السلام عليكم
أولا مبروك التعادل اللي أشبه بالفوز
والحمدلله التعادل أفضل من الخسارة... بعطيكم بعض المشاهدات
اللي صارت بالمدرجات وأعدكم بإذن الله غدا بتشوفون مقاطع الفيديو
المشاهدات:
1- حضرت المباراة الساعة 7 تقريبا ولحسوا مخي الأمن اللي بالملعب كل مابغيت أخش من بوابة قالوا هنا الإتفاق...رحت عند بوابة قالي هنا الأتفاق مافي احد وخشيت ولقيت جمهور الهلال
قلت تعال شوف هذا جمهور الإتفاق
2-لما دخلت وقعدت كان فيه جمهور قليل...وكان فيه واحد من الجمهور أتوقع انه من أعضاء المنتدى
قاعد يغني كسرات
والجمهور يصفق له لما يخلص (يغني من دون مايكات) صراحة صوته رهييييييييب
3- انا انصدمت لما ماشفت حقوي
بعدين جا ببداية الشوط الأول (متأخر) كنت بكلمه بس ماقدرت أوصل له
4- أشكر كل أعضاء الرابطة صراحة شفتهم مجتهدين قبل المباراة يعلقون أعلام يوزعون شعار الهلال وفيه من الخلف بطولات الهلال ووزعوا على ما أظن نشرات للجمهور بس ماجاني شي
5- كان الجمهور متحمس جدا ببداية الشوط الأول (لحظة وصول حقوي) لكن للأسف بعد الهدف بعضهم اسكتوا لكن ظل بقية منهم يشجعون
6-فيه نصراوي دخل مدرجات الهلال كان متوتر ومنزل راسه ومعه شال النصر واجه (استهبالات) من الجمهور صار وجهه أحمر بس يحمد ربه محد قام وقشعه هو طلع من نفسه
7- كانت فيه مجموعة نصراوية بمدرجات الإتفاق (يبون ينسون همومهم بأي طريقة
) لكن خرجوا بعد المباراة منزلين راسه عالأرض كالعادة
8- اشكر بو خليل على حضوره على الرغم من الكسر اللي بيده وصراحة بدع اليوم خاصة بعد الهدف الأول والثاني للزعيم
9- كان جمهور الإتفاق متحمس تقول ماخذين كاس الدوري بس سرعان ماتحولت وجيهم بعد المباراة إلى وجيه جمهور النصر
10-حضور ناشئي الهلال للمباراة اليوم
11- فيه واحد اليوم ضحكت عليه ضحك لين ماقلت بس انا بعد الهدفين اللي علينا اتجهت لخلف مرمى الهلال شفت واحد اتجه للشبك كان يبي (يشقح) وناس يقولون رح محد يشوفك وجاله العسكري وهو بيشقح قام يستهبل يسوي تمارين رياضية (يبي يموه عالعسكري
)
12-كان الجمهور رووووووووعة بعد الهدف الأول للهلال وكملها بعد الهدف الثاني صراحة كان حماااااااااااااس
13- الجمهور كان مقهور من الجمعان صراحة كان بطيييييييييء والله الخراشي أحسن منه
14- الجمهور شجع العتيبي اليوم وحمسوه بكم كورة
15-احتفالات الجمهور بعد المباراة<<< ماصورت شي هالمرة
أتمنى نقلت لكم بعض المشاهدات اللي صارت
واسمحولي على كم نقطة بس أبي أعيشكم الجو
سلاام
06-09-2006, 05:03 AM
العرض العادي
