بسم الله الرحمن الرحيم

*
*



*
*

يطيب لنا ان نتقدم إليكم بحلول شهر رمضان المبارك
بأحر التهاني سائلين المولى عز وجل ان يعيده عليكم
وعلى هذا البلد الطيب اعواما مليئه بالسعاده الوافره
*
ونحن هنا نمثل صوت جماهير القناص قمنا بأستضافة
بعض الشخصيات التي لها بصمة رائعه في هذا الموقع
والحوار معهم بكل شفافيه , وسيتسنى للأعضاء المداخله
في هذه الأستضافه وطرح الأسئله على الضيف بحيت لاتتعدى الثلاثه
*
والأن نتركم مع الحوار ومع الضيف ( المراقب العام ) روبن هود

*
*



* تركي يسعد مساك يالغالي

ــ هلا والله وغلا تصدق توي ادري ان اسمك تركي
8
8
خخخخخخخخخ الله يرجك خطاء مطبعي يا محمد لا تشره علي بكره رمضان وحالي مقلوب فوق تحت
بس وش رائك عرفت انقي لك أسم حلو ولا
8
8
ذوووق

*
*

* بدون مقدمات ...(( من يكون روبن هود))....؟

ــ واحد من جمهور الزعيم و جمهور ياسر القحطاني .


* ماسبب اختيارك يالسويدي محمد لــ (( روبن هود ))..؟

ــ خخخخخخخخخخ من جد ما فيه الا احد يسميني روبـن أحس اني سويدي من
قلب مع ان الخشه مهيب خشت أوربي أبد . من ناحية الاسم هو لقب لياسر القحطاني واخترته يكون معرف لي في الموقع واعتز بروبـن واعتبره جزء لا يتجزأ من محمد .


* ممكن تصف لنا مسيرة روبن هود كيف ابتدأت بالمنتدى هل أبتدأت بمراقب عام أم سبقه رتب قبل ان تصبح مراقب .. حدثنا عن هذه الرحله ..؟

ــ في البداية وبداية الموقع كنا ثلاثه القناص وياسر 20 فصعبه كلنا نصير مراقبين عامين فقلنا نقسم المسؤوليات بيننا لين تتيسر الأمور فكنت انا مسؤول اللجنة الإعلامية وبعدها صرت مراقب عام .


* بما انك مراقب عام ومحب للمنتدى وركيزه أساسية فيه ..
لابد لأي عمل من مشاكل وصعوبات.. تتبعه بالتأكيد لحظات فرح وسرور ..؟ صف لنا الحالتين من واقع تجربتك بمنتدانا .. كيف كنت في بداية المنتدى والان ؟

ــ سبق وقلت اننا بدينا من تحت الصفر بدأنا من لا شيء فكنا نروح ونغطي ونرجع ونكتب ونتابع الأخبار اذكر في ذاك الوقت ما ننام الا ساعتين الى ثلاث ساعات مجرد نريح شوي بعدين نكمل خصوصا في وقت الصفقه والحمد لله رب العالمين وصل الموقع الى ما وصل اليه ولا زال في جعبتنا الكثير واحب اقول للأعضاء ترا ما شفتوا الا 10 بالمية من الافكار والقادم مذهل وبقوة .

*
*



*
*

* ما أول قسم تتصفحه عندما تدخل المنتدى؟

ــ المجلس لان لي علاقة بالمجلس كبيـرة خصوصا اني كنت فيه من بدايته وكان معي في ذيك الفترة الأخ رامي السهام والأخت المزن الهلالي والأخت ببسية بنت كولا .


* ما هو العضو الذي يعجبك قلمه؟ لا تقولي كلهم ..!! حدد لنا أسماء .!

