ملاحظه هامه : البطران لايقرا الموضوع بعد اذنه بس هذا مو دليل انه الحاله الماديه سيئه لا والله الحمد الله في احسن حال.
كنت جالسه في الجامعه وجنبي بنات جالسين يتكلموا على الاعراس الجو كان خيالي غيم ودرجة يمكن 28 او 29 المهم جالسه لوحدي والهرجه حقتهم كلها عندي كان ودي ادخل بالهرجه معاهم
وياتي الاهم كانت الهرجه ايش الكوشه اللي سويتي وبكم وايش المباشره و ....و....و..............ووووو
انا ابعطيكم وجهة نظري في موضوع العرس ومكملاته وتكاليف اللي مالها داعي
راح ابدا اول نقطه
بقصر الافراح القصر يكلف الان اقل شي 20 الف >>> احسها ماله داعي لاني احجزه ليوم واحد يعني احط 20 الف وتطير في يوم على شي مايستاهل يعني لو موزعه على فقراء احسن ولا لا ؟ الحل عندي الحين بيوت بعضنا سارت زي القصور مايحتاج قصر واللي بيته مايكفي يسوي في صاله معقوله واذا على المعازيم ماسار يحضروا الا الاقارب.
ثاني نقطه
وهي الكوشة اللي يكلف استاجارها الان وصل الى 5 الاف ويمكن 10 الاف ليه؟ والله قناة العربيه جايبة تقرير عن الافراح بالسعودية انهم يهتمون بالكوشه وانها شي اساسي عندهم وهي منظره مالها داعي ماتزود ولا تنقص شي الا اللهم عشان الناس مايتكلموا والناس متكلمين متكلمين وماراح يعجبهم شي >> رضا الناس غاية لاتدرك
ثالث نقطه
وهي فستان العروسه اللي يكلفها 10 الاف وهي ماراح تخرج على الناس الا ربع ساعه هذا اذا طولت اصلا هي تدخل من هنا و الناس خرجت من هنا وبعدين الفستان حينرمي في الدولاب الى الابد يعني 10 الاف مرميه في الدولاب بدون فائدة , الوحده تفكر تسوي فستان بالشي المعقول
رابع نقطه
الدقاقه عسى ماالدقاقه اللي تاخذ ال 19 او 20 الف ليه على ايه اخر شي من زين الصوت ولا الاغاني مكتوبه قدامها وهي تغني والدق شغال من برا مافي تعب يعني ونص الوقت يضيع بدون دق وجايه تتدخن وطلعت حرتها وعواطفها عندنا ولا اذا مافي تشجيع لها تزعل وتغني بدون نفس وفوق هذا تشغل شريط الزفه بالف ريال بس تشغله (يعني تحطه في الاستريو) مو تسويه والله حرام
خامس نقطه
فساتين الحاضرين اللي مكلفها 5 و6 ووووووو وماهي من اهل الفرح
هذي اهم النقاط اللي الواحد لازم يفكر فيها من ناحية انها تكاليف مالها لزوم يعني فلوس اهالينا ماهي حرام تتجمع في السنين واحنا نضيعها في ساعات ولا دقايق على اشياء ماتستاهل بتقولوا طيب الناس حيتكلموا زي ماقلت اول رضا الناس غاية لاتدرك
معليش طولت عليكم بس احس لازم الواحد يفكر ان الدنيا ماهي" للعب"
ابغاكم تفكروا شباب وبنات ان كل واحد لما يسوي عرس يسويه بالمعقول بدون اسراف ولا بخل
انا عارفه البنات راح يحقدوا علي بس والله انا اقول الصدق بعدين هي راح تحس بهذي الاشياء لما تزوج ولدها
اريد ارئكم
وتحيتي لكم

مرااحب ودي اكون لاعبة كوره والله <<<< اسمك بطل << ماخذتها من القناصين

طرررحك جميل اختي

ووجهة نظر احترمهاا

تقبلي مروري

يسلموووو

اتشرف بان اكون اول من يرد على موضوعك

تسلمين والله
الله يعطيكي العافيه

الى الان ماجاك الكرت الاحمر

ليش الكرت الاحمر هذه قضيه مثل اي قضيه

كلامك صحيح والله حرام هذه الفلوس تطير على بلاش

كله عشان الناس تتكلم بس ما اقول غير

الله يعين الشعب السعودي

يسلمووووووووووووووووو

يسلمو بس كل واحد ورايه انا اشوف انا عادي لان هي ليله بالعمر مو كل يوم تقبلي مروري

هلا اختي : موضوع جيد للنقاش

بالنسبة لتكاليف الزواج والمترتبات عليه من نفقه كبيره

يعني الناس مظاهر واللي مايسمع كلام الناس احسن له

يعني اذكر كان فيه زواج وكان مكلف نوعا ما ولم ينجح فتكاليفه قد تكون بلغت اكثر من نص مليون

