اخوكم من شبكة النمر الشقيقه الواقعه شرق غرب منتديات القناص

8

8

مهوب عاقل والله محداً درى عنك يالشين

ينعن ام الطفش على ذا الصبحيه بعد

هاه انتم فيذا ؟

وقسمن انكم يالقناصين اطلق شي واحسن ناس في العالم <-- كيف النفاق

وش تزينون وووش مدخلكم ؟

ومن اللي داعية عليه امه ودخل هالموضوع ؟؟؟؟؟

العلم :

ادري انكم بتقولون وش يبي ذا الماصل وش ذبة الوجه اول مشاركه له في المجلس ومسوي خوينا

لكن قول عني ماتقول 000 صوبي كم صعب الوصول

المهم :

الي غلط ودخل الحين لازم يتذكر الاتي :

* اتصالك دي اس ال ولاراح تتعب أأوي أأوي يابني لان الموضوع محشي بالتونه يعني الصور

*بس ينتابك شعور ان فيه فايده في الموضوع علطول ارعص اكس اللي فوق على الليسار

*ماتشجع الهلال لا اشوف خشتك .

*اذا انت فاضي لاتقرا الموضوع واطلع من الحين الموضوع للمشغولين بس لحكمتاً في راسي لن اكشف الستار عنها .p10

*تأييد قرارات الاتحاد السعودي والآسيوي برضوا لاتدخل .

*بتتعارض مع أفكاري اطلع , أدري انك مابعد قريت شي بس كذا شي في الخاطر .يعني على وزن (موضوعي وعلى كيفي)

*قبل لاتبدأ في قراية الموضوع لاتدقق في عامل الوقت , لان الموضوع مشخبط في فترات متعدده في رمضان وقبل العيد وبعد العيد .

مافيه سلام ولا كلام ومساء الخير ولا صباحه

ليش لاني من النوع اللي مايحب الرسميات ابد

لذالك العزايم والعروس اللي حاضرهن تعد على الاصابع

شوفوا بس

ترى ماعندي أي موضوع ولا سالفه ولا أية شي <-- برا p21

بس منيب انزل مواضيع ابد فيذا ومسكت وقلت شخبط وش وراك

ومنها نشوف اليوزر كيف مرتكز في اول الصفححه << ---تفكير محدود

ايييييييه وش كنت بقووووووول ؟؟؟

حبيت انوه حضراتكم انكم ترى منتب فاهمين أي شي من الموضوع

ولا تحاااولون انكم تستخرجوون فائده واحد منه

وان كان لقيتوا يمكنها دسيسه او جايه بالغلط

8

8

ماعليكم من ذا المصالهـ

7

7

7

ناضرو هنا

قضيه تفحط في راسي منذ مبطي ومنذ قديم الزمان على ايام البيوت الطين يبو بيوت طين

يقولون ان الهيئه بيغيرون مسماها وبيحطونه مكافحة الشغب

ياخوفي يصدق حتسيهم ثم تصير بادي خراب ودمار

انا من راايي ان الهيئه أهم دائره حكوميه أمنيه عندنا ولا عزنا الا الله ثم هم

صح ان بعضهم الله يهديم ياخذون الموضوع لطش ولطيش

وعلى الشكل والمزاج بس هذولا أقليه الله يصلحهم

يعني انا مرهـ قد صار لي مثل هالمواقف

وانا في سوق من الاسواق ماعلي من الشيطان طاري

وأمشي والقالي راعي محل أعرفه وأسنتر عندهـ اهذر معه

هو من شافني مقبل عبس وجهه ولسان حاله يقول وش جاب الله لي ذا الشرقه

سولفت معه شوي ثمن قلت بمشي

ولاقال بدري ولا شي ولا قال كاس شاهي من البوفيه

المهم توي ماشي من عند الرجال والقى لي وحدة سمراء قصدي سمراء غامقه يعني سوداء بالاردو

في طرف السوق وكانت هالسالوفه في رمضان اللي قبل العام

وكانت على وقت صادوه اول جزء وانا اللي امر مالي اي دخل في السالفه وتقول لي سلملم <<حقت الصيرفي

وانا وش حليلي على حسن نيه وقفت وقلت امري اي خدمه ؟

مادريت الا السفاري ابو صدام اسود حديد اللي لو يشطفك شال شحمة اذنك

تووه موقف وراي وانا مسوي االلي ما ادري عن شي واززبن لراعي المحل خويي واحس انه كره ذاك اليوم مدري ليش مع اني خفيف ضل <<تقوله امي بس مدري هو صدز ؟ وتوي موقف عنده ويقول لي ذولا عندهم شي وراهم تسذا داعسين ؟!!