ــ الهرش . خالديني . هلالي وان جار الزمن . رامي السهام . القاتل الجريح .
بالنسبة لفئة النساء .
هـاهـ . عنود الغيـد . ريمية نشمية ( مع اني بعض الاحيان منيب استوعب بعض مواضيعها ) خخخخخخخخخخخ
8
8
ههههـ ــهههه حتى انا مثلك مواضيعها كلها سفر وأيطاليا ومطار
واعجبني ذلك الشاب الوسيم ومالت عليكم يا عيال السعوديه خخخخ ولا تزعل علينا ريمية نمزح
بس ولو ما يجي الا تنسيقها لكفى >> احسن على الأقل من تنسيق بن خوري خخخخ >> بتال القوس اليوم ناوي يزعل العالم كلهم خخخـ روبن اذا بتحافظ على علاقتك مع الجميع انسحب >> يدورها من الله


* طيب يالغلا بما أنك مراقب عام وترحبون بالنقد بالبناء الذي يصب في مصلحة المنتدى كانت هناك أنتقادات في الفتره الأخيره بسبب دمج قسم الجمهور الهلالي مع الرياضيه السعودية بقسم واحد .. ؟
وش تعليقك على هذي الجزئية ؟ خاصه أذا علمنا ان ياسر القحطاني نجم هلالي وله شعبية طاغيه عند الجماهير الهلالية واعضاء الموقع تخطوا حاجز الـ 20 ألف ما شاء الله .. أليس من حقهم أن يكون لهم قسم خاصه بهم كجمهور هلالي ؟ بعيد عن الرياضه السعودية ؟

ــ كلامك صحيح ومثل ما تفضلت فيه كثير من الانتقادات واجهتنا لكن ان شاء الله مالهم الا طيبة الخاطر ويصير قسمهم مثل ما يحبون .
8
8
وبعد نبي قسم خاص بالظاهره أبو سلطان >> طماع خخخخخخخ

*
*



*
*

جزئيه أخرى من المقابلة ..
7
7

الأفضليات :

* افضل لون / اللون الأبيض

* افضل رقم / رقم جوالي خخخخخخخخخ ,, أفضل رقم 20

* افضل اسم ( بنت - ولد ) /
بنت-في
ولد- ريان
8
8
في لا تكون في الشرقاوي بس خخخخ

* افضل موقع / لا تقولي موقع ياسر

ــ يبيلها كلام افضل موقع بالنسبة لي وبقوة .

* افضل ماده /

ــ الفيزياء على انها ثقيلة دم الا اقدرها بيني وبينها عشره 4 سنوات
8
8
ما جابت عليك عيال خخخخخخخخخخ

خخخخخخخخ تؤام كيمياء وأحياء

* افضل اسم مستعار في المنتدى /

ــ شرانية كل ما قريته ضحكت خخخخخخخخخخخ

* افضل عضو في المنتدى /

ــ افضل عضو هو العضو الي يثري الموقع بمواضيعه وافكاره ومقترحاته والي يلتزم بقواني الاقسام ولا يتجاوزها هذا افضل عضو بالنسبة لي .
8
8
يا حبي لك دبلوماسي أكثر من اللازم قل الفجر وأخلص خخخ

* هل تجيد لغة غير العربية و الانجليزية؟

ــ فقط اللغه العربية والانجليزية

* ما هي اللغة التي تحلم بتعلمها ؟

ــ الإسبانية

*ما هي أكلتك المفضلة ؟

ــ أي أكلة شعبية نجدية :- المرقوق الجريش مراصيع وانت ماشي
8
8
يا بعد قلبي والله متعصب لأكلات أهل نجد >> طيب تبي تسمع سامري خخخ

* النسيان نعمه...ما الذي تتمنى نسيانه..؟

ــ ولله الحمد ما فيه شي في بالي أتمنى نسيانه بالعكس عندي نظرية تقول تعلم من كل حادثة تصير في حياتك عشان كذا ما احب انسى او بمعنى اصح ما فيه شي اتمنى انساه
8
8
حلو يعني نقدر نطلق عليها (( نظرية روبن هود )) >> نظرية فيثاغورس


* موقف أبكاك وأثار شجونك ولايزال له الأثر في نفسك ..؟

ــ وفاة جدتي الله يغفر لها ويرحمها كان له اثر الى يومك لا زلت اتذكره
8
8
الله يرحمها ويروحم موتانا وموتى المسلمين ..

