New Look العيـــــــد
:
: : : : : : بعيدا عن المثاليات الزايده :$ أعتقد أكثر كلمه تتداول هاليومين من بعد صلاة التراويح هي " السوق " :d و98% من الشعب السعودي لازم يكون له خته << يعني نزله :d للسوق والسبب أغراض العيد سواء رجال او نساء فكرة الموضوع هي أننا نتكلم عن اغراض العيد ونزلاتنا للسوق P3 ووش ناوين نشتري للعيد أو وش شرينا :d خلوني افصل وأنتم تلبسون :d قصدي أحدد النقاط اللي يتكلمون عنها الشباب :d والنقاط اللي يتكلمون عنها البنات :d عشان مايصير إختلاط :d بالنسبة للشباب : - تفصيل الثياب ( وين فصلت ملابس العيد , اسم القماش اذا متوفر , نظرتك للأسعار , تفضل الثوب كبك والا ساده :d ) - الشماغ ( تحب الشماغ والا الغتره , ماركتك المفضله اللي شريتها للعيد , و تلبسه بمرزاب وإلا بدون :d ) - العطور ( عطرك اللي شريته للعيد , تحب المركز والا الخفيف , من هواة العود والبخور والا العطور الفرنسيه ) - الاحذيه ( تفضل الحذاء والا الجزمه ووش شريت للعيد , لونك المفضل , تحبها ماركه والا اي شي يناسب وبس :d ) - الملابس الداخليه والعقال بعد ياليت نعطيه نصيبه P3 :d - الاكسسوارات ( خاتم , ساعه , نظاره ,مسبحه , كبك ) وش شريت من انواع وهل تحرص على تجديدها في العيد . يعني هذي اكثر المحاور بالنسبه للشباب :d أما النساء فأعتقد هم اللي يبون يقلبون هالموضوع بيتزا :d ماراح ادخل في تفاصيل لكن بقول كل وحده تتكلم عن وش شرت ووش شافت بالسوق ووش ناويه عليه من ماركات ونظرتها طبعا للموضه النسائيه في العيد بوجه عام سواء ملابس او اكسسوارات او عطور او جزم أو حتى شنط ولاتنسين الشباصات :d ولايهون الميك أب والماكيير والبدي كير :d << شفتوا اني خبره :$ والله يستر لايايقلب الموضوع هواش كل وحده تقول فستاني احلى :d = = = = = = = = = = اعتقد هدف الموضوع واضح وهو الترويح عن النفس اولا وأخيرا والاستفاده من خبرات بعض في العيد :d خصوصا بعض الشباب والبنات مايهتمون بمظهرهم الا في العيد :d والادهى والامر ان بعضهم مايتروش الا بهالعيد خخخ تروشية العيد الكبير :d :d اتمنى نلتزم بآداب الحوار ونحاول قدر الامكان نستفيد من الموضوع CC = = = = = = = = = ملاحظه : اتمنى لو الكل يحاول يصوّر الاغراض اللي شراها ويجيبها لنا نعلق عليها :d |
رد: New Look العيـــــــد
مقتول
فكرة حلوة ................... وش نشتري بالنسبة لي ثوب وشماغ.....................وبس : : : : الوادع : |
رد: New Look العيـــــــد
*
* * هلا ابويزيد والله ياانت تسمع بالاغراض اللي كاتبهاp13 انا اتذكر اني من مفصل اول ايام رمضان بس ابي ابعد عن الزحمه ولين الحين ماطلعتها :d اما وش القماش والله مااحرص الا يكون ياباني ومن اقمشه الجديعيP9 واكيد لازم يكون كبك :TN بخصوص الجزمه يمدحون حقت العام كلها ساعتين وانت فاصخها اصلا:d والشماغ مالنا الا البسـام الله يخليه لنا P9 اما الاكسسورات والله يااني اسمع بها ولا اشوفها يعني انا منيب راعي هالخرابيط خخخخخخخخخخ :d وكل عام وانت بخير CC سلامو |