واناظهرم وطقتني ام الركب وادعس من الجهه الخلفيه للمحل هروله في ذا السوق كاني خبل << هالكلام قبل لااصير فاهي

وتوي واصل نهاية السوق الا واحد يطل من اول الممر ويشر لخووويه باصابعه يقول باب رقم 6

يعني حافضين السوق حته حته يعني القطو متغديك يافار !!

المهم يوم شقت الووضع تسذا وانا اللي ارده بنمره واخلي صديري يفحط كانه مكينة سيزو مبوشه

واجي محددر مع النزله حقت السووق واقطع الشارع بدون ما التفت

حسيت هنا اني من قطاو الشارع اللي يقطعون الشوارع ولا يناضرن

المهم وانا اللي اززبن في الحواري وادق على خوويي ويسكر محله ويجي يمرني وقلت له بمناسبة خلعة قلبي هذي

لازم تعشيني اليوم يوم تعفط وجهه بقوه هالمره

لانه من النوع اللي يقدر شي اسمه RS

8

8

احس وقتها كان كاتم كلام كثير يكفي مجلدات بس مشكلته طبعه كتوم وهذا اللي مخليني افللها عليه

المهم عشاني الرجال وحطني في البيت سالم غانم

8

8

يعني معافي <<<باللهي ؟

وش دخلنا في ذا القصه الحين ؟؟؟

نتفاصل بعد الفاصل على قولة محمد الشهراني

: : : أسعله ع الماشي : : :

س1/ما هي أكبر مدينه عربيه ؟؟

س2/ ماذا تشتهر دولة جيبوتي بتصدير ........ <<يعني فراغ تذكرت مدرس جغارفيا عنددنا اول كل اسئلته تسذا وبالطقاق انجح << هذا اهم شي النجاح <<ماقلت لكم ان الطموح منسب على تحت

س3/ ما أطول رقبه في العالم ؟؟ <<<لا لا ذا ماله دخل

س4 / من هو مخترع مفك الصلصه ؟ ؟؟؟؟

8

8

8

تذكرتوا الاختبارات زيي ؟

طيب طيب

طب بصوا تحت <<< امس تاكي مع واحد مهجن امه مصريه وابوه من القاهره

8

8

هذي العجوز الساحره فيروز << كذا ولا ؟

هالاسم ماقد سمعته الا في البقالات لاني اذكر عسكريم قديم اسمه فيروز يمكنه لها لانهم اول عسكريمات والحين عطورات

8

8

على طاريها يقولون عطر حليمه فتاق <<يعني مهوب صاحي

نرجع

8

هذي الداشر سميره سعيد تكبر وتتدشر زود الله لاتبيلنا مما ابتلاها

بس وينها ماعاد لها ضيحه ؟ <<عودنا على طير يالللي

8

8

8

مهبلة الشباب ومخققة الشياب رئيسة عصابة الداشرات الصايعات الضايعات <<وخذ من هالحتسي

هيفاء وهبي حقوق الصياعه والتفصخ محفوضه لديها يعني ابن امه اللي بيزرفها مايقدر

8

8

يسرى وما ادراك مايسرى ؟

خويت احمد زكي الله يرحمه ماودنا ننتفه وهو ميت

بس هذي الله لايعاقبنا تكبر وتنهبل وتفصخ الحياء زوود

وجه الكيرم

الله لا يبلاكم المحروسه مابقى ممثل ما مر على براطمها <<اها بس وش ذا الحتسي

8

8

مر يعني مر بعيونه بس

بالله شوفوا تحت شوي

7

7

7

فيصل اسمح لي ولكن لابد من تعليق على هذه الصوره

بالله ارجعوا للصوره وخلوكم من خرابيطي وحتسيي الماصل وشوفوا وجهها مهوب كانه مكوى ؟؟