*
*



*
*

* طيب (عضوة ) مرسله لك رسالة خاصة تبي تتعرف عليك ومعجبة فيك وتبي تكلمك على الموبايل او عطتك رقمها الخاص ؟؟ وش بتسوي ؟؟

ــ ابد الله يهدينا وياها وامسح الرسالة على طول .
8
8
طيب حولها على بن خوري على الهرش على فيصل على طول تصريف ما عنده وقت

*
*

وش تعني لك هالكلمات :
الروح :- يا روح ما بعدك روح

الحب :- زين خصوصا مع الشاهي
8
8
خخخخخخخخ الله يرجك الحب أقصد الغرام موالفصفص >>سعوديين مو وجه حب

الأمل :-سبب يجعلنا نتشبث بالحياة

البحر :- شوي دجاج

المرأة :- النصف الأول

الرجل:- النصف الثاني

العلم :- شرف و مجد

*
*



*
*

*وش رايك بصداقات الانترنت؟

ــ جيـدة إذا أحسنت الأختيار

* وش تسوي اذا صديق عزيز عليك احتقرك؟

ــ اسحب عليه

* رأيك في الزواج المبكر ؟؟ و في اي سن تعتقد ان الشاب و الشابة يمكنهما الاقدام على هذه الخطوة ( الزواج) ؟؟

ــ والله انا منيب من انصار الزواج المبكر خصوصا الوقت الحالي لان الزواج مهوب لعبه ورجال ومره وقضينا لازم يكون الشخص مستعد معنويا وماديا لتحمل المسؤولية سواء رجل أو امرأة . يعني الشغله مهيب لعب

* منو الاعضاء اللي ودك تلاقيهم شخصيا ؟؟

ــ ولا واحد خخخخخخخخخخخ
والله لو الود ودي كلهم قابلتهم
8
8
خلاص ترى فطورك يوم العيد عندي بالرياض خخخخخخ >> بخيل ما يبي يعزمه برمضان

* بصراحه كم مرة انطقيت (يعني حصل لك كم بوكس ) بس بصراحه؟ >> لا تجيب طاري بن خوري

ــ بطبعي أنا مسالم منيب راعي هواش وبالي وسيع لكن بعض الاحيان تحتم الظروف عليك انك تتعامل بيدك وما اقصر .
آخر مره في سفرتي الأخير . كنت في دبي في الوايلد وادي الا واحد من احد الجنسيات العربية قال كلمة لوحده سعوديه فيما معناه وش ذا الي جايين بعبياتهم . المهم البينه شرشحت امه وهو يرد جيت ومسكته مع رقبته لين وسمت اصابعي فيها وهو يقول أي أي توكل على الله قبل اغرقك وبيني وبينك ما اضمن عمري لا تخليني اشوفك . خخ ولا عاد شفته
8
8
كفوا سعودي أصيل بس عسى ما قلبت عليها يوم راح المصري خخخخ يا أبظائي

*
*



*
*

* اذكر لي موقف طريف مر عليك وكل ما تذكرته تضحك؟؟؟ سواء رمضاني أو غير رمضاني .

ــ مره من المرات الملجس خرب مكيفه وانتقلت انا والشباب للمجلس الثاني عشان البراد المهم دقيت على ياسر وقلت له تعال حنا في البيت . المهم تباطيناه
وباحط العشا ( نواشف ) المهم وادق عليه وينك قال انا في البيت انت الي وينك قلت تستهبل المهم واطلع والقى ابو سعيد في المجلس ووجه احمر ذبحه الحر كم لك فيذا قال لي نص ساعه .
8
8
خخخخ كسر خاطري وربي ياسر ما يستاهل ياسر أمسحها بوجهي وتعال عندي >> بخليه ينام بالمجلس ما جيت لمه

*
*

* كيف يمكننا العيش بدون : -
أ.مكيف
ب-سياره
ج-كمبيوتر
د-هاتف

ــ كل الامور الي انت ذكرتها ما نقدر نعيش بدونها لانها صارت جزء لا يتجزأ من حياتنا فاعتقد صعب نعيش بدون هذي الاشياء

* أحلى هدية وصلتك؟؟

ــ ساعه من أمي الله يحفظها

* أحلى خبر سمعته على الإطلاق؟؟

ــ انتقال ياسر للهلال وجاك يا مهنا ما تمنا

* عندك موبايل ؟ شنو نوعه ؟

ــ ايه الفارس
8
8
نفس جوالي يا حظي جوالي مثل جوال(روبن هود) خخخ

* لو حبيت شخص ، هل راح تعترف له بحبك ؟

ــ أفعالي هي الي راح تبين له اني احبه خخخخخخخخخخ تخيل امسك بن خوري واناظر عيونه وعلى شوء شموع واقوله أحبك خخخخخ
8
8
يستاهل بن خوري بس لازم وقتها تهديه اغنية راشد (( من يقول اني لغيرك )) وهو عاد يرد عليك ويهديك أغنية (( توصي شئ )) خخخ ..>>> بيخرب العلاقه بينكم

