السوريه هبلت بي .. والله حاااااااله .. - شبكة القناص

!!..المرجوجه..!! · 06-09-2006, 03:55 AM

ذا السالفه صايره بالمزرعه .. لان ابوي يقول العطله كلها تقضونها بالمزرعه ..
بعدين نروح لبيتنا ..
عاد مع الطفش والمود مقفل طول اليوم .. والواحد عايف عيشته .. شوي ويشقق هدومه ..
وبين دبيك القطط ومنابح الكلابه .. وزقزقة العصافير .. في هالاجواء نقطن ..
< ابوك يالللغه ..
بوسط المزرعه في بيتن صغير بوه عاملن سوري ومعوه مرتوه ..
ومير ذا العامل يجي مرتن يقول لابوي ..
مرتي طقت زهأأت ( زهقت ) بدا تفش خلقها .. تبي تسولف ..
انا حبيت جيبها لهوون عندكون تتعرف على اهللك شو قلت ؟؟
ابوي استانس يقول خلهم يوسعون صدر بنتي ومرتي ..
ما يدري انه زاد الطين بلللللللللللله ..
المهم وانا اول ما قالي ابوي قلت ايه واستانست .. < ما تدري وش بيصير عقب ..
وتجي مره كنت نايمه تقومن امي قومي البسي بتجي السوريه ..
وعيب السعوديين نومهم ثقيل .. < بتنجلد ..
قلت والله ما اقووووم ما يسوى علي <هذي المتحمسه ..
اهم شي جت وطولت من العصر للمغرب عقب الصلاة ..
وانا شبعت نوووم ابي اقووم اقعد مع امي ..
يا ربييه لو بطلع بترتااااااع مني .. كشه وعيون متفخه يعني يا فضيحتااااه ..
وقمت عقب ما راحت رحت لامي .. قلت هاااه وش سويتوا .. < تقل جايه تخطب السوريه ..
قالت لا حليوه ما شاء الله عليها ..
اقولها قلتولها عني .. قالت امي ايه .. قلت وش قالت .. قالت امي ابد سكتت ..
وانا اقول في نفسي افااا.. وانا اقول اللحين بتجي المدايح وعلى شو وما على شو هاااد ..
واقوم وبعد يومين ويتصل رجله .. يقول تبي تتعرف على بنتكم ..
عاد ذاك اليوم قايمه من وقت وما عندي شي ابد فضوه ..
مير واقول لابوي الله يحييها << ما طلعت من فرااغ من طفش ..
ومير وتجي .. اثره توه صغيره اكبر من ب 4 سنين يعني يمكن تجي في الكليه سنه رابعه او ثالثه ..
بس ما تدرس ..
المهم وانا وخروا عني مسويه ذوق واهلي وارحب وتو ما نور البيت والله يسلمك وهاالاشياء ..
المهم جتنا من 4ونص تقريبا او 5 الا ربع .. وتجي تسولف على كيف اخبار المدرسه وشو سجلتي بالجامعه
وهالاشياء ومير تقولي ممكن تحطين mbc 4 قلت لها تامريين امر ..
واقول في نفسي من اولها فور وتو شكل الدعوه خاربه ..
لينها تنتظر المسلسل اللي جي الساعه 5 ما ادري والله نسيت وش اسمه مسلسلن اكره من يوم اني في متوسط وهو يجي .. مثل روبي اللي ما بغى يخلص شانت نفسي منه وما خلص ..
وما شافت المسلسل .. زين استحت مني .. تجي لقطات مب اوكي .. ومسويه تصد وتتأفف .. وانا يا ربييه مسويه يتغير وجهي وبراءه .. مع اني والله ما احب هاللقطاات .. < تشين نفسها ..
المهم وعليها دق سوالف وحنك .. ليين ما جت الساعه 7 ونص وهي قاعده .. وانا عاد اقول يا ربييه كنها ودها تتعشى .. ويتصل به رجله .. مير تقول يا الله مابدي روووح .. وانا اقول هااه وش تقول ذي ..
وانا مسويه يعني اني ابيها .. قلت ايه لا تروحين وسعتي صدري ومير وتصدق الحرمه وقالت لرجله
قال 10 دقايق وبجي .. ومير تسانس يا حبي له .. وجاء رجله وياخذه ..
وعقبها بيوميين يدق رجله على ابوي .. يقول خل بنتك تجي عندنا .. وانا اقوول يا ربييه ربااااه ..