طيب خلوووكم من الصور والكلام الفارغ اللي مالهووش لزززمه<<لايغركم ترى الموضوع كلله مالهوش لزمه

مدري ذا اليومين طايحين التلفزيونات والشركات في الاعلانات الظريفهـ

بالنسبه لخشتي الكريمه أفضل دعايات سنكرس مع اني ما احبه لان قد صار لي كم مره موقف مع ضروسي ومع السنيكرس

والان اخوكم عايش على سنوون زراعه 4 حبه <<ابو فسيه

وتلبيس 5 حبه

يعني شيبت وانا كتكووت توي صغنطط وكلها كلفت 10 الاف

مهوب لو انب موفرها لسفريه اصرف واروح اثرم

عاد تصدقون اذا جلست انا وامي لحالنا في المقلط وتنااااظر وجهي بتأمل وتقوول ياسفاب الـ10 على ذا الخشه

طبعاً ما اتحطم لاني متأقلم على هالاجواء الرائعه والاجواء العاطفيه

يقولون نزلوا المكافات والله ياهي تفك ازمااات بعد

المشكله اني بتعيد في فراشي يعني لامنا ولامناك

يمكن ان تهورت شرقيه <<شوفوا بس الحظ المقرود

الحدود هذي ماقد شفتها ابد الا مرتاً وحده في التلفزيون وقطعته غصب 1 يقولون مقطع غير اخلاقي

بس ماعليكم لفقوها في نعتذر عن ردائه الصوره من المصدر <<هذي مهيب كانها حقت صالح كامل الباكستاني :101:

المهم اني ذا المكافاه الظاهر بخطط عليها خطط عمري كلها الظاهر مدري ليش جت على ذي بالذات

وبما ان سريري انكسر وتخرع بي وانا نايم ذاك اليوم واطمممر من خرشه وهول المنضر وردائة الصوره <لحد يقراها ذي

مهوب من ثقلي والله اني قفش بس تهالكه الدهر الظاهر

8

8

مهوب كانه واحد يلمح يبيكم تقطون له ؟

المهم ماعلينا من السرير النوم على الارض يقولون صحي

قد شفتوا عربجي مثلاً او تكروني كبير وشوشته طاايره ومنتفشه له دخل في الفوتشوب ؟

هذا واحد منهم تلقف وحمل فوتشوب وعربه من انجليزي لــ .... مهوب عربي لا

بصوا تحت وتعرفوا القواب <<ناشب له ذا المصري

7

7

7

ماقلت لكم تكروني كبير

طيب خلووووني اسف لكم كم كلمه اعجميه اقصد قرويه او عاميه بحته ومعناها بالعربي اللهيج < يعني الفصيح

الكلمه المذكوره اعلاه (أسفها) = امحطبها فيذا او احطها هنا

(هاك) = خذ

(انفهق) وبالترصيع القروي (انفهز) = ارجع الى الوراء وانقلع

(نهياه) = يعني شفه قدامك <<تاتي مع الاشاره باصبع السبابه

(دوكياه)= يعني خذه من يدي او امسك

(منتب صري ) = تقال احيانا للي مهوب طيب او موجعه شي وفي روايه للي من جمبها يعني اللي مهوب صاحي بالعربي اللهيج يعني الشخص اللذي مايتكل عليه في شي ولها روايات عديده ولا يضرني سوا ذالك

(ياهيش)= نداء للجنس الناعم وهذا دليل للتدليل والتودد والتحبب

(زهاب)= تطلق على النعال او الحذاء وفي روايه (الغرض)

(هيت) = أي تعال وجمعها هيتوا أي تعالوا

خلونا من مصطلحات القراوى <<مسوي طالعاً منها

وش رايكم نشطح << أي نذهب بعيداً عن هالعلوم

يالله كل واحد يفك خشته الين شحمة اذنه :

