اليوم جاية لكم وفي جعبتي ((مخي)) الكثير من النقاط جمعتها من روحاتنا وجياتنا للاسواق

واللي شفته فيها وهي نقاط تحتاج منا النقاش حقا
نبدا بسرد النقاط وراح يكون بالعامي علشان اخذ راحتي في الحكي وسوف تطفشون من كلمة ((طيب ليش)) سوف تتكرر عشر طعش مرة
الى نقاط النقاش:



1/هذا وانا ياطولين العمر امشي بالسوق لا حظت شي ولاحظته كثير وفي اماكن غير السوق
وهو ان واحد سعودي وجنبه وحدة متأبطة بيده اجنبية .. كيفها خليها تتابط ..
طيب ليش اجنبية ؟؟.. يعني ما كان بالامكان انه تكون ذا اللي بجنبه سعودية ؟؟؟؟؟؟؟؟
ليش مافيه امكان الا فيه امكان ونص بعد ... ليش تروحون وتعرسون على اجنبيات ؟؟
لااااااااااااااا تقولون لي غلاء المهور هذا كان عذر بس الحين لا والف لا
لان اغلب اللي يعرسون من برا الديرة ((مريشين )) <<الظاهر ان هالكلمة صح انا اسمعها عند العيال بمعنى غني بس مدري هي كذا صح والا لا<<
يعني عيال نعمة ... يعني ايضا ان ما هو عذرهم المهر غالي والا عالي..
طيب ..ليش يروحون يتزوجون اجنبية ؟؟ حلوة يعني ... عندنا هنا اجمل بنات العرب يهبلون قلبا وقالبا
طيب نصدق انه يبي الزين وياخذ سورية والا لبنانية...((يروح ياخذ فلبينية والا اندوسية بصراحة هاذي غريبة مرة غريبة
((واحد سعودي تزوج اندوسية وما قدر يدخلها للسعودية لان العمة معية ((يعني مو موافقة )) تدخل بفيزة خدامة فصار حياته3 شهور عندها باندونيسيا وشهر عند امه بالرياض ياقلبي قلب اميمته والله وعجزوا فيه طلقها طلقها ما وافق وجابت له الحين 3اطفال وهو ياحياتي اذا كان عنده راح واذا ماعنده قعد وانتم عاد تخيلوا ماساته بين عياله اللي بذيك الديرة وبين اميمته اللي اربع وعشرين دميعتها على خدها علشان ولدها(( الله يعينهم))
ياربي وش اللي حادكم بالله على هالغثى
ياعيااااااااال السعودية
وربي بناتنا فيهم الخير والبركة الزين كله عندنا واهم شي الاخلاق وموجودة ((بغض البصر عن بعض اللي شوهوا سمعتنا))
واذا على غلاء المهور هذا اول قبل تقريبا سنتين ولاتنسون ان هذا من حق البنت والحين خاصة صار كل شي غالي موت.. وصار الحين فيه توعية للبنات فاصبحت تعرف مصلحتها وين وكيف تصارع في هذا الزمن من اجل ان لا تكون ضمن من لقبوا بـ العوانس
حتى الاهل ما صاروا يطالبون الخاطب بالشي الكثير والبيوت مليانة بالبنات اقولك عن(( واحد ماشاء الله تبارك الله عنده 14 بنت ماشاء الله ))
تتوقعون هذا راح يطالب بالكثير وخصوصا ان ماعنده ولد يساعده على تحمل المسئولية ...
((ووحدة ثانية اعرفها وحيدة امها وابوها ودلوعة مررررة يوم جاء زواجها كان مهرها 40الف يعني زيها زي غيرها ((اهلها شارين الرجل))

في هالوقت مافيه أي عذر للسعودي انه ياخذ اجنبية بناتنا احلى واولى واعز كرامة وراح تلقى منها كل اللي يرضيك
>>ترى ما اني قاعدة اسوي دعاية ولاشي لكن شي يقرقع في قلب مواطنة سعووودية غيوووورة..