يا نشبتن نشبتها ..
واسفهها 3 اياام كنت مشغوله .. يا نايمه يا عندنا احد ..
ويوم فضيت يجي ابوي يقولي .. يالله قومي < كانت نايمه ..
يالله قومي بتروحين اليوم للسوريه .. قلت له يالله طيب ..
وارووح على بالي ابوي بيجيني مبكر .. وما جاني الا تاالي على 8 الاربع ..
بالليل طبعاا.. المهم يوم اني رحت ادق بابهم .. على بالي هي بتفتح لي .. ومير يفتح لي رجله .. وانا بدخل ..
بدرعم .. واشوا رفعت راااسي ولا كاان صاقعتن بوووه ..
وادخل وانتظره تجي .. ما جت بسرعه .. وانا اتأمل البيت .. وكاني ما قد دخلته وانا اصلا قد دخلته بالغصب ..
وتجي وسلم عليها .. وتقدم لي كاسين كاس بووه فانتا بردقان (برتقال ) وكاس بووه بايسوون ..
المهم .. يوم شفت البايسون خفت .. وقلبي يقول طربق طربق .. على باالي ويسكي ..
وبسرعه اروح القط الفانتا لا تاخذه لاني لازم اخذ شي عيب ارد لها اول تضييفه لي ..< تبي تعلمكم انها ذووق ..
وكان تقولي ما بتحبي البايسون .. ويرتااح قلبي وتخف الدقات .. واقولها لا ما احبه .
واقولها بجديه تحبينه البايسون ؟؟ .. قالت لا بس جوزي بيمووت فيه ..
وانا احكي لووه ما بينفع نقدم للضيوف بايسون بيقولي لا عادي ما فيا شي ..
قلت في نفسي لا والله ااذا صار ت الضيفه سعوديه مثلي دبشه لا تقدميين .. < ما يبرد قلبها الا قهووه وشاهي ..
ويوم رااحت ما ادري وش تجيب ومير اقووم بفسخ عباااتي.. احترييت .. رايحتن لها بعز الحر ..
وما اري الا شي اصقع به ويخبط وراي .. وتوها داخله .. فقط وجهي وانا التفت مسويه ذوق بزينه < ناويه تخليه .. واشوف تخيلي وش صار ؟؟ .. بتهبل بي ذي !! .. صارت شيشه !!!!!!! .. يا ربييه ربااااه ..
ويتقلب وجهي ... يصير قوس قزح ... ويا ربييه تو ويسكي وعديناها .. الحين شيشه !! .. لاالوضع ما ينسكت عليه .. وما ادري الا تسألني قد جربتي !!!!! < لا جوااااااب <فاقتن الخشه ... هاااه وش تقول ذي !! ..
وش جربت ما جربت .. وانا مسويه على نيااتي .. وأقولها .. وشو لا ما عندنا ذا الحركات مب زييين ..
وانا اقولها .. لايكون قد جربتي وانا أسألها ماسكتن عباتي !! على حسب الاجابه بنحاش .. ومير تقولي لا ما بحب الاشياء بس بابا بيشيش وجوزي بيدخن .. ارتااح قلبي شوي .. تقولي لو بتشوفي اذا اجتمعنا في بيت عموو .. ما بتشوفي العالم من الدخاان اللي فيه .. شي اللي بيدخن وشي اللي بيشيش .. رجال ونسواان ..
وانا اقول الحمدلله ان حريمنا ما يدخنون ولا كان علوووم ..
وعقبها كرهت الروووحه لهاا .. الله يهدي ابوي زلب بي (سفهني)ما جاني .. الا عقب ساعتين .. وانا اقول يا بت اصبري .. وعدت الليله على خير .. وتجي عقب يوميين تقول بجي .. قلت لابوي ..لااااااااااااااااااااااااااااااااااااع ..
ما ابي قولولها اني سافرت رحت طسيت اهم شي ما تجي حشى اهلي ما اشوفهم كثر ما اشوف خشتها ..
ياربييه .. عاد هي صبرت جت مره هي وابوها .. ناويه تدخله الظاهر .. تخسى الا هي .. تبيه يشيش قدامي ..
بس اشوا الحمدلله ما كنت بالبييت والا كان امست عندي وخلت السهره صباحي ..
يا ربييه متى بنروح لبيتنا .. عسى ما تقول بسير عليهم في بيتهم تسويها .. الله يستر ..

