يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe) - شبكة القناص

ريميه نشميه · 15-11-2006, 05:37 PM

..

البرازيل .. ارض الجميلات .. وأرض كرة القدم .. وأرض البن

البن .. هو النبات اللي تجي منه القهوة ..

القهوة .. مشروب يسبب السهر .. وبعض الناس مدمنينه ..
كما أن القهوة هي الموضوع اللي بأتكلم عنه اليوم ..

مقدمة مدري وش تبي ، لذلك بأدخل في الموضوع دايركتلي<-- (adv) <-- ذبحها الانجليزي

..

خذ فنجال وعلوم رجال

القهوة ومن قديم الزمان كانت الشروب الأول عند العرب ، والدلة كانت رمز الكرم وعنوان الضيافة

..

ليه القهوة

ليه نشرب القهوة ؟
سؤال صعب جوابه مثل (ليه ما ناكل اللقيمات الا في رمضان)

عادة نتوارثها جيل بعد جيل
" تقهو عندنا يابو فلان "
" يأم فلان ، قهوتكم زاهبه .. ابو فلان بيتقهوى عندنا اليوم "

..

[ مشهـــــــــــــــــــــد ]

أم عبدالرحمن : اقول يا ام خالد ليه ما تجين تتقهوين عندي ، ترى ام عبدالعزيز مسيره علي

ام خالد : ما ظنيت اني بقدر أجي يا ام عيدالرحمن .. عندي اشغال

ام عبدالعزيز خذت السماعة من ام عبدالرحمن :اقول تعالي بس ، أم عبدالرحمن مزينه حلى ماقد ذقناه

أم خالد : وش يدريك اني ماقد ذقته .. هو وش اسمه

ام عبدالعزيز : مدري وش اسمه .. تقول انها هي اللي مبتكرته

ام عبدالرحمن وهي خاقه : اسم الحلى (أصابع سعيدان)

"مع اصابع سعيدان .. مش حتقدر تمسك نفسك من الضحك"

(المحادثة اللي فوق اهداء لنفسي ولحبيباتي .. وعلى رأسهم الجمال النائم)

..

الحلى والقهوة

نادراً ما تنشرب القهوة العربية بدون حلى (يا تمر أو شوكولاته أو حلى بيتي أو بقلاوه أو أو أو ...... )

في أغلب برامج الرجيم نلقى في قائمة الأكل (قهوة)
بزعمهم انها تنحف .. ما دروا ان السعوديات ما سمنوا الا من القهوة ومن الحلى ومن السكريات اللي تنوكل معها

..

قصة القهوة

حسيت لازم احط نبذة تاريخية ، بس العجز من يخلى له ، لذلك سألت أمي ...

"من أول من شرب القهوة"

قالت : في كتاب الانجليزي كان عندنا موضوع عن القهوة ، كانوا يقولون ان راعي غنم من الحبشة يرعى غنمه ، وراح بهم لمكان بعيد
الغنم كان خامل وكسول ، وبعد مدة من المشي شاف نار وشيء يحترق ، ومن هالنار تفوح ريحة حلوة ، بعدها انتعشوا الغنم وبدوا يصحصحون
اثر ذا النار كانت اشجار (بن) محترقة ، ومن بعدها عرفوا العالم القهوة وصاروا يشربونها <-- والذمة على كتاب الانجليزي حق امي

..

"لا تشرب القهوة ، ترى اللي يشرب القهوة يصير اسود "p10

تهديد كنا نسمعه من الكبار عشان ما نشرب القهوة ، الغالبية كانوا ولازالوا ما يشربون القهوة الا نادراً باستثنائي (اشربها في كل زمان ومكان)

..

صديق القهوة

(الشاي .. وعند ناس الشاهي)

احس العلاقة بين الشاهي والقهوة مثل العلاقة بين الشمس والقمر

"تصدق انا وياك قصتنا مثل شمس وقمر من اول الوقت لين آخره ما يلتقون" <-- الكلمات صح علي ؟

" تصدق انا وياك قصتنا مثل شاهي وقهوة من اول القت لين آخره والعالم يقحنون فينا" ...........

.........

<-- برا لو سمحتي

عاد قصة الشاهي قصة ..
شاي الربيع كيس والا تلقيمه
طيب أحمر والا أخضر
طيب أخضر بالنعناع والا أخضر بالبابونج والا أخضر بالزنجبيل <-- هذا سعودي

الشاي أكثر انتشاراً من القهوة (ولا يسود البزران إذا شربوه) <-- مصدقه الكذبة

أكثر الناس يشربونه أحمر ، وناس يشربونه أخضر عشان المنتخب الزلايب ، وناس يشربونه أزرق عشان الهلال <-- براا

..

اكسسوارات الشاي

- الحب .. وناس يسمونه (الفصفص) <-- ذا الناس اشك في جنسيتهم
واللي أكشخ من الحب (المكسرات) <-- فيه برنامج في القناة الاولى اسمه كذا يجي بدال المملكة هذا الصباح

هنا استشهد بقول خالي عبدالعزيز

" الحب ماله فايده غير انه يلهيك عن الحش "
طبعاً هالحكمة استنتجها خالي بعد ما هجدنا (نحن النساء) عن البربرة والحش الخفيف (الله يتوب علينا)

- الفطاير .. والمعجنات عموماً ، يكون لها طعم ثاني مع الشاي

- الكيك أو الكعك أو الكيكه (صورة لعبدالله أخوي مع التحية)

* شرب الشاي مفيد جداً بعد أكل الفول ، ولا تسألوني عن السببp21
* يقال أن الشاي يكسر الحديد اللي في دمك لذلك لاتحرص عليه واجدp10

..

عيال عم الشاي

الغجر .. ويسمونه كركدية ، مفيد لمرضى ضغط الدم ، ولذيذ وهو بارد (ماقد ذقته وهو بارد الا مره وحده في مصر)

الزنجبيل .. ما أحبه ، يسمونه مشروب الشتاء ، مدري ليه أحسه ثقيل دم وغثيث
برايفت زنجبيلو :
بيقوم عزك عما قريب

الليمون .. اللي خلص نعناعهم ، ويبون مشروب لونه اصفر ، مفيد للمزكمين

النعناع .. لذيذ ، وهو شاهي البزران الزلايب الخوافين

، مفيد ، افود من الشاهي وهو أكثر واحد مماشيه
تدرون ليه ؟
لأنه هو والقهوة عندهم عامل مشترك الا وهو (الزعفران) ، من كذا الشاهي يحتك بمعشوقته القهوة عن طريق النعناع أو الزعفران

(تدرون أن الزعفران أغلى أنواع التوابل وايضاً يوسع الصدر ويشرح النفس)

..

المنكهات بالنسبة للشاهي والقهوة

[ الشاي ]
ملاحظين الانفصام مره شاهي ومره شاي

أهم منكه له السكر
وفيه شاهي جديد يقولون انه (شاهي ايراني) بالزعفران

هذا غير المجموعات الجديدة اللي مسوينها (شاي الربيع وشاي لبتون)

[ القهوة ]

الهيل : هو اللي يعطي القهوة رائحتها المنعشة

الزعفران : هو اللي يفتح لون البشرة ، ويستخدم كواقي من أشعة الشمس <--براا بقوة

يفتح لون القهوة ويعطيها نكهه مميزة

المسمار : فيه ناس يحبونه مع القهوة ، بالنسبة لي أكرهه وبقوه ، واحد من خوالي يحبه

المسمار عند بعض الناس يسمى (عويدي)

..

أحلى أوقات شرب الشاي والقهوة

الشاهي <-- رجعنا للإنفصام

، المهم انه يشرب في اي وقت

القهوة .. أحلى وقت لشربها الصباح الباكر ، ووقت الضحى ، وبعد المغرب

بعد المغرب ، يكون الواحد توه قايم ، يروح عند اهله اللي جالسين قدام التلفزيون يتابعون مؤشر الاسهم على العربية (أيام الفترتين) <-- تحسب كل الناس مثلها

اشتقنا لذيك الأيام ، يوم كان السوق أخضر ويفتح النفس مثل ريحة القهوة ..

..

قهاوي جديدة

( نسكافية ، كابتشينو ، موكا ، لاتيه ، اكسبريسو ...............)

ما أحرص عليها ، بس ما انكر انها لذيذة ، وتمر على الواحد فترات يشتهيها

* مره كنا بالسوق وولد خالتي الصغير مقلقنا يصيح " ابي كابتشينو" ويالله ينطق الكلمة
يوم رجعنا كان يصيح لسبب ثاني (يبي يلعب في الملاهي)
سألتهم أمي : شريتوا له كابتشينو
قال أخوه : ذا النصاب ما يدري وش السالفة يوم جيت اطلب له قال "قله يكثر ملح ويحط مايونيز خفيف"

* مطار ايطاليا

اسمه (ليوناردو دافنشي روما) مسمينه على اسم الرسام اللي رسم الموناليزا
عبد الله اخوي للحين عنده قناعه ان اسم المطار (روما كابتشينو) .. ليه مدري

..

