الله من مواقف حصلت <<<<مندمجه مع الموضوع
المهم مره بنت خالتي تمشي مع اختها وكان فيه قدامهم باب قزاز المهم من زود ماهي متحمسه تمشي تمشي تمشي وفجأه صطراع في القزاز ماعاد قامت تشوف اختها ميته من الضحك وهي تقول خبي شنطتي لأحد يعرفنا
ماحست بالرقعه إلا بعد ماراحت الفشيله
موقف امي الحبيبه مره كنا بخريص بلازا ومرينا على كارفور جينا بانزل الأغراض من عند السلم الكهربائي وعندي أخت مرجوجه كل الرجه وهي صغيره راحت تركض قامت امي لحقتها خايفه عليها عاد بلاط كارفور الله من الزحلقه إلا وصطرع امي على ظهرها انا ما عاد ادري وش اسوي اضحك ولا اشيل امي وابوي يقول ساد يالرجه انت وبنتس فشلتونا زين ان المحلات مصكره مافيه غير كارفور وكان مر جنبنا هندي يناظر ومنزل راسه كتوفه تهتز من الضحك
وعندي من المواقف اللي تفطس من الضحك كثير بس تعبت من الكتابه كلما فضيت جيت للموضوع اكتب