دلخ جالس مع حبيبته على البحر سألها شفتي القمر ردت عليه بدلع إيه. ناظر فيه وقال ريحت باطك واصله إلى هناك ههههههههههههههههههههههههههههه

يقولك هذا معرس ومرته في ليله الدخله فالمعريس قال لمرته طفي نور الغرفه وطفتها قال لها تعالي جنبي على السرير وجت وجلست على الطرف قال لها قربي لاتستحين وقربت شوي قال لها اقربي لاتستحين أنا رجلك وقربت منه ثم قال لها شفتي ساعتي ؟ تولع لمبتها في الضلام !! ههههههههههههههههههههههههع

يقو لك هذا محشش يغازل امه في سوق المهوووم قال لها على وين يانور العين ؟؟ قالت له على البيت ياملعون الوالدين هع هع هع هع

فيه محشش بنشر عليه كفر ..... جاه واحــــد بيـــساعـده ... قال للمحشش مـعـاك اســتبـنـه ...... قــــــــــــال المحشش: ونعم .. خخخخخخخخخ

واحد احول .. اشترى طير كناري احول .. يبي يحط الكناري في القفص حطه برا ..الكناري يبي ينحاش .. دخل القفص هههههههههههههههااااااااي

فية شايب أبلش ولدة يبيه يشتري لة فياجرا وقاله باعطيك (500) ريال أن اشتريتها لي وافق الولد وجابها لأبوه وفي اليوم الثاني اعطاه (1500) قال الولد أنت قلت (500) قالا الشايب (500)مني و(1000)من أمــــــك

8

8

فياجرا مهوب سياره ترى

واحد قروي دخل بيته لقى زوجته ما سوت الغدى قام دخل غرفته زعلان , جت عنده مرته وقالتله تبيني اسويلك مساج ؟ قال والله لو سويتيه لأكبه ...

هههههههههههههههههههههههههههههههههههههههه

اها بس فليتوها عاد انتم ؟

امممممممممممممم وشسمه الحين من كللامي الحين اكمل موضوعي في برنامج الوورد في تاريخ 16/10/1427هـ <-- يلعن شكلك لاعاد تكتب شي

يعني الي قبل كله قبل العيد

المهم ترى مافيه شي ممهم في الموضوع بس كلمه متعود عليها للفت الانتباه

اييييه ياجماعة الربع

اليوم مدري وش طاعوني ودق علي ولد عمي ناسان ماله دخل في نمر ولاقناص ولا في الهلال كله بالعربي نصرااااوي

قال خاوني للكلييه وانا ماعندي دراسه واصلا كليته التقنيه حقت السرابيت < بينطق

وانا بجامعة الملك سعود

يعني بالاردو مالي دخل في مشواره بس وش اسوي لقافه

المهم رحت معه وأنلطع <-- أي انطق

تقريباً ساعتين وطقني ابو الهم واخذ فاتورة حقت مجالس وستاير حاطها اخوه الكبير (حالي الذوق) مشرفكم <-- كب ام العشى

واقلبها واركي على تركون مناديل واكتب التالي

يابنت انا ماعاد لي بالحب تاليه

حالي تردى واصبح اليوم خايب

جرحي ترى يابنت محداً يداويه

لاأنتي ولا غيرك ولا كل الطبايب

حالاً مايسر صديقاً ولامعاديه

حسبي على اللي جاب كل السبايب

طرد الهوى يابنت عفته ولا ابيه

ماعاد لي نفس تهوى الحبايب

بحاول انسى وادري ماني بناسيه

لكن بقولة عش يومك وخل المصايب

أدري بحن وأوله وبتجيني طواريه

أدري به الحب ملعون الصلايب

وأدري اني خربت فاتورتك يبو نواف << ذي مالها دخل كتبتها في الاخير اخاف يتهور ويفرشني

بس لحد يدقق في الوزن وما الوزن

ايه وشسمه وسلامتكم :101:

