اهلين بيلسان

كلام منطقي لكن في اعتقادي ان المرأه دائما هي محط النظر هلي هي عادات وتقاليد

هل المجتمع حكم على المرأه بهالشي لا ادري انا اتفق معك ان المسيار قد يكون مفيد للمراه في بعض الاحيان

ولكن نظرة المجتمع لهذه المرأه قد تكون غير جيده مالسبب في اعقتادي لانه جديد هذا العرس ولانه شي غير متعارف عليه

انا من رايي ان المسيار يحل ازمات كثيره

لكن رايي لايقدم ولا يؤخر لنسال اهل العلم في ذلك

بيلسان موضوعك داعب قريحتي نوعا ما

*
*
*
هلا بليسان
موضوع حلو ومختصر ومفيد ..

المسيار

اشوف انه لازم يكون له ظوابط شرعيه
يعني مايتزوج الواحد مسيار الا لما يكون عمرهـ فوق الـ 35

واشوف حاجه المراءه اكثر من الرجل
خصوصا اذا كانت مطلقه او ارمله لانها تبحث عن الستر

المطلقه

اشوف ان النظريه بدت تختلف والكل صار حول المطلقه
ع فكره انا باغي اخطب مطلقه
بس ماكتب ربي

< يارب خطيبتي ماتدخل وتشوف هالحتسي

مااشوف في المطلقه عيب
لكن اكثر الشباب يعتمدون ع حديث الرسول وحتى اهاليهم
اللي بمعناه تزوج بكر تلعبك وتلاعبها

بمعنى الرسول نفسه فضل ان الرجل يتزوج بكر ..!

وبخصوص الرجال ماعندهم بكر ولا غيره
لذا الفرق ماراح يكون كبير بين واحد اول مره يتزوج ولا ثاني مره
يمكن الثاني يكون احسن لان بيكون عنده خبره


العانس

هذي مشكلتها مشكله
بكره بنزل موضوع احش فيهم
خخخخخخخخخخخخخخخخخخخخخخخ

وهذي قصيده لموضوعي بكره

يابنت الناس بحالك لاتغترين
....................................... ترى فيه بدالك من البنات الفين
صحيح مملوحه ومزيونه وتهبلين
.......................................لكن مطالبك مايقبلها العقل الرزين


وتكمله القصيده بتكون بكره في الموضوع

< وخر لاتسوي دعايه بموضوع البنت

*
*
*
سلامو

السلام
يعطيك العافيه بيلسان
المطلقه
من جد هذي اللي حرام احس اكثر وحده مظلومه من ذا اللي فوق اهي
ولاتقولون نظرت المجتمع تغيرت والله لحد الحين التفكير السايد ان العيب منها
وذكرتيني مره وحده تعرفها خالتي
قعدوا سنين مايجيبون عيال واهي بتموت على العيال لا اهي ولا رجلها وكل فتره رجلها يهددها بالطلاق واهله يحنون الا اصلا ذا حقك والمفروض ماتزعلين ومن ذا الحكي
المهم راحوا المستشفى مره وكشفوا وصار العيب منه قالتله طلقني ابي اتزوج واحد غيرك واجيب عيال كل خلق الله قبوا في وجهها هذي خاينه وتخلت عن زوجها وسالفه طيب وين الكلام ذا يومنه بيطلقها وبيعرس والا العيال له بلحاله
من جد قهر

مشكوووووووره اختي بيلسان
من جد كلام فوق الرائع وابدعتي في الطرح
تقبلي مروري..

*
*

موضوع كويس مثلي

المسيـار
هذا مشكلته مشكله مابين يبيه ومايبيه
هو مفيد ومضر بنفس الوقت بس لازم يكون له ضوابط
يعني الواحد راتبه 2500 مثلا وكبر بالسن وش يسوي ماله
الا المسيار بداله ماينحرف لمسار يندم عليه . نفس الشي للبنت اللي كبرت


*

المطلقه

في مجتمعنا حقها ضايع حتى لونها بنت ام 20 سنه على قولتهم ( طاح كرتها )
هذا الكلام غلط بغلط طبعا لكن الشكوى لله
ومايتقدم لها الا شياب وهذا شي مؤسفـ والله

لان كل الشباب يبون البنت توها بكـر .
نفس الشي مع البنات وهي صغيره ماترضى تتزوج واحد قد طلق الا قليل

*

العانس

عاد هنا مانقدر نقول شي وقدر انفرض

لكن فيه مسببات اكثر البنات اللحين طلباتهم صارت تقص الظهر قص
وهذا هو اهم سبب . يحملون الواحد فوق طاقته وقدرته . وشي طبيعي بيروح

*

تسلم يمينك، اجل قسيتي علينا من حبك لنا هاه

موضوع يستحق النقاش والطرح


مثبـــــــت

بغض النظر عن زواج المسيار لانه لن يحدث الا باتفاق الطرفين ..

الطلاق

قضية كبيرة ينظلم فيها المرأة والابناء.. اما بالنسبة لنظرة المجتمع فتختلف من شخص الى آخر ولكن النظرة السائدة ان العيب في المرأة .. وربما كان السبب عكس ذلك ..

العنوسة

اما ان يكون السبب من الفتاة نفسها او من الشباب .. إما غلاء المهور او الآراء الخاطئة لبعض الشباب عن الزواج .....


سلمتِ بـيلــسـان على هذا الطرح الرائع ..