((انتهت النقطة الاولى ...وقفوا ..وخذوا بريك .. وارجعوا كملوا))




2/وانا ايضا في السووق لاحظت شي ويمكن يكون الكل لاحظه ..وهو يخص البنات اكثر بس الاكيد ان للشباب دور كبير فيه ((نستثني اللي ما عندها اخو))
والاكيد ان كل البنات عندهم محارم لهم ويخافون عليهم ..ولايرضون لهم أي شي شين او يمس سمعتهم ..صح والا لا؟؟
طيب ليش احنا قاعدين نشوف اشكال والوان من البنات ...العباءة تقول لهم يمة ارحميني
عباءة مخصررررة يالله ياللله تنفس البنية اللي جواها ... زركشات والوان وحركات وبركات ولثمات وعيون مكحلة وعدسات وحواجب مشيولة وووووو.......الخ
والله اشياء كثيرة يسونها البنات مالها داعي .. وربي لو انها تطلع وجهها كله كان ما احد ناظر فيها..
اكيد انت ياخوي تطلع للسوق وتشوف هالاشكال وش يجي في بالك عن هالبنت ؟؟بصراحة

اذا انت من النوع اللي عادي عندك ان اختك قبل ما تطلع للسوق تتزركش وتحط وتلط وتتزين وتتلثم ..فارجوك لاتكمل الموضوع لاننا ما نحتاج شباب زي كذا ابدا لا في الموضوع ولا في المنتدى ولا في مجتمعنا كله...

فيه بعض الشباب يقول هذي اختي ومتربية معي واعرفها واعرف اخلاقها ولايمكن تغلط وانا واثق فيها..وفي اخلاقها

اوكيه ..انا معك ان الثقة حلووة ونتائجها احلى اذا كانت ثقة صح ...
انا اذا احد عطاني ثقة احاول قد ما اقدر اني ما اخسر هالثقة
بس المشكلة في المجتمع اللي حول اختك ...........هل انت تثق فيه ؟؟
انا ما اقول احجروا خواتكم لا يطلعون من البيت ولا يسون ولا ولا....
بالعكس انا ضد هذا المنطق
لان الشك والريبة غالبا ما تؤثر سلبا وتخليها تسوي اشياء كثيرة غلط
((في المدرسة معنا بنت دايم اشوفها اذا جت تطلع كل شي فيها اسود وتلبس هذيك حقت اليدين والله مدري وش اسمها وتلبس شراب اسود والجزمة((وانتم بكرامة)) حتى شنطتها سودة
وكنت اقول في نفسي ماشاء الله عليها يارب لاتحرمني اني اصير زيها كل يوم على ذا الحالة
وبالصدفة كانت هذي البنت صديقة وحدة من البنات((صديقاتي)) وكنت جالسة انا وصديقتي وجت هي وجلست معنا ...آآآآه كم تمنيت اني ما قعدت معها... كلامها كله>> ..اليوم كلمت معاوية..وعمرو زعل مني علشاني..... وجعفر قالي ابي اشوفك ...ومصطفى خلا ص ما ابيه ... وفاروق جابلي امس هدية و...و....و.....>>الاسماء مستعارة 100%
بصراحة صوعقت ... سالت صديقتي.. بعدين قالت لي : ان اهلها محجرين عليها واجد ولا يخلونها تطلع حتى التلفون ما تكلم فيه الا للضرورة وانها طلعت جوال من وراهم عن طريق وحدة من البنات اللي زيها وبدت تكلم والحين تفكر انها تطلع مع واحد منهم بالليل))
((اللهم لا شماتة يارب استر علينا وعلى بنات المسلمين))

البنت دايم تعطيك على حسب ما انت تعطيها على شان كذا انا اقول لاتشكون في خواتكم وان اضطريتوا للشك لا تبينون لهم اتكم شاكين وربي راح تكون النتائج عكسية يكفي ان علاقتكم راح تخرب والسبة الشك..
انا اقول لو يحاول كل واحد فيكم انه يحتوي اخته ويعطيها الثقة بس بعد مايكون تاكد ان اخته ارتاحت له وقدر هو انه يكون اخوها وصديقها وسندها في نفس الوقت بكذا تكون هي مكتفية ذاتيا بحنان امها وابوها وصداقة وحب اخوانها وصدق واخلاص صديقاتها ..فما راح تلجا للتكشخ والزركشة لانها امتلأت عقليا وعاطفيا وراح يكون همها اكبر من كذا..
واذ كل البنات اكتفوا اكيد العيال راح يكتفون وماراح يلقون من يرمون عليها صيدهم..

انتهت الثانية خذوا بريك......................



