بسم الله الرحمن الرحيم



اول شي قالوا لا اله الا الله




في الحقيقة كنت افكر اني انزل مثل هالموضوع من باب ترفية النفس ومن باب الفائدة ،،




وابي اتكلم عن ابو عبدالمجيد ( سعد ) قبل وبعد وايام الجاهلية


ابتكلم عن الايام بعد الثانوية

كنت انا ومعي حبيب قلبي واحد اسمه محمد رجة وتنسيم وعقب ايام الثانوية انا اعرف محمد صدق الرجل منسم والله بالخير سبحان جاني خبر ان محمد تاب لله عزوجل وصار ملتزم يوم عرفت قال لي الشيطن قال امين ان شاء الله الخبر مو صحيح قلت انا ان شاء الله سبحان صار الخبر صحيح وقال لي الشيطان انتبه تقابله بيجلس ينصحك وانت عارف مين محمد قبل قلت انا والله انك صادق في هاذي النقطه قال لي الله يسلمك ياسعد انا ابي لك النار واصل الخطوات بس ..

جاء محمد لي وظهور الالتلزم عليه قال لي هلا بسعد قلت هلا والله بمحمد >> في نفسي اقول اخلص وش تبي تقول ادري وش تبي تقول سبحان الله جاء في بالي اصرفه بس قلت عيب المهم جلس ينصحني شوي وشوي قال لي الشيطن اول يستهبل معك والان ينصحك انتبه تسمع له قلت طيب ابشر

المهم قال لي تعال معي ابيك تروح معي لمشوار قريب المهم رحت معه المهم ودنا مغسلة موتي المهم قال لي تبي تشوف ميت وتساعد في غسله قلت طيب دخلت اساعد في غسيل الميت وانا اشوف الميت عمره فوق 30 سنة وانا انظر للميت واقول في نفسي لو انا مكانه قال لي الشيطن ياسعد ممكن كلمة راس قلت سم قال عمرك الان 20 سنة وهو فوق 30 سنة يعني فرق سنوات سبحان الله عقب الغسيل محمد حبيبي يتوقع اني بطلع متاثر وبقول خلاص ابتلزم وبصير مطوع ،،
طلعت وشوي قلت ابي اروح مطعم مثلوثه ابي اكل >> سمين شوي ماشاء الله طلعت سبحان الله من المغسلة لقرب مطعم وانا في نفسي اقول يابو قلب ميت توك طالع من ميت وتقول مندي سبحان الله استمر علي الحال حلق لحية واسبال ثوب ومعاصي اخري ..

عقبه ماعاد شفت محمد جاء في بالي كلام قلت ياسعد لو اموت صدقني نصحية محمد حجة عليك مو لك لو تدخل القبر راح تصرخ وتقول ياليت سمعت كلام محمد قال لي الشيطن ياسعد توك صغير استمر يابطل وربك غفور رحيم وانت تصلي ماشاء الله عليك وفيك الخير صحيح عندك بعض الذنوب بس ربك غفور رحيم قلت طيب شديد العقاب قال شديد العقاب لتارك الصلاة .. مشيت مع الشيطن واستمرت معه في المعاصي والذنووووب ..

وجاء يوم عقب كم سنه كنت متضايق من قصة وسالفة صارت لي مايحتاج تعرفون قلت لواحد وش رايك نروح للشرقية قال قدام نروح الاربعاء قلت طيب الاربعاء الاربعاء ان شاء الله مشينا الاربعاء العصر من الرياض الي الشرقية المهم اذكار السفر بعدين اغاني >> الشيطن لعبه صح معنا في هاذي قال قالوا اذكار السفر بعدين اغاني
المهم جلسنا في الشرقية اليوم الاول رحنا وجلسنا عند البحر رجعنا بعد صلاة الفجر الرجل نام وانا جلست علي السرير وجالس افكر طبعا في السالفة الي مابي اقولها لكم ومشغل قران في التلفزيون شوي والله ياخوان ياخوات سمعت مثل الصوت الذي يقول لي في اذني ليش ماتتوب لله عزوجل وتتلزم وصدقوني ياخوان اقسم بالله انه من باب الاجبار ليش من باب الاختيار يعني تقول كلام من فوق السماء لازم تتوب لله عزوجل يوم شاف الشيطن خلاص ابتوب قال لي طيب ياسعد اصبر حتي ترجع للرياض قلت طيب طيب وانا ابتوب اصدق الشيطن المهم رجعت للرياض ..

وجاء يوم السبت مع العيال في الشقة وتوني معطهم فلوس الشقة العيال شكوا من كلامي اني ابتوب قال لي واحد اسمه بدر والله ياسعد لو تربي لحية بتجدد معنا في الشقة مره ثانيه انا في بالي اقول تسمع المهم قلت لازم ادور لي صحبة طيبه صالحة شلة شقة واغاني ماتنفع
رجعت لمين رجعت لمحمد خوي الاول وقلت له والله يجزاه الجنة ماقصر معي جلس معي وساعدني كثير مره والله يجزاه كل خير يارب علي هذا الوقوف الطيب ،،

وجربت انا الحياة الاولى والحياة الثانيه والله فرق كثير صارت احس بالنوم احس بالحياة احس حتي وربي بالاكل ..

انا جلست مع نفسي شوي قلت حلق اللحية حرام واسبال الثوب حرام وباقي المعاصي حرام وحرام لو اموت اقابل الله عزوجل وانا عصيته كم مره وعصيت رسوله بعدم اطالق اللحية ورفع الثوب فوق الكعب وباقي المعاصي قلت وش اسوي ..