احذر !!!!
اذا جاك عامل ومرته لا تعطيهم وجه كثير ولا بيغسلونه بمرق وبغثونك .. لان المثل يقول يا من شرى له من حلاله عله .. < صادق والله ..
اذا شفت كاس فيه بايسون لا تحسبه ويسكي اسأل قبل ..
اذا شفت الشيشه عند احد لا تظلمه اسأله قبل .. < أسأل مجرب ولا تسأل دختوور ..
للشيشه عدت موديلات على قولة السوريه .. فيه 2006 توه نازل مع المونديال .. هع هع .. وفيه با كسسورات..

<< يا كثر هرجهااا ..

رفـرف · 06-09-2006, 04:21 AM

والله سوالف الحريم ماتخلص ماشاء ماكملت

قريت نص الموضوع ودار راسي .... فاصل ونواصل

**زيـآد** · 06-09-2006, 04:29 AM

ماشاءالله دخت والله

بس ذا السوريه اكتشفت انها اكبر نشبة بالعالم

يعطيك العافية خيتو

سفيــرة منتدى القنـاص · 06-09-2006, 04:41 AM

ما أقول إالا الله يكون بعونس يا وخيتي الصراحه كل شي وله حد أما عاد القرقه يلي ماتنفع ودس لو تموتين ولا تسمعينه
الصراحه الله لا يرزقني باحد يقرق علي كذا لأني با أطوطه بطنه إذا كنت موب رايقه <<< جنيه ماعليها شرهة

تقبلي مروري مع تحياتأختـــــك >>> الجنيـــــــــة<<<

غزاله ماتنصاد · 06-09-2006, 04:46 AM

مشكوره اختي الله يعطيك العافيه
والله يعينك على هذي السوريه لو منك مااروح للمزرعه مره ثانيه
تقبلي مروري

سهم القناص الخارق · 06-09-2006, 05:28 AM

يؤيؤيؤيؤيؤيؤيؤ وش ذا نشرة الاخبار

**I b r a a** · 06-09-2006, 06:20 AM

هههههههههههههههههههههههههههههههههههههههههههههههههه ههههههههههههه

<<< منبطح من الضحك

أقتباس
ذا السالفه صايره بالمزرعه .. لان ابوي يقول العطله كلها تقضونها بالمزرعه ..
بعدين نروح لبيتنا ..

الله يعينكم

. .

أقتباسعاد مع الطفش والمود مقفل طول اليوم .. والواحد عايف عيشته .. شوي ويشقق هدومه ..
وبين دبيك القطط ومنابح الكلابه .. وزقزقة العصافير .. في هالاجواء نقطن ..
< ابوك يالللغه ..

ههههههههههههههههههههههههههههههههههههههههه

أقتباسبوسط المزرعه في بيتن صغير بوه عاملن سوري ومعوه مرتوه ..

متأكده انك دارسه لغة عربية ؟

أقتباسومير ذا العامل يجي مرتن يقول لابوي ..

هههههههههههههههههههههههههههههههههه

السالفة كلها ومير ومير

ابعطيه جائزة اللي يقولي كم مرة قالت رج رج هالكلمه

لاتعد ولاتحصى

، ،

عوافي رج رج على هالقصة الحلوه

قسم بالله منبطح من الضحك . . اعنبو شيطانك السطر اقراه 10 مرات يالله يالله افهم لي كلمه

<هايله الهلاليه> · 06-09-2006, 06:27 AM

ماشاء الله كلكم مثل بعضكم قرقن ماينتهي كنكم انا بس انا احش

دلوعه فديتني · 06-09-2006, 08:42 AM

هههههههههههههههههههههههههههههههههههاي

الله يعيـــــنك عليهااااااا والله نشبــــــــــــــــــــــــــــــه ...

خالص محبتي وتقديري .. دلــــوعــه ..

**S a L o M** · 06-09-2006, 09:27 AM

أقتباس
بوسط المزرعه في بيتن صغير بوه عاملن سوري ومعوه مرتوه ..

قصه خاثره الصتس ..

والله ياختي المرجوجه رجيتينا

هو اللي خلان اقراها لانها بالقصيمي ..

بس الصراحه حوسه ..

عساك على القوه ..

هلالي مع كل الظروف · 06-09-2006, 10:12 AM

مشكورة اختك

ماشاء الله ياطول لسانك الله يخليه يتربى في عزك

مشكوره

جسر المحبه · 06-09-2006, 12:41 PM

وبين دبيك القطط ومنابح الكلابه .. وزقزقة العصافير .. في هالاجواء نقطن ..