3/يصير الشاب عكس النقطة اللي قبل....
تشوف اخته ماشاء الله عليها ((بس هو الله يهديه))
اخته جنبه وهو يدور على بنات حواء المزركشات عيونه مرة يمين ومرة يسار ومرة وراء ومرة مع الضحكة اللي مرت ومرة ومرة ومرة.........................واللي جنبه لاحول لها ولاقوة لو قالت بروح اشتري من الهندي موية قال لها <<طلع مراجله عليها<< :انت صاحية اخليك تروحين تكلمين رجال غطي عيونك بس وروحي اركبي السيارة.....ويروح هو ويكمل مهمته ((افا مايصلح يطلع من السوق وهو مارقم ولا وحدة))
طيب ليش تسوي كذا اذا انت من النوع اللي لازم ترقم لاتسوي هذا الشي قدام اللي معك
لا بعد من زين الطبايع اذا كان معه طفل يروح يعطيه وردة مع الرقم ويقول له رح وعطاها هذي البنت <<من زين القدوة والله


4/هذي النقطة بذات انا متعقدة منها ...واخر نقطة ابشركم...
اذا كان المحل زحمة كل حريم انت يارجال ليش تدخل وسط زحمة الحريم وربي تسوي زحمة ما لها سنع وبتضيع اهلك جوه المحل وتضيق على بنات حواء ((اذكر مرة كذا كان المحل وايد زحمة حريم وفيه رجال مع اهله واقف ومطير عيونه فوق كنه عمود كهرب لا وياليته يتحرك واقف مصنم .......وانا كنت راجعه على وراء علشان الحرمة اللي قدامي تمر الا و....طخ....صقعت فيه ((بس من على الجنب))....بغيت انهبل ..قمت احوس ادور كني مضيعة شي ...اخر شي ما قدرت اكمل بالسوق طلعت وقعدت احتري اهلي بالسيارة...احس ان جسمي صار كله قشعريرة ....))الله لايعيدها ..

ملاحظة
هذا الكلام ما قلته لتقليل من شان احد او الاستهتار بهم لا والف لا ..
هذا قلته لان وببساطة غيورة على وطني وشبابه واسمه وكل شي ينتمي له واحب اشوفه دائما مميز
وربي ياكثر مافرحت بانجازات سجلوها شباب هالوطن له ((غير الرياضة طبعا)) وكم يسعدني ان يواصلوا هذا الانجازات
واتمنى ان نقف صفا واحد نحمي وطننا الغالي من كل شر وان نحارب كل من حاول ان يمس هذا الوطن بسوء سواء كان سوء فكريا او سياسيا او من استهزء بتقيد هذا الوطن بتعاليم الدين الحنيف
انا اتكلم وياكم لانكم انتم اللي تحملون العبء الاكبر
لاتقولون لي البنات هم اللي يلبسون وهم اللي يسوون
البنت دائما طيوبة وتسمع الكلام المنطقي بدون أي صراخ
علشان كذا لو ان كل واحد صار قريب من اخته ويعرف افكارها ويشاركها في كل شي ويتبادلون وجهات النظر فيما بينهم اتوقع راح ينحل جزء كبير من هالمشاكل اللي نسمع فيها..........


آسفة على الاطالة بس الموضوع يستاهل وان كان الاسلوب مو مرة
بس فكرة الموضوع تستاهل النقاش


عوافي لكم والله لايحرمكم غالي

مشكوره اختي على الموضوع

BBP مشكور اختي على الموضوع صراحه تعبت وانا اقر لاكن ماراح تعبي بلاش لني لقيت الموضوع يستاهل احد يقراه وكلامك صراحه كله من الواقع وكيد جربت وصقعت واحد احس ان الكهربا شفطتني يوم صقعته وسط زحمه تقبلي مروووووووووووووووري الكلام بالعاميه احلى من اللغه العربيه الفصحه ووع

هلا وغلا بالزعيمااات

ندخل في موضوعك على طول...
انا بسألك الحين انت رايحه للسوق تقضين
ولا تراقبين خلق الله..!!

الزواج من الخارج ما نؤيده ولا فيه احلا ولا احسن
من بنت البلد ولكن هنااك ظروف تجبر البعض عليه
واسبااب كثيرة الاغلبية عارفها ....!!

