اعضااااء رحلتنا للصين
ياسر20,القناص20,الغامدي6,هلالي20,رول قيرل,فوشي,أبوطلال,ريمية نجد
قنينيصه,أجوديه,بارسا,هلالي وان جار الزمن ,نواف11,هلاليه سترونق ,نوره المزيونه,جدة نوره المزيونه,جد ياسر20
.......................

القناص20:الوو هلا بارسا
بارسا:هلا القناص علووومك ياولد
القناص20:الحمد لله على العافيه اقوول بارسا
بارسا :شتبي
القناص20:وش رايك نسافر للصين
بارسا:الصين <<<وجه باق عيونه
من جدك !!
القناص20:ايه والله ليه أنت مادريت عن أبوطلال
بارسا :لا وش فيه الرجال !!
القناص20 :يقوولون شهر العسل حقه بالصين وعاد توه راجع منها ويمدحها لنا فقلنا وراه مانشد الرحال حنا يالعيال والبنات ونروح هونااك
بارسا:خلاص دام السالفه فيها بنات مانقول لا... وانا ابتصل على هلالي وان جار الزمن واقوله
القناص20:اووكي
...................................
القناص20: ياسر20 الحق بنسافر للصين
ياسر20:لالالاناوي على عمري انا مانيب رايح
القناص20:كيفك وسكر اسماعه <<<ماعنده وقت
.........................
القناص20:الغامدي 6 شووف الله يسلمك نوينا نطس للصين فقلنا نعطيك خبر ودك بالروحه ولا ؟
الغامدي6 :ياخي اجلوها كم يوم توو ماهجعت ركضه ركضه من ديره لديره
القناص20:طيب واللي ما وطوطت رجيلاته وش يسوي بدنيته !! بس شووف حنا سفرتنا بعد كمن يووم شفت نفسك اووكي ودك تسافر معنا
حياك ماودك بالطقاق اللي يطقك
الغامدي6:خلاااااااص ابشووف وارد لك خبر
القناص20:طيب الله لايهينك كلم هلالي20 ونواف11 وقوولهم عن السفره
الغامدي6:صار
...................
القناص20:وينك أبوطلال ماقمنا نشووفك ولا خلاص من جتك المره نسيت جمعه الشباب وملاحق البنات بالتحليه
أبوطلال:لا وربي تدري صعبه نخلي المره بالبيت لحالها بس إن شاء الله نشووفكم عن قريب
القناص20:اي صووح ترانا بنسافر للصين وش رايك تجي معنا
أبوطلال :خلاص أبشووف المره وأردلك خبر
القناص20: اخصصصص ويشاورها بعد من اللحين وانت معطيها الخيط والمخيط
أبوطلال:اقول لا يكثر سلااام
............
وكلم الغامدي 6 العيال والحمد لله كلهم وافقوا...