وبالنسبه للخائن اللي هو ابن عمي اللي رحت معه للكليته

توي من شوي قلت له خاوني للجامعه محاضره وحده بس ولايعطينا الا نصها وعيا

شوفوا وش يقول الخاين

8

8

شفتوا اني مظلوم

خسك الله من ابن عم

اييييييييييييييييييييه تراي الحين جيت من الجامعه <-- قل وقسم

والله يقلعه مهوب نص المحاظره

احمد ربيك عبودي انك ماجيت معي

عطانها كامله مكمله ساعتين بالتمام والكمال وانا مووااصل للحين مانمت من امس زي هالحزه (بعد العشاء) <-- يلعن ام اللحسه

ايه وشسمه وش انا بقوووووووول لااله الا اللله

ايه تعالوا خلونا نشوف وش عند ذولا

وش رايكم في فيجو وهو صغير ؟

تحسون انه بريء في صغره ومجرم في كبره

وهـ بص يالويس

طيب شوفوا تصدقون ان هذا شعره اول ؟

زيدان للحين صامل انك تبي تعتزل ؟

شوفوا الساحر السيرلنكي هو واخوه طبعاً هو اللي على اليسار مايصبر مايفك خشته

لحد يطق طيب

شوفوا عاد المملوح كرستيانو

ياشينه يوم انه بزقه

حبصياً ماصل

طيب وشسمه اذا الواحد صار مطفر مره مره يعني منتف ويبي يشتري جوال ابو كمره وش يسوي ؟

هــع

طيب اذا جعت بعض الاحيان اناظر ذا الصوره واسعببل مع ان الخال مايأهل انه يشهوي بس مدري ليش

وعقب العشى لحد يلعب عليك من السملق والسرابيت يقول لك ان احلى شي عقب الاكل رقاره

8

8

علشان ماتصير زي هاللحيه الغانمه

امممممممممممممممممممممم

اول : ؟

بس

بس

بس

بس

ثاني ؟

ولا

ولا

حكم لابو من علمكم اللعب

سبيت

وزع ياجنط

من اللي كب بوجهي مويه ؟

لاماعليكم مانمت ولا هذريت بس ودي العب من زمان مالعبت بلوت

ايه وشسمه نفسي شتوفون فصول يوم انه صغير ؟

ماشاء الله عليك تحب تفكك كشرتك من حينك اجل سحقاً لك

طيب عاشق <-- هذا سملقي من النمر ماعليكم منه

اذا صار فاضي مرررره ولاعنده شي يسويه وش ضنكم يزين

عويشق مخك يرحم والديك

امير الملاعب مجتهد الله يهديه علشان يغطي لكم بالصور

اااااخ يابطني احس اني بنكرش من القناص على اذني

الحين اللي ينصحكم بالابتعاد عن أصحاب السوء ليش ماتسمعون حتسيه ؟

ماعليكم من هالسملق لاعبين الانتر يوم انهم يقرعون اذ الكيسان الحين يقال لك ينبسطون

شوفو ترضيكم هالنهايه المخزيه قدام الله وخلقه ويحتسي فيكم الرايح والجاي ؟ :101:

