خلنــــــــي
قصة هوى تسكن كيانك
خلنــــــــي
صورة مسافر في سمــاك
وخـذ حيــاتي خلهـا شمعـة زمانـك
وخـذ عيــوني ما سكــن فيــها سـواك
ولمنـي ثـم ضمنـي بأقصـى حنـانك
ولمنــــــــي لانــي كلــي فــــــداك
-----------------
غصــب عني صارت عيونك تمون
ويـن ما رحـت يلحقـني غـــــلاك
سقتنـي للمـوت و دروب الجنـون
واصبحــت دنيـاي مـن بعـدك هـلاك
يابعـدهم فـي وجـودك وش يبــون
بلـغ العـالم تــرا مـــابي ســـــــواك
----------------
حريص القلب ما ينسى عيونك لا توصيني
محد يقدر يعوضني لأنك في عيوني غير
ومهما شفت أنا الفرحه بدونك ما تسليني
على طاريك كل لحظه ولا أحتاج للتذكير
أشوفك في صباحي إنت معنى يا صباح الخير
وأشوفك في مسائي حلم وردي لا تصحيني
---------------
لو بيدي
أنزع القلب من الأحشاء
تدري ليـــــه
لأنه في يوم حبك
ولو بيدي
أقطع الدم عن الشريان
تدري ليـــــه
لأنه نزف لجل حبك
ولو بيدي
أجرح الإحساس
تدري ليـــــه
لأنه في يوم شال الهم عنك
------------------------
لك وحشتن بالصدر تلعب بالأضلاع
من كبرها حتى الدموع سمعتهـــا
زفرة ونين الشوق في قلب ملتاع
دارت على كل الضلوع وشكتها
وتغيرت بسبابها كل الأوضاع
حتى دموع العين مثلي بكتها
------------------
قلب الغلا مثل الشفق فيه حمره
والليل كل عانق الليل بدري
صوت عشقته فيه للحب نبره
وله في ضلوعي قلب لاشك يدري
طرف يطي وانا أشق صدره
سيفه غلاي و شوقه الدم يجري
-----------------
الناس توصف الي تحبه بكلمه غالي
وانا لو قالو كل الغلا ماتشفي العله
لو جاء المتنبي كان احتار في حالي
مايدري يكتب فخر او مدح او يجمعه كله
صحيح هو امبراطور الشعر اول وتالي
بس والله غلاك عندي مايجمعه بأحرف وجمله
-------------
أمانة إذا انتهيت من القراءة تمسح المكتوب
أنا ما أبي أحد غيرك يقرأ جرح وجـــــــداني
أنا من ليلة البارح نويت اقابلك وأتــــوب
أجيلك واعتذر كلي وأقول أرجوك تنســـــــاني
--------------------
يقول الناس للمريض كفاره
ويرد بقولة كفرالله بلاويك
المشكله ياعمري ان كلك طهاره
استغفر الله وشلون المرض يجيك
لأجلك نويت اسجل زياره
اشاهد عيونك واحب اياديك
اهدي لــعيونك باقة ورد بحراره
وادعي الله ياعمري يشافيك
------------------------
لو خيروني بين مليون رجال
والكل منهم عاشق مشتريني
بقول كلمه دايم الدوم تنقال
دوم إتردد بين قلبي وبيني
إن ماخذيت اللي له القلب ميال
عقبه فلا آخذ كل رجال يبيني
يمكن بعيد بالمسافه والأميال
لكن قريب بين قلبي وعيني
اشوف به شيخ على كل الأزوال
إليا لفى فزوا له الحاضريني
متسيد في وسط قلبي ويختال
يملك حياتي بس وينه وويني
اللي رفض كل العذراى ولاطال
إلا خفوقي بالغلا والحنيني
وشلون ابقنع خافقي لا الزمن مال
إن الظروف القاسيه ماتليني
وشلون أبرضى عقبه بأي رجال
وشلون ابدل نور عيني بيديني
دامه حفظني في عيونه ولازال
طيفه على طول الليالي يجيني