وجلس القناص20 فحيره من امره شلوون يكلم هالبنات ويتفق معهم
ويذكر انه مسوي ادد بالمسن لريمية نجد وحط رجله ودخل المسن وشافها أون لاين وقالها عن السالفه
ووافقت وكلمت البنات والحمد الله أمورهم زينه ولا خالفوو
وبدوا الشباب يجهزوون قشهم وخرابيطهم
............
ويوم درى ياسر20 انو البنات رايحين معنا قال هلا والله معاكم بالسفرره
...............
اما أبوطلال: مرته عيت عليه تقوول ماهنا رووحه مع بنات
<<<<<<<اي يحق لها تغار دام نوره المزيونه معهم <<<<تقلعي
المهم وجا يووم السفر واستأجرلنا هلالي20 باص اصفر >>>>>>تدروون يالله يشيلنا
وسيدا على بيت القناص20 طيارته الخاصه تنطرنا بالحوووش
وركبنا الطياره وكلن جلس بمكانه
وتحدث قائد الرحله وتمنى لنا سفره سعيده ومريحه
وراح تدوم 12 ساعه للوصول لمطار هونق كونق
المووهم كلن تعبان فناموو الأعضاء ماعدا نواف11كانت يمه جدة نوره المزيونه وازعجته حنه ولوبه
ودابلتن تسبده وقاعد يتحسب على نوره المزيونه
جدة نوره المزيونه:اقول ياوليدي وراه شعرك قايل تسذا
نواف:مابوه شئ هذا هو وش زينه
جده نوره:وذا اللي طاير وشهو
نواف : اللهم صبرك ياروح جل جل هذا ياست الحقه
جده نوره:حكه تحكك ان شاء الله
نواف ولا كنها تكلمه
مير العجيز من شافته مهووب معطيها وجه تركته بحال سبيله
وراح نواف بسابع نومه
ومر الوقت وجاء وقت العشاء وكلن نايم ماعدا القناص 20 والغامدي 6 وأجوديه وفوشي ورول قيرل والباقي في سبات عميق
فوشي :نوير قوومي العشا جاء
ماردت عليها نوره
فوشي:نويران قوومي وقرصتها
نوره المزيونه: وجعه يادووبا وش تبين انتي
فوشي ماردت عليها مسويه زعلانه
نوره: يلا عاد كنت نايمه ولا ادري وش اقوول
فوشي: طيب طيب شووفي ابرووح اقووم صقيقتي قنينيصه ماتحب تتعشى لحالها
نوره :خلاص مري على الباقي وقوميهم
ورااحت فوشي تقوومهم وكلن قام الا هلالي وان جار الزمن
ويروح له بارسا بيصيحيه الا وتجيه ذيك الرفسه من هلالي وان جار الزمن ومن بعدها حلف بارسا مايجي ناحيته مرتن ثانيه
وبعد ساعتين انتبه هلالي وان جار الزمن من نومه وبطنه يوصوووص عليه من الجووع وراح كللم المضييييييف عن عشااه
المضيف:خلص العشا انتظر للفطور
اثر الدوبه أجوديه بالعه وجبته من الشفاحه اللي فيها
ورجع هلالي وان جار الزمن وام العبيد راكبته
وراح عند الغامدي 6 يشكيله
الغامدي6: رول قيرل جايبه معها خرابيط رح لها وخلها تعطيك
هلالي وان جار الزمن: رول قيرل قوومي قومي
رول قيرل: ياقليل الادب انت وش تبي طاب عندنا
هلالي وان جار الزمن :وش قليل ادب انتي بعد اقوول بس عطني من هالخرابيط اللي جايبتها معك
رول قيرل: أوووووف طيب
عليه بالعافيه هلالي وان جار الزمن بلع اللي الله اكتبه له
وبعد مرور كمن ساعه حطت الطياره بمطار هونق كونق
بالمطار الغامدي 6:اقوول ياعيال واحد منكم يدوور لنا تكسي
والباقي يجي معي نكمل الأجراءات
هلاليه سترونق: انا انا ابي ارووح ادور تكسي ودي اشوف تكاسيهم وشهي قايله
وراحت هي ونواف11
نوره المزيونه وأجوديه قالوا بيروحون يفرفرون بالمطار على مايخلصون من شغلهم
نواف11 وهلاليه سترونق بدأوا البحث عن تكسي
والحمد لله لقوا تكسي كبير يضف هالنفرات
التاكسي: شونق بونق هونق
هلاليه سترونق:نواف وش يقول ذا!!
نواف11:مدري بس كأنه يقول وين تبون تروحون<<<مسوي فاهم
نواف11: دو يو سبيك انقلش
التاكسي:شوب غونق
نواف11 أشر بيده رح رح الله يستر على امن جابتك
ورجعوا هالأثنين للباقين
وخلصت الاجراءات و أجوديه ونوره للحين ماجوا
وهلالي20 واصله معه ومعصب حده وقام يخانق ويهاوش بنوره وأجوديه
وبهالوقت أجوديه ونوره بمحل الألعاب ولاهم حاسين بالدنيا إلا ويدق جوال أجوديه
أجوديه:الو الو ميين
القناص20:يالخايسه وينكم فيه
يالله تعالي انتي والعوله نويره بنطلع من المطار
كاتبه القوصه:احترم نفسك لا اكوفخك
قناص20:اقول تراك ذليتينا لابوها لابو قصه
كاتبه القوصه: طاح فيسها بكل ماتحمله الكلمه
..........
برى المطار
قاعدين ندور لنا تكسي عل وعسى نقدر نتفاهم معه
الموهم ماعرفنا نتصرف معهم كل ماوقفنا تكسي تركنا وهج
هلاليه سترونق:اقول بس وخروا عني ابسوق
العيال:ليه حنا وين رحنا
ريمية نجد:حتى بالصين ناشبين
بارسا:اقول بس وراه مانكلم أبوطلال يمكن يعرف مترجم
أبوطلال:هلا بارسا ايه اعرف واحد وعطاه الرقم
واتصلنا على المترجم والحمد الله وصلنا الاوتيل
البنات راحوا لسويتهم والعيال لسويتهم
...............
بغرفه العيال
نواف11:هاه عيال متى بنرجع المغرب ولا العشاء
كاتبه القوصه:هاه
نواف11:العشاء ولا المغرب
كاتبه القوصه: على كيفك هو متى مابغيت نهيت القوصه
نواف11:طيب لاتطولينها وهي قصيره
كاتبه القوصه:حاظر سيدي
هلالي20:اقول ياعيال وش رايكم نروح مطعم ترانا جواعا
الغامدي وبارسا وياسر20:يالله وراااك
هلالي وان جار الزمن وقناص 20:حنا بنام مافينا حيل طلعه
....................
بغرفه البنات
قنينيصه:يالله رتبوا قشكم مانبي حوسه وشنط تحت رجولنا
ريمية نجد:ايه يالله كلن يرتب اغراضه
هلاليه سترونق وأجوديه:محنا بفاضين اللحين وربي هلكانين تعب
رول قيرل:اقول يابنات وش رايكم ننزل نشوف سوقهم
<<<ليه العليا
نوره المزيونه:هيه ترانا بالصين محنا بالخبر
فوشي:تبين تروحين روحي ماتبين انطقي هنا
نوره:كلي هوى تطلعون وانا ما اطلع رجولي على رجولكم
رول قيرل فوشي ونوره هلاليه سترونق نزلوا تحت يتمشون
قنينيصه وأجوديه:ريميه نجد حنا بنروح نصرف فلوسنا نسينا نصرفهم بالسعوديه
ريميه:يالمفهين ليه ماصرفتوها قبل اللحين وش بيدليكم البنك
فوشي:عادي اتوقع حتى هنا اسمه بنك
أجوديه:اللي يسأل مايضيع
وطلعوا وبقت ريميه ترتب اغراضها<<ياحوبيلها هالبنت
..................
هلالي20:ياعيال ترى طاحت رجولي
ياسر20:يالله كلها انت وافكارك الغوبيه
بنات وعندنا وراه نتعشى برى
بارسا:اما بنات كثر منها يالله الوحده تشيل نفسها تبيها تطبخ
الغامدي6:صلوا على النبي مالنا الا هالمترجم
والحمد الله دلهم على مطعم عربي تعشوا وارجعوا الاوتيل
................
أجوديه:قنينيصه كأننا ابعدنا عن الفندق
قنينيصه:ايه صح بس للحين مالقينا بنك
أجوديه:يالله بس كلها خمسه ريال ومسويه قصه
قنينيصه:الله يرجك بس
أجوديه:خلاص خليها بكرا وناخذ واحد من العيال يروح معنا
..................فوشي وهلاليه سترونق ونوره المزيونه ورول قيرل وهم يتمشون تعرفوا على بنات كويتيات وطيحوها سوالف
وضحك معهم وعطوهم اسماء اسواق واماكن تمشي ورجعوا للفندق
.............
بغرفه البنات
هلاليه سترونق:ريميه وين أجوديه وقنينيصه
ريميه:راحوا يصرفون فلوس بس تاخروا مدري وش فيهم
..............
قنينيصه:أجوديه شكلنا ضيعنا الطريق
أجوديه:يمممه والله اني خايفه ديرتن مانعرفها ولانعرف هرجها