قالوا عن القهوة والشاي

خلف بن هذال

سووا لي الكيف وارهوا لي من الدلة
............................. البن الاشقر يداوي الراس فنجاله
كيف اننا نحرقه بالنار ونزله
........................وليا انقطع لو ورى صنعاء عنينا له

لكزس في قصيدة الاخيرة

من

الدلعماعاد تفهم ويش احط وويش اشيل

وانا دلالي الصفـر اسويها لها واصبـّها

رسالة جوال

عروق قلبي لك دلالن مباهر

صفيتها دله ودله ودله
مدري صباح الخير والا مسا الخير
بس الوكاد بوجهك الخير كله

ريميه نشميه <-- أنا

"

الحب والذكرى،كالقهوة والسكر،شريكان في إيصال اللذة إلى أفواهنا،،سر محافظة القهوة على مكانتها العظيمة في عرش المشروبات هو السكر..نريد أن نحافظ على مكانتنا العظيمة في عرش المحبين بالذكرى"

نزار قباني

دعيني أصب لك الشاي

انت خرافية الحسن هذا الصباح

دعيني اترجم عما يدور ببال الفناجين وهي .......
.....
أأعجبك الشاي ، وهل تكتفين كما كنتي دوماً بقطعة سكر
أما أنا فأفضل وجهك من غير سكر

البيتين اللي في النص نسيتهم

..

Home work

1- لخص الموضوع في ما لايقل عن ثمانية اسطر وما لايزيد عن عشرة اسطر <-- عشان ما تجيني ردود أم (مشكوره الله يعطيك العافيه)

2- من أول شعب شرب القهوة (لا تستند على القصة الوارده في الموضوع)
من أول من شرب الشاي ..............

3- استشهد ببيت شعر أو مقولة (محلية أو عالمية)عن الشاي أو القهوة

4- برأيك ماهو سبب ارتباط القهوة والشاهي ، وما هي طبيعة العلاقة بينهم

5- تفضل القهوة مع تمر والا مع حلى .. مع التعليل

6- قهوة عربية ، والا قهوة تركية ، والا قهوات امريكية (غربية) ، والا كابتشينو ايطالي .... ايهم تحب أكثر

7- أحلى أوقات شرب الشاي والقهوة متى بالنسبة لك

(اختر اللي يعجبك من الاسئلة وجواب عليه كما ان الاسئلة موجهه لكلا الجنسين)

..

هذا موضوعي .. كنت بازيد فيه بس حسيت انه بيتشتت وبتنعدم أواصر العلاقة بين ابناءه .. لذلك هونت

اعتبروا الموضوع مقهى ، قولو اللي تبون ، سولفوا عن اللي تبون ، ناقشوا المواضيع اللي تهمكم

تحياتي لكم .. وعسى قهوتي عجبتكم

الجمال النائم اقترحت أكتب في العنوان (al Qnas Cafe )
فحبيت أشكرها على هالأقتراح <--

ريميه نشميه · 15-11-2006, 05:44 PM

لغز ..

فيه شي جديد عليّ مسويته بهالموضوع

اللي بيعرف الجواب له جائزه قيمه

الجوائز مقدمه من شركة السيف للدلال والاباريق والبيالات الفناجيل

**فيصل** · 15-11-2006, 05:48 PM

*
*
*
هلا ريميه وش ذا الخيانه
تنزلين موضوع بدون ماتشاورين خالتس

<< توه شارب قهوه لين تاغر
ومعها تمر وحلى

والله القهوه لها مزاج غير طبيعي
رغم ان بعض الاحيان العنها لين جابت لي حرقان ..!

بس انا اشربها بكل وقت حتى مرات تمسك الساعه 1 الليل اكلم اهلي ويصلحونها لي
بحكم اني مااعرف

وافضل القهوه العربيه ع الباقيات
وافضل معها تمر سكري اكثر شئ

وان كان فيه بقلاوه ماقلنا لا

والشاهي عاد ادمان من جد
وهالاسبوع بحكم ان الاختبارات مدهره فلازم الشاهي يدهر
يعني في اليومين ترمسين الى 3

واول شعب شربوا القهوه اكيد اهل القرينه

موضوع حلو وومميز
يكفي انه من بنت اختي BBP

سلامو

رغده · 15-11-2006, 06:16 PM

../..

أهليـن ريمـيه..

حـلوهـ فكرة الموضـوع..

أهنيك ع الإختـيار ..

./.

القهـوه من أساسيات أي بيت ومـاأتوقع فيه بيت بدون قهوهـ..

مع إنـي مـاأحبها ولاأواطـن ريحتها,بـس أتذكر يوم كنا صغار كنت أتمنى أذووقها بـس أمـي كانت تعيي

ويااويل اللي يشرب هـذا عندهـ عقاب والحجه(تصفر الأسنان)..

أتذكـر كنت أحب أروح لبيت جدتي لأنها تخلينا نشرب وامـي مـاتقدر تقول شي..

بـس ماش مـاني من عشااقها..أحااول أشربها مـاأقدر..حتى لو سوينا فطور مع صديقاتي يجيبون قهوه أضطر

إني أشرب مويا..

بـس في بيتنا أكيد يوميا القهوه تكـون جاهزهـ..وغالبا تكـون العصـر محد يشربها في بيتنا غير امـي وابوي

واكثر شي يكون معها تمـر ,وإذا في حلى حطووهـ..

الشـاهي بعد مـاأشربه كثير تقريبا اشربه لو كنت مع صديقاتي مسويـن فطوور أمـا بالبيت مـاأشربه يمكن نادرا

مع شابوورهـ..

أقتباس.. وناس يسمونه (الفصفص) <-- ذا الناس اشك في جنسيتهم

حـنا مـانسمـيه الا فصفص..خخخخخ وش تطلع جنسياتنا..

أقتباس"لا تشرب القهوة ، ترى اللي يشرب القهوة يصير اسود "p10

خخخخخخخخ لا حنا مـبدأنا لاتشرب القهـوه ترى أسنانك تـصير خربانه وصفراء..

أقتباسأكثر الناس يشربونه أحمر ، وناس يشربونه أخضر عشان المنتخب الزلايب ، وناس يشربونه أزرق عشان الهلال <-- براا

الشـاهي الأحمـر الأشهر عندنا..الشـاهي الأخضر للي يسووي ريجـيم..أمـاأزرق..

أقتباسالزنجبيل .. ما أحبه ، يسمونه مشروب الشتاء ، مدري ليه أحسه ثقيل دم وغثيث

ينـفع بقووه يدفي أوقاااات البرد..

أقتباسالنعناع .. لذيذ ، وهو شاهي البزران الزلايب الخوافين

، مفيد ، افود من الشاهي وهو أكثر واحد مماشيه

أنـــا أمووت عليـه..ويقولون أنه يهدي الأعصااب..

بالنـسبه لمـنكهات القهوه على قولتك مـاأفهم فيها خخخ بـس داايم اذا عند خوالي يحطوون كم نوع زعفران وهيل

ومسمار عاد مادري عنهم..

القهـــاوي الجديدهـ..هذا اللي أنا أتعاااامل معها وبشدهـ وخاصه الكباتشينو والموكـا..

هذوولي قهـوااتي انـا اللي اشربهم..

أقتباس2- من أول شعب شرب القهوة

الغنـم هم أول من شربوا القهوه..<----

../..

ريمـيه..

اسمـلا عليك..مـوضوع يجنن..

يعطـيك العافيـه ياقمـر..BBP

**المزن الهلالي** · 15-11-2006, 06:18 PM

أقتباس
نزار قباني

دعيني أصب لك الشاي

انت خرافية الحسن هذا الصباح

دعيني اترجم عما يدور ببال الفناجين وهي .......
.....
أأعجبك الشاي ، وهل تكتفين كما كنتي دوماً بقطعة سكر
أما أنا فأفضل وجهك من غير سكر

البيتين اللي في النص نسيتهم

دعيني اصب لك الشاي .. أنت خرافية الحسن هذا الصباح

دعيني أترجم بعض كلام المقاعد وهي ترحب فيكِ
دعيني اعبر عما يدور ببال الفناجين وهي تفكر في شفتيكِ

أأعجبك الشاي ؟؟
وهل تكتفين كما كنتِ دوماً بقطعة سُكر؟!

أما أنا
فأفضل وجهك من غير سكر ..

دعيني اقول بكل اللغات ولا تعرفين
أحبك انتِ
احبك أنتِ
دعيني افتش عن مفرادت تكون بحجم حنيني إليكِ
دعيني افكر عنكِ .. وأشتاق عنك ِ .. وأبكي واضحك عنكِ
والغي المسافات بين الخيال وبين اليقين ..