هلا بالغلا بيلسان
موضوع روووووووووعه بس وش جايكم على العرس؟؟

شوفي المسيار والله لو الرجال قاضين ماأخاذ واحد يتمسير علي يلطعن ببيت أهلي سبوعين مايدري عن وبعده يجي يسحب رجليه هذا تسمون زواج ؟؟
الله يخلي لي بيت أبوي معززه مكرمه محفوله مكفوله << يمديكم على السجع
بالنسبه للمطلقه ترجع للقسمه والنصيب أعرف وحده تطلقت ثلاث مرات وتزوجت بالصيفيه والان مرتاحه مع رجله الرابع مع أنه شاب صغير وأول زواج له بس الله موفقهم ح
العوانس ياعمري يابنات الطب كل ماسمعت هالكلمه تذكرتهن بس مفهوم العانس يختلف من قبيله لثانيه زميلتي من أحد القبايل اللي تزوج بناتهم بدري تقول عندنا البنات يزوجن وأعمارهن 15 وعندنا اللي عمره 15 توه تبدا تعلم على لبس العبايه ولا بعد على الكتف
والعنوسه كلمه تقال بس للبنت لان الولد عادي متى ماتزوج مايضره شي بس البنت تكبر ويبين عليها أنها كبيره أكثر من الولد
بيلسان الله يعطيك العافيه

هلا بيلسان منور المجلس ياقلبي

الميسار
انا مأيدينه لانه فيه ظلم للمراء بنظري <<والله تعالى اعلم

المطلقه
للاسف هي معاناة المراه والمشكله ان المراه هي الي تتضرر اولا واخير
انا اعرف وحده مرره قريبه مني تطلقت مرتين والسبب اهلها لانهم ماعرفي يختاروا الرجال السنع
وهي طبعا ماالجماعه لانها كانت صغيره تستحي تقول لا وجابت من زوجها الثاني ولد
المهم
وتزوجت الثالث وهو اول مره يعني كان عزوبي<<<وماكان مطوع
وخذا ولدها وجاب منها 3 والله العظيم يعامل ولدها مثل عياله حتى ان الولد يسميه ابوي
حتى هله يحبون ولدها مثل عيالهم
والحين لهم5سنوات ولافي شيئ فحياتهم ابد

العنوسه
تصدقين توني مخلصه من التلفون مع صحبتي تقول عندهم الي عمرها 23 خلص فات عليها القطار
لكن في اشخاص يفضلون ياخذون كبيره (24-27) يقولون حنا مانبي وحده نربيها واتوقع انهم جدا قليل

بيلسان موضوع حلو مثلك
تسلمينBBP

بيلسان قد قلت لك أنك تعجبيني؟





زوجـــة مــســيــار


مابعد صرت مصريه عشان اجوابك << برا ياظريفا



مــطــلــقــة




تدرين انا من الحين يقولون لـي سديكاتي أنتي مشروع مطلقه BBP
يمكن لأني أقدر المطلقات : $
واللهي يابيلسان اليوم كان فيه حوار عنيف بيني وبين سديكاتي
أقولهم أحس أحلى حيااااة لمن الوحده تكون مطلقه بس عندها " ولد "
لو جتني بنت بوئدها خخ ( صعبه الكلمه :/ ) أبي ولد سغنون اربيه لحالي بدون أبوه
ويكبر واصير اسافر انا وياه لحالنا ونفلها ومنب مزوجته خخخ

شوفي اذا هالمطلقه تشتغل ورابتها معيشها خلاص المفروض ماتهتم
يختي احنا مجتمع غبي , تخاف يحكون فيها مثلن وتتأثر ؟؟
يعني عاااقت معها هي !! هذا هم حتى الأموات ماسلمو منهم
تخيلي ولد عمة صديقتي الله يرحمه متوفي قريب , جارتهم جايه تقولهم أصلن احنا سمعنا
أنه سااارق غنم من مزرعه ومنحاش وصدم ومات !! أول شي يختي استحي حرااام عليك الميت
ماتجوز عليه إلا الرحمه , وبعدين شايفته بيتر يعني عشان يسرق غنكم ياهايدي
معلييييه يعني تخترعين قصه من مخك , وتجين تحكين في الولد وهي ميـت !!

بإختصار المفروض الوحدهـ منا ماتتأثر لو تطلقت وتحس نفسها عاله ع المجتع !!
امحق مجتمع

تعرفين اكثر شي يرفع ضغطي لو وحده معذبها زوجهاااا وحايس مريرها بس صابره عشان خايفه تتطلق
يعني خايفه من كلمه مطلقه ومو مهتمه من تعذيب هالرجال !

ترا مو معناته اني بتزوج عشان اتطلق لا يعني بسم الله علي وعلى مجهولي
بس اتنرفز من الي يحقرون المطلقاات , وانقهر بعد من هالمطلقات الي حاقرين انفسهم وحابسين اعمارهم


يختي حطيني بسوالف مطلقات انفلت سمللى علي



الــ ع ــا نــس


اللله تخيلي دكتوره وعاانس يعني ماوراها غثى ولا رجال ولا هم ولااا شي
بااللهي مافيه احسن من هيك ؟
انا وش مدخلني ادبي

الله يذكرها بالخير سنسن وحده كانت معي لمن كنا بأولى ثانوي
كانت تقول انا بدخل علمي , قلت لها وع انا ادبي
قالت يااالله احس بنات الأدبي كل همهم العرس عكس بنات العلمي خخ

واللهي جد من بعدها حسيت هالكلمه يمكن تنفع لو هالبنت جلست ببيت اهلهاا وتحتري عريس الغفله
يجي يقشها من عندهم وكل همها تروح عروس عشان تنخطب ,

ياحظها سنسن دخلت علمي ونقلت لمدرسه دفاااره عشان مستقبلها الله يوفقها :/





بيلسان
شكرن مره



..