رد: New Look العيـــــــد
خلاص تم يابو يزيد خخخخخـ
|
رد: New Look العيـــــــد
مقتول : )
فكره روووعه : ) وهاذي اجوبتي << احلى احلى :d فصلت في محل اسمه فقيه :d .. اسم القماش وش يدريني انا بس اهم شي الجديعي P9 بس لو يخففون اسعارهم شوي :d .. الاسعار وش نسوي اهم شي ثياب :d .. لا ساده الكبك ماحبه :d بكل تأكيد شمآغ البسآم P9 وطبعا بالمرزام :d صراحه مو انا الي شريت العطر انا عندي واحد حلو اسمه شانيل ديت :d وله اكثر من ريحه انا ماخذ فانيلا P9 جربوه تراه حلو .. وطبعا احب الخفيف المركز يصك الراس !! .. صراحه انا بتاع كلو :d اي حذاء واي جزمه نعال وبس -- الله يكرمكم -- .. شريت نعآل من ميلآنو :d ولونها بني .. وصراحه عن الماركه ولا لا مايضر مرات اشتري من محل الدقل .. مرات من ميلانو .. مرات زبيريه -- الله يكرمكم -- .. واغير :d اكسسوارات .. طبعا شريت .. شريت ساعه .. ونظاره .. وسبحه شاريها من اول رمضان :d .. ويعطيك العافية على الفكره واقترح للبنات يخففون شوي اخاف يقلبون شات مع بعض واذا قدرت اصور صورت :d |
رد: New Look العيـــــــد
لاتصوّر لنا الملابس الداخليه برضوا :d |
رد: New Look العيـــــــد
فصلت ثوبين واحد لبيض وواحد رصاصي :d خصوصا ان البرد طب علينا بتبوك عاد الاسعار نار بس اللي يطاوعهم الله يعنيه الابيض بـ 130 والرصاصي 160 ريال بعد المناقرات مع ابو يمن :d لسى ماشريت << ينتظر موديلات دسار وان مانزلت دسار بشتري ريموند موديلهم الجديد خباااااااااال الغتره البسها بدون مرزاب اما الشماغ لازم احط مرزاب ينحر له جمل :d عطر ديريتي :d عموما انا مالي عطر معين والتسريحه مليانه هههههههه لكن ان لفت نظري شي اكيد بشتريه .. احب الخفيف النسائي :d نادرا مااشتري عطر رجالي خخخ والبخور احبه قبل مااروح المسجد بس .. بحكم ضخامة الرجل << بسم الله علي اكثر الاحيان حذيان من الدقل وخلصنا :d وان شريت بالجزمه فالمهم تجي علي بلا ماركات بلا هم خخخخ الملابس الداخليه دروش :d اما السروال الطويل لازم الاصيل أزرن لأن سراويل دروش كنها سراويل غوار :d اما العقال فعقالي مغبر معي ولافكرت اغيره خخخ لاني بعد أعاني اذا جيت اشتري عقال او افصل :(: كلها مغبّره عندي عدا الكبكات اغير بين فتره وفتره والساعات احيانا اغير بس ماهو عشان العيد :) عموما هالاشياء اكثر شي تجيني هدايا من الاهل او ام يزيد :d هذا اللي عندي وسلامتكم :) |
رد: New Look العيـــــــد
تصدق امس قاعده اجرب ملابسي حق العيد وقاعده اكلم نفسي لو صورت الملابس وعرضتها بالمنتدى وش يصير اكيد بينسقوني<<خخخخ الحين انا صايمه وانا ابغى احش بالملابس لي رجعه انشالله<<<صدق انك حرمه حتى الملابس تحشين فيها<<هههههههههه |
رد: New Look العيـــــــد