دعيني انادي عليكِ بكل حروف النداء ..
لعلي اذا ما تغنيت باسمكِ من شفتي تولدين

دعيني اؤسس دولة عشق ..
دولة عشق تكونين انت المليكة فيها ..
وأصبح فيها أنا أنا أنا ... أعظم العاشقين ...

<---- ماتنعطى وجه في نزار

رايقة يابطلة موضوع غير شكل

مثبت

**حالــي الــذوق** · 15-11-2006, 06:41 PM

*
*
هلا بـ ريميه نشميه اليوم علومك علوم نشامى ولك في اسمك نصيب

القهوه

الله يسلمك القهوه عندي مطلب ضروري جدا
ولو ماشربت قهوه في يوم من الأيام يمكن يصدع راسي

ونا اتكلم عن القهوه العربيه مهيب الأنواع الثانيه

وقدرها لاجت في دله صفرا تلق وصحن تمر سكـري والا نبوت سيف
ومافيه مشكله اذا جاء صحن بقلاوه وبلح الشام

بالنسبه للقهوه انا اشربها مرتين باليوم الصبح وبعد العشى
وشكل هالعاده فيني وراثيه اب عن جد

*
*
يقولكـ
يامحلا الفنجال مع سيحة البال
في مجلسـ (ن) مافيه نفسـ (ن) ثقيله
هذا ولد عم وهذا ولد خـــال
وهذا رفيقـ (ن) مانــدور بداله

*
*
ويقولك بعد

الدله اللي ماتبهر من الهيل .. مثل العجوز اللي خبيثـ (ن) نسمها
8
8
كذا عاد كلاما شيابنـا . وهم أدرى

عاد الشاهي حكايه ثانيه خصوصا لاجا منعنش
*
*
ويمكن اول من شرب القهوه . اليمن
والشاهي ممكن سيرلنكا او الهند

*

ريميه موضوع بطل يابطله

وقتراح الجمال حلوو . بس يالله همتك انتي وهي وقهونا

لمسة ملاكـ · 15-11-2006, 07:56 PM

يعطيك العافية على الموضوع

[QUOTE]يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe)[/QUOTE]

بالله تصبوا ها القهوه وزيدوها هيل واسقوها للنشامى على ظهور الخيل

أقتباسالقهوة .. مشروبيسبب السهر ..وبعض الناس مدمنينه ..

وأنا أقول وراى عجوز أنام الساعة 9

<<ما تشرب القهوة

أقتباس
لا تشربالقهوة، ترى اللي يشرب القهوة يصير اسود "

أقتباس

ولا تشرب الشاهي تراه يصغرك

<<مالت علينا نبي نكبر

أقتباسيقال أنالشاييكسرالحديداللي في دمك لذلكلاتحرص عليه واجد

هو مفيد إذا كان لحاله أما مع الأكل يكسر الحديد

أقتباس

النعناع .. لذيذ ، وهوشاهي البزران الزلايب الخوافين،مفيد

اجل انا طلعت بزر

أقتباسHome work

<< كح كح اكره ها الكلمة

أقتباس

من أول من شرب الشاي

أنهم الصينيين

<<احلفي

أقتباس

برأيك ماهو سبب ارتباط القهوة والشاهي ، وما هي طبيعة العلاقة بينهم

هذا يا طويلة العمر بينهم حب عذري من يوم هم صغار

القهوة كانت تحب ولد عمها الشاهي

ويوم دروا أهلهم حلفوا عليهم ما يعرسون ابد ولا يتلاقون بوقت واحد

عشان كذا صارت القهوة أول ما يجوون الناس تطلع

والشاهي بعد العشا

أقتباس

3-استشهد ببيت شعر أو مقولة(محلية أو عالمية)عنالشاي أو القهوة

ما اشربش الشاهي اشرب ازوزه أنا

<<برااااااااااااااااااا

أقتباس

- أحلى أوقات شرب الشاي والقهوة متى بالنسبة لك

مانيب اشربهم عشان كذا ماراح اجاوب

<<من جبرك تجاوبين

رفـرف · 15-11-2006, 08:30 PM

ياربي على ريحة القهوه بس اطلق

عن افحل شجرة عود على الارض

ريحتها تعدل الراس مااقعد فالبيت

اللى اذا كانوا اهلي مصلحين قهوه

ادمان صارت مثل الهروين عندي ..

لكن اني اشربها مافكرت فالموضوع

للان

افكر ورد خبر لي باك ان شاء الله

متى تقفلون انتوا عشان ماطق مشوار

والاقيه مقفل وارجع وطق مشوار رجعه

من جديد ...

حلمـنا الوردي · 15-11-2006, 11:43 PM

أهــ ــلــن ريــمــيــه ،،

موضوع " رايــ ـــق " وفــكــرتــه جديدهـ وحـلـوهـ ..

.. القهوهـ ..

حبيبة ألبي ،، صبح و " مسا " وليل بأي وقت " تروقني "
تحميسة " القهوهـ " بالصباح وريحتها ..
باختصار ادمااان ..

بس ماااش ما احب " الحلى " الثقيل مع القهوهـ ،، تمـر ألــذ

أحلى وقتـ للقهوهـ كوب " الصباح " قبل الدوامـ , و المغربيه

.. خوذي عندكـ ..

لاضاق صدري قمت أسوي من الكيف *** فنجال بن ما يجيبه سريبه

أقتباسملاحظين الانفصام مره شاهي ومره شاي

موب ذاكـ الزود أنا مع ( الشاهي ) ,, اشربه مرات بس ما احسه " مزاج " زي القهوهـ

" الـزنـجـبـيـل " أحـبـه بـعد الغـدا

أتوقع أول من " شرب " الشاي همـ " الصينيون "
و "الـقـهـوهـ " العرب

" الـشـي الـجـديـد "

اممـ الصور <-

" ريـمـيـه نشميه "

تـسـلمـ ديــاتكـ BBP

**رامي السهام** · 16-11-2006, 12:06 AM

هلا وغلا بك ريمية

وشئ طيب ان نعطي الشاي والقهوة جزء ولو بسيط
من تفكيرنا واهتمامنا لأرتباطهما الوثيق بحياتنا
وما بيننا من عشرة عمر طويلة ومن بااب ( عيش وملح )

وبما انك وضعتِ لنا الرد على شكل واجب منزلي واختيار
ما يسهل علينا حله فسنبدأ في الاجاابة واتمنى ان لا تقومين
بالتصحيح الا بعد فنجااال من القهوة العربية الاصيلة حتى
تصححين وانت مروّقه وتساعدينا وتراعينا في الدرجاات...
قبل هذا نشوف النقطة هذي..

أقتباسعادة نتوارثها جيل بعد جيل
" تقهو عندنا يابو فلان "
" يأم فلان ، قهوتكم زاهبه .. ابو فلان بيتقهوى عندنا اليوم "

الحين المعاناة تأتي في المستشفى اذا مرض احد هالمدمنين على القهوة
فعجز الطب في تخديرهم والى الان في بحث عن بنج يقهر القهوة..!

Home work

أقتباس 1- لخص الموضوع في ما لايقل عن ثمانية اسطر وما لايزيد عن عشرة اسطر <-- عشان ما تجيني ردود أم (مشكوره الله يعطيك العافيه)

القهوة وما ادرااك ما القهوة انها القهوة وهل يوجد من لا يعرف القهوة..؟؟ ( وهذا سطر )

وهل هناك من لم يسمع بالقهوة وبروتوكولاتها وقدسيتها عند العرب.؟؟ ( اثنين )
فالقهوة لها مكانة عالية (بين الامم) عند العرب ولها قيمة فريده( س)
ولها صفات خاصة جدا لا تتوفر في اي قهوة من القهاوي الدخيلة والوافدة
على قهوتنا العربية الاصيلة الطيبة الشهمة الشجاعة القوية الجنية الكل شئ
فطريقة تصليحها غير ( ولو كتبنا عنها لأحتجنا الى مجلداات)
وفناجيلها عديدة وبأسماء مختلفة واغرااض متنوعة وايضا يصعب شرحها
من مكانتها انها تعتبر (كلمة شرف)
واعطيكم مثال فقد ذهبت ذات مرة الى احد العرب بصحبة واحد يريد منه شغله
وانا من طبعي ما اشرب القهوة كثير
يعني حسب المزاج وذاك اليوم ما ابيها وتقدم الولد وصب لي فنجال وقلت له
بس ما اشربها..! الا ويطلع عيونه في ويقول خذ..! اخذته ونزلته..؟؟
ويا ليتني ما نزلته..؟ انقلبت الدنيا وحضر عندي كل من له علاقة بالتحقيقات
من شرطة وامن دوله واستخبارات وهيئة ويتقدمهم كوفي عناان ..؟
انا خفت ولا ادري وش السالفة ورفعت ايدي وصحت وانا اقول والله ما هو
انا اللي ذبح كليب .؟؟ قال العربي اشرب فنجالك وابشر باللي تبيه..!!
قلت انا ما احبها..؟ قال رفيقي انطم واشرب الفنجال..!!
طلعت السالفة ان اللي ما يشرب فنجاله يعني عنده طلب من صاحب البيت
وحكاية طويلة يبيلها قعده..
ايضا من مكانتها اذا فيه واحد قوي ويترفس في بطونهم يعقدون صفقة
فنجال عليه اي يصب فنجال ويقال هذا فنجال ( القوي)
من يشربه يا رجال القبيلة..!
فمن يتقدم ويشربه فيعني اتركوه علي وازهلوه ويا ويل امه اذا ماقدر عليه ..!!
يعني انتبه تشوف فنجال منزل الحاله وانت خرماان قهوة ومن
دلاختك تروح تشربه..!! فيا ويلك هذا فنجال اسامه ولازم تحضره خلال ساعة..؟
طبعا تعتبر رمزا للكرم والضيافة ويقال ( بيت الكرم ما تخلى من الفناجيل المكسرة)
اي حوله مرمية وبذلك لا يهتمون بالنظافة حتى ما تروح اثار الكرم..!
( لا تقولين يا ريمية تعديت عشرة اسطر!! فالزايد حق الاسئلة الباقية تسلفته
مقابل ما احله..)..............BBP