لان اسبال الثوب مو سهل من حديث أبي هريرة رضي الله عنه قال: ((ما أسفل من الكعبين من الإزار ففي النار))


وليس معني كلامي اننا كامل الان لا والله حتي الان مقصرين وعندنا ذنوب الله يغفر لنا يارب ،،


ياخوان والله الطريق سعادة والله السعادة مو انك تعرف كم بنت او تلبس ثوبك او بمعني ثاني تعصي الله وكلنا بشر نعصي بس عقب المصيبة لازم ترجع ياخوي وتغير علشان ربي يغير لك ..

وياخوات والله الطريق سعادة والله السعادة مو انك تعرفين شاب او بناطيل او ملابس قصيرة عند نساء مع بعض او عبايات ضيقة او علي الكتف وكلنا بشر ونعصي بس عقب المعصية متي ترجعين لله عزوجل يعني لازم تصير لك مصيبة علشان ترجع ..

وفي الحديث القدسي ( يابن آدم إنك مادعوتني ورجوتني غفرت لك على ما كان منك ولا أبالي . يابن آدم لو بلغت ذنوبك عنان السماء ثم استغفرتني غفرت لك . يابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة )) . وترغب العصاة في التوبة والإقبال عليك , وبأنك تبدل سيئاتهم حسنات إذا تابوا وآمنوا وعملوا الصالحات وكان الله غفوراً رحيما.

فبشرى لكم أيها المؤمنون , تحسنون فتثابون , وتسيئون فتستغفرون ويغفر الله لكم , قال تعالى {وَالَّذِينَ إِذَا فَعَلُواْ فَاحِشَةً أَوْ ظَلَمُواْ أَنْفُسَهُمْ ذَكَرُواْ اللّهَ فَاسْتَغْفَرُواْ لِذُنُوبِهِمْ وَمَن يَغْفِرُ الذُّنُوبَ إِلاَّ اللّهُ وَلَمْ يُصِرُّواْ عَلَى مَا فَعَلُواْ وَهُمْ يَعْلَمُونَ * اُوْلَـئِكَ جَزَآؤُهُم مَّغْفِرَةٌ مِّن رَّبِّهِمْ وَجَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ }آل عمران136-135.

والله ياخوان ياخوات الشيطن يبي مني ومنكم نعصي حتي نموت بدون توبة لان يبي يشوفنا هناك في الاخرة معه في النار ..

والله وضح لنا ان الشيطن يتبرا من اهل النار في النار في الخطبة المشهورة في سورة ابراهيم ..

وَقَالَ الشَّيْطَانُ لَمَّا قُضِيَ الأَمْرُ إِنَّ اللّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ وَمَا كَانَ لِيَ عَلَيْكُم مِّن سُلْطَانٍ إِلاَّ أَن دَعَوْتُكُمْ فَاسْتَجَبْتُمْ لِي فَلاَ تَلُومُونِي وَلُومُواْ أَنفُسَكُم مَّا أَنَاْ بِمُصْرِخِكُمْ وَمَا أَنتُمْ بِمُصْرِخِيَّ إِنِّي كَفَرْتُ بِمَآ أَشْرَكْتُمُونِ مِن قَبْلُ إِنَّ الظَّالِمِينَ لَهُمْ عَذَابٌ أَلِيمٌ

لايكسبنا الشيطن في صفة والله ان نخاف نموت علي سوء خاتمة او نموت علي معصية وبدون توبة ..


يانفس توبي

لخالد الراشد ..



طريق الهداية


لخالد الراشد .. طريق التوبة ..


والله يوفقنا وياكم يارب لتوبة صادقة يارب ،،


اخوكم سعد

بعد الغيبة للمنتدى ,,,,ورجت دائما ً يا بو عبدالمجيد ,,,جديدك في قمة الروعه
ربي يجزاااااااااااااااااااااااااااااااااك كل خير ,,,

ربي يجمعني بك في الجنة الفردوس والجميع ومع من أحببناهم ,,,,,,آآآآآآآآآآآآآآآمين

الله يجزاك خير ويثبتك إن شاء الله ويهدينـآ‘ ويجمعنـآ‘ في الفردوس الأعلى

*
*

ابو عبدالمجيد ...BBP

كلمات رائعه ...BBP

يعطيك العافيه ...BBP

جزاك الله خير ....... ابو عبدالمجيد

جزاك الله خير

تسلمـ ابو عبد المجيد((...
ماقصرتـ كلماتـ وموضوعـ روعهـ((...

الله يجزاك الف خير يابوعبد المجيد

دايما ننتظر جديدك لانك تذكرنا بغفلتنا

حياكم الله يارب ،،

الفائدة من الموضوع هو اننا نعصي والكل معرض للذنب لكن علينا التوبة والندم ،،

يعطـــك العاافيه ابو عبد المجيد::

على مواضيعك المفييده والهادفه وذات مغزى::


الله يثبتك ويثبتنا على طااعته والجمييع::

حياك الله يارب

شكراًعلى القصه

الله يثبتك على دينه

نســأل الله الهدايه للجميع :(

جزاك الله خـــير

مشكووووووووووور

يعطيييييييك العاااااافيه

جزاك الله كل خير ابو عبد المجيد
وجعله بموازين حسناتك
والله يثبت الجميع على طاعته