صراحة الاسعار ناااار ياحبيبي نار تضاعفت وربي بس لازم الواحد يفكر السنة الجاية ويفصل قبل دخول شهر رمضان اولا تفاديا للزحمة والزنقات ثانيا حتى يفصل بالسعر المعقول لان اليمنين اذا دخل رمضان دبلو الاسعار وثوب العيد حقي كلفني قرابة الـ( 210) ريال الكبك ( الموديل الجديد اللي يجيك سادة لكن بكبك ) واما اسم القماش والله ماني ذاكره لكن اخبر فيه حرف السين بس والله ماني فاكر شماغ طبعا لان الثوب ابيض وبالتاكيد البسام (بدون) لا صراحة انا احب العطور الفرنسية اما الشرقية ما لي فيها بالمرة وعطر العيد ( جورجيو ارماني بلاك كود ) >>> بــ 275 ريال من وجوه بمعرض الظهران الجزمة بالتاكيد الله يكرمكم صراحة على حسب المزاج اما بني او اسود لكن هالسنة شريت اسود اما ماركة مو شرط اهم شي انها تناسب وعلى المقاس المضبوط العقال هو هو لانه صراحة كل شي الا العقال ما انصح تغييره باستمرار ساعة - نظاره - كبك بالتاكيد لازم كل عيد نطلع بكل شي جديد × جديد والله يعطيك الف عافية اخوي امل مقتول وفكرة رائعه خلنا نستفيد من أهل الخبرات ودمتمــ بود |
رد: New Look العيـــــــد
.................. حلـووووهـ الفوووكرهـ P9 عادي نصور ملابسنـ‘ــا والا بتقولون تتميلح ذي ؟ :$ أبرجـع BBP |
رد: New Look العيـــــــد
انا اقووول عاااادي والله يعافيكم بنااات مع توضيح اسماء الماركات بعد .... ثانكس امل مقتول على الموضوع لي عوده |
رد: New Look العيـــــــد
يعطيك العافيه على الفكره
ان شاء الله اصور لك الثوب حقي والغتره .. |
رد: New Look العيـــــــد
يعطيك العافيه ابو يزيد>> تمون البنت :)
بالنسبه للموضوع ادعوا لي اخلص على خير >> مابعد سوت شي :d الليله ان شاء الله واذا ذا علمتكم :$ تحياتي CC صوري يابعدي وان كانك بتصورين ملابس أختك وبنات جيرانكم ترى عادي :$ ولو تنزلينها قبل مايخلصون من التراويح تصيرين أكوس وحده CC >> برااااااااااااااااااKB,, |
رد: New Look العيـــــــد
*
* وش رايك باللي مابعد سوا شي للحين :d كلها ثوبين وبفصلها في البطحاء علشان تجي ارخص بعد :d والله فيه خياط عند بيتنا اخيط عنده من خمس سنين تتعب تقول موب صاحي وكبك عريض كنه ساده اما الشاغ .. فأشتري شماغ وغتره والعيد نكشخ بغتره :$ اما الجزمات وانتم بكرامه انا شريت العيد اللي راح وحده ودافع فيها فلوس ولا لبستها الا مرتين فعلشان كذا قلت اشتري لي ملمع من ابو ريالين والمعها وتطلع اكوس جزمه :d العطور والله اذا راحو اهلي للسوق وصيتهم قلت جيبولي شي زين .. انا بصراحه ينقلب راسي اذا شميت اكثر من واحد:d الاكسسوارات قلم ويمكن سبحه موشرط , الخاتم ما حبه احس ودي اقطع اصبعي اذا لبسته :d وعيدكم مبارك |
رد: New Look العيـــــــد
خيـاط الفاخرهـ .. القمـاش ريـزو .. :$ .. سعرهـ معـروف وثـابت .. سادهـ .. :$ القمـاش ريـزو الاسعـار ثابتـه بـ 250 ريـال غيرهـ بـ 180 ريـال .. :$ الشمـاغ .. البسـام وجيفنشـي .. وما شريـت الشمـاغ للحيـن .. شكلـك مزكـب .. :d .. ببرزاب .. P3 انـا ثابـت علـى عطريـن تقريبـا .. 1 - JOOP ! ( NIGHTFLIGHT) ( ماركـه فرنسيـه غيـر متوفرهـ حاليـا في السعوديـه .. ! 