أقتباس3- استشهد ببيت شعر أو مقولة (محلية أو عالمية)عن الشاي أو القهوة

يا شيخ ما تصلح الدله بغير بهاار....اما اترك الكيف ولا بهر الدله...!!

أقتباس4- برأيك ماهو سبب ارتباط القهوة والشاهي ، وما هي طبيعة العلاقة بينهم

لا يغرك الصداقة الظاهرة بينهم فهناك مشاكل ولكن لا تظهر للعامة
والسبب ان الشاهي مقهور من القهوة وذلك بتخليد اسمها وترديده باستمرار
على الالسن من حيث اطلاقه على اماكن تواجدهما باسم
(قهوة او قهااوي) واللي زاد من غبنه ان فيه قهاوي لا تصلح الا شاي
ومع ذلك تسمى ( قهوة الطرقية ) او اي اسم بعد قهوة ...!

أقتباس 5- تفضل القهوة مع تمر والا مع حلى .. مع التعليل

لا اشربها كثيرا وان حصلت مع رطب فلا اروى منها حتى تسرّب..!!

نسيت اقول سبب العلاقة المتوترة بيني وبين القهوة وهو ما سببته لي في
صغري من معاناة وعذااب وحرمان من بعض هواياتي وما احب وذلك
بالوقوف بها لساعات طويلة لكي اصب للضيوف الذين يأتون ولا يخلصون
وبعضهم يأخذ الفنجال ويضعه جنبه ويروح في سالفه وينسى الفنجال
وانا اناطر فيه واسوي حركات ولكن دون فائدة ويا ويل ويلي من الشايب
ان كان قلت خلصت ولا بعد ولا عااد الموت كله ان كان جلست شوي اتريح
فتلك ام الكوارث والذنب الذي لا يغفر ابدا وعقاابه عسير بعد ما يروح الضيوف
فسببت لي عقده من ما جراالي منها..!!

شكراا ريمية على الموضوع وآسف على الاطالة ولكن غصب عني نسيت نفسي
واحسبني في امتحان تعبير وقلت لازم اعبر بكل اخلاص
فلا تنسينا من الدرجات والجوائز....
يعطيك العافية ودمتِ بود

CC

غزيل بنت أليخاندرو · 16-11-2006, 12:19 AM

ليه القهوة

ليه نشرب القهوة ؟

لأنها هي و(سعة الخاطر) معا..

*****************

نادراً ما تنشرب القهوة العربية بدون حلى (يا تمر أو شوكولاته أو حلى بيتي أو بقلاوه أو أو أو ...... )

شكلك شايفه سفرتنا..

*****************

"لا تشرب القهوة ، ترى اللي يشرب القهوة يصير اسود "p10

عز الله صرنا فحم..

******************************

هنا استشهد بقول خالي عبدالعزيز

" الحب ماله فايده غير انه يلهيك عن الحش "

بالعكس الا هو اللي يجيب الحش..

*****************

برايفت زنجبيلو :
بيقوم عزك عما قريب

عزه قايم عند امي من زمان..

***************

الزعفران : هو اللي يفتح لون البشرة ، ويستخدم كواقي من أشعة الشمس <--ب
يفتح لون القهوة ويعطيها نكهه مميزة

القهوه المزعفره والقدوع الزين..

**************************

المسمار عند بعض الناس يسمى (عويدي)
8
8
عندنا عويدي..

وردا على بعض من اسئلتك ..

انا شخصيا احب القهوه مع الحلى..
واحلى وقت للقهوه بعد المغرب على المده برا في الحوش..

وموطن الشاهي الصين ..يقولون لك فيه واحد صيني جالس في حوش بيته وكان مزروع في حوشه شجرة شاهي بس ماكان يعرف انها تصلح للشرب وكان عنده ابريق ماء حار وصب في كاسه وكان بيشربه بس قبل لا يشربه طاح في كاسه ورقة من اوراق شجرة الشاهي ..المهم انه يوم شربها جازت له وقام كل ما حر الماء حط معه اوراق شاهي..

وقهوتك مشروبه يا (ريميه)BBP ..

ويله تمسين على خير..

الشرطيه · 16-11-2006, 01:09 AM

قبل لاقعد على موضوعك>>كرسي ذا اب موضوع

ابي قهوهـ نونخه بعد>>تعلمكم انه تعرف

اييييييييييييييييييه قسم بالله مع ان المر ناقز من حلقي الا اني مشتهيه قهوه

وحلاو بقرررررررررررر

والله موضوعك فيه معلومات توي اعرفهـ

انا ماكان يقهرني الا شي واحد اذكر يوم اننا صغار لابغينا نشرب قهوه قالوا تراه تخرب البنات!!!!

طيب وش حيث العيال على راسهم بلكّه؟

عز الله انتس نشميه

متى تنزلين موضوع الذبيحه

هع

دانة الدنيا · 16-11-2006, 01:21 AM

ريمية
وش هالحركات..
موضوع رايق وحلو
بس انا ديني ودين القهوة..مااطيقها ومااطيق ريحتها.. واي شي يدخل فيه القهوة مستحيـــل اشربة

الله يصلحك شهيتيني اطلع البر..وه بس..ياني مشتاقة لطلعات البر

من أول شعب شرب القهوة (لا تستند على القصة الوارده في الموضوع)
من أول من شرب الشاي

ودي عاوزة كلام..حنا طبعا

- برأيك ماهو سبب ارتباط القهوة والشاهي ، وما هي طبيعة العلاقة بينهم

والله من نظري لان كلها مشروبات ساخنة

5- تفضل القهوة مع تمر والا مع حلى .. مع التعليل

6- قهوة عربية ، والا قهوة تركية ، والا قهوات امريكية (غربية) ، والا كابتشينو ايطالي .... ايهم تحب أكثر

7- أحلى أوقات شرب الشاي والقهوة متى بالنسبة لك

مااشرب قهوة خلقة

ريومة..الله يعطيك الف عافية على هالموضوع الخطير

هلالي...هلالي · 16-11-2006, 01:31 AM

اقول:
والله ما ادري وش قصتكم

**حــ سعودي ــلاها** · 16-11-2006, 01:33 AM

.

هـلاهلا منــورتنا ريمـيهBBP
.

واللــه يالقهوه صـادق من سماها
(كيــف) بجــد تصحصح الواحد تخليـه
يطيــر كل الهموم>>>أحسها تشبه الهلال
.

وعـندي مافيـه وقت محدد للقــهوه
يعني تقدريـن تقــوليـن ماسكه معي
على الخـط طول اليوم>>أوف عليها بس!!
.

تصـــدقين عاد من كثر ماأحبها أمي
صـارت تقولين تشبهين(جدتي)>>>اتحداكم تطلعون وجه الشبه‘
ويازينها لاصارت مع التمـــر خصوصا(سكـــري)
والحـلى ماني بحبه حيل معاها..

.

بما أن أهــل (حـــــــايل)أهل الكرم والطيب والجود
فأكيد هم أول من شــــربوا القهوه وعلموكم لشربها
.

