انك فهمتي ان المشكله ان الامتحان من السبت للخميس


الف شكر بيلسان


محترف


الف شكر...واتشرف برايك بالموضوع


فرحان الشمري

يشرفني وجود يوزرك بموضوعي..الاختبارات الخميس عادي لوقبلها كم يوم اوبعدها ماهو اختبر الاربعاء والخميس والسبت والله صعبه

والله مافيه فرق بنات وشباب.....القهر متساوي..بعدين كلنا نطلع مو بس الشباب
اكرر شكري على مرورك


القناص555


الف شكر على كل كلمه كتبتها والله يعينك دامك بجامعة البترول والمعادن


وبالتوفيق


اعتذر عن الترتيب رديت بالترتيب وتلخبطت.......


اكرر شكري لكل من مر على الموضوع.....شرفتوني...والف شكر