أبيه يذكر كلمة دايم الدوم تنقال
دوم إتردد بين قلبي وبيني
إن ماخذيت اللي له القلب ميال
عقبه فلا آخذ كل رجال يبيني
------------------
خابـرك حسّـاس وتخـاف الزحـام
خـاف قلـب بـه همـوم مجمعـه
إعتـقـه لله واتـركـه بـســلام
ما بقى بـه عـرق تقـدر تقطعـه
ضامي واطرد سرابك نصـف عـام
حالتـي حالـه واجامـل واتبعـه
كل ما طـاح الأمـل شلتـه وقـام
لين طحت ولا لقـى مـن يرفعـه
غلطتـي كنـت انتظـر منـك اهتمـام
وغلطتك بُعدي ثمنها و ادفعـه
لا تقـول البُعـد والفرقـا حــرام
الحرام أعطيك عمـر تضيّعـه
---------------
لي مع نظر عينك دروب ومشاوير
ولي مع سناء ضحكتك عهد وتحالف
لاقلتـ آسف تقبلـين المعاذيـر
طيب فديتك ياهوى الروح آسف
----------------
أبغيك مثل الــورد في الروح مزروع
والروح والاحساس والنفس بيتك
أبغيك مثل الــنور في العين مطبوع
وأنظرك يوم أشتاق شوفك فديتك
أبغيك مثل الــطير له صوت مسموع
صوت يداعب مسمعي لو بغيتك
------------------
جيتك ندم كلي من أقصاي لأقصاي
أدري غلطت وغلطتي حيل مره
جيتك أسوق من الخجل باقي خطاي
متلبس ثوب الخطا ألف مره
أخاف تقـسـى اوأتعـذب بدنياي
وانته بعادك محـرق القلب حره
لكن خطاي أصبح سبايب لبلواي
والمشكله إنك رفضت إتشره
-----------------
هلا باللي وجوده لي بهالدنيا حياة وموت
هلا باللي إذا ما قد قتلني ما اطلبه ديّه
أنا عقبك تملكني بعد كثر الكلام سكوت
وكل ما طوّل غيابك أشوفك للـقمر ضيّه
رغم صمتي أحس اني أناديك بأعلى صوت
ألا يا غايب ارجع لي ورجّع ضحكتي ليّه
--------------
ارجوك تسكت لا تكلم ولا بحرف
مالك عــذر مالك كــلام تـقــوله
ياشيـخ اسف وين بلقي لها صرف
مادام قلبك انكشف لي ميوله
ياما عيوني اذرفت دمعها ذرف
وياما سهرت الليل اشتاق واوله
راحت حياتي وانا من جرف لي جرف
وانا احسب ان الحب هذي اصوله
انـا دخـيـلـك ودي الـيــوم اعــرف
.وشلون تنساني بهذي السهولة
هي الخيانه والكذب عندكـم عرف
او الوفاء في هذا الزمن ما تطوله
----------------
يا غاليه جيتك من الشوق ولهان
ما اطيق اشوفك يا حياتي حزينه
من يعترف مسموح لو كان غلطان
وشلون لا صرتي تساوين عينه
لو نختلف نبقى حبايب وخلان
انا رهين الشوق وانتي رهينه
المنتصر في كل الأحوال خسران
مهما يكون الوضع بينك وبينه
دنياي ما تسوى وخاطرك زعلان
لا ينشغل قلبك ولا تجرحينه
يا غاليه قدرك على الرأس ما هان
ولا عاش من هو يا حياتي يهينه
يا غاليه با افرح ولو كلي احزان
ومن شان عين يقال تكرم مدينه
انتي وانا روحين في داخل انسان
انا يسار القلب وانتي يمينه
-----------------
انــت
ياللي حبـك بقلبـي كبيــر
لا يصيبـك شـك فـي حبــي لــك
يـوم غيـرك صـار لاحسـاسي اميــر
انـت من فـوق البشـر صـرت المـلك
وجيت اغنيـلك علـى اللحـن القصيـر
الاماكـن كلـها مشتـاقه لـك
15-09-2006, 06:09 AM
خلنــــــــي قصة هوى تسكن كيانك
العرض العادي