ريمـــــيه:

هــذي مشانكـCC

15-11-2006, 05:37 PM	#1
ريميه نشميه قلم المجلس الذهبي	يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe) .. البرازيل .. ارض الجميلات .. وأرض كرة القدم .. وأرض البن البن .. هو النبات اللي تجي منه القهوة .. القهوة .. مشروب يسبب السهر .. وبعض الناس مدمنينه .. كما أن القهوة هي الموضوع اللي بأتكلم عنه اليوم .. مقدمة مدري وش تبي ، لذلك بأدخل في الموضوع دايركتلي<-- (adv) <-- ذبحها الانجليزي .. خذ فنجال وعلوم رجال القهوة ومن قديم الزمان كانت الشروب الأول عند العرب ، والدلة كانت رمز الكرم وعنوان الضيافة .. ليه القهوة ليه نشرب القهوة ؟ سؤال صعب جوابه مثل (ليه ما ناكل اللقيمات الا في رمضان) عادة نتوارثها جيل بعد جيل " تقهو عندنا يابو فلان " " يأم فلان ، قهوتكم زاهبه .. ابو فلان بيتقهوى عندنا اليوم " .. [ مشهـــــــــــــــــــــد ] أم عبدالرحمن : اقول يا ام خالد ليه ما تجين تتقهوين عندي ، ترى ام عبدالعزيز مسيره علي ام خالد : ما ظنيت اني بقدر أجي يا ام عيدالرحمن .. عندي اشغال ام عبدالعزيز خذت السماعة من ام عبدالرحمن :اقول تعالي بس ، أم عبدالرحمن مزينه حلى ماقد ذقناه أم خالد : وش يدريك اني ماقد ذقته .. هو وش اسمه ام عبدالعزيز : مدري وش اسمه .. تقول انها هي اللي مبتكرته ام عبدالرحمن وهي خاقه : اسم الحلى (أصابع سعيدان) "مع اصابع سعيدان .. مش حتقدر تمسك نفسك من الضحك" (المحادثة اللي فوق اهداء لنفسي ولحبيباتي .. وعلى رأسهم الجمال النائم) .. الحلى والقهوة نادراً ما تنشرب القهوة العربية بدون حلى (يا تمر أو شوكولاته أو حلى بيتي أو بقلاوه أو أو أو ...... ) في أغلب برامج الرجيم نلقى في قائمة الأكل (قهوة) بزعمهم انها تنحف .. ما دروا ان السعوديات ما سمنوا الا من القهوة ومن الحلى ومن السكريات اللي تنوكل معها .. قصة القهوة حسيت لازم احط نبذة تاريخية ، بس العجز من يخلى له ، لذلك سألت أمي ... "من أول من شرب القهوة" قالت : في كتاب الانجليزي كان عندنا موضوع عن القهوة ، كانوا يقولون ان راعي غنم من الحبشة يرعى غنمه ، وراح بهم لمكان بعيد الغنم كان خامل وكسول ، وبعد مدة من المشي شاف نار وشيء يحترق ، ومن هالنار تفوح ريحة حلوة ، بعدها انتعشوا الغنم وبدوا يصحصحون اثر ذا النار كانت اشجار (بن) محترقة ، ومن بعدها عرفوا العالم القهوة وصاروا يشربونها <-- والذمة على كتاب الانجليزي حق امي .. "لا تشرب القهوة ، ترى اللي يشرب القهوة يصير اسود "p10 تهديد كنا نسمعه من الكبار عشان ما نشرب القهوة ، الغالبية كانوا ولازالوا ما يشربون القهوة الا نادراً باستثنائي (اشربها في كل زمان ومكان) .. صديق القهوة (الشاي .. وعند ناس الشاهي) احس العلاقة بين الشاهي والقهوة مثل العلاقة بين الشمس والقمر "تصدق انا وياك قصتنا مثل شمس وقمر من اول الوقت لين آخره ما يلتقون" <-- الكلمات صح علي ؟ " تصدق انا وياك قصتنا مثل شاهي وقهوة من اول القت لين آخره والعالم يقحنون فينا" ........... ......... <-- برا لو سمحتي عاد قصة الشاهي قصة .. شاي الربيع كيس والا تلقيمه طيب أحمر والا أخضر طيب أخضر بالنعناع والا أخضر بالبابونج والا أخضر بالزنجبيل <-- هذا سعودي الشاي أكثر انتشاراً من القهوة (ولا يسود البزران إذا شربوه) <-- مصدقه الكذبة أكثر الناس يشربونه أحمر ، وناس يشربونه أخضر عشان المنتخب الزلايب ، وناس يشربونه أزرق عشان الهلال <-- براا .. اكسسوارات الشاي - الحب .. وناس يسمونه (الفصفص) <-- ذا الناس اشك في جنسيتهم واللي أكشخ من الحب (المكسرات) <-- فيه برنامج في القناة الاولى اسمه كذا يجي بدال المملكة هذا الصباح هنا استشهد بقول خالي عبدالعزيز " الحب ماله فايده غير انه يلهيك عن الحش " طبعاً هالحكمة استنتجها خالي بعد ما هجدنا (نحن النساء) عن البربرة والحش الخفيف (الله يتوب علينا) - الفطاير .. والمعجنات عموماً ، يكون لها طعم ثاني مع الشاي - الكيك أو الكعك أو الكيكه (صورة لعبدالله أخوي مع التحية) * شرب الشاي مفيد جداً بعد أكل الفول ، ولا تسألوني عن السببp21 * يقال أن الشاي يكسر الحديد اللي في دمك لذلك لاتحرص عليه واجدp10 .. عيال عم الشاي الغجر .. ويسمونه كركدية ، مفيد لمرضى ضغط الدم ، ولذيذ وهو بارد (ماقد ذقته وهو بارد الا مره وحده في مصر) الزنجبيل .. ما أحبه ، يسمونه مشروب الشتاء ، مدري ليه أحسه ثقيل دم وغثيث برايفت زنجبيلو : بيقوم عزك عما قريب الليمون .. اللي خلص نعناعهم ، ويبون مشروب لونه اصفر ، مفيد للمزكمين النعناع .. لذيذ ، وهو شاهي البزران الزلايب الخوافين ، مفيد ، افود من الشاهي وهو أكثر واحد مماشيه تدرون ليه ؟ لأنه هو والقهوة عندهم عامل مشترك الا وهو (الزعفران) ، من كذا الشاهي يحتك بمعشوقته القهوة عن طريق النعناع أو الزعفران (تدرون أن الزعفران أغلى أنواع التوابل وايضاً يوسع الصدر ويشرح النفس) .. المنكهات بالنسبة للشاهي والقهوة [ الشاي ] ملاحظين الانفصام مره شاهي ومره شاي أهم منكه له السكر وفيه شاهي جديد يقولون انه (شاهي ايراني) بالزعفران هذا غير المجموعات الجديدة اللي مسوينها (شاي الربيع وشاي لبتون) [ القهوة ] الهيل : هو اللي يعطي القهوة رائحتها المنعشة الزعفران : هو اللي يفتح لون البشرة ، ويستخدم كواقي من أشعة الشمس <--براا بقوة يفتح لون القهوة ويعطيها نكهه مميزة المسمار : فيه ناس يحبونه مع القهوة ، بالنسبة لي أكرهه وبقوه ، واحد من خوالي يحبه المسمار عند بعض الناس يسمى (عويدي) .. أحلى أوقات شرب الشاي والقهوة الشاهي <-- رجعنا للإنفصام ، المهم انه يشرب في اي وقت القهوة .. أحلى وقت لشربها الصباح الباكر ، ووقت الضحى ، وبعد المغرب بعد المغرب ، يكون الواحد توه قايم ، يروح عند اهله اللي جالسين قدام التلفزيون يتابعون مؤشر الاسهم على العربية (أيام الفترتين) <-- تحسب كل الناس مثلها اشتقنا لذيك الأيام ، يوم كان السوق أخضر ويفتح النفس مثل ريحة القهوة .. .. قهاوي جديدة ( نسكافية ، كابتشينو ، موكا ، لاتيه ، اكسبريسو ...............) ما أحرص عليها ، بس ما انكر انها لذيذة ، وتمر على الواحد فترات يشتهيها * مره كنا بالسوق وولد خالتي الصغير مقلقنا يصيح " ابي كابتشينو" ويالله ينطق الكلمة يوم رجعنا كان يصيح لسبب ثاني (يبي يلعب في الملاهي) سألتهم أمي : شريتوا له كابتشينو قال أخوه : ذا النصاب ما يدري وش السالفة يوم جيت اطلب له قال "قله يكثر ملح ويحط مايونيز خفيف" * مطار ايطاليا اسمه (ليوناردو دافنشي روما) مسمينه على اسم الرسام اللي رسم الموناليزا عبد الله اخوي للحين عنده قناعه ان اسم المطار (روما كابتشينو) .. ليه مدري .. قالوا عن القهوة والشاي خلف بن هذال سووا لي الكيف وارهوا لي من الدلة ............................. البن الاشقر يداوي الراس فنجاله كيف اننا نحرقه بالنار ونزله ........................وليا انقطع لو ورى صنعاء عنينا له لكزس في قصيدة الاخيرة من الدلعماعاد تفهم ويش احط وويش اشيل وانا دلالي الصفـر اسويها لها واصبـّها رسالة جوال عروق قلبي لك دلالن مباهر صفيتها دله ودله ودله مدري صباح الخير والا مسا الخير بس الوكاد بوجهك الخير كله ريميه نشميه <-- أنا " الحب والذكرى،كالقهوة والسكر،شريكان في إيصال اللذة إلى أفواهنا،،سر محافظة القهوة على مكانتها العظيمة في عرش المشروبات هو السكر..نريد أن نحافظ على مكانتنا العظيمة في عرش المحبين بالذكرى" نزار قباني دعيني أصب لك الشاي انت خرافية الحسن هذا الصباح دعيني اترجم عما يدور ببال الفناجين وهي ....... ..... أأعجبك الشاي ، وهل تكتفين كما كنتي دوماً بقطعة سكر أما أنا فأفضل وجهك من غير سكر البيتين اللي في النص نسيتهم .. Home work 1- لخص الموضوع في ما لايقل عن ثمانية اسطر وما لايزيد عن عشرة اسطر <-- عشان ما تجيني ردود أم (مشكوره الله يعطيك العافيه) 2- من أول شعب شرب القهوة (لا تستند على القصة الوارده في الموضوع) من أول من شرب الشاي .............. 3- استشهد ببيت شعر أو مقولة (محلية أو عالمية)عن الشاي أو القهوة 4- برأيك ماهو سبب ارتباط القهوة والشاهي ، وما هي طبيعة العلاقة بينهم 5- تفضل القهوة مع تمر والا مع حلى .. مع التعليل 6- قهوة عربية ، والا قهوة تركية ، والا قهوات امريكية (غربية) ، والا كابتشينو ايطالي .... ايهم تحب أكثر 7- أحلى أوقات شرب الشاي والقهوة متى بالنسبة لك (اختر اللي يعجبك من الاسئلة وجواب عليه كما ان الاسئلة موجهه لكلا الجنسين) .. هذا موضوعي .. كنت بازيد فيه بس حسيت انه بيتشتت وبتنعدم أواصر العلاقة بين ابناءه .. لذلك هونت اعتبروا الموضوع مقهى ، قولو اللي تبون ، سولفوا عن اللي تبون ، ناقشوا المواضيع اللي تهمكم تحياتي لكم .. وعسى قهوتي عجبتكم الجمال النائم اقترحت أكتب في العنوان (al Qnas Cafe ) فحبيت أشكرها على هالأقتراح <-- التوقيع: { .. حتى إشعار آخر ..! التعديل الأخير تم بواسطة ريميه نشميه ; 15-11-2006 الساعة 05:47 PM سبب آخر: العنوان .. ولعيون جمجم