2- BURBERRY BRIT ( غنيـه عـن التعريـف ) المركـز مفضـل بالنسبـه لي .. :$ للشمـاغ البخـور والعـود وللثيـاب والبـدل العطـور الفرنسيـه .. :$ الحـذاء ( النعـال ) اريـح بالنسبـه لي بـس اكيـد ارتـب الجزمـه ومـا شريـت للحيـن بس نـاوي ALDO .. :$ والالـوان الاسـود غالـب والـوان الـدو البنيـه .. :$ p6 الساعـه .. EBEL .. النظارهـ .. جورج ارمنـي .. المحفظـه ( البـوك ) .. بـالي .. المسبحـه .. بنـك الكرهمـان ( مصـر ) .. وبـس .. :d ابـو رولـز << فسـب .. P3 |
رد: New Look العيـــــــد
هههههههههههههههههههههه
الثوب اي شي بس افصل كبك وساده الشماغ البسام طبعا وبمزام العطور مافيه محدد بس احب جفنشي الاحذيه عندي زبيري الاكسسوارات خاتم , ساعه , نظاره ,مسبحه , كبك بس نظاره شمسيه وخاتم وكبك والباقي ماله داعي اخوي مقتوووووووووووووول مضوع رائع تحياتي |
رد: New Look العيـــــــد
عاد حنا البنات لو عطيتونا الموضوع كله نكتب الاشياء الي نشتريها فالعيد ماخلصنا:d
انا اشتري ملابسي من سوق لو تلفوا السعوديه كلها ماتلقون مثله اسمه الكندره:d الي فجده اكيد يعرفونه وش موديلات فيه شيئ خيال الي يبغى يشتري اخر موضه يروح هناك:d وتراني ابدمااعرف الماركات ولا اعرف اي مكان فيه ماركات:$ :d مارحت ابد عزيز مول يمكن 20 مره:d ولا اشتريت بلوزه منNEXTلونها وردي :$ اساسا مااعرف وشو ذا:d ولا الجمجوم الي خذيت منه تنوره رصاصيه من NEXTوش فيني معلقه عليه :d مبين اني مااعرف غير هالماركه:d بلوزه بني من ماركس &سبنسر تراها مرره حلوه انصح بشرئها:d صايره دكتوره:d وبلوزه بيج من VERO MODA بس يمكن ارجعها لانها مب عاجبتني :$ بس امي الله يهديها عاجبتها يعني حكم القوي:d والمحفظه والاكسسوارات من AESSORIZE والمكياج تتدورن الجمال رباني:d مايحتاج احط ميك اب كثير عشان كذا اخذ من ذي بدي شوب تتدورن لان مكياجه خفيف:$ :d والجزمه الله يكرمكم عندي اثنين وحده بني ماردي من وين جاتp6 :d والثانيه بيج من VISS والشنطه بعد ماشريتها:$ آآههه نسيت العبايه :d والله العبايه بتجيني يوم 27 :$ مشالله بنت الملك:d مشالله علي مابقيت ولاخلت شيئ إلا وقلته:d والله ودي اتكلم عن الكوفيرا بس انتوا قلتوا بس الملابس:d والعطور وانا مااذكر غير عطر خذيه فحياتي:d الي هو BOSSعاد من كثر الفلوس الي تجيني فمايحتاج اودر فلوسي على شيئ موجود الله يخلي عطور الوالده:d والساعات والله ماقد شريت لانظاره ولاساعه الله يخلي هدايا اخوي:d كل شيئ شحاته من الاهل:d وطبعا لسه ماخلصت ملابس :d الله يعين الوالد:$ BBP نشفتوا ريقي الله يسامحكم:d |
رد: New Look العيـــــــد
هلا والله الموضوع حلو وفكرته جديده
أما أنا الحمد الله اليوم خلصت أغراض العيد كلها ولله الحمد وهي كاتالي: فستان أبيض ميدي فيه نقاط حمراء ونهايته مخطط بأحمر وبماءنه كت لابسه جوه تيشرت أحمر جوبنيز وجزمه حمراء مفتوحه من فوق وباقي أكسسوارات ما عرف أشرحها... وبسسسسسسسسسسسسسسسسسس تقبلوا مروري علبة فراولة |
رد: New Look العيـــــــد
