/
\
/
.. لقــافة ..


تعريف اللقافه
هو ان تسأل عن شئ مالك دخل فيه ..
بس من زود ماتونس من جواك لازم تسأل عشان تعرف وترتاح ...

يوم الاربعاء اللي فات غيرت توقيعي وحطيت

متى يجي يوم السبت الساعه 9 الصباح

كانك ملقوقـ/ـه بتظللها

كتبت هالعباره بتوقيعي لاني بشوف الملقوفين
وطلع بعد لا بأس منه من الملاقيف
طلعنا بتقريبا بـ28 ملقوف وملقوفه كانت اسئلتهم اما بالمسن او بالخاص

وكان سؤالهم الوحيد وش عندك يوم السبت ؟

اللقافه اتشرت في مجتمعنا بشكل رهيب
صاروا مايمديك تسولف الا كل العالم قاطه معك
جالس بموترك تشوف كل العالم تلفت عليك ..

اتذكر مرهـ كنت انا واحد نسولف بكافتيرا الجامعه عن شغله بالنت ..
وكان ورانا واحد قاط اذنه بعد ماانتهت السالفه والتفت عليه لقيت كرسيه جنبنا
من زود لقافته صار يسحب الكرسي لمنا لين وصل لنا

س1/هل انت ملقوف ؟
س2/اذكر لنا موقف حصل لك مع اللقافه ؟

.. نقصا11ن عقل ..

ان تكون صداقات شئ جميل ومحبب ..
ولكن حذاري من اي صداقه ..

كان ابوي يحرصني على انتقاء الاصدقاء ..
وكان يقولي مو اي شخص يضحك لك تخليه صديقك ..

< حسيت اني دلخ

اصدقاي كثر التراب ..
مدري لاني يمكن محبوب < امش ياثقه

لكن تنصدم في الكثير منهم ..
بسبب سوء اخلاقهم او نقص في عقولهم ..

ان يحاول صديقك يشـوه سمعتك بااي طريقه كانت مشكله ..!
ولكن ان يشوهـه لأجل مصلحته فهذي مشكله اكبر ..

فهو سيخسر نفسه وصديقه والناس بااجمعها ..
لأنه بكل بساطه جميع ماسيقوله اشاعه وتدليس وكذب ..

والعجيب انه يحاول ان يرسم نفسه ملاك ..
وانه المخلوق الوحيد البرئ الصادق ..

وانه لم يفعل شئ وكل ماصار ليس بسببه
ويحاول ان يدخل اطراف كثيره في المشكله
لتشتيتك ولكن جميع الاساليب معروفه وقديمه ..

س1/ هل انت تحب كثرت الاصدقاء ؟
س2/اذكر لنا موقف انصدمت فيه من شخص ؟

.. وسطيـة ..

خير الامور اوسطها ..
بمعنى علاقاتك في الانترنت لاتكون فيها افراط ولاتفريط ..

يقولي واحد من العيال قبل فتره ترى انت معطي العالم وجه
قلت يااخي وش اسوي انا ماابي يحسوني متكبر

قال هذي مشكله لما تعطيهم وجه بزياده
راح يكثر عليك الكلام والاشاعات ..!

قلت يااخي وش تبيني اسوي
يعني لازم امشي على كيفهم ومبتغاهم

قال انا ماراح اقول شئ اسلوبك وانت حــر ..
لكن خلك بالوسط لاتصير تعطيهم فيس بقوه وتنشب بهم ..
ولا تصير ثقل بقوهـ ويقولون مغرور ..!

قلت اييييييييه دنيا ونت ولازم ابرمج اسلوبي على مايبون ..!
من جد كل مالي ويزيد كرهي للنت للعقليات المتخلفه فيه ..!

مره يقولي واحد ليش المراقب الفلاني مغرور ..
قلت بالعكس وربي انه عسل لمعرفتي بالشخص وبااخلاقه وتواضعه ..

قلت له على ايش بنيت رائيك ..؟
قال مايعطيني وجه لين ارسلت له خاص ولا يرد علي بالماسنجر

قلت هاه
يعني لو ماارد عليك ماسنجر او اكلمك شوي واقولك برب
بتقول اني مغرور
قال ايه اكيد ليش ماتكلمني وتسولف معي

حقدت عليه
وقلت انا داخل النت عشان حضرتك بس اجلس اسولف معك
من عقبها سويت له حذف وديليت واكيد الحين يحسبني مغرور


س1/ هل انت مزيف في اسلوبك عشان العقليات ؟
س2/ هل ترى بأن التواضع بالنت اصبح مشكله ؟