<--- والله من المصول الزايد

طيب الاطفال او انتم يالللي مرززين خششكم قدام الشاشه

اذا حولكم بزران خلوهم يطلون علشان افر عقولهم شوي

شف ياشاطر

تبي تصير زي النينجا ؟

حلو ’’ تروح في بيتكم للمطبخ وتروح لكرتون الموز

وتاخذ موووز وتوزيها عن ماما وبابا وتحطها بالسطح في الشمس لمدة 3 ايام

وبعد الثلاث ايام تحطها في الفريزر مهوب حق الثلاجه لا

علشان ماتشوفها امك ثم ترصعك بغطى قدر عشاكم قبل امس وتروح غلطه ياحلو

تروح تحطها في الفريزر الكبير اللي لحاله وتراه دايم فوق يحطون في التمر المكنوز

ولو اني داري انكم ياهالجيل ماتعرفون الكنز <-- وش عنده ابو 40 سنه دزها ياشييخ

ايه وتروح ياروح امك تحطها هناك لمدة 3 ايام بعد

وبعدها تطلعها وتحطها على زلفة باب جيرانكم لمدة ساعه بالظبط لاتزيد ولاتنقص

علشان تصير ننيجا قوي

ايوه ثم تشيلها من زلفة جاركم اللي لو شافك واساك بمخمس

تشيلها وتوديها عن بيت المذن p10 وتدخلها من تحت الباب وتطلعها وتروح للبيت الامام

وتسوي نفس الشي بعد

ثم تدق على المدرس حق اخوك اللي اكبر منك ولازم يكون مصري

وتجيبه الظهر الساعه 12 بالظبط

ولازم يكون مجهد نفسه شوي علشان ريحة ايه ذاك مدري وش اسمه تفقع ام البيت

وتخليه يمرر الموزه من على ابطه 3 مرات رايح جاي

وبيطلع معك الشكل التالي

وبالعافيه ياروح امك

وان جلست بعد 5 دقايق حي دق على بيجري القديم لاتدق على الجديد لانه مقفل

ويبأأ آبلني

خلاص وخرو بزارينكم عن الشاشه جت سوالف الكبار

تدرون وش اكثر شي قهرني في رمضان

اني ماكملت باب الحاره

فاتني ادعشري

ياحوبي له بص

مع انه خسيس ونذل وقح وحرامي وسافل ومنحط وتافه وواطي

الا اني احبه

ومدري عن اخر 3 حلقات رحت للشرقيه وفهيت فيذاك فاك خشتي اول مره اشوف بحر ولا دري وش صار على ادعشري

وهـ بس

متى يعيدونها هم ؟

طيب وشسمه اذا جا ادعشري يصير خير

خلونا بس من ادعشري النصاب <--قلب عليه

والله لايعيد ولا جعلنا نشوف هاللقطه مرتاً ثانيه

لبا قلبك يبو متعب

وهـ بص

وعلى طاري الملوك والحكام <-- طب بكم في السياسه

صدام يقولون حكموا عليه بالاعدام ؟ <-- لاياشيخ اكيد بس ؟

بس قصم يعجبني مايعرف للعراقين الا ابو عدي

بس ودك ان اللي حكموا عليه عرب مهوب ذا الحبص الخباث

وليخسأ الخاسؤن يبو عدي بس اددددددددعس ياسنايدي

ياشيخ ودي اكشت انا وياك في نفود قبل لايشنقونك ياخي

مهيب زينه السياسه صح ؟ ادري

نشطح اجل

ذاك اليوم <-- كذا فتتاحية سوالف النصابين

لاعاد صدز ذاك اليوم رايح انا لمشوار ومبعد عن البيت

المهوم ابعدت اقربت مايهم المهم اني بعيد عن البيت <-- وش يحس به

ويدز لي اخوي اللي اصغر مني (يعني انا أكبر منه )

يقول في الرساله ( رح جب عبدالاله اخوي تهاوش هو وحسين )

عبد الاله اخوي الصغير طبعاً

وحسين بزر ثاني كبر اخوي اللي اصغر من اخوي اللي مرسل الرساله اللي اانا اكبر منه وهو اصغر مني << ينعن ام الحس

حسين هذا بالغة التايلنديه ولد نسيبي يعني ولد اختي بالماليزي

المهم اني رجعت للبيت نسيبي ويوم وصلت البيت توي مقرب يعني توي واصل <-- ولعنه

يعني توي واصل وييرن جوالي

رساله جديده

خروج عرض

وبعد حذف اجابتين اخترت عرض

والقاه مرسل لي

(خلاص لاعاد تجيب عبد الاله , تصالحوا !! )

يعني وش يحسون به ذا المبزره ؟ يعني مايدرون اني ضارب مشوار من هناك علشانهم

ماعلينا من البزارين الحين

العلم اني مواااصل وبرررووح اررقد

وعندي هذر واجد بس منيب فاضي لكم الحين

--------------------

باك

17/10/1429هـ <-- لحد يدقق

ياشين جو الرياض بعد

حر وخياس وكتمه وجفاف << هذاك اول وقسم اني الحين مجمد

يرجع الواحد يطفح عرق <--انطم لابارك الله فيك وفي اللي قال لك اكتب موضوع

المهم ماعلينا وين وصلنا ؟؟؟

ايه

8

8

وش رايكم في ذا الطرقا

ياني خاق معها بعد

بس شين سؤال

ليش البنات اذا شافوا وحده مثل هالنمونه يطرطعون وتعضض براطمها ودها تطب عليها في الصوره