ترى مانبغى بس تصورون الملابس لانبغاكم وانتوا لابسينها تتدرون انتوا تحلوا بالملابس؟؟:d تبي تستدرجكم:d
|
رد: New Look العيـــــــد
"
موضوع رائع يا أبو يزيد في الخياط بعد وين ..:D , والله غالي , الثوب ساده الشماغ , البسام بمرزام مقلوب ليليوم فرنسي , الي في الوسط , ايه ..:$ الحذاء ( زبيريه ) , لون الزبيرية المعروف - الملابس الداخليه والعقال بعد ياليت نعطيه نصيبه P3 :d مااحب أجدد <== يقال له بخيل " |
رد: New Look العيـــــــد
قلبت علي المواجع يا ابويزيد pp7 هالعيد راح اقضيه لحالي ... بعيدا عن أهلي وأخواني pp7 اللي سافروا وخلوني لحالي :(: وعشان كذا .. ما راح أشتري اي شيء pp7 لاني ما راح اقابل أحد يوم العيد p7 انا لله وانا اليه راجعون pp7 |
رد: New Look العيـــــــد
الموضوع ما يحلى الا بالصور
سواء شباب والا بنااات . الدعوا فله وسعت صدر صورو وانا بأجي بصور بإذن الله |
رد: New Look العيـــــــد
الله انا امس شريت ملابس العيد
تنورةقصيرة تحت الركبة بخمسة سم لونها اسود مع ابيض >>تلفزيون قديمp10 ..من محل في صحارى اللي بالرياض اسمه ((كتان)) والبلوزة بعد من نفس المحل ونفس الوان التنورة والجزمة ما بعد شريتها ... والاكسسورات صحيح انه عندي كثر الرمل لكن شريت حلق لونه اسود مع ابيض وشكلة وردة واسوارة والباقي ما بعد شريته ان شاء الله اليوم او بكرةP9 P9 واعلمكم |
رد: New Look العيـــــــد
ابو ريان اجل اشتر مخده كويسه وحط راسك ونم::D * ابو ريان الله يحيك والله معنى وتعال وتعيد وخلنا نبسط معك واعتبرنا اهللك :$ تعال وخلنا نطلق صواريخ ونفقع من هالطرطعان سوا:d صادق روبن هود مايحلى الموضوع الا بالصــور .. يالله شدو حيلكم ورونا الصور :d |
رد: New Look العيـــــــد
والله يا ابو يزيد..>>>>>>>> مع الخيل ياشقرا
انا من نهاية الصيف مخلصه......حامي بحامي ما عندي سالفة ان الموديلات الجديده بتنزل برمضان والله يخرطون علينا انا رحت امس للسوق عشان اشتري شنطه(امي لزمت علي لأن عائلتنا الموقره مسوين عيد كبير يعني فيه ناس ماعمري شفتهم بيجون.....ما ادري وش طرا عليهم يمكن لحل مشكلة العنوسهp18 ) المهم الموديلات نفسه ماتغيرت........ برايفتات........ ابو ريان ياحوووول ليه؟ طيب الحقهم>>>>> تراي رحمتك من جد روبن بس صور وانت لابسهن مثل ما قالت سلمى...... |
رد: New Look العيـــــــد
والله الفكرة حلـــــــوة مررره
أجل أصبرو علي ليمن أخلص الأكسسوارات والشنطه لفلفت فيني الله ينعنها عيت الاقي pp7 أخوي قال صار لك أربع أيام وأنتي على شنطه ماصارت أدعوي الاقي اليوم ملاحظـــة :: ألبس ملابسي وأتصوربــه بصوره ألحالها أخاف تنهبلون خخخخ راجعــــــــــــــــــــــــــــــــــــــــــــــ ــه وبقوى أنشاء الله |
.............. أسمعوا حتى البنات يصورون وهم لابسين ترى عادي كلنا عيال منتدى واحد <<آووت خخخخخ \ لا عـاد جد البنات شوفوا نبي صور مكياجكم يعني حتى الأرواج وكذا نبي أرقامهـا .. ، |
رد: New Look العيـــــــد
P9 ..