قنينيصه:وش نسوي اللحين
أجوديه:خلينا نمشي شوي يمكن نشوف فندقنا
.............
فوشي:والله اني خايفه عليهم تاخروا واجد
نوره:اي صدق ماصار كل ذا بنك
ريميه:تلقينهم طاحوا على سوق وقعدوا يتفرجون على ملابسهم وشهي قايله
فوشي:لا لا ما اتوقع حتى فلوس مامعهم
رول قيرل:طيب كلموا العيال قولولهم
..................
ترررررن ترررررررن ترن<<<صوت تلفون<<احلفي
ياسر20:بارسا قم رد عالتلفون
بارسا:رجولي تعورني
ياسر20:يامال الوجعه قم شف مين
بارسا:وانت رجولك وينها
ياسر20:يادلخ التلفون يمك ماهوب يمي
الغامدي6:تلايطوا انا برد الووو
رول قيرل:أجوديه وقنينيصه طلعوا يصرفون فلوسهم وللحين مارجعوا
الغامدي يطالع الساعه تو الناس رول قيرل الساعه 8 اصبري شوي وبيجون
رول قيرل:ياغوبي 8 بديرتنا هنا 1 الليل
الغامدي:ايه صح نسيت اركبها على وقتهم
رول قيرل:طيب وش نسوي اللحين
الغامدي:خلاص خلاص بنجيكم اللحين
ياسر20:وش فيهم البنات
الغامدي:قوموا نشوف وش السالفه
وراح بارسا وهلالي 20 وياسر20 والغامدي عند البنات
............
أجوديه:يممه كأن الطريق بدأ يظلم
قنينيصه:وش نسوي اللحين
أجوديه:طلعي جوالك ندق عليهم انا جوالي ماجبته
قنينيصه:لا لا تبين تخسريني<<ذا وقت استهبال الله يصلحني بس
قنينيصه:طيب طيب وتوها بتدق ويطفأ عليها مافيه شحن
أجوديه:يوووه وذا وقته بعد
قنينيصه تلم أجوديه وتجلس تصيح
...................
هلالي20:قوموا نطلع ندورهم
الغامدي:ما اقدر اطلع معكم تعبان حدي<<نذل
الغامدي:هي انتي يالي تكتبين القوصه تلايطي
كاتبه القوصه:هاه ان شاء الله
بارسا:الغامدي تكلم مين
الغامدي:لا بس اللي تكتب القوصه تستهبل
هلالي20:خلاص انا وياسر20وبارسا بنطلع ندورهم
نوره:وانا وانا بعد ابروح معكم
وبدأ البحث عن هالاثنين
..............
قنينيصه:أجوديه تشوفين ذاك الشئ
أجوديه عيونها زرقت وطلعت براسها بطيخه وطاح الشاهي<<ماله دخل
واقترب هالشئ من البنات وكل وحده لزقت بالثانيه من الخوف
أجوديه:له ظل
قنينيصه:ايه بس وش فيه ظله صغير كذا
أجوديه:ليكون جني
قنينيصه:ابي امي رجعوني للسعوديه<<على كيفك ولا على كيفك
واقترب اكثر واكثر
البنات:هاهاهاهاهاهاهاهاهاهاهاها
الله يخسها من دجاجه هذا وقتها
أجوديه:جعل ريشها التقطع
قنينيصه:حرام عليك تراي احوب الدجاج
أجوديه:ايه صووح يعطينا بيض
ولا ماكان شئ اسمه بيض عيوون
<<لا يكثر
......................
بغرفه العيال
الغامدي:هلالي وان جار الزمن قناص20 نواف 11 قوموا قوموا
نواف11:الله يقلعك قطعت حلمي
الغامدي:وش حلمه انت بعد
نواف 11:حلمت اني قابلت نواف وتوي ابكلمه ألا تجي انت يامال الضعوه
الغامدي:ههههه خلاص ارجع كمل حلمك
نواف11:يالله بس وش بغيت
الغامدي:قوم هالاثنين واقولكم
هلالي وان جار الزمن وقناص 20:وش تبون تقومونا ماامدانا نشبع
الغامدي:أجوديه وقنينيصه طلعوا من الفندق وللحين مارجعوا
هلالي وان جار الزمن:على بالي عندك سالفه ورجع نام<<<قليل خاتمه
قناص 20:يعني ضاعوا
الغامدي:ايه اجل وشو
نواف 11:طيب وش سويتوا
الغامدي:طلعوا يدورونهم وبنشوف وش يصير
قناص20:الله يرجعهم سالمين
.........
نوره:وين طسوا هالثنتين مابقى مكان مارحناله
ياسر20:صدق وين راحوا ذول
بارسا:عاد أجوديه ام الدجه تلقونها سحبت قنينيصه لدسكو
نوره:ياحظهم ليتني معهم
هلالي20:اقول انثبري
نوره:طايش ولا طايش بعدين انت وش دخلك