المهم ماعلينا خلونا من هالسوالف الماصله <---

7

7

7

انزلوا تحت

7

7

ابي تعليقات البنات بس عن هالصوره

وتخيلي ان هذا ولدك <--لابوك نذل

جعتوا عقب هالصوره ؟

حياكم الله اقلطوا

درب درب

لحد يبدد على الارض لاخمه بصحن الفواكه

عاد عقب العشاء لازم كاس لبن تلطه الين تحول عيونك وتدوخ وتطقق يدك على كرشتك

بالهنا والعافيه مع لــبــن : ::

هذا اللي خلى ابو يعقوب يطلع اللي في راسه بالملعب من هالبن من طيبه

ايييييييييييه ياحزم الضامي

والله مدري وش اقول لكن مدري مابقى شي على اختباراتي وذا الموضوع ناشب لي عيا يخلص

بس بقطع دابر ذا الموضوع وبخلص وبتفتكون مني ومن مصالتي

بس حبيت اقول لكم اني لم احقق هدفي المراد من هذا الموضوع

ادري اني فقشت عليكم بداية الموضوع وقلت ان مالي هدف بس لازم اعترف لان ضميري ينغزني

كنت ناوي فيكم ورحمكم الله اني اكتب الموضوع لحد انه ما احد يقدر يكمل الموضوع في يوم واحد

بس مااراد الله ومدري من دعى علي وقضت لياقتي وجتني مشاغل مدري وين تجي معه

ماجت الا يوم فكرت بذا الموضوع

طيب وش رايكم تخلوني مع عمري بكلمة راس

يالله بس لاتفلونها واجد

فمان الله

قرات بداية الموضوع بسطني >>> في سوق الجمعه ههههههههههاي
بس بعدين نزلت لقيته طويل لي رجعه يالغالي

شف وآفي

آنـآ مآل أمي خلق اقعد اقتبس

ينعن خشمك موضوع طويل بس نبي نسولف

على طآري البلوت

ترآهم طآيحين بكلمـه الي هي [ يادلخ اعطيك تبن تاكله وترجع لي ] ياخي طفشونـا

اذا صآر معك وآحد مهآيطي لآزم يحط الغلط فيـك

ينعن خشمك ياخويي في البلوت

مآغير ينكبني ..

دآيم آنـآ الغلطـآن مع انه هو دآيم يقطع

آبي آعظه

بالنسبـه لفوتوشوب حقي مقي

شكلي بشتريه

شكله فله ياولد

<< أنـا شفت انفجار كلي غسلت يدي

امـا العيآل هم يبون يصيرون نينجآ ومدري وش أسمه بالضبط

لكـن بالطريقـه هآذي

بيصير بوكيمون

بس صرآحـه موضوعك حلو

وآنـآ بصراحه احب الموآضيع الي زي كذآ

احس تفرفش

كثر لنـآ منهـآ

وتسلم يآبطـل ،

وتقبـل مروري وآفيوه

زيـآدوه

**
**
**
الموضوع يوسع الصدر

الله مير يوسع صدرك مثل ما وسعت صدري



لا تعليق خخخخخخخخخخخخخخخخخخ

تحياتي

علبة فراوله
**
**
**

وافي الخصايل:::

نورت الحته دي كلها
/
/
اسفرت ...وانورت
واستهلت ...وامطرت....
/
/
ايه دة كله ,,,,, CC

اطلق موضوع بالتاريخ <<<<مناك بس

أوخس ياوافي وش هالثقافه كلها........





ياويل قلبي وش هالجمال العجيب........ رهيب والله رهيب......



