ادري ان مشاركتي هذه جاءت متأخره بس
توني اتصفح بعض القصائد واعجبتي هذي القصيده الرائعه
وحبيت انكم تشاركوني في الاستمتاع بها
لا إله إلا الله المعبود ما نؤمن بغيره
السلام العالي المتعلّي اللي له سجدنا
نستمد الصبر من رب العباد ونستخيره
نطلبه من مدّ جوده بالعوض فيما فقدنا
يوم جانا يوم أسوأ يوم واجتاح الجزيره
هم اثقل من جبال طويق خيّم في بلدنا
يوم غاب الكوكب اللي بالغداري نستنيره
لا اظلمت كل الفوج بوجهنا ينهض بيدنا
الفقيده داهيه وأكبر دواهي تستشيره
صيرمي بالخصوم يجوّد الضربه من ادنا
غاب ابو فيصل سندنا بالمهمات العسيره
الزعيم اللي تزعمنا وبعزومه عضدنا
في زمانٍ يلتهب بالناس شره قبل خيره
عزنا من له بعد رب السماوات اعتمدنا
من يعزينا بليث به مصيبتنا كبيره
نحمد اللي عزنا باللي يعوضنا فهدنا
الملك عبدالله اللي به مشى ركب المسيره
الزعيم اللي تزعمنا وفي ظله رقدنا
العوض في راس ابو متعب وأبو خالد شويره
والتعازي للنفوس اسرة هل العوجا سندنا
يا سلاطين الرجال اللي فعايلكم شهيره
انتم اللي تبعدون الضيم ونعوض نكدنا
كل شعب المملكة معكم يمانيكم تديره
شعب وافي والله انا ما نغيّر في عهدنا
العهد منا لكم من كل فرد بكل ديره
عادة وصّوا بها الأجداد ونوصي ولدنا
والختام الله يوفق من حكم شبه الجزيره
الملك عبدالله اللي له وفينا في عهدنا
وجعل ابو فيصل بجنات النعيم الله يجيره
يسعده ربه مثل ما هو على الدنيا سعدنا
فرحان المطرفي/ مدير تحرير مجلة الإبل
14-08-2005, 06:43 AM
العوض في راس أبو متعـــــــب
مشاركة: العوض في راس أبو متعـــــــب
العرض العادي
