السلام عليكم ورحمه الله وبركاته ،،








في الحقيقة شفت الجميع يقول ابترك وابترك فكرت وفكرت وفي نفسي قلت ياسعد والله صعبه

لكن ابترك لان الثمن غالي ماهو سهل ،،




وقلت لا ياسعد تري الامور سهله ماتصل الي هذا القرار ،،




فكرت ثانيه قلت لا والله القرار ثابت والله يكون في العوون ،،

نعم قررت ،،










نعم قررت اترك الدنيا واتوب لله عزوجل ،،


وحينما شفت موضوع وفاة احد العضوات وقبل فتره ايضا وفاة احدي العضوات وقلت ليش مانعتبر فيهم س /حبيت اسالكم سؤال والسؤال ايضا موجه لي اول شي ،،

بعضهم رحلوا من المنتدي طيب مافكرنا في الرحيل من الدنيا ،،

سؤالي س/ هل انت مستعد للموت / مستعده للموت ؟؟ هل مستعد تكون في القبر حتي قيام الساعه وتشهد كل مافعلت من معاصي وطاعات من معاكسات ومن توبة وندم ؟؟

اذا الجواب لا ؟؟

وش تنتظر وش تنتظري ؟؟ لازم مصيبة علشان نرجع لله عزوجل ،،

ياخوان ياخوات تري التوبة واجبة علينا وتاخير التوبة ذنب اخر

يامن تعصي ومازالت تعصي وكلنا هذاك هل انت مبسوط / هل انتي مبسوطه ونحن نعصي الله ؟؟




نكذب والله لو قلنا نعم اننا مبسوطين ،،

سؤال ثاني واهم شي الكل يعرف ان الله عزوجل يفرح بالتوبة ؟؟

سؤالي ماتبي تفرح الله عزوجل بتوبتك ماتبين تفرحي الله عزوجل فيك وبتوبتك ؟؟

يالله ياخوان ياخوات وربي وربي التوبة سعادة وراحة في القلب ،،

صحيح ان الموضوع في ساعه متاخره >> مداوم انا الساعه 4 وعندي نت قلت ابتكب موضوع لاحبابي في الله في منتدي ياسر القحطاني ،،

وفي الحديث القدسي ( يابن آدم إنك مادعوتني ورجوتني غفرت لك على ما كان منك ولا أبالي . يابن آدم لو بلغت ذنوبك عنان السماء ثم استغفرتني غفرت لك . يابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة )) . وترغب الناس في التوبة والإقبال عليك , وبأنك تبدل سيئاتهم حسنات إذا تابوا وآمنوا وعملوا الصالحات وكان الله غفوراً رحيما.


اقسم بالله ياسعد ايام الجاهليه كان صدق المخ مفصول صحيح انه الي الحين مفصول بس افضل من اول ولله الحمد حتي اذكر والله اول ماتوجهت لله عزوجل قلت ياولد ابنصح وجاء المسكين ولد خالي في وجهي وجلست انصحه وترهيب في ترهيب اللي يشوف من كلامي انه توه موزع حشيش صدق اسلوبي كان من جد بايخ وجلست معه وجلس يضحك معي قال لي ياسعد والعلم عند الله ماظن ارد عليك ثانيه انا بكل هدوء ليش وش سويت وانا اقول كل هذا وتقول وش سويت



وقد جعل الله التوبة مقبولة من عباده وإن عظمت سيئاتهم , وارتكبوا كبائر الآثام والفواحش , ولامعصية بعد الكفر مالم تطلع الشمس من مغربها , أو تبلغ الروح الحلقوم , قال تعالى {قُل لِلَّذِينَ كَفَرُواْ إِن يَنتَهُواْ يُغَفَرْ لَهُم مَّا قَدْ سَلَفَ وَإِنْ يَعُودُواْ فَقَدْ مَضَتْ سُنَّةُ الأَوَّلِينِ } ..

لانرد ونقول الله المستعان الله الهادي واحنا ماسعنا للهداية ؟؟ فهذا الشي يعتبر من الجهل ..


واستغفروا من ذنوبكم وكلنا اصحاب ذنوب وابشروا والله بالخير ،،

ولايلعب علينا الشيطان ويقول لنا لا تصيرين مطوعه بعدين تصير لك انتكاس صدقني ربي سوف يثبت التائب والتائبة ..

ارجع وجاهد نفسك لترك المعاصي حتي لو تقع في معصية اكثر من مره لكن جاهد نفسك وصدقني سوف تترك المعاصي ..

وهاذي محاضرة للترغيب في التوبة ،، ممكن طلب لو سمحتوا اسمعوا المحاضرة

التوبة



اخوكم ومحبكم في الله / سعد ابو عبدالمجيد