15-11-2006, 05:44 PM	#2
ريميه نشميه قلم المجلس الذهبي	رد: يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe) لغز .. فيه شي جديد عليّ مسويته بهالموضوع اللي بيعرف الجواب له جائزه قيمه الجوائز مقدمه من شركة السيف للدلال والاباريق والبيالات الفناجيل التوقيع: { .. حتى إشعار آخر ..!

15-11-2006, 05:48 PM	#3
فيصل عضو مؤسس للموقع	رد: يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe) * * * هلا ريميه وش ذا الخيانه تنزلين موضوع بدون ماتشاورين خالتس << توه شارب قهوه لين تاغر ومعها تمر وحلى والله القهوه لها مزاج غير طبيعي رغم ان بعض الاحيان العنها لين جابت لي حرقان ..! بس انا اشربها بكل وقت حتى مرات تمسك الساعه 1 الليل اكلم اهلي ويصلحونها لي بحكم اني مااعرف وافضل القهوه العربيه ع الباقيات وافضل معها تمر سكري اكثر شئ وان كان فيه بقلاوه ماقلنا لا والشاهي عاد ادمان من جد وهالاسبوع بحكم ان الاختبارات مدهره فلازم الشاهي يدهر يعني في اليومين ترمسين الى 3 واول شعب شربوا القهوه اكيد اهل القرينه موضوع حلو وومميز يكفي انه من بنت اختي BBP سلامو التوقيع: صفحتي ع التويتر- اتشرف بتواجدكم https://twitter.com/#!/Fai9al15 لِـ / أحْلَامُنَا بَقَايّا لَنْ تكْتَمِل إلاّ فِيّ [ ,’ الجَنّه ,’]

15-11-2006, 06:16 PM	#4
رغده قناص مميــز	رد: يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe) ../.. أهليـن ريمـيه.. حـلوهـ فكرة الموضـوع.. أهنيك ع الإختـيار .. ./. القهـوه من أساسيات أي بيت ومـاأتوقع فيه بيت بدون قهوهـ.. مع إنـي مـاأحبها ولاأواطـن ريحتها,بـس أتذكر يوم كنا صغار كنت أتمنى أذووقها بـس أمـي كانت تعيي ويااويل اللي يشرب هـذا عندهـ عقاب والحجه(تصفر الأسنان).. أتذكـر كنت أحب أروح لبيت جدتي لأنها تخلينا نشرب وامـي مـاتقدر تقول شي.. بـس ماش مـاني من عشااقها..أحااول أشربها مـاأقدر..حتى لو سوينا فطور مع صديقاتي يجيبون قهوه أضطر إني أشرب مويا.. بـس في بيتنا أكيد يوميا القهوه تكـون جاهزهـ..وغالبا تكـون العصـر محد يشربها في بيتنا غير امـي وابوي واكثر شي يكون معها تمـر ,وإذا في حلى حطووهـ.. الشـاهي بعد مـاأشربه كثير تقريبا اشربه لو كنت مع صديقاتي مسويـن فطوور أمـا بالبيت مـاأشربه يمكن نادرا مع شابوورهـ.. أقتباس.. وناس يسمونه (الفصفص) <-- ذا الناس اشك في جنسيتهم حـنا مـانسمـيه الا فصفص..خخخخخ وش تطلع جنسياتنا.. أقتباس"لا تشرب القهوة ، ترى اللي يشرب القهوة يصير اسود "p10 خخخخخخخخ لا حنا مـبدأنا لاتشرب القهـوه ترى أسنانك تـصير خربانه وصفراء.. أقتباسأكثر الناس يشربونه أحمر ، وناس يشربونه أخضر عشان المنتخب الزلايب ، وناس يشربونه أزرق عشان الهلال <-- براا الشـاهي الأحمـر الأشهر عندنا..الشـاهي الأخضر للي يسووي ريجـيم..أمـاأزرق.. أقتباسالزنجبيل .. ما أحبه ، يسمونه مشروب الشتاء ، مدري ليه أحسه ثقيل دم وغثيث ينـفع بقووه يدفي أوقاااات البرد.. أقتباسالنعناع .. لذيذ ، وهو شاهي البزران الزلايب الخوافين ، مفيد ، افود من الشاهي وهو أكثر واحد مماشيه أنـــا أمووت عليـه..ويقولون أنه يهدي الأعصااب.. بالنـسبه لمـنكهات القهوه على قولتك مـاأفهم فيها خخخ بـس داايم اذا عند خوالي يحطوون كم نوع زعفران وهيل ومسمار عاد مادري عنهم.. القهـــاوي الجديدهـ..هذا اللي أنا أتعاااامل معها وبشدهـ وخاصه الكباتشينو والموكـا.. هذوولي قهـوااتي انـا اللي اشربهم.. أقتباس2- من أول شعب شرب القهوة الغنـم هم أول من شربوا القهوه..<---- ../.. ريمـيه.. اسمـلا عليك..مـوضوع يجنن.. يعطـيك العافيـه ياقمـر..BBP التوقيع:

15-11-2006, 06:18 PM	#5
المزن الهلالي مراقبة سابقة بشبكة القناص	رد: يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe) أقتباس نزار قباني دعيني أصب لك الشاي انت خرافية الحسن هذا الصباح دعيني اترجم عما يدور ببال الفناجين وهي ....... ..... أأعجبك الشاي ، وهل تكتفين كما كنتي دوماً بقطعة سكر أما أنا فأفضل وجهك من غير سكر البيتين اللي في النص نسيتهم دعيني اصب لك الشاي .. أنت خرافية الحسن هذا الصباح دعيني أترجم بعض كلام المقاعد وهي ترحب فيكِ دعيني اعبر عما يدور ببال الفناجين وهي تفكر في شفتيكِ أأعجبك الشاي ؟؟ وهل تكتفين كما كنتِ دوماً بقطعة سُكر؟! أما أنا فأفضل وجهك من غير سكر .. دعيني اقول بكل اللغات ولا تعرفين أحبك انتِ احبك أنتِ دعيني افتش عن مفرادت تكون بحجم حنيني إليكِ دعيني افكر عنكِ .. وأشتاق عنك ِ .. وأبكي واضحك عنكِ والغي المسافات بين الخيال وبين اليقين .. دعيني انادي عليكِ بكل حروف النداء .. لعلي اذا ما تغنيت باسمكِ من شفتي تولدين دعيني اؤسس دولة عشق .. دولة عشق تكونين انت المليكة فيها .. وأصبح فيها أنا أنا أنا ... أعظم العاشقين ... <---- ماتنعطى وجه في نزار رايقة يابطلة موضوع غير شكل مثبت

