وبعدين ياياسر ؟؟ متى تحس ؟؟ ماعندك كرامه ؟؟ - شبكة القناص

العتيبي2005 · 31-07-2005, 08:29 PM

وراك تطل

السلام عليكم ..

هلا بالجميع ادارة واعضاء ... وزوار ...

اتمنى كلامي هذا مايزعل ... وبالذات الهلاليين وياسر ...
خاصه اننا نمر بوقت ضاعت فيه الامانه والصدق ...
وكل هالصفات ممثلها الزامل والياقوت قاتل الله النفاق ...

عرفنا ان ياسر يبي الهلال والهلال يبي ياسر ...
اعتقد هالموضوع مايبيله شرح بعد اللي صار ..
واكبر دليل خروج ياسر واعلانه رغبته الانتقال للهلال ..
وتصريح سمو الامير محمد بن فيصل برغبة الهلال في ياسر ..

لما جات المفاوضات بين الامير بندر بن محمد والياقوت والزامل ...
كان الزامل والياقوت مدبرين خطه عقيمه وسقيمه وفيها من
النذاله مالله به عليم ... ماسحبو عرض نادي الاتحاد ممثل
في رئيسه اللذي جلب العار لسمعة الكره السعوديه ..
لا .. خلوه على طاولة المفاوضات كورقة ضغط على المفاوض
الهلالي رغم ان ياسر القحطاني .. اعلن رغبته الاكيده في
الانتقال لنادي الهلال وعدم رغبته في الانتقال للاتحاد ...

طيب قضينا من هالسالفه واتفقو المتفاوضون على انهم يأجلون
الصفقه لين بعد المباره النهائيه للهلال .. وطلع لنا الياقوت يقول
ان مصلحة ياسر هي مصلحه الكره السعوديه وخلانا نلتمس
منه انه راح يوافق على ان ياسر ينتقل للهلال .. تأملنا منه خير
وأجزم بان الجميع كان على النيه وصدق كلام الياقوت ...

علما بأن معطيات كلام الياقوت تخليك غصب تقول انه يقصد الهلال
لاحد يجي يقولي ان الياقوت ماحدد الفريق الي بينتقل له ياسر ..

لان مادام مصلحة الكره السعوديه تهمه راح ينتقل ياسر للفريق
اللي يحبه واللي يبي يطور فيه مستواه والفريق اللي بيرتاح فيه
نفسيا ومعنويا عشان يتطور ويطور مستواه ..
وبما ان ياسر اعلن رغبته بالهلال فهذا الشي اللي بيحقق كل
كل ماسبق.. لو انتقل لنادي غير الهلال راح يأثر على مستوي
ياسر وراح تتاثر الكره السعوديه بفقد لاعب كبير والتاثير على
مستواه الفني ... وهذا شي بلا شك فيه ضرر على الجميع ..

قضينا من سالفة مصلحة الكره السعوديه اللي كذبها ماحصل
بعد المباراه النهائيه من مماطله وتكذيب وتصريف ...

الايام هذي طلعت علينا قصة الفريق التركي .. المجنون
وهو مجنون وتوه داخل شهار مايصدقها ولا تدخل مخه
هالقصه .. 10 سنوات بـ 42 مليون !!! وين يابو الشباب !!
والمعلومات تقول ان المكتب اللي جاب العرب له صله بالبلوي ..
يعني البلوي بالعقل يبي يخرب الصفقه على الهلال باي طريقه ..
والله لو انهم يبون يشترون سياره مب عقد لاعب ولد سعودي ..

فوق هذا كله اغفلو ان ياسر انسان مب لعبه !!
وفوق هذا ولد قبيله .. وله كرامه ..
وهم قاعدين يدوسون على كرامته ...بالفلوس والمزايدات
تقول بحراج سيارات .. والشريطيه هم الياقوت والزامل والبلوي..
مع مرتبة الشرف ... !!!

وهنا مربط الفرس ...

لو ياسر الحين يفكر بعقله ... وياخذها بالمنطق ... ويقدم
كرامته على كل شي .. ولا اعتقد ان كرامة ياسر يساويها
كم مليون حتى لو 100 مليون ريال .. بالذات عند ياسر شخصيا ..

يضرب عصفورين بحجر واحد .. ياخذ حقه كامل مكمل .. من غير
نقص ولا زياده .. ويعلن هالكلام في الاعلام على مرأى ومشهد ..
من الجميع على راسهم الزامل والياقوت ...