هلالي20:ليت من يكوفخك بس
ياسر20:هي انتوا هذا وقت خناق
بارسا:شوفوا شوفوا هناك
هلالي20:الله وش طوله
ياسر20:عسى ذا صور الصين العظيم
نوره:واااااااو شكله يهببببل ماتوقعته كذا
بارسا:اقول بس ورى مانجلس هنا والله الجو روعه واليوم قمره بعد يالله لك الجنه
نوره:ايه يالله وين الفصفص بس
هلالي20:هي انتوا هذا وقته
بارسا:وراك معصب انت
نوره:ريلاكس ريلاكس خيوو
هلالي20:وربي انكم ماتستحون اللحين البنات ضايعين وانتوا سوالف وضحك
ياسر20:شوفوا خلونا ندروهم هنا يمكن نلقاهم
بارسا:خلاص انا وهلالي20 بالجهه ذي وانت ونوره بالجهه الثانيه ونلتقي هنا بعد مانلف
............
هلاليه سترونق:يالله وش فيهم العيال بعد تأخروا
رول قيرل:اكيد للحين مالقوهم
فوشي:من بيبقالي بعدهم
رول قيرل:اشوى انك ياريميه مارحتي معهم
فوشي:ايه والله صادقه
..........
قنينيصه:اقول ماكنه هذا الشارع اللي فيه فندقنا
أجوديه:مدري شكله
قنينيصه:شوفي شوفي هذا فندقنا
وبدأ الركض على اصوله ويجونك طايرين للفندق
البنات:وينكم قاعدين ندوركم
أجوديه:بكرا بكرا مافينا حيل نتكلم
فوشي:الو نوره
نوره:ها لقيتوهم
فوشي:ايه ايه خلاص ارجعوا
...................
وبدأ المشاخر وهلالي وان جار الزمن فاتح فموه وسعابيله تقطر
وطلع الصبح وتلألأ البحر والسماء صافيه ضاحكه
والبنات قاموا وسوولهم فطور وعينوا من الله خير
والعيال ماتسنعوا إلا اللهم بارسا جايب معه كيسه فيها رز ولحم<<ليه رايح بر
ومن صباح الله الله يلوع تسبودهم وهو رز ولحم ويحيا حليب السعوديه
وجده نوره وجد ياسر20 للحين نايمين<<<نستهم بس ترقع هع
ولما صحت الجده فردت شعيراتها الحريريه المرقطه بالشيب وربطت جدايلها بشباصه
.....................
بغرفه العيال
الجد:أبـــي قهووووه<<ماتقلد ولا شئ
ياسر20:يبه حنا بالصين مابوه قهوه ودك بكوفي<<فرقت
الموهم ذاك لبسلي جينز وذيك برمودا وذاك كت واللي لبسلي كب واللي قام يحوس بشعيراته
وبارسا جاي بينزل بثوبه ومحدد السكسوكه وتجره نوره المزيونه من ثوبه
نوره:هيه يالطعس وينا فيه طالع بثوب
وقطته عند العيال
نوره:صلحوا هالولد لايفضحنا عند العرب<<<لا ياشيخه
ونزلنا كلنا في أمان الله ودقينا على المترجم ويذا المترجم
عليه زين يطفر بهالطعوس اللي معنا<<يمديكم عالحب من اول نظره
ورحنا مكان يقاله شونق بوق
وفي داخل التاكسي لاحظ البعض حركات ماهيب طيبه صادره من هالشيبان اللي معنا
الجده تناظر بعويناتها جد ياسر20 وترمش له
وذاك مسوي فيها ثقل<<الله يهديتس ياجدتي
وحنا نمشي بالشارع شافت فوشي سوق عجبها
فوشي تكلم التاكسي:وقف ستوب ستوب
هلالي وان جار الزمن فتح الباب:هاه ماودكم ننزل
قنينيصه:اوووه يالدولخ وش سويت
هلالي وان جار الزمن:هاه ويلتفت عالشارع إلا وذاك الدباب الطايح والحرمه اللي عليه تهاوش وتصارخ
نزلنا نشوف وش القصه
وذيك ترطن وتخانق وترفع تنورتها وتأشر لنا على ركبتها والجرح اللي سويناه لها
وحنا نضحك ولا ندري وش نسوي
الموهم مافهمنا شئ قلنا مالنا إلا نحط رجلولنا
وتونا بنمشي إلا وذيك اليد على هلالي وان جار الزمن وتسحبه من بلوزته وتصارخ وتصارخ
هلالي وان جار الزمن:هيه انتي وخري لا اشوتك
ذيك:هوك شوك بوك توك نوك شونق<<<تقول مابوه غيرك بينشات
ريمية نجد:يالله وش هالمثيبه اللي طحنا فيها
الغامدي:هلالي وان جار الزمن شلون تفتح الباب والتاكسي مابعد يوقف