* هل تمر في الحب حاليا ؟

ــ شف وش الحب الي انت تتكلم عنه ان كانه حب فطري اخوان اهل اصدقاء فكلنا نحب اما حب هالأيام بالنسبة لي مضيعة للوقت وفي حياتي أمور أنجزها ولا البي ارتبط لا حب ولا خرابيط .
8
8
فيه انسان ما يحب قل على الأقل احب ياسر بس أخبره خاطب

* هل تدخن ؟

ــ خخخخخخخخخخخ بلاش الاحراج يا تركي

* هل هناك أعداء لك ؟؟

ــ نعم

8
8
يا قاهرهم يا محمد لأنك شخص ناجح وكل ناجح محارب

*
*



*
*

* التجنيس صار مثل الحلاوه عندنا أنت مع التجنيس أو ضده ? يعني لو قالوا تفاريس بيصير سعودي بترضى ؟

ــ ايه ليش لأ طالما انه يصب في مصلحة الرياضة السعودية

8
8
المشكله اخاف خوينا اللي انت خابر بفلوسه يقلب عبدالقادر كيتا سعودي من الحين خخخخ

* شخص تبي منه الفكه من المنتدى غيري انا.. ؟

ــ لا انت ولا غيرك كلكم عسل على قلبي
8
8
انت مثل العسل وسط الظماير غلاك خخخخ >>لازم يجيب خالد

* وش الشي المميز في وجهك؟؟ ( علشان إذا اخطفوك نعرفك )

ــ في وجهي اربع حبات خال خخخخخخ
8
8
هههه خالك الظاهر حق بوسات أنا فيني حبة خاله خخخخخخخ

*
*

هل حصل لك هذي المواقف : -

أ.انسرق بوكك..?

ــ والله الي بيسرقه ان يتحسف مهوب لاقي فيه شي الا بطاقة جامعيه وبطاقة البنك الامريكي ما فيها الا 90 ريال وما اقدر اصرفها خخخخخخخ

ب.تخرطفت في الشارع او في مكان عام..وطحت؟

ــ في الراشد الله يطول عمرك جبت الدرج من اوله لآخره وكانت معي امي اول ما قمت التفت عليها واقول وكذا الناس يسوون عشان ينزلون من الدرج بسرعه .
8
8
هههههههههه ياليتنني مصورك خخخ يا شينها لا صار لك موقف محرج مع اهلك

ج.انسرق موباايلك؟او نسيته بمكان وتخبلت لين ما حصلته..؟

ــ لا ولله الحمد ما قد انسرق او ضيعته قبله في جيبي ما يطلع .

* ما هو التخصص الذي تميل اليه في كليتك سمعت انك في كلية البترول والمعادن ؟

ــ ايه نعم وتخصصي هندسة كميائية لكن احب التخصصات لي التسويق حتى اني اقرا كتب للتسويق كني ادرسه

*
*



*
*

*وش رايك في الفجر البعيد ؟ المدح ممنوع يفضل الانتقاد خخخـ

ــ الفجر البعيد شهادتي فيك مجروحه الا انك بعض الاحيان تتنرفز وتخلي اللي معك يزعلون منك .

* وش رايك بمراقب أقسام ياسر القحطاني ((الهرش )) وهل ممكن تكشف لنا سر هذا الأسم ؟

ــ الهـرش حبيب قلبي وصديقي واكره خاصه عقب البارح وهو عارف السبب خخخخخخخ .
بالنسبة لسر الهرش ما اقدر اكشفه لكم على فكره ذا الآدمي كتله من الاسرار
بيجي يوم ويعلمكم هو بكل شي


* كم مره نمت وانت تصيح ؟

ــ خخخخخخخخخخ والله لو اني خبل ما انام الا اذا صحت . اللهم يومي بزر اما الان ما بعد وصلت لمرحلة اني انام وانا اصيح خخخخخخخخخ .