اللي اقصده انا يسويه ياسر عشان ياخذ حقه كامل ...
يعتذر لرئيس الهلال بأنه ماراح ينتقل لهم ... ( على فكره انا هلالي)
ويأجل مسألة انتقاله الى الهلال الى عام 2006 وهو وقت
انتهاء عقده مع فريق القادسيه الشقيق ويعلن انه هلالي وقت
انتهاء عقده وراح يوقع للهلال على بياض من غير الرجوع الى ادارة
نادي القادسيه .. والنظام مع ياسر في كل الحالات ...
يستمر ياسر بالقادسيه ويحافظ على مستواه ..

بكذا ياسر كسب .. شيء مهم جدا جدا جدا جدا ...

الي هو الكرامه اللي قاعد يدلسها الزامل والياقوت بمباركة من
البلوي والرئاسه العامه لرعاية الشباب وسط غفله من ياسر
نفسه ومن ادارة الهلال وجماهير ياسر وجماهير الهلال ...

وينتقل بكرامته وبرغبته واخر من يدري انه وقع للهلال هو
رئيس القادسيه ورئيس مجلس اعضاء الشرف ..

لاراح يستفيد الياقوت من هالصفقه شي .. وبدل مابيده
الحين 22.5 مليون ريال يستفيد حفنة من الريالات تملى وجهه ..
وخل البلوي ينفعه والله العظيم مايعوضه البلوي بريال وقولي
اني ماقلت هالكلام .. وراح يطبق على نفسه المثل :
( جنت على نفسها براقش ) وحنا نصبر مب مشكله ..

فيه كثير ماراح يقتنع بكلامي هذا ...
همه ان ياسر يجي للهلال باي طريقه .. اهم شي يستمتع
يوم يلعب ياسر والبعض غير تفكيره ييبي يقهر البلوي وطقته ..

هاللي يفكر بهالتفكير او شي ثاني والله انه اناني ثم اناني ...
حتى ياسر لو فكر بهالتفكير فيسمحلي ابو سعيد ..
والله انه ماهمه نفسه ومستعد يدوس على كرامته عشان
يقهر ناس معينه اصلا هي ماتسوى بس العناد يلعب دوره ..

اللي يبي مصلحة ياسر يقول لياسر خلاص اكتفيت انت وحنا
اكتفينا الناس قاعده تلعب بكرامتك وقاعده تقارنك بالسيارات
( من يزود ) وانت ساكت وكانك تأيدهم ( السكوت علامة الرضا)

من تهمه كرامة ياسر راح يقبل كلام العقل والمنطق ويبتعد
عن الضغط على ياسر ويرمي امنياته على جنب سنه بس
اول اقل من سنه بعد .. وبعدها بيجي ياسر بكيفه رافعن راسه
مايقدر احد يقوله رح هنا ولا تعال هناك هو اللي يقول بكيفي ..

اتمنى محد يزعل من كلامي على راسهم انت ياياسر ...
تحمل شوي خاصه ان السنه الجايه ماراح تشارك بالقادسيه
كثير لانك بتكون في معسكر المانيا ان شاء الله .. وبعد ماترجع
رافع راسك ومشرف علم بلدك يابن الوطن ( تنقّا ) اللي تبي ...

ياسر فكر شوي .. انت داخل عالم الكوره عشان وشو ؟؟
ممكن بالبدايه عشان الشهره بس انت تعرف ان الشهره
ماهيب دايمه لك ... طيب بعد ماخذيت الشهره الحين وش تبي ؟؟
متأكد انك تفكر بمستقبلك الحين وتبي تأمنه خاصه ان النظام
مايخلي لك راتب تقاعدي .. يعني بكره بعد الاعتزال تبي تقعد
كذا ؟؟ من غير شي تقدر تصرف فيه عليك وعلى نفسك وعلى
عيالك ومرتك وكل من طلب منك المساعده ؟؟؟؟؟؟؟

اصبر ياخوي ماهوب ضارك شي ... بعد كأس العالم بتقدم
مستوى ان شاءا لله يأهلك انك تحترف باكبر الفرق العالميه
وتوقع بكيفك وعلى مزاجك ... وصدقني ادارة الهلال ممثله
في محمد بن فيصل انها تبي تساعدك وتبي تسالك انت وش
الي يضمن مستقبلك ؟؟؟ الهلال ولا فريق عالمي طلبك ؟؟
ركز شوي ياخوي وشف ماراح تندم على كلامي هذا ..
وفكر سبحان الله يمكن اني مخطي ويمكن اني صح ..