15-11-2006, 06:41 PM	#6
حالــي الــذوق المركز الاول في قروبات المملكة	رد: يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe) * * هلا بـ ريميه نشميه اليوم علومك علوم نشامى ولك في اسمك نصيب القهوه الله يسلمك القهوه عندي مطلب ضروري جدا ولو ماشربت قهوه في يوم من الأيام يمكن يصدع راسي ونا اتكلم عن القهوه العربيه مهيب الأنواع الثانيه وقدرها لاجت في دله صفرا تلق وصحن تمر سكـري والا نبوت سيف ومافيه مشكله اذا جاء صحن بقلاوه وبلح الشام بالنسبه للقهوه انا اشربها مرتين باليوم الصبح وبعد العشى وشكل هالعاده فيني وراثيه اب عن جد * * يقولكـ يامحلا الفنجال مع سيحة البال في مجلسـ (ن) مافيه نفسـ (ن) ثقيله هذا ولد عم وهذا ولد خـــال وهذا رفيقـ (ن) مانــدور بداله * * ويقولك بعد الدله اللي ماتبهر من الهيل .. مثل العجوز اللي خبيثـ (ن) نسمها 8 8 كذا عاد كلاما شيابنـا . وهم أدرى عاد الشاهي حكايه ثانيه خصوصا لاجا منعنش * * ويمكن اول من شرب القهوه . اليمن والشاهي ممكن سيرلنكا او الهند * ريميه موضوع بطل يابطله وقتراح الجمال حلوو . بس يالله همتك انتي وهي وقهونا التوقيع: * اذكروا الله يذكركم . التعديل الأخير تم بواسطة حالــي الــذوق ; 15-11-2006 الساعة 06:45 PM

15-11-2006, 07:56 PM	#7
لمسة ملاكـ قنــاص فعــال	رد: يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe) يعطيك العافية على الموضوع [QUOTE]يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe)[/QUOTE] بالله تصبوا ها القهوه وزيدوها هيل واسقوها للنشامى على ظهور الخيل أقتباسالقهوة .. مشروبيسبب السهر ..وبعض الناس مدمنينه .. وأنا أقول وراى عجوز أنام الساعة 9 <<ما تشرب القهوة أقتباس لا تشربالقهوة، ترى اللي يشرب القهوة يصير اسود " أقتباس ولا تشرب الشاهي تراه يصغرك <<مالت علينا نبي نكبر أقتباسيقال أنالشاييكسرالحديداللي في دمك لذلكلاتحرص عليه واجد هو مفيد إذا كان لحاله أما مع الأكل يكسر الحديد أقتباس النعناع .. لذيذ ، وهوشاهي البزران الزلايب الخوافين،مفيد اجل انا طلعت بزر أقتباسHome work << كح كح اكره ها الكلمة أقتباس من أول من شرب الشاي أنهم الصينيين <<احلفي أقتباس برأيك ماهو سبب ارتباط القهوة والشاهي ، وما هي طبيعة العلاقة بينهم هذا يا طويلة العمر بينهم حب عذري من يوم هم صغار القهوة كانت تحب ولد عمها الشاهي ويوم دروا أهلهم حلفوا عليهم ما يعرسون ابد ولا يتلاقون بوقت واحد عشان كذا صارت القهوة أول ما يجوون الناس تطلع والشاهي بعد العشا أقتباس 3-استشهد ببيت شعر أو مقولة(محلية أو عالمية)عنالشاي أو القهوة ما اشربش الشاهي اشرب ازوزه أنا <<برااااااااااااااااااا أقتباس - أحلى أوقات شرب الشاي والقهوة متى بالنسبة لك مانيب اشربهم عشان كذا ماراح اجاوب <<من جبرك تجاوبين

15-11-2006, 08:30 PM	#8
رفـرف مطرود من الملعب	رد: يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe) ياربي على ريحة القهوه بس اطلق عن افحل شجرة عود على الارض ريحتها تعدل الراس مااقعد فالبيت اللى اذا كانوا اهلي مصلحين قهوه ادمان صارت مثل الهروين عندي .. لكن اني اشربها مافكرت فالموضوع للان افكر ورد خبر لي باك ان شاء الله متى تقفلون انتوا عشان ماطق مشوار والاقيه مقفل وارجع وطق مشوار رجعه من جديد ... التعديل الأخير تم بواسطة رفـرف ; 15-11-2006 الساعة 08:33 PM

15-11-2006, 11:43 PM	#9
حلمـنا الوردي قناص المجلس الذهبي	رد: يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe) أهــ ــلــن ريــمــيــه ،، موضوع " رايــ ـــق " وفــكــرتــه جديدهـ وحـلـوهـ .. .. القهوهـ .. حبيبة ألبي ،، صبح و " مسا " وليل بأي وقت " تروقني " تحميسة " القهوهـ " بالصباح وريحتها .. باختصار ادمااان .. بس ماااش ما احب " الحلى " الثقيل مع القهوهـ ،، تمـر ألــذ أحلى وقتـ للقهوهـ كوب " الصباح " قبل الدوامـ , و المغربيه .. خوذي عندكـ .. لاضاق صدري قمت أسوي من الكيف * فنجال بن ما يجيبه سريبه أقتباسملاحظين الانفصام مره شاهي ومره شاي موب ذاكـ الزود أنا مع ( الشاهي ) ,, اشربه مرات بس ما احسه " مزاج " زي القهوهـ " الـزنـجـبـيـل " أحـبـه بـعد الغـدا أتوقع أول من " شرب " الشاي همـ " الصينيون " و "الـقـهـوهـ " العرب " الـشـي الـجـديـد " اممـ الصور <- " ريـمـيـه نشميه " تـسـلمـ ديــاتكـ BBP** التوقيع: . ..{وأتمًـ مثل الحِزن ................. أنْـطر سحَابة عِيد .

16-11-2006, 12:06 AM	#10
رامي السهام . . : زعيم القناصين : . .	رد: يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe) هلا وغلا بك ريمية وشئ طيب ان نعطي الشاي والقهوة جزء ولو بسيط من تفكيرنا واهتمامنا لأرتباطهما الوثيق بحياتنا وما بيننا من عشرة عمر طويلة ومن بااب ( عيش وملح ) وبما انك وضعتِ لنا الرد على شكل واجب منزلي واختيار ما يسهل علينا حله فسنبدأ في الاجاابة واتمنى ان لا تقومين بالتصحيح الا بعد فنجااال من القهوة العربية الاصيلة حتى تصححين وانت مروّقه وتساعدينا وتراعينا في الدرجاات... قبل هذا نشوف النقطة هذي.. أقتباسعادة نتوارثها جيل بعد جيل " تقهو عندنا يابو فلان " " يأم فلان ، قهوتكم زاهبه .. ابو فلان بيتقهوى عندنا اليوم " الحين المعاناة تأتي في المستشفى اذا مرض احد هالمدمنين على القهوة فعجز الطب في تخديرهم والى الان في بحث عن بنج يقهر القهوة..! Home work أقتباس 1- لخص الموضوع في ما لايقل عن ثمانية اسطر وما لايزيد عن عشرة اسطر <-- عشان ما تجيني ردود أم (مشكوره الله يعطيك العافيه) القهوة وما ادرااك ما القهوة انها القهوة وهل يوجد من لا يعرف القهوة..؟؟ ( وهذا سطر ) وهل هناك من لم يسمع بالقهوة وبروتوكولاتها وقدسيتها عند العرب.؟؟ ( اثنين ) فالقهوة لها مكانة عالية (بين الامم) عند العرب ولها قيمة فريده( س) ولها صفات خاصة جدا لا تتوفر في اي قهوة من القهاوي الدخيلة والوافدة على قهوتنا العربية الاصيلة الطيبة الشهمة الشجاعة القوية الجنية الكل شئ فطريقة تصليحها غير ( ولو كتبنا عنها لأحتجنا الى مجلداات) وفناجيلها عديدة وبأسماء مختلفة واغرااض متنوعة وايضا يصعب شرحها من مكانتها انها تعتبر (كلمة شرف) واعطيكم مثال فقد ذهبت ذات مرة الى احد العرب بصحبة واحد يريد منه شغله وانا من طبعي ما اشرب القهوة كثير يعني حسب المزاج وذاك اليوم ما ابيها وتقدم الولد وصب لي فنجال وقلت له بس ما اشربها..! الا ويطلع عيونه في ويقول خذ..! اخذته ونزلته..؟؟ ويا ليتني ما نزلته..؟ انقلبت الدنيا وحضر عندي كل من له علاقة بالتحقيقات من شرطة وامن دوله واستخبارات وهيئة ويتقدمهم كوفي عناان ..؟ انا خفت ولا ادري وش السالفة ورفعت ايدي وصحت وانا اقول والله ما هو انا اللي ذبح كليب .؟؟ قال العربي اشرب فنجالك وابشر باللي تبيه..!! قلت انا ما احبها..؟ قال رفيقي انطم واشرب الفنجال..!! طلعت السالفة ان اللي ما يشرب فنجاله يعني عنده طلب من صاحب البيت وحكاية طويلة يبيلها قعده.. ايضا من مكانتها اذا فيه واحد قوي ويترفس في بطونهم يعقدون صفقة فنجال عليه اي يصب فنجال ويقال هذا فنجال ( القوي) من يشربه يا رجال القبيلة..! فمن يتقدم ويشربه فيعني اتركوه علي وازهلوه ويا ويل امه اذا ماقدر عليه ..!! يعني انتبه تشوف فنجال منزل الحاله وانت خرماان قهوة ومن دلاختك تروح تشربه..!! فيا ويلك هذا فنجال اسامه ولازم تحضره خلال ساعة..؟ طبعا تعتبر رمزا للكرم والضيافة ويقال ( بيت الكرم ما تخلى من الفناجيل المكسرة) اي حوله مرمية وبذلك لا يهتمون بالنظافة حتى ما تروح اثار الكرم..! ( لا تقولين يا ريمية تعديت عشرة اسطر!! فالزايد حق الاسئلة الباقية تسلفته مقابل ما احله..)..............BBP أقتباس3- استشهد ببيت شعر أو مقولة (محلية أو عالمية)عن الشاي أو القهوة يا شيخ ما تصلح الدله بغير بهاار....اما اترك الكيف ولا بهر الدله...!! أقتباس4- برأيك ماهو سبب ارتباط القهوة والشاهي ، وما هي طبيعة العلاقة بينهم لا يغرك الصداقة الظاهرة بينهم فهناك مشاكل ولكن لا تظهر للعامة والسبب ان الشاهي مقهور من القهوة وذلك بتخليد اسمها وترديده باستمرار على الالسن من حيث اطلاقه على اماكن تواجدهما باسم (قهوة او قهااوي) واللي زاد من غبنه ان فيه قهاوي لا تصلح الا شاي ومع ذلك تسمى ( قهوة الطرقية ) او اي اسم بعد قهوة ...! أقتباس 5- تفضل القهوة مع تمر والا مع حلى .. مع التعليل لا اشربها كثيرا وان حصلت مع رطب فلا اروى منها حتى تسرّب..!! نسيت اقول سبب العلاقة المتوترة بيني وبين القهوة وهو ما سببته لي في صغري من معاناة وعذااب وحرمان من بعض هواياتي وما احب وذلك بالوقوف بها لساعات طويلة لكي اصب للضيوف الذين يأتون ولا يخلصون وبعضهم يأخذ الفنجال ويضعه جنبه ويروح في سالفه وينسى الفنجال وانا اناطر فيه واسوي حركات ولكن دون فائدة ويا ويل ويلي من الشايب ان كان قلت خلصت ولا بعد ولا عااد الموت كله ان كان جلست شوي اتريح فتلك ام الكوارث والذنب الذي لا يغفر ابدا وعقاابه عسير بعد ما يروح الضيوف فسببت لي عقده من ما جراالي منها..!! شكراا ريمية على الموضوع وآسف على الاطالة ولكن غصب عني نسيت نفسي واحسبني في امتحان تعبير وقلت لازم اعبر بكل اخلاص فلا تنسينا من الدرجات والجوائز.... يعطيك العافية ودمتِ بود CC التعديل الأخير تم بواسطة رامي السهام ; 16-11-2006 الساعة 12:09 AM

