اولا هذي الخدمة لا تسئلون عنها عند 902 او مكاتب الاشتراكات لأن ما عندهم خبر فقط اسئلوا من رتبته مدير فما فوق في شركة الاتصالات ..


- هذه الخدمة تسمى شحن الجوال العام " الفاتورة " بكرت شحن من سوا .
- يعني لو انفصل جوالك العام بسبب الحد الائتماني "استقبال " ، او انفصل بسبب عدم السداد " استقبال وارسال " او حتى لو ما انفصل ، تقدر تاخذ كرت شحن سوا " 10 ريال او 50 ريال او 100 ريال " وتكلم بجوالك العام .
- والطريقة سهلة تتصل على 1500 وتشحن جوالك مثل "سوا " واذا جيت تتصل على رقم لازم تضغط قبل الرقم نجمة ثم ثمانية ثم الرقم المطلوب مثلا :
8055؛؛؛؛؛؛؛؛؛؛؛=X*
- وايضا حتى لو ماكان عندك "صفر دولي " عادي اشحن جوالك واتصل دولي مثلا :
80096655*
وهذي تفيد الناس الي مايحبون يضيفون الصفر الدولي
- وميزة هالخدمة ايضا ان الارقام الي تتصل عليها ماتبين في الفاتورة نهائيا ولا يجيك تقرير بها .
- وايضا تقدر تشحن جوالك باي وقت حتى لو منفصل ارسال واستقبال ، اهم شي ما يكون الجوال ملغي نهائيا.
- وايضا حتى لو جوالك موب مفصول ومكالماتك وصلت 200 ريال مثلا وتبغى الفاتورة بس تصدر بهالمبلغ عادي اشحن جوالك بكرت "شحن سوا " وقبل اي رقم تتصل عليه اضغط على" 8* " حتى ينخصم من الشحن ولا ينحسب على الفاتورة .
- هالخدمة بتفك الناس الي ينفصل جوالهم في اوقات حرجه ويمكن تسدد ويقولون لك 902 بعد 24 ساعة يشتغل بسبب نظامهم "الدايخ " وانت مضطر تكلم فعادي اشحن وكلم .
- وايضا تقدر تحط جوالك حد ائتماني منخفض 300 ريال ، ولو انفصل تشحنها وتكلم .
- وايضا بعض الناس فواتيرهم مثلا توصل 1800 او 1000 وينفصل بسبب الحد الائتماني او بسبب الفاتورة قبل "العيد " باسبوع " وتلقى الشخص طفران فعادي يشحن ب100 او 200 ويكلم فيها .

-----------------------
انا تعليقي اتوقع ان هذي افضل خدمة تقدمها شركة الاتصالات السعودية ولاعمرها قدمت خدمة تماثلها خلال الخمس السنوات السابقة ،،

لأن اذكر مر فيني موقف الله لا يعيده طلعت "للرياض " بخصوص زيارة واحد من الربع ، ومعي غرض لازم اسلمه للشخص وجوالي انفصل حد ائتماني ، ودقيت على هالشخص من "كل كباين الرياض" ومارد علي ، لأنه مايرد على الارقام الي ما يعرفها ، وسددت جوالي وقتها عن طريق "الامريكي " وترجيت 902 من اصغر موظف الى اكبر موظف عشان يعيدونه ثانيه لكن رفضوا ،،،
واخرتها رد علي الشخص صاحب الغرض الساعة 2 بالليل وكنت متصل من فندق وجلس ساكت وعلى طول انا ماصدقت صرخت و قلت " انا فلان الفلاني جاي من الشرقية لا تسكر الله يرحم امك وابوك " جتني الصيحة وقتها :( كأني لقــيت اهلي بعد ماضيعتهم
عموما الخدمة مفعلة حاليا ً ..انا صنفتها افضل خدمة تقدمها الشركة من سنوات انتم وشرايكم ؟
.
.
تحياتي وتقديري لكـم .. : )
..
محبكم محمد

يسلمو اخوي ابو فيصل:

يسرني اكون اول واحد يرد عليك

وانا معك شكل الخدمه حلوه

وتقبل موري يا احلى عضو

تحياتي ::))

الغا6مدي:)

هــلا فيــك يــا { الغـ6ـامدي }
.
تســلم علــى المرور .. : ) ..
وبالعكســ لي الشرف بتواجدكـ ..
وان شاء الله اعجبتكـ الخدمـة .. : )
.
.
محبكـ
محمد

ايه والله خدمة شكلها خدمه رائعه

تسلم . .: )
.
.
بانتظار تواصلكم ..: )

و111و

خدمه مبـ بس خطيرهـ..,

بجربها ان شاء الله ..

مشكور اخويـ ابوفيصل BBP

يــــــازينهــا زيناه هالخــدمــة أن شــاء الله اليوم بجربهــا




أبـــو فيصــل تسلممممممممم على هالخبــر الحلــو

ماشاء الله عيني عليك بــاردة متميز كان بردودك
ولا

بمــواضيعــك القيــمــة

تقبل مروري >>> الجنيـــة<<<

<<<< شغال عليها الحين ..,

والله هالخدمه ممتااازه صرااحهـ..,

تـفـك ازمــه..,


يـعـطيك العافــيـهـ آخــوي ابـو فيـصـل..,

لاهـنت ابـــو فيصــــل عـلى الموضوع والخبــــر

تسلــــــم يا الغالي

الله يبشرك بالخير

وانت الصصااادق افضل خدمه قدمووهاا

الف شكرر

مـشـكــــــــــور علـى الــخـبريــه الـحـلـوهـ ..

والله مـاسـوو كــذا إلا عـلـشــان موبـايــلــي ...

وبـصـراحــه مــا تــفــرق مــعــي ... .. . .


تحياتـــــــــــــــــــي / راكــــــــــــان