كلام اخوي رامي عين الصواب

اختي العزيزه

انا اتكلم عن كل نقطه تهمني وتهم الشباب

الزواج من الخارج

يمكن ان يوجد لديه عيب خلقي او من هذا القبيل

اذ لم يكن فهذا مجنون الى اخر درجه

يمكن هذيك فيها شىء كذا او كذا

غيرة الشباب على اخواتهم

هذا يمكن دلخ

او

العشاء كل يوم مع بوش لحم خنزير

والثانيه اقرب

الشباب والمغازله

هذا ضعف في الوازع الديني

هو ما يرضى اخته تصير له كذا

وطبعا البنت تاخذ الجزء الكبير

من المسؤليه لانها ما شاء الله

تتميلح وهي ما شيه ما ادري ليش!!!!!

الشاب يدخل في وسط زحمة الحريم

طبعا هذا يمكن او اكيد

يمكن بيشتري له

اخر مكياج نزل في السوق

شكرا لك الف شكر

رامي الجهني

مشكورة اختي وبعدين مهب كل الشباب يئيدون الزواج للخارج ولا كل الشباب يرظون لاهلهم يطلعون بالعبايات اللي انتي وصفتي وبعدين هذا على حسب التربية والشاب اللي تلقين عينه كل شوي على وحده عاد هذا شي راجع له ونا عن نفسي كل الاشياء اللي انتي ذكرتيه ما ارضا به لو ايش

مشكوووووووره..ع الموضوع الرائع..صح لسانك..والله انك صااادقه الله يسمع منك!!

اللللف شككككر الزعيمااااااااااات موضوووووع جنان
مدري شقوول بس هذا الي الي لازم اححد يوضحه
تحياتــــــي

الله يعطيك الف عافيه على الموضو ع الي يتهال انحن نتكلم عنه وناقشه وانا كلامي اضمه لكم صراجتن في اشياء نلاحظه في مجتمعنا تتغير كثير وعاداتنا وتقاليدنا احس ان فيها شي من تغير والله يستر

اما من ناحيت زواج الاجنبيه من سعودي فهذا شي يمكن يكون فيه شي من الخصوصيه الزوج يمكن يكون فيه عيب وانا واثق ان بنت البلد مافيه مثله والكل يتمنها وان بناتنا احلى البنات لكن نرجع ونقول الزواج قسمه ونصيب

واما من ناحيت لبس البنات في الاسواق صراحتن والله شي يخوف كل يوم تشوف شي غريب على بعض البنات مو كلهم بلعكس فيه بنات والله انك تستحي تناظر فيها بسب احتشامها وخوفها من الله وفيه بنات والله انك انت يارجال ماقمت ولا قعدت عندهااااااااااااااااااااااا وانها تقعد تناظر فيك لين تكسر عينك ولا توخر او تبعد منك انت الي تبعد منها لكن هذا شي لابد منه وانا اتوقع ان سبب هذا اتغير هوووووو الاعــــــــــلام .

ابد هذا الي بغيت اوضحه واسف على الاطاله واشكر اختي زعيمات على الموضوع واحيي فيك روووحك وغيرتك على شباب وبنات وطنك وعمر اظفر مايطلع من الحم

وسلام عليكم ورحمته الله وبركاته

الله يعطيك العافيه على الموظوووع الرووعه وندخل بالمهم اول شي الزواج من الاجنبيات والله انا بصراحه اقول غبي الي يتزوج من الاجنبيه لان يعني الجمال عندنا وكل شي عندنا
والنقطه الثانيه البناااااااااات بالسواق يعني لاتلومينا انا بالنسبه لي احمل البنت اغلب المسؤليه لان لو البنت متستره وماشيه بحاله اتحداك لو احد يناظره بس وحده تقعد تظحك بصوت عالي والعبايه ظيقه وشلون ماتبين الشباب يناظرونه
ومشكووووووره على الموظووووع الجميييييييل وشكراااا

مرحبا الف بكم يالزعيمات>>> لا تحسبونن جنوبيه..

ابعلق على كل نقطه...