16-11-2006, 12:19 AM	#11
غزيل بنت أليخاندرو Banorama Star	رد: يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe) ليه القهوة ليه نشرب القهوة ؟ لأنها هي و(سعة الخاطر) معا.. *************** نادراً ما تنشرب القهوة العربية بدون حلى (يا تمر أو شوكولاته أو حلى بيتي أو بقلاوه أو أو أو ...... ) شكلك شايفه سفرتنا.. ************* "لا تشرب القهوة ، ترى اللي يشرب القهوة يصير اسود "p10 عز الله صرنا فحم.. ************************** هنا استشهد بقول خالي عبدالعزيز " الحب ماله فايده غير انه يلهيك عن الحش " بالعكس الا هو اللي يجيب الحش.. ************* برايفت زنجبيلو : بيقوم عزك عما قريب عزه قايم عند امي من زمان.. *********** الزعفران : هو اللي يفتح لون البشرة ، ويستخدم كواقي من أشعة الشمس <--ب يفتح لون القهوة ويعطيها نكهه مميزة القهوه المزعفره والقدوع الزين.. ************************ المسمار عند بعض الناس يسمى (عويدي) 8 8 عندنا عويدي.. وردا على بعض من اسئلتك .. انا شخصيا احب القهوه مع الحلى.. واحلى وقت للقهوه بعد المغرب على المده برا في الحوش.. وموطن الشاهي الصين ..يقولون لك فيه واحد صيني جالس في حوش بيته وكان مزروع في حوشه شجرة شاهي بس ماكان يعرف انها تصلح للشرب وكان عنده ابريق ماء حار وصب في كاسه وكان بيشربه بس قبل لا يشربه طاح في كاسه ورقة من اوراق شجرة الشاهي ..المهم انه يوم شربها جازت له وقام كل ما حر الماء حط معه اوراق شاهي.. وقهوتك مشروبه يا (ريميه)BBP .. ويله تمسين على خير.. التوقيع:

16-11-2006, 01:09 AM	#12
الشرطيه قلم رفيع المستوى	رد: يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe) قبل لاقعد على موضوعك>>كرسي ذا اب موضوع ابي قهوهـ نونخه بعد>>تعلمكم انه تعرف اييييييييييييييييييه قسم بالله مع ان المر ناقز من حلقي الا اني مشتهيه قهوه وحلاو بقرررررررررررر والله موضوعك فيه معلومات توي اعرفهـ انا ماكان يقهرني الا شي واحد اذكر يوم اننا صغار لابغينا نشرب قهوه قالوا تراه تخرب البنات!!!! طيب وش حيث العيال على راسهم بلكّه؟ عز الله انتس نشميه متى تنزلين موضوع الذبيحه هع التوقيع: يامل قلبي على فرقى المحبين وياشوق عيني لهم وياكثر ماها.. جاني الخبر مثل طعنات سكين ماتت وأناكنت أرجي شفاها

16-11-2006, 01:21 AM	#13
دانة الدنيا قنــاص فعــال	رد: يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe) ريمية وش هالحركات.. موضوع رايق وحلو بس انا ديني ودين القهوة..مااطيقها ومااطيق ريحتها.. واي شي يدخل فيه القهوة مستحيـــل اشربة الله يصلحك شهيتيني اطلع البر..وه بس..ياني مشتاقة لطلعات البر من أول شعب شرب القهوة (لا تستند على القصة الوارده في الموضوع) من أول من شرب الشاي ودي عاوزة كلام..حنا طبعا - برأيك ماهو سبب ارتباط القهوة والشاهي ، وما هي طبيعة العلاقة بينهم والله من نظري لان كلها مشروبات ساخنة 5- تفضل القهوة مع تمر والا مع حلى .. مع التعليل 6- قهوة عربية ، والا قهوة تركية ، والا قهوات امريكية (غربية) ، والا كابتشينو ايطالي .... ايهم تحب أكثر 7- أحلى أوقات شرب الشاي والقهوة متى بالنسبة لك مااشرب قهوة خلقة ريومة..الله يعطيك الف عافية على هالموضوع الخطير التوقيع: انـا تـوي دريـت إن المـفارق كـايدة بلـواة وعرفـت إن المـفارق يـنعذر لادمعت عينة التعديل الأخير تم بواسطة دانة الدنيا ; 16-11-2006 الساعة 01:25 AM

16-11-2006, 01:31 AM	#14
هلالي...هلالي قناص مميــز	رد: يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe) اقول: والله ما ادري وش قصتكم

16-11-2006, 01:33 AM	#15
حــ سعودي ــلاها . . : زعيم القناصين : . .	رد: يالله صبوا (هالقهوة) وزيدوها (هيل) صبوها (للنشامى) على روس الخيل (alQnas Cafe) . هـلاهلا منــورتنا ريمـيهBBP . واللــه يالقهوه صـادق من سماها (كيــف) بجــد تصحصح الواحد تخليـه يطيــر كل الهموم>>>أحسها تشبه الهلال . وعـندي مافيـه وقت محدد للقــهوه يعني تقدريـن تقــوليـن ماسكه معي على الخـط طول اليوم>>أوف عليها بس!! . تصـــدقين عاد من كثر ماأحبها أمي صـارت تقولين تشبهين(جدتي)>>>اتحداكم تطلعون وجه الشبه‘ ويازينها لاصارت مع التمـــر خصوصا(سكـــري) والحـلى ماني بحبه حيل معاها.. . بما أن أهــل (حـــــــايل)أهل الكرم والطيب والجود فأكيد هم أول من شــــربوا القهوه وعلموكم لشربها . ريمـــــيه: هــذي مشانكـCC التوقيع: . استغفر الله العلي العظيم وأتوب إليه !