هلالي وان جار الزمن:مدري عن هالفوشي قالت وقف قلت افتح الباب
وذيك قامت تنادي هاللي حولنا وتجمعهم
اللي يضحك واللي يهديها
هلالي وان جار الزمن يكلم ذيك:تعرفين التبن كليه<<<يعني فهمت
ذيك حست بخبث كلام هلالي وان جار الزمن وقامت الهوشه بينهم
قام بارسا يسوي زعاطه ويكلم ذيك:وت ديو ونت
ذيك:غونق موجق سونج<<<تقول اسكت لا اكوفخك انت بعد
بارسا:اووص لاعاد اسمع لك حس ابد
هلاليه سترونق بهالوقت بعد تفكير وجهدن جهيد نطقت:يالمهبل وراه مانتصل على المترجم
هلالي وان جار الزمن:ايه اتصلوا فكوني
هلاليه سترونق:وه بس يا أنا مطري وش بتسون من غيري
هلالي 20:بدينا بحركات المنتدى
هلاليه سترونق:يالله بس
الغامدي:هلالي20 اركد وراك ناشب للبنت
هلالي20:أن شاء الله عمي
الموهم دقينا على المترجم ولا رد ونجلس في حيرتون من امرنا
ذيك راعيه الجرح فلتت اعصابها
ونادت لنا الشرطي اللي بالشارع وودانا المخفر
وهناك بالمخفر يوم دروا اننا عرب جابوا مترجم
وسألونا وش دينكم
يوم دروا قالوا:ماذا!!
أذهبوا بهم الى السجن
بارسا:هيه انت وياه حنا وش دخلنا هو اللي صقعها
هلالي وان جار الزمن:هذا العشم فيك يابارسا
ودخل صاحبنا هلالي وان جار الزمن السجن
وحنا توكلنا على ربنا وقعدنا نفكر شلون نطلعه
نواف11:وش رايكم نعطي خبر سفارتنا اللي هنا
قناص20:ياخي ماصدقنا نلقى اكشن خلنا حنا نسوي خطه ونهربه
نوره:وانا من راي قناص20
ريميه:هي هي من جدكم انتم
نوره:محد خذا رايك
كاتبه القوصه:بتسكتون ولا اشوتكم من القوصه
نوره:انتي وش عليك قصتنا ولا قصتك
كاتبه القوصه:هي يالهبله ترى انتي انا وانا انتي
نوره:يؤيؤيؤ عسى انا انتي وانتي انت
<<<لا يكثر انتي وياها
وقبل لا يذلف كل واحد منا لفراشه اتفقنا مين يروح يشيك على السجن نشوف وشهو قايل
وبكرا نشوف وش نسوي
...............
وكلن ناااايم
الجد:قوموا ياعيال صلوا
العيال ماحسوا إلا وذيك الخيزرانه تلسب ظهورهم
ااااااااااااااح اااااااااااااااح ااااااااااي اااااااااااي ااااااااي
وجت الساعه8 الصبح ونزلت جده صاكه للوبي تتقهوى
وشوي الا وينزل الجد ويشوف العجيز تتقهوى
وتشب ضيقتن في صدره وش منزل هالعجيز هنا
الجد:وشوله قاعده بريحاتك هنيا<<وجه رافع حجانه
الجده:ليه ولي امري وانا مدري
الجد طنقر ومشى عنها مسوي زعول
....................
طرى على البنات يتسوقون وكلموا العيال وراحوا معهم
فالسوق
اصحاب العيون المشنطه:ننجا تيرتلز ننجا تيرتلز
القناص20:تسمعون اللي اسمعه
الجده:وش يقولون ذول
الغامدي كاتم ضحكته:خاله يقولون سلاحف الننجا
نوره:جدتي قلتلك ماله داعي هالبرقع
الجده:ها اجل تبيني اسوي سواتكن ياللي ماتستحن
الكل ضححححححححك الا الجد للحين مطنقر
وبينما كنا نتمشى ونفحط بالسوق الا بارسا يصارررخ:هلالي وان جار الزمن هلالي وان جار الزمن
كلنا:يؤؤؤؤؤؤؤ راح عن بالنا الولد
وبطريقنا للسجن اتفقنا على الخطه ان أجوديه تلهي الحارس ثمن يدخل ياسر20 يجر هلالي وان جار الزمن ويطلع
وبكذا تخلص الخطه<<<خطه مقلعه
وتم تنفيذ الخطه في تمام الساعه 3 عصرا بتوقيت الصين وتم تهريب هلالي وان جار الزمن
وبعد كمن ساعه تم ابلاغ السفاره السعوديه اللي هنا على اللي صار
وتم انتشالنا الى مطار الملك فهد رحمه الله عليه
لابوهم لابووووو اللي يسافر لديرتهم
بقلم كاتبه القوصه اللي هي انا وانا هي
نوره المزيونه