* هل للمنتدى مكانة خاصة بالنسبة لك؟ ام انك تفضل منتدى اخر ؟ و ما هو ؟ >> عادي ما راح يقراء الموضوع ياسر

ــ والله هذا المنتدى اللي له مكانه خاصه لاني اجلس فيه بالساعات واتابع حركة الموقع فهو اكيد له مكانه خاصه عندي .


* هل الفائدة من النت واقع ملموس ام انها عبارات نرددها للأعجاب فقط ومسايرة التطور والآخرين ؟

ــ لا فيه فايده وكبيره بس حنا للأسف الي ما نعرف نستغل التقنية في اللي يفيدنا .
خل واحد يقفل ماسنجره يوم وشف وش يصير له اقسم بالله ان ينهبل خخخخخخخخخخخخخخخخخخخخخخ .
8
8ههههههه لهدرجه ربعك واجد على فكره سبحان الله انا ربي ما عطاني احبه أفضل المنتدى عليه بوااجد .. والدليل مقابلتك هذه ماخذها رسائل مو مسن خخخخ >> تصدق ماسنجري مسويه لي أحد المراقبين بالغصب خخخخ

* هل أنت إنسان متسامح فى الحياة و هل تنسى الإساءة بسرعة ؟

ــ والله يا بعدي الي يشيل في قلبه خصوصا هالزمن ما راح يعيش فخلك طبيعي ووسع صدرك الدنيا ما تسوى

*متى تكون جاداً ؟

ــ على قولتهم ساعه و ساعه صعبه الانسان يكون جدي كل وقت وصعبه انه يكون لعاب كل الوقت فساعه وساعه

* كم ساعة تقضي على الانترنت ؟؟ و هل جد انه يهدر الكثير من وقتك على حساب هواياتك و اصدقائك و عائلتك ؟

ــ انا مقسم وقتي من هالناحية وكل شي عندي بنظامه وملتزم فيه فأهلي معطيهم حقهم واصدقائي معطيهم حقهم و نفسي معطيها حقها

* عضو تتمنى أن يكون بالمنتدى مثله أثنين؟؟

ــ المزن الهلالي
8
8
تستاهل راعية الخيمة الرمضانيه خخخخـ >> تفكير سطحي هههههههه

*
*




*
*

* وش رائك باللي يقول أن نادي الهلال (( زعيم المحليات )) فقط يعني بطل داخل السعوديه لكن برى يبطي عظم والدليل أخر بطوله خارجيه حققها كانت عام 2002

ــ هههههههههههههههههههههههههههههههه
اقوله دور لك شيخ يقرا عليك الله يجزاك خير . الهلال هو الزعيم سواء على المستوى الخليجي أو العربي أو الآسيوي . رضى من رضى واللي ما يرضى أكثر ما كثر الله الجدران في السعودية يخبط راسه فيها

*ما اكثر سؤال عجبك ؟

ــ كل الأسئلة صراحة

* وأخيرا أن شاء الله ما ثقلت عليك بالأسئله
وكلمه تحب تقولها بالنهاية ؟

ــ بالنهاية أقول كل عام وانتو بخير واتمنى اني كنت ضيف خفيف عليكم خصوصا في اول يوم من ايام شهر رمضان أعاننا الله على صيامه وقيامه ويغفر لنا ذنوبنا ويضاعف حسناتنا انه ولي ذلك والقادر عليه .

0
0

الف شكر للرائع صاحب القلب الطاهر (روبن هود) على سعة صدره .. بأمكانكم توجيه الأسئله للضيف بشرط أن لا تتعدى حاجز الثالث اسئله وأن لا تصبح مكرره والأفضل لا تـسألون خخخ

,,

0
0

ملاحظـات هامه ..

أذا فيه انتقادات على طريقة الحوار أو الأسلئه او شئ ما عجبكم في الحوار من جهتي انا فقط ..!!

او شئ تحبون تضيوفونه .. راسلوني >> هنــ000ــا

لكي نتلافاه في الحوار القادم ..

والشئ الأخر .. هو أن الموضوع مفتوح الى يوم الأربعاء 5 /9 قبل أذان الفجر سيتم أغلاقه ..



0
0

وتقبلوا فائق التحايا والتقدير ..!!