.. .. اللــه عليك يابو يزيد الفكرهـ روعـه . . . تسجيلـ دخووووووووووولBBP |
رد: New Look العيـــــــد
^ ^ <- لبلو تخيلي بس :d حلوهـ الفكـرهـ ,, لي رجعه ان شالله بـقـراشـيـ ع ـي :d :$ امل مقتول BBP |
رد: New Look العيـــــــد
خخخخخخخـ موب صاحــي الموضوع ...
اكتشفت أن الشباب مستعدين أكثــر من البنــات ... كباكات وعطــورات وحركتات...:d والله تطـــورا الطعـــوس .. أكثر واحد طاق الزيـــــنbarca rulez:d أنــت بالذات نبيك تصـــور بالنظارات و السبحــة حتى البوك رزه لنــا حتى لو أنه فاضي:d ومدامنـــا قضينا تقريبا من الطبخ والنفــخ .. ودخلنــا على موسمــ التشخيــص لو تقلبـــون مسابقــة طبخي أحلــى لــ ( لبســـي أكشــخ ).. !! > < أنـ ــا ما زالت أبحــث عن شي ينلبــس والله الســوق كله لبس غير صالح للعــرض .. قصيــر وخلافه :(: >><< مشكلــة القراوى !! تحطمــتــ من كثــر ما درت ولا لقيت شي سنـــع .. قلتــ لأختي بقولس شي ولا تضحكين علي.. : وش رايـــــس أفصـــل p18 !! ... >< واصلــة لأقصــى مراحل التحطيمــ .. أنتظـــر لبس بلـــــو والصبايا .. عشــان أغــش الفزعــة يا صبايا قبل العيــد:(: ولا ترا بتهـــور وأفصل عنــد الخيــاط كومــار وافشلكمــ :d |
رد: New Look العيـــــــد
2 مرفق
وهذي الصور لعيونك روبن ... عطر بلاك كود والبسام بصمة 10 والباقي بالطريق |
رد: New Look العيـــــــد
هههههههههههههههههههههه بلو موافق موافق والله انا للحين مكملت لبسي اذا كملته وصار جاهز صورتهوش لكمـ امل مكتول << خخخ فكرهـ جهنميه بالمرهـ نشالله يتحمسون البقيه :) الشوكرن لكـ BBP وشبقول التصوير ابيض واسود ولا ملون << برىى طافه بتصوير خخخخخ |
رد: New Look العيـــــــد
قديماً قالوا ان اليوم المفروض اروح اشتري حق العيد .. :d :d بس إن شاء الله نوافيكم بكل ما هو جديد :$ |
رد: New Look العيـــــــد
بن خوري .. صور لنا ملابسك الداخليه :$ ابشتري مثلكـ ،
|
رد: New Look العيـــــــد
1 مرفق
اقتباس:
اقتباس:
أحسـن شي أن إلي ناقصنـي نفسه إلي ناقصك :$ سبحان الله دايم أقولك أنو بيننا روابط خفيه تطلع من غير مانحس P9 <<-- أنقلعي برااا :d http://www.yaser20.com/vb/attachment...1&d=1160850018 ^ هذي شباصتي التركوازيه P9 أبد معطتها من شوشتي وحطيتها صح كان فيه بعض الشعويرات لازقتن فيها " نبي حل للتساقط !! " بس شلتهم منعاً للفتنـه <<-- مسيكينه مقتنعه أن بها شيّـن يفـتن يازين إلي ماوراها لا عيد ولا حوسه ملابس P9 أمل مقتول , أسمح لـي بتربع بموضوعك :TN .. باالله أي أحد يحط صوره مابي أطلع خفيفه أول وحده رزت الصوره p6 |
رد: New Look العيـــــــد
مشكور على الفكرة
|
رد: New Look العيـــــــد
مراااحب..