لعنبوا خيرهـ وشلون ياكل هذا....جعلي منيب برجر بين يديه كان رحت في خبر كان


وااااااهـ بس مالقيتوا ألا أمير الملاعب .......أمير طع شوري ولا تنزل صور<< بتخرب الرجال عليهم


برايفت وافي إذا طلعت انت وأبو عدي خذوني وياكم
ا
الله لايحرمنا من هالطله...... وااااااااافي مشكوووور وماقصرت وكثرلنا من هالحتسي


بإنتظار جديدك ............تقبل مروري سراب

مشكووووووووووووور اخوووي

والموووضووع خلاني استانس مرره <<كنت طفشاان مرره

..::.. ودي اكون لاعبه كوره والله ..::..

تصدقين اني حسبت يوزرك رد

بغيت اقتبسه

اما سوق الجمعه اخر خبري به حادث ماتتت في عجوز عند الدوار الله يرحمها بس

أقتباس

بس بعدين نزلت لقيته طويل لي رجعه يالغالي

ينعن ام العجز عندك بعد يعني تراها شاشه تقابلينها ببيالة شاهي وتردين مافيه اي موشكله

لكن مالك الا خشمك ولو هو اعوج << برا

ننتظرك

تيت

BBP

منور المجلسCC
والله تعبت وش ذا مشالله كيف قدرت تجمع هالكلام كله

أقتباس

ومدري عن اخر 3 حلقات رحت للشرقيه وفهيت فيذاك فاك خشتي اول مره اشوف بحر ولا دري وش صار على ادعشري

الايدعشري مــــــــــــــــات




حــــــــرام ...
وش القلب الي معك تقدر تنزل هالصوره وتضحك بعد
والله قطعت قلبي

وافي موضوع رايق BBP
ولاتحرمنا جديدكBBP

أقتباس

اخوكم من شبكة النمر الشقيقه الواقعه شرق غرب منتديات القناص

هــلا هــلا بجيـرانا يالله أن تحييهم يلي يقربون لمشرفنا المتألق

>>>حــالي الــذوق<<<


BBP

[quote]

وقسمن انكم يالقناصين اطلق شي واحسن ناس في العالم <-- كيف النفاق

[/quote]

ههههههههههههههههههههههههه ]

أقتباس

خلونا من مصطلحات القراوى <<مسوي طالعاً منها

وهـ بص على القـروى الله لايحرمنا منهم



قســم بالله حــامت تسبدي وااوتس بس الله لا يبلانــا




يــاعمري عليـه وقسم دمعت عيـوني لما دققت بخشتـه بالله صدق ذي ولا ..

أقتباس

كنت ناوي فيكم ورحمكم الله اني اكتب الموضوع لحد انه ما احد يقدر يكمل الموضوع في يوم واحد

بس مااراد الله ومدري من دعى علي وقضت لياقتي وجتني مشاغل مدري وين تجي معه

ماجت الا يوم فكرت بذا الموضوع

لاتعليــق

* * * * * * * * * * * * * * * * * * * * * * * * *

الله لا يحـرمنــا منك الصارحـه وسعت صدري عقب الغم يلي

انا فيه بهالموضوع


أبأ طل علينــا بمثل هالمواضيع

<----- تلقط انفاسها


وش ذا الموضوع 10 مواضيع مع بعض



وش اعلق وش اخلي



موضوع يشرح الصدر ومتعـــــــــوب عليه بمعنى الكلمة ومنوع والاهم هو انه اول تواجد لك معنا في القناص والله يحيك ويحي كل زملائنا في النمر يسعدنا تواجدكم وحيا الله آ ل نمر كلهم

اخوي وافي الخصايل
جهد ك رائع وجميل وتواجد وبداية اجمل ..


مثبت

سؤال يسدح نفسه

مرخت ايدك عقب كل هالقرق والا لا؟؟؟؟؟؟

قسم بالله جان حول متشعب من طول موضوعك

بس ايه تووووووووووووووووحفه

اقول اما عليك صوره خخخخخخخخخخخخخخخخ رهيبه

اما يسرا تقل سنجاب هع هع

طيب على طاري الهيئه صدز بيغرون اسمه؟>>وووووووووووووهم:(

يالله بروح ادرس الله يهديك صار البريك كله موضوعك هع