يعني لو افترضنا صار زواج وحطوه في قصر كبير ومعازيم ومترتباته من اللي ذكرتيها يعني طقاقه وطبعا الحضور سيكلفهم ملابس و احيانا فساتين الاعراس بماسعت تتجاوز التسعة الاف وتكون مبالغ كبيره صرفت بلا معنى فيه ناس تقول هذا زواج ومره وحده في العمر ونبي نفرح قد يكون هالفرح بشيء اقل تكلفه

والسعادة الحقيقه حينما يتوفقان الزوجان وينشان اسره صالحه

لا اريد ان اطيل

لكن اقول ان الزواج والتكلفة العالية والاسراف بشكل واضح ليس طيب

ويعيطيك العافيه وموضوع اكثر من رائع

مشكوره اختي على الموضوع الرائع
وطرحك الأروع

مشكوره اختي على الموضوع الرائع
وطرحك الأروع
تقبلي

مشكوره اختي على الموضوع الرائع
وطرحك الأروع
تقبلي مروري

موضوعك جميل جدا وانتي صادقه في كلامك انا من المؤيدين لك...وتقبلي مروري..لحظه لحظه نسيت...ما تحسون صار شغلنا الشاغل الكرت الاحمر<<<<<يا وييييييلها..

تسلمين الغاليه على الموضوع الحلو

بقصر الافراح القصر يكلف الان اقل شي 20 الف

صدقتي ويمكن هاي الشاب ما يقدر على هاي المبلغ بس يضطر أنه يحجز هاي القصر علشان العروس ترضى

وهي الكوشة اللي يكلف استاجارها الان وصل الى 5 الاف ويمكن 10 الاف .
صراحه أهم شي في العرس هو الكوشه بس مو مهم جم سعرها المهم شكلها وتكون متناسقه لانها تعبر عن ذوق العروس

وهي فستان العروسه اللي يكلفها 10 الاف.

فستان العروس من حق العروس تتفنن فيه لانها تكون خارجه من حياه ومقبله على حياة أخرى


وبعدين الفستان حينرمي في الدولاب

صدقتي .. أخوي يوم تزوج زوجته سوت فستانها 35 ألف ريال وبعدين غلفته وحطته في الدولاب ما منه فايده .

الدقاقه عسى ماالدقاقه اللي تاخذ ال 19 او 20 الف .

لا 20 ومو راضيه .. وبعد لازم تكون طقاقه معروفه ولازم تكون مو من البلاد لتعجبين الناس والمشكله 20 ألف

غير النقوط ونقوط المعرس وأكلها أخر العرس >> منقهره

فساتين الحاضرين اللي مكلفها 5 و6

لا هاي عاد عادي للانج راح تجوفينها بنفس الفستان في الأعراس اليايه كلها

هاي شي من أشياء كثيره تهم الوحده

ولا تنسين مكياج العروس إلي لازم يكون سبشل وغريب >>حنان دشتي يمدحونها ههه

والتصوير من فيديو وفوتوقراف

وما أقول إلا الله يعين المعرس

تحياتي

السلام عليكم أختي .. الصراحه موضوع رائع للنقاش فيه

وبعدين الخبال هالأيام وصل لأشياء أكثر يعني لو الصاله بعشرين ألف وربي مررره كويسه

لأنو ألحين صالات الفنادق على 100 ألف

والناس ألحين مايبون الا في فندق معروف وكشخه ليه عشان انو شوفوني أووه

<< يعني شوفي أنا ما أظلم الناس بنت عمتي توها متزوجه وخذت صاله بفندق بــ 100 ألف من غير العشاء طبعا

والفستان من لبنان بـــ 70 ألف وشبكتها بــ 500 ألف

أنا أشوف الوضع عادي أوكي ماعلينا قصور بس ولو يعني حرام فستان بــ 70 وأخرتها في الدولاب

يعني معليش ممكن انو اي عروسه تفرح يوم زواجها ولكن مايصير تفرح بالمعقول

ودي أتكلم أكثر بس أحس اني طولت ومصختها .. تسلمييين ياقلبي على الموضوع

معاك حق الزواجات صايره تكاليف مالها داعي
عندي مبدأ اتوقع راح اطبقه مستقبلاً المفروض يصير الزواج عائلي جداً ليش نجمع بهالناس وكل التكاليف اللي كانت راح تنحط بفرح فخم تروح للعرسان يقضون فيها شهر العسل جوله على الدول الاوربيه
مو مهم ينبسطون المعازيم اللي اصلاً ماراح يبسطهم شئ >>>مجرد ما يخرجون من قصر الافراح يبدؤن في النقد <<<
المهم ينبسطون العرسان وبــــــــــس

تسلمون كلكم على مروركم
والله كلكم ردودكم رائعه
الحمد لله انه الا الان في ناس يؤيدون الفكره
والله سعادة الزوجين مو بالكلفه والصرف سعادة انهم يكونوا متفقين على كل شي ومرتاح بالهم
في حديث عن الرسول بمعنى الحديث انه المراة اقل تكلفه اكثرهم بركه
واللي يبي يطول بالكلام يطول وياخذ راحته
ومره ثانيه اشكركم جميعا وتسلم اناملكم ان شاء الله