بصراحه الموضوع مره خطيييير... بالنسبه لي شريت من محل _ Bershka _ (بدي) ابيض واسود <<< كأنه شماغ ياسر عرفات ... عقدوني فيه خواتي شكلي بغيرهp6 p6 و (بنطلون) اسود ... اما ( التيشيرت ) من _MANGO_ برضو اسود << اللي يشوفها يقول بعزاء مو عيد والشنطه والصندل _NINE WEST_ اما الاكسسوارات مابعد شريتها للحين المكياج مو من محل محدد اللي يعجبني اخذه... (يابنوتات اللي ماشرت إلى الحين ارواج تروح تشوف ماركه ريميل _RIMMEL_ اللي ارقامها(35،48،55) بصراحه الوانها رووعه ..) هذا من غير اللي حاطته في بالي ولسه ماشريته.. p6 واسفه اني طولت بس مثل ماتعرفون البنات وخرابيطهم اللي ماتخلص :$ |
رد: New Look العيـــــــد
أمل مقتول
الفكرة خطييررة انا اول مررررة بحياتي اتقضى قبل رمضاان و بالصيفية جننت العايلة وطلعت الشيب بروسهم ودوني جدة أبي اتقضىP3 <<<تصريفة بس ابي اتمشى P3 ورحت وشريت من محل اسمه A C T A N تنورة لونها والله ماعرف اوصفه بس فيه اللون البني:وترا ماشريتها الا بعد نقاشات مع مامتي هي تقول مو بلازم عندك غيرها خلاص يكفي الي جبتيه وانا اقول راسي والف سيف الا اخذها D ::وجبتلها بلووزة بنية وجبت لبس ثاني بس ماعرف الوانه::D ::D ايه والاكسسوارات خلصتها بس باقي الحلق والسلسال :(: :(: وللحين مدوختهم ادور شنطة وجزمة ×أكرمكم الله×,,,,مشكلتي ذوقي صعببب دايما امي P9 P9 تتشكى منيp7 p7 وابوي يشيل هم اذا قلتله ودني للسوق P9 والعطر جاني هدية من قزاز بس ماعرف اسمه<<<<متعيجزة لاتروح تشوف وش اسمهP3 P3 والميك آب أحيانا اجيبه من بودي شوب أو أفون على حسب p18 وخلللصنا <<<<الحمدلله على السلامة:$ :$ واذا في امكانية اصور والله لاصور الله لايعوق بشرp10 p10 |
رد: New Look العيـــــــد
::
.ملابس منيب حاطتلكم ... ما ابيكم تعرفون مقاسي :$ برب لبلو نصور مكياجات وننزلها ان شاء الله ادعو تضبط الصور بس . :: |
رد: New Look العيـــــــد
دامكم مصممين على الصور
اجل بصور اغراضي وأرسلها لجريح الرياض وسائط :d وهو يحملها على النت وبجيبها لكم خخخخ << ماعنده وصلة بلوتوث :(: |
الساعة الآن 12:39 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0