بس اهم شي : ( همسه بأذنك ياياسر ) ..

الا الكرامه سيدي هونك *** لاواحد عندي ولا ثـاني

مع التحية ...

نحبك يا هلال · 31-07-2005, 08:34 PM

ولا ثاني

صح لسانك و لسان ابو نايف

بس انتظر المؤتمر بعد شوي بيوضح كل شي

العتيبي2005 · 31-07-2005, 08:37 PM

8
8
8
يالبا قلب الاثنين اللي بالتوقيع :D

صح بدنك الغالي .. حياك الله

..
اتمنى قريت موضوعي كامل ...
واتمنى ان المؤتمر يجعل ياسر في موقف واضح ..
امام نفسه اولا وامام جمهوره ثانيا ..

سلام ...

نحبك يا هلال · 31-07-2005, 08:39 PM

إن شاء الله بس انتظر القناة الرياضية الساعة 11:30 بتوقيت الرياض و فيها المؤتمر اللي بيحل كل الأمور

شفاف · 31-07-2005, 08:41 PM

والله الياقوت هو اللي انلعب بكرامته من البلوي والزامل وكل واحد بمسح بكرامة الثاني مثل الحريم كل يوم وكلمه كل يوم ونصبه

هلالي & amoot fee yasser · 31-07-2005, 08:43 PM

ياخي والله انك ذكي ماشاءالله عليك

تصدق طريقتك حلوه صح لسانك والله

العتيبي2005 · 31-07-2005, 08:44 PM

اقتباس:

المشاركة الأصلية كتبت بواسطة نحبك يا هلال

إن شاء الله بس انتظر القناة الرياضية الساعة 11:30 بتوقيت الرياض و فيها المؤتمر اللي بيحل كل الأمور

هذاني انتظر والله يعين ..
لنا اكثر من شهرين ننتظر وبنشوف وش بيصير ..

سلام ..

ياسر و سامي · 31-07-2005, 08:46 PM

كلامك صح صح صح صح صح
و أنا معك يالغالي ..

العتيبي2005 · 31-07-2005, 08:46 PM

اقتباس:

المشاركة الأصلية كتبت بواسطة شفاف

والله الياقوت هو اللي انلعب بكرامته من البلوي والزامل وكل واحد بمسح بكرامة الثاني مثل الحريم كل يوم وكلمه كل يوم ونصبه

وش نسوي .. انسان بدون كرامه وش نسويله ؟؟
المهم عندنا ياسر .. هذا الاهم .. ومصلحته فوق الجميع ..
ان شاء الله ياسر يدحر هالاشكال ويلعب بمزاجه وكيفه ..
محد يقدر يحدد هو وين بيروح هو بكيفه يحدد منهو يبي ..

تسلم على مرورك ويعطيك العافيه ..
مع التحية ...

العتيبي2005 · 31-07-2005, 08:47 PM

اقتباس:

المشاركة الأصلية كتبت بواسطة هلالي & amoot fee yasser

ياخي والله انك ذكي ماشاءالله عليك

تصدق طريقتك حلوه صح لسانك والله

شكرا

شكلك انرفع ضغطك يمكن انك اصفر

سلام

العتيبي2005 · 31-07-2005, 08:50 PM

اقتباس:

المشاركة الأصلية كتبت بواسطة ياسر و سامي

كلامك صح صح صح صح صح
و أنا معك يالغالي ..

ياليت كلامي صح اتمنى والله ..
وياليت ياسر يبين لهم انه هو اللي يحكم نفسه ..
ولا يخلي انصاف الريجيل يتحكمون فيه

...

صح ياياسر ؟

تسلم على مرورك اخوي ..
مع التحية ..