فيه خفة طينه ما شاء لله
والاسئله كلها روعه ولا فيه شي مب حلو كله كذااااااااا
ب.تخرطفت في الشارع او في مكان عام..وطحت؟
في الراشد الله يطول عمرك جبت الدرج من اوله لآخره وكانت معي امي اول ما قمت التفت عليها واقول وكذا الناس يسوون عشان ينزلون من الدرج بسرعه .
8
وش ردت عليك امك <<اكييد قالت امش امش بس بلا فلفسه


الروح :- يا روح ما بعدك روح
الحب :- زين خصوصا مع الشاهي
الروح:- تسمع لبشرى
الحب:- احلف


محمد
والله وانا اسمع الاجوبه على الاسئله سمعت يمكن انت اكثر واحد يا محمد قلت يا هو بن خوري او روبن بس جد شكلك يلبق عليه تركي اكثر من محمد



أي أكلة شعبية نجدية :- المرقوق الجريش مراصيع وانت ماشي
ما عرفت المراصيع اشرحوا شكلها

أ.انسرق بوكك..?
والله الي بيسرقه ان يتحسف مهوب لاقي فيه شي الا بطاقة جامعيه وبطاقة البنك الامريكي ما فيها الا 90 ريال وما اقدر اصرفها خخخخخخخ

بس للضرورة تقدر احمد ربك عندك شي تحلق فيه شعرك غيرك ما عنده
ولد- ريان
طيب وش رايك في اسم مصعب وطراد


تشكرات على المقابله الروعه

يعطيكم العـــــــــــافية ..

والله هالمقابلات تخلينا نتعرف على بعض اكثر ..,,

اسئلة حلوة وردود احلى ..,,

<< بس نظريتك في الحب غريبــــــــــــــــــــــه

<< سعودي ماعليك شرهـــــــــا الرومانسية من جنبهااا

روبن .. من يوم ماقابلتك مع ياســـــــــــر عرفت انك عســـــــل وشربات


<< بفكرلك بكم سؤال محترم واجيــــــــــــك ,,

مقابله رووووووووووووعه مــع شخص متميز وراائع
بـ كل شــي

][الفجــر البعـيد][

يـــ ع ــــطيكـ الف عاااااافيه على الاسئله الرووووعهـ



بفكــر بـ اسئــله وبــــــرجــع


؛؛..ســــــــلام...؛؛

مشكور يالفجر البعيد على هاللقاء.....بس مثل ماقالت الأخت بلو التنسيق لك عليه>>>>>>>>>بلشه بنات
. هل هناك أعداء لك ؟؟

نعم

الله يستر لا اصير منهم


نجي لأسألتي.........
1\بما انك في جامعة البترول هل تعرف ولد عمتي..تراه هادي ومجتهد....هاه عرفته ....خخخخخ

2\انت من سكان الشرقيه؟ ومن اي ديره بالضبط(ادري انك نجدي بس ابيك تحدد)>>>>ملقوفه

3\ ما توجهك بعد الجامعه....بتكمل دراسات عليا؟ بصراحه انت قده والا لا؟


كلمه اخيره لروبن....

اتمنى لك التوفيق في حياتك .........ويعجبني اسلوبك بالتفكير ولو اني اختلف معك في بعض النقاط واتمنى كل من دخل النت من هالشباب يفكر مثلك في حسن استخدامه............
وان شاء الله نشوفك مهندس كيميائي أد الدنيا>>>>>>>>>قده يا بو>>>>اقلد الشباب اذا تكلموا مع بعض.

ترانا ننتظر روبنيات Three>>> ماتنعطى وجه

مقابلة رووووعة مع شخص أروع ..

أخوي الفجر البعيد مشكوور يالغالي..

مقابله خفيفه وضريفه وحلوه بعد
بس الحين ماعندي أسئله
متى ماجا سؤال في بالي أبكتبه


ومشكور الفجر البعيد أسئلتك روعه
وأجوبتك يا روبن أروع

رووعـه اللقاء

اعجبتنيـ الاجوبـه بصراحه ..

والاعجبني اكثر اسلوبـ الفجر وتعليقاته مت من الضحك

امممممممم وش اسأل ماشاء الله الفجر ماقصر .,<يازينك ساكته

تيب ..

1\من متى وانت تعرف ياسر(القناص) ..؟
2\من اكثر عضو ترتاح له وتحب تفضفضله ..؟
3\من لاعبكـ الاوربيـ المفضل ..؟



سوريـ ع الاطاله .,