1\

لا والله يحومون كبدي اللي يسوون الحركات>>>>> ادري ان موب هذا اللي بتناقشينا عنه لكن رافعه ضغطي هالحركه........
المهم بالنسبه للزواج من الأجنبيات اضراره اكثر من نفعه اذا كان له نفع
* لا قدر الله لو يموت الرجل..طبعا الحرمه بتروح لديرته...طيب وش بيصير بالأطفال يا انهم بيروحون معه وهذا غير وارد لأن اهلهم بيرفضون...وهنا تبدأ المشكله بيتشردون ....والضحيه هم
*الأجنبيه ممكن ان مهره اقل....لكن كل ما بدا تروح بدا هدايا لأهلا وللي بيعزوا عليا وهات ياصرف دراهم....
*ممكن تصير مشاكل اخلاقيه كيييييف؟ اقولكم قصه قريته بإحدى التحقيقات بالصحف.....
يقول صاحب القصه انه تزوج اجنبيه واخذه للسعوديه ؛ بعد مده طلبت تروح لأهله..فسافرت ويوم راح ياخذه تفاجأ انهم مزوجينه واحد ثاني ....ياسلاااام تجاره....اللهم لا تبلانا
وبعدين بالنسبه للجمال الواحد يشوف نفسه بالمرايه قبل يتشرطp10 ....اذكر الشيخ سعيد بن مسفر(ما ادري صح اسمه) تكلم عن هالنقطه وقال على الرجل انه مايتشرط بالجمال يعني يأخذ على قد جماله......
وياليتهم اللي تزوجوا جابوا حلوات..والله كل اللي اعرفهم متزوجين من برا جايبين اشين منا.......

2\لو الود ودي انهم مايجلدون الشباب اللي يتحرشون بالبنات...الا يجلدون ابو البنت اللي مخليه تجي تستعرض ....اللهم لاتبلانا
عاد الشباب لا يحسبون اني ابرأهم بعد هم غلطانين يعني ماتقدر تمسك نفسك لاتجي لهالأماكن..

3\ انا عندي قاعده وهي ان الشاب اللي مشدد على اخته فهو رايح فيها......

4\ بصراحه استحقر هالنوعيه احس انه بيستغل الفرصه

عوافي على الموضوع اللي ماخليتوا شي ما قلتوهBBP

*
*
*
اهلييين الزعيمات

الصراحة موضوعك جنااان

نبدأBBP

شوفي انا اعتقد مافي شاب يتزوج من اجنبيه الا يكون عنده ظروف تجبره على كذا ولا
اش الي يخليه يستغني عن بنت البلد ويروح لغيرها..؟!
,,,,

وانا معك ان فيه بنات الله يهديهم انشالله هم السبب في ملاحقة الشباب لهم
لو ان البنت تسترت وطلعت من بيتها محتشمة الشباب نفسهم يستحون يطالعون فيها
*
*
لا والي يقهر بعد العبايات الي الحين تطلع تقل فساتين سهرة
لو الوحدة في الزواجات تلبسها بدون الفستان تريح نفسها لانها تغني عنه
..
..
..
ومن ناحية الشباب هم قلة انشالله لان شبابنا فيهم الخير والبركة باذن الله
وصح فيه بعض الشباب يكون هو مهو محترم وفيه بعضه لا البنت هي الي تغريه

..
..
..
موقفك باسوق ذكرني بموقف مشابه حصلي العام بالسوق
كان المحل مزحووم مرررة من الحريم
وكان فيه واحد رجال واقف وراي وانا مانتبهت له
وجات حرمة قدامي تبي تعدي اضطريت اني ارجع على ورا والمشكلة ان الحريم الي قدامي كثار
ويوم جو بيمشون دفوني ورجعت على ورا بقوووة الا شوي صقعت بصدره بقووووة
قام ال...(اللهم اني صائمة) وقال بإبتسامة: معليش يالغالية شوي بالله الطريق

ولا تساليني وقتها وين كنت لا ن الامبير كان موصل فللل كان ودي اقوله انت وقححححححح

موضوعك ذو شجوون

لو اتكلم ماراح اخلص

كل الي اقوله الله يهدي شبابنا وبناتنا لطريق الخير والصلاح

يعطيك ربي الف عافية

موضوع رائع وعميق
*----------------------------*
الزواج من اجانبيات........... ما اشوف ان فيه شي اذا كانت مسلمة واخذها بشرف مو كانت خدامتهم

والعبايات.......................... هذي صارت عادة وكل زمن وله اشكاله الا اذا وصلت للعبايات اللي

نشوفها هاليومين هنا يجي دور الاب والاخ ومراقبة النفس

وبعدين وين الهيئة.........؟
*-------------------------------------------*
كل الود