القنــــ9999ــــاص · 31-07-2005, 08:53 PM

كلامك صحيح
ويا ريت من ياسر انه ما ينتظم بتدريبات القادسيه عشان يطرطعون ياقوتو ومكيفات الزامل

ياسر الكاسر · 31-07-2005, 08:55 PM

العتيبي2005

القناص ما اخذها مسألة كرامة بل مسألة حب للكيان الهلالي وعشق جارف واصرار انه ينتقل له مهما صار واذا كانو القدساويين يماطلون وهو ما زال مصر على الانتقال فهذا يثبت كل ما قيل عنهم ويكشفهم فشكرا لياسر انه اظهرهم على حقيقتهم وشكرا له انه يوم عن يوم يثبت بمواقفه الرجولية انه زعيم ويستاهل انه يكون من نجوم الزعماء واذا لم يتم الانتقال هذه الايام فالحمد لله ان ياسر ما يفكر بمثل طريقتك وتوهن عزيمته من هالمؤامرات اللي تحاك ضده وعلى الاقل تجي منهم ولا تجي منه ويقول ما عاد ابي انتقل اخوي انا احترم وجهة نظرك لكن هذي وجهة نظري يعطيك العافية

الامبراطور(9) · 31-07-2005, 09:00 PM

مين يشاهد قناة فلاف في دعاية عن الشريطية بنزل عرض انشاء الله بكره احط الياقوت والزامل وبينهم ال*****ي (التشادي)[size=6] البلوي [/size](ابو كريشة)

العتيبي2005 · 31-07-2005, 09:01 PM

اقتباس:

المشاركة الأصلية كتبت بواسطة القنــــ9999ــــاص

كلامك صحيح
ويا ريت من ياسر انه ما ينتظم بتدريبات القادسيه عشان يطرطعون ياقوتو ومكيفات الزامل

ياليت كلامي صحيح .. يارب يارب ..
بس مسالة ان ياسر ماينتظم عشان يقهر هالاثنين ..
انا ماوافقك فيها لان من ذكرت ماراح ينضر اذا انخفض
مستوى ياسر المتضرر الوحيد ياسر نفسه .. مستواه
لازم يكون ثابت ولازم يتطور اكثر واكثر ... والله يوفق
ياسر ان شاء الله ويحقق له اللي بباله ...

مع التحية ..