ملاحظه:

تراي قعدت أسبوع عليه والله الي مايمدحه لأطب ببطنه << غصب

..
*

ههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههه

حلوه القصه
بس ليه الصين ليه مب اسبانيا

نوره يعطيك العافيه على القصه
..
*

ملاحظه : اسمي ينكتب كذا ( راؤول قيرل أو بنت راؤول ) خخخخخخخخخخ

ام البياااخه في واقعها ...>>>>>>أمززززح بس حلووه..والصين عاد ليه مو ايطااليا..>>>>زودها من كثر ما يغيرون المدن..مشكووره ع القصه الرائعه..تشاااااااو

وااااااااااااااااااااااااااااااااااااااااااااااااا ااااااو قصه تجنن تخبل روعه شي موطبيعي
اقول اختي واصلي بقصصك الحلوة
وخلينا نشوف لك اجزاء ثانيه وثالثه ورابعه ومليووووووووون
اوكي
من جد عجبتني القصه يلا انتظر جديدك

قصه روووعه

تسلميييييييين نوره

ننتظر القصه القادمه

والله قصة روووووعـــــة أختــــي ((نوره المزيونه)) ......

وأحـــسن شي فيها أنك اخترتي ((الصين)) .......

بس حرام ليه ما قلتيلي أخــاويكم ......

لي باك

بنتفاهم على ذا الموضوع

ياهلا نوره
القصه جنان
بس لييه ماخذيتوني معكم

القصه متعوبن عليهآ

مشاء الله عليك نفس طويل

بس قصه روعـه وتحمل خيآل واسـع

عوافي أختي

.
.
.

مشكوره القصه روعه

حلللللللللوه يانوره المزيونه تستاهل القعده اسبوع%روؤل قيرل% ورا ماعلمتيني ان بتروحين الصين روحات من ورانا ها خخخخخ