ههههههههههه يتخيل شكلها وهي تحت البطانيه خايفه من الكلاب <<<<<<<<<<

مرتي طقت زهأأت ( زهقت ) بدا تفش خلقها .. تبي تسولف ..
انا حبيت جيبها لهوون عندكون تتعرف على اهللك شو قلت ؟؟
ابوي استانس يقول خلهم يوسعون صدر بنتي ومرتي ..
ما يدري انه زاد الطين بلللللللللللله
ماتدري السوريه تبي تستانس اذركم تطفشتتوها بعد ههههههههههههههههه

مير واقول لابوي الله يحييها << ما طلعت من فرااغ من طفش ..
ومير وتجي .. اثره توه صغيره اكبر من ب 4 سنين يعني يمكن تجي في الكليه سنه رابعه او ثالثه ..
بس ما تدرس ..
يخرب بيتك اذريك عجيز هههههههههههههههههه

اذا شفت الشيشه عند احد لا تظلمه اسأله قبل .. < أسأل مجرب ولا تسأل دختوور ..

والله شكلك مجربها الشيشه بس اي نكهه هي بحريني والا تفاحتين ههههههههههههه

رج رج يعطيك العافيه على المشاركه الاجمل من جد هرجك واجد ,,,,,

ولك خالص تحياتي ,,,,,,,

ملاحظه ,وش نكهة المعسل ماعليك ماقول لاحد ,,ههههههههههههههههه

سيدهم كلهم(20) · 07-09-2006, 02:55 AM

هههههههههههههههه

قصتك مره حلوه موتتني من الضحك

[..

أقتباس
وهالاشياء ومير تقولي ممكن تحطين mbc 4 قلت لها تامريين امر ..
واقول في نفسي من اولها فور وتو شكل الدعوه خاربه ..

هذولا هم السواريا لاخوف من الله ولاحى

اعده ..

أقتباسوانا عاد اقول يا ربييه كنها ودها تتعشى .. ويتصل به رجله .. مير تقول يا الله مابدي روووح

أيه ماعمرها شافت هالنعمه

..

أقتباسصارت شيشه !!!!!!! .. يا ربييه ربااااه

..

يــــاســــاـــتر

أقتباس
ما ابي قولولها اني سافرت رحت طسيت اهم شي ما تجي حشى اهلي ما اشوفهم كثر ما اشوف خشتها ..

زين سويتي هذولا الأجانب ماينعطون وجه

أقتباس
احذر !!!!
اذا جاك عامل ومرته لا تعطيهم وجه كثير ولا بيغسلونه بمرق وبغثونك .. لان المثل يقول يا من شرى له من حلاله عله .. < صادق والله ..

تسلمي على النصائح

تقبلي تحيات أختك

!!..المرجوجه..!! · 07-09-2006, 07:06 AM

يؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤء
طبيتوا فيني
يعني بس البنات حكيهم واجد ( وجه مصعب )
يعني الشباب لسانهم مربوط ..
لي باك على الردود ..
يسلمو جميعا ..

bluetooth girl · 07-09-2006, 09:07 AM

خخخخخخخخخخخخخخخـ
الله يرجـ ابليستس وربيـ..من قريت الموضوعـ..وانا اضحكـ..

وبعدينـ..ذي السوريه جيبيها لي وربيـ..فينيـ..زهقـ..

عاد انا قد قلتلتسـ استفيديـ..منهنـ..

اتعلميـ..منها الدبكه <ياليل الدبكه

مرجوجه بعديـ..

وسعتيـ..صدورنا الله لايحرمنا من ذيـ..السواليفـ..

سلامـ..,

06-09-2006, 03:55 AM	#1
!!..المرجوجه..!! قناص مميــز	السوريه هبلت بي .. والله حاااااااله .. ذا السالفه صايره بالمزرعه .. لان ابوي يقول العطله كلها تقضونها بالمزرعه .. بعدين نروح لبيتنا .. عاد مع الطفش والمود مقفل طول اليوم .. والواحد عايف عيشته .. شوي ويشقق هدومه .. وبين دبيك القطط ومنابح الكلابه .. وزقزقة العصافير .. في هالاجواء نقطن .. < ابوك يالللغه .. بوسط المزرعه في بيتن صغير بوه عاملن سوري ومعوه مرتوه .. ومير ذا العامل يجي مرتن يقول لابوي .. مرتي طقت زهأأت ( زهقت ) بدا تفش خلقها .. تبي تسولف .. انا حبيت جيبها لهوون عندكون تتعرف على اهللك شو قلت ؟؟ ابوي استانس يقول خلهم يوسعون صدر بنتي ومرتي .. ما يدري انه زاد الطين بلللللللللللله .. المهم وانا اول ما قالي ابوي قلت ايه واستانست .. < ما تدري وش بيصير عقب .. وتجي مره كنت نايمه تقومن امي قومي البسي بتجي السوريه .. وعيب السعوديين نومهم ثقيل .. < بتنجلد .. قلت والله ما اقووووم ما يسوى علي <هذي المتحمسه .. اهم شي جت وطولت من العصر للمغرب عقب الصلاة .. وانا شبعت نوووم ابي اقووم اقعد مع امي .. يا ربييه لو بطلع بترتااااااع مني .. كشه وعيون متفخه يعني يا فضيحتااااه .. وقمت عقب ما راحت رحت لامي .. قلت هاااه وش سويتوا .. < تقل جايه تخطب السوريه .. قالت لا حليوه ما شاء الله عليها .. اقولها قلتولها عني .. قالت امي ايه .. قلت وش قالت .. قالت امي ابد سكتت .. وانا اقول في نفسي افااا.. وانا اقول اللحين بتجي المدايح وعلى شو وما على شو هاااد .. واقوم وبعد يومين ويتصل رجله .. يقول تبي تتعرف على بنتكم .. عاد ذاك اليوم قايمه من وقت وما عندي شي ابد فضوه .. مير واقول لابوي الله يحييها << ما طلعت من فرااغ من طفش .. ومير وتجي .. اثره توه صغيره اكبر من ب 4 سنين يعني يمكن تجي في الكليه سنه رابعه او ثالثه .. بس ما تدرس .. المهم وانا وخروا عني مسويه ذوق واهلي وارحب وتو ما نور البيت والله يسلمك وهاالاشياء .. المهم جتنا من 4ونص تقريبا او 5 الا ربع .. وتجي تسولف على كيف اخبار المدرسه وشو سجلتي بالجامعه وهالاشياء ومير تقولي ممكن تحطين mbc 4 قلت لها تامريين امر .. واقول في نفسي من اولها فور وتو شكل الدعوه خاربه .. لينها تنتظر المسلسل اللي جي الساعه 5 ما ادري والله نسيت وش اسمه مسلسلن اكره من يوم اني في متوسط وهو يجي .. مثل روبي اللي ما بغى يخلص شانت نفسي منه وما خلص .. وما شافت المسلسل .. زين استحت مني .. تجي لقطات مب اوكي .. ومسويه تصد وتتأفف .. وانا يا ربييه مسويه يتغير وجهي وبراءه .. مع اني والله ما احب هاللقطاات .. < تشين نفسها .. المهم وعليها دق سوالف وحنك .. ليين ما جت الساعه 7 ونص وهي قاعده .. وانا عاد اقول يا ربييه كنها ودها تتعشى .. ويتصل به رجله .. مير تقول يا الله مابدي روووح .. وانا اقول هااه وش تقول ذي .. وانا مسويه يعني اني ابيها .. قلت ايه لا تروحين وسعتي صدري ومير وتصدق الحرمه وقالت لرجله قال 10 دقايق وبجي .. ومير تسانس يا حبي له .. وجاء رجله وياخذه .. وعقبها بيوميين يدق رجله على ابوي .. يقول خل بنتك تجي عندنا .. وانا اقوول يا ربييه ربااااه .. يا نشبتن نشبتها .. واسفهها 3 اياام كنت مشغوله .. يا نايمه يا عندنا احد .. ويوم فضيت يجي ابوي يقولي .. يالله قومي < كانت نايمه .. يالله قومي بتروحين اليوم للسوريه .. قلت له يالله طيب .. وارووح على بالي ابوي بيجيني مبكر .. وما جاني الا تاالي على 8 الاربع .. بالليل طبعاا.. المهم يوم اني رحت ادق بابهم .. على بالي هي بتفتح لي .. ومير يفتح لي رجله .. وانا بدخل .. بدرعم .. واشوا رفعت راااسي ولا كاان صاقعتن بوووه .. وادخل وانتظره تجي .. ما جت بسرعه .. وانا اتأمل البيت .. وكاني ما قد دخلته وانا اصلا قد دخلته بالغصب .. وتجي وسلم عليها .. وتقدم لي كاسين كاس بووه فانتا بردقان (برتقال ) وكاس بووه بايسوون .. المهم .. يوم شفت البايسون خفت .. وقلبي يقول طربق طربق .. على باالي ويسكي .. وبسرعه اروح القط الفانتا لا تاخذه لاني لازم اخذ شي عيب ارد لها اول تضييفه لي ..< تبي تعلمكم انها ذووق .. وكان تقولي ما بتحبي البايسون .. ويرتااح قلبي وتخف الدقات .. واقولها لا ما احبه . واقولها بجديه تحبينه البايسون ؟؟ .. قالت لا بس جوزي بيمووت فيه .. وانا احكي لووه ما بينفع نقدم للضيوف بايسون بيقولي لا عادي ما فيا شي .. قلت في نفسي لا والله ااذا صار ت الضيفه سعوديه مثلي دبشه لا تقدميين .. < ما يبرد قلبها الا قهووه وشاهي .. ويوم رااحت ما ادري وش تجيب ومير اقووم بفسخ عباااتي.. احترييت .. رايحتن لها بعز الحر .. وما اري الا شي اصقع به ويخبط وراي .. وتوها داخله .. فقط وجهي وانا التفت مسويه ذوق بزينه < ناويه تخليه .. واشوف تخيلي وش صار ؟؟ .. بتهبل بي ذي !! .. صارت شيشه !!!!!!! .. يا ربييه ربااااه .. ويتقلب وجهي ... يصير قوس قزح ... ويا ربييه تو ويسكي وعديناها .. الحين شيشه !! .. لاالوضع ما ينسكت عليه .. وما ادري الا تسألني قد جربتي !!!!! < لا جوااااااب <فاقتن الخشه ... هاااه وش تقول ذي !! .. وش جربت ما جربت .. وانا مسويه على نيااتي .. وأقولها .. وشو لا ما عندنا ذا الحركات مب زييين .. وانا اقولها .. لايكون قد جربتي وانا أسألها ماسكتن عباتي !! على حسب الاجابه بنحاش .. ومير تقولي لا ما بحب الاشياء بس بابا بيشيش وجوزي بيدخن .. ارتااح قلبي شوي .. تقولي لو بتشوفي اذا اجتمعنا في بيت عموو .. ما بتشوفي العالم من الدخاان اللي فيه .. شي اللي بيدخن وشي اللي بيشيش .. رجال ونسواان .. وانا اقول الحمدلله ان حريمنا ما يدخنون ولا كان علوووم .. وعقبها كرهت الروووحه لهاا .. الله يهدي ابوي زلب بي (سفهني)ما جاني .. الا عقب ساعتين .. وانا اقول يا بت اصبري .. وعدت الليله على خير .. وتجي عقب يوميين تقول بجي .. قلت لابوي ..لااااااااااااااااااااااااااااااااااااع .. ما ابي قولولها اني سافرت رحت طسيت اهم شي ما تجي حشى اهلي ما اشوفهم كثر ما اشوف خشتها .. ياربييه .. عاد هي صبرت جت مره هي وابوها .. ناويه تدخله الظاهر .. تخسى الا هي .. تبيه يشيش قدامي .. بس اشوا الحمدلله ما كنت بالبييت والا كان امست عندي وخلت السهره صباحي .. يا ربييه متى بنروح لبيتنا .. عسى ما تقول بسير عليهم في بيتهم تسويها .. الله يستر .. احذر !!!! اذا جاك عامل ومرته لا تعطيهم وجه كثير ولا بيغسلونه بمرق وبغثونك .. لان المثل يقول يا من شرى له من حلاله عله .. < صادق والله .. اذا شفت كاس فيه بايسون لا تحسبه ويسكي اسأل قبل .. اذا شفت الشيشه عند احد لا تظلمه اسأله قبل .. < أسأل مجرب ولا تسأل دختوور .. للشيشه عدت موديلات على قولة السوريه .. فيه 2006 توه نازل مع المونديال .. هع هع .. وفيه با كسسورات.. << يا كثر هرجهااا ..

06-09-2006, 04:21 AM	#2
رفـرف مطرود من الملعب	رد: السوريه هبلت بي .. والله حاااااااله .. والله سوالف الحريم ماتخلص ماشاء ماكملت قريت نص الموضوع ودار راسي .... فاصل ونواصل

06-09-2006, 04:29 AM	#3
زيـآد قلم المجلس الذهبي	رد: السوريه هبلت بي .. والله حاااااااله .. ماشاءالله دخت والله بس ذا السوريه اكتشفت انها اكبر نشبة بالعالم يعطيك العافية خيتو التوقيع: - مَ عاد بـ حياتنا مدرسة , خلاص يَ عمي صرنا جامعيين Sayat.me - Flickr - Ask.fm - Twitter................... -

06-09-2006, 04:41 AM	#4
سفيــرة منتدى القنـاص قناص مميــز	رد: السوريه هبلت بي .. والله حاااااااله .. ما أقول إالا الله يكون بعونس يا وخيتي الصراحه كل شي وله حد أما عاد القرقه يلي ماتنفع ودس لو تموتين ولا تسمعينه الصراحه الله لا يرزقني باحد يقرق علي كذا لأني با أطوطه بطنه إذا كنت موب رايقه <<< جنيه ماعليها شرهة تقبلي مروري مع تحياتأختـــــك >>> الجنيـــــــــة<<< التوقيع:

06-09-2006, 04:46 AM	#5
غزاله ماتنصاد قنــاص فعــال	رد: السوريه هبلت بي .. والله حاااااااله .. مشكوره اختي الله يعطيك العافيه والله يعينك على هذي السوريه لو منك مااروح للمزرعه مره ثانيه تقبلي مروري

06-09-2006, 05:28 AM	#6
سهم القناص الخارق قنــاص فعــال	رد: السوريه هبلت بي .. والله حاااااااله .. يؤيؤيؤيؤيؤيؤيؤ وش ذا نشرة الاخبار التوقيع: هلالي مووووووت ( azo000ozy@hotmail.com)

06-09-2006, 06:20 AM	#7
I b r a a عضو مؤسس للموقع	رد: السوريه هبلت بي .. والله حاااااااله .. هههههههههههههههههههههههههههههههههههههههههههههههههه ههههههههههههه <<< منبطح من الضحك أقتباس ذا السالفه صايره بالمزرعه .. لان ابوي يقول العطله كلها تقضونها بالمزرعه .. بعدين نروح لبيتنا .. الله يعينكم . . أقتباسعاد مع الطفش والمود مقفل طول اليوم .. والواحد عايف عيشته .. شوي ويشقق هدومه .. وبين دبيك القطط ومنابح الكلابه .. وزقزقة العصافير .. في هالاجواء نقطن .. < ابوك يالللغه .. ههههههههههههههههههههههههههههههههههههههههه أقتباسبوسط المزرعه في بيتن صغير بوه عاملن سوري ومعوه مرتوه .. متأكده انك دارسه لغة عربية ؟ أقتباسومير ذا العامل يجي مرتن يقول لابوي .. هههههههههههههههههههههههههههههههههه السالفة كلها ومير ومير ابعطيه جائزة اللي يقولي كم مرة قالت رج رج هالكلمه لاتعد ولاتحصى ، ، عوافي رج رج على هالقصة الحلوه قسم بالله منبطح من الضحك . . اعنبو شيطانك السطر اقراه 10 مرات يالله يالله افهم لي كلمه التوقيع: . . أضعتُ في عرض الصحراءِ قافلتي وجئتُ أبحثُ في " عينيكِ " عن ذاتي !

06-09-2006, 06:27 AM	#8
<هايله الهلاليه> قناص مميــز	رد: السوريه هبلت بي .. والله حاااااااله .. ماشاء الله كلكم مثل بعضكم قرقن ماينتهي كنكم انا بس انا احش

06-09-2006, 08:42 AM	#9
دلوعه فديتني قناص جديد	رد: السوريه هبلت بي .. والله حاااااااله .. هههههههههههههههههههههههههههههههههههاي الله يعيـــــنك عليهااااااا والله نشبــــــــــــــــــــــــــــــه ... خالص محبتي وتقديري .. دلــــوعــه ..

06-09-2006, 09:27 AM	#10
S a L o M . . : زعيم القناصين : . .	رد: السوريه هبلت بي .. والله حاااااااله .. أقتباس *بوسط المزرعه في بيتن صغير بوه عاملن سوري ومعوه مرتوه ..* *قصه خاثره الصتس ..* *والله ياختي المرجوجه رجيتينا* *هو اللي خلان اقراها لانها بالقصيمي ..* *بس الصراحه حوسه ..* *عساك على القوه ..* التوقيع: I'm noT \| the BesT \| .. But I hope to BE That

06-09-2006, 10:12 AM	#11
هلالي مع كل الظروف قنــاص فعــال	رد: السوريه هبلت بي .. والله حاااااااله .. مشكورة اختك ماشاء الله ياطول لسانك الله يخليه يتربى في عزك مشكوره

06-09-2006, 12:41 PM	#12
جسر المحبه قناص مميــز	رد: السوريه هبلت بي .. والله حاااااااله .. وبين دبيك القطط ومنابح الكلابه .. وزقزقة العصافير .. في هالاجواء نقطن .. ههههههههههه يتخيل شكلها وهي تحت البطانيه خايفه من الكلاب <<<<<<<<<< مرتي طقت زهأأت ( زهقت ) بدا تفش خلقها .. تبي تسولف .. انا حبيت جيبها لهوون عندكون تتعرف على اهللك شو قلت ؟؟ ابوي استانس يقول خلهم يوسعون صدر بنتي ومرتي .. ما يدري انه زاد الطين بلللللللللللله ماتدري السوريه تبي تستانس اذركم تطفشتتوها بعد ههههههههههههههههه مير واقول لابوي الله يحييها << ما طلعت من فرااغ من طفش .. ومير وتجي .. اثره توه صغيره اكبر من ب 4 سنين يعني يمكن تجي في الكليه سنه رابعه او ثالثه .. بس ما تدرس .. يخرب بيتك اذريك عجيز هههههههههههههههههه اذا شفت الشيشه عند احد لا تظلمه اسأله قبل .. < أسأل مجرب ولا تسأل دختوور .. والله شكلك مجربها الشيشه بس اي نكهه هي بحريني والا تفاحتين ههههههههههههه رج رج يعطيك العافيه على المشاركه الاجمل من جد هرجك واجد ,,,,, ولك خالص تحياتي ,,,,,,, ملاحظه ,وش نكهة المعسل ماعليك ماقول لاحد ,,ههههههههههههههههه

07-09-2006, 02:55 AM	#13
سيدهم كلهم(20) قنــاص مبــدع	رد: السوريه هبلت بي .. والله حاااااااله .. هههههههههههههههه قصتك مره حلوه موتتني من الضحك [.. أقتباس وهالاشياء ومير تقولي ممكن تحطين mbc 4 قلت لها تامريين امر .. واقول في نفسي من اولها فور وتو شكل الدعوه خاربه .. هذولا هم السواريا لاخوف من الله ولاحى اعده .. أقتباسوانا عاد اقول يا ربييه كنها ودها تتعشى .. ويتصل به رجله .. مير تقول يا الله مابدي روووح أيه ماعمرها شافت هالنعمه .. أقتباسصارت شيشه !!!!!!! .. يا ربييه ربااااه .. يــــاســــاـــتر أقتباس ما ابي قولولها اني سافرت رحت طسيت اهم شي ما تجي حشى اهلي ما اشوفهم كثر ما اشوف خشتها .. زين سويتي هذولا الأجانب ماينعطون وجه أقتباس احذر !!!! اذا جاك عامل ومرته لا تعطيهم وجه كثير ولا بيغسلونه بمرق وبغثونك .. لان المثل يقول يا من شرى له من حلاله عله .. < صادق والله .. تسلمي على النصائح تقبلي تحيات أختك التوقيع: *********** &&ولدتك أمك يا إبن أدم باكيا && والناس من حولك يضحكون سروراُ فأحفظ لنفسك أن تكون إذا بكو ** &&في يوم موتك ضاحكاُ مسروراُ &&

07-09-2006, 07:06 AM	#14
!!..المرجوجه..!! قناص مميــز	رد: السوريه هبلت بي .. والله حاااااااله .. يؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤء طبيتوا فيني يعني بس البنات حكيهم واجد ( وجه مصعب ) يعني الشباب لسانهم مربوط .. لي باك على الردود .. يسلمو جميعا ..

07-09-2006, 09:07 AM	#15
bluetooth girl قناص مميــز	رد: السوريه هبلت بي .. والله حاااااااله .. خخخخخخخخخخخخخخخـ الله يرجـ ابليستس وربيـ..من قريت الموضوعـ..وانا اضحكـ.. وبعدينـ..ذي السوريه جيبيها لي وربيـ..فينيـ..زهقـ.. عاد انا قد قلتلتسـ استفيديـ..منهنـ.. اتعلميـ..منها الدبكه <ياليل الدبكه مرجوجه بعديـ.. وسعتيـ..صدورنا الله لايحرمنا من ذيـ..السواليفـ.. سلامـ..,