31-07-2005, 08:29 PM	#1
العتيبي2005 قناص جديد	وبعدين ياياسر ؟؟ متى تحس ؟؟ ماعندك كرامه ؟؟ وراك تطل السلام عليكم .. هلا بالجميع ادارة واعضاء ... وزوار ... اتمنى كلامي هذا مايزعل ... وبالذات الهلاليين وياسر ... خاصه اننا نمر بوقت ضاعت فيه الامانه والصدق ... وكل هالصفات ممثلها الزامل والياقوت قاتل الله النفاق ... عرفنا ان ياسر يبي الهلال والهلال يبي ياسر ... اعتقد هالموضوع مايبيله شرح بعد اللي صار .. واكبر دليل خروج ياسر واعلانه رغبته الانتقال للهلال .. وتصريح سمو الامير محمد بن فيصل برغبة الهلال في ياسر .. لما جات المفاوضات بين الامير بندر بن محمد والياقوت والزامل ... كان الزامل والياقوت مدبرين خطه عقيمه وسقيمه وفيها من النذاله مالله به عليم ... ماسحبو عرض نادي الاتحاد ممثل في رئيسه اللذي جلب العار لسمعة الكره السعوديه .. لا .. خلوه على طاولة المفاوضات كورقة ضغط على المفاوض الهلالي رغم ان ياسر القحطاني .. اعلن رغبته الاكيده في الانتقال لنادي الهلال وعدم رغبته في الانتقال للاتحاد ... طيب قضينا من هالسالفه واتفقو المتفاوضون على انهم يأجلون الصفقه لين بعد المباره النهائيه للهلال .. وطلع لنا الياقوت يقول ان مصلحة ياسر هي مصلحه الكره السعوديه وخلانا نلتمس منه انه راح يوافق على ان ياسر ينتقل للهلال .. تأملنا منه خير وأجزم بان الجميع كان على النيه وصدق كلام الياقوت ... علما بأن معطيات كلام الياقوت تخليك غصب تقول انه يقصد الهلال لاحد يجي يقولي ان الياقوت ماحدد الفريق الي بينتقل له ياسر .. لان مادام مصلحة الكره السعوديه تهمه راح ينتقل ياسر للفريق اللي يحبه واللي يبي يطور فيه مستواه والفريق اللي بيرتاح فيه نفسيا ومعنويا عشان يتطور ويطور مستواه .. وبما ان ياسر اعلن رغبته بالهلال فهذا الشي اللي بيحقق كل كل ماسبق.. لو انتقل لنادي غير الهلال راح يأثر على مستوي ياسر وراح تتاثر الكره السعوديه بفقد لاعب كبير والتاثير على مستواه الفني ... وهذا شي بلا شك فيه ضرر على الجميع .. قضينا من سالفة مصلحة الكره السعوديه اللي كذبها ماحصل بعد المباراه النهائيه من مماطله وتكذيب وتصريف ... الايام هذي طلعت علينا قصة الفريق التركي .. المجنون وهو مجنون وتوه داخل شهار مايصدقها ولا تدخل مخه هالقصه .. 10 سنوات بـ 42 مليون !!! وين يابو الشباب !! والمعلومات تقول ان المكتب اللي جاب العرب له صله بالبلوي .. يعني البلوي بالعقل يبي يخرب الصفقه على الهلال باي طريقه .. والله لو انهم يبون يشترون سياره مب عقد لاعب ولد سعودي .. فوق هذا كله اغفلو ان ياسر انسان مب لعبه !! وفوق هذا ولد قبيله .. وله كرامه .. وهم قاعدين يدوسون على كرامته ...بالفلوس والمزايدات تقول بحراج سيارات .. والشريطيه هم الياقوت والزامل والبلوي.. مع مرتبة الشرف ... !!! وهنا مربط الفرس ... لو ياسر الحين يفكر بعقله ... وياخذها بالمنطق ... ويقدم كرامته على كل شي .. ولا اعتقد ان كرامة ياسر يساويها كم مليون حتى لو 100 مليون ريال .. بالذات عند ياسر شخصيا .. يضرب عصفورين بحجر واحد .. ياخذ حقه كامل مكمل .. من غير نقص ولا زياده .. ويعلن هالكلام في الاعلام على مرأى ومشهد .. من الجميع على راسهم الزامل والياقوت ... اللي اقصده انا يسويه ياسر عشان ياخذ حقه كامل ... يعتذر لرئيس الهلال بأنه ماراح ينتقل لهم ... ( على فكره انا هلالي) ويأجل مسألة انتقاله الى الهلال الى عام 2006 وهو وقت انتهاء عقده مع فريق القادسيه الشقيق ويعلن انه هلالي وقت انتهاء عقده وراح يوقع للهلال على بياض من غير الرجوع الى ادارة نادي القادسيه .. والنظام مع ياسر في كل الحالات ... يستمر ياسر بالقادسيه ويحافظ على مستواه .. بكذا ياسر كسب .. شيء مهم جدا جدا جدا جدا ... الي هو الكرامه اللي قاعد يدلسها الزامل والياقوت بمباركة من البلوي والرئاسه العامه لرعاية الشباب وسط غفله من ياسر نفسه ومن ادارة الهلال وجماهير ياسر وجماهير الهلال ... وينتقل بكرامته وبرغبته واخر من يدري انه وقع للهلال هو رئيس القادسيه ورئيس مجلس اعضاء الشرف .. لاراح يستفيد الياقوت من هالصفقه شي .. وبدل مابيده الحين 22.5 مليون ريال يستفيد حفنة من الريالات تملى وجهه .. وخل البلوي ينفعه والله العظيم مايعوضه البلوي بريال وقولي اني ماقلت هالكلام .. وراح يطبق على نفسه المثل : ( جنت على نفسها براقش ) وحنا نصبر مب مشكله .. فيه كثير ماراح يقتنع بكلامي هذا ... همه ان ياسر يجي للهلال باي طريقه .. اهم شي يستمتع يوم يلعب ياسر والبعض غير تفكيره ييبي يقهر البلوي وطقته .. هاللي يفكر بهالتفكير او شي ثاني والله انه اناني ثم اناني ... حتى ياسر لو فكر بهالتفكير فيسمحلي ابو سعيد .. والله انه ماهمه نفسه ومستعد يدوس على كرامته عشان يقهر ناس معينه اصلا هي ماتسوى بس العناد يلعب دوره .. اللي يبي مصلحة ياسر يقول لياسر خلاص اكتفيت انت وحنا اكتفينا الناس قاعده تلعب بكرامتك وقاعده تقارنك بالسيارات ( من يزود ) وانت ساكت وكانك تأيدهم ( السكوت علامة الرضا) من تهمه كرامة ياسر راح يقبل كلام العقل والمنطق ويبتعد عن الضغط على ياسر ويرمي امنياته على جنب سنه بس اول اقل من سنه بعد .. وبعدها بيجي ياسر بكيفه رافعن راسه مايقدر احد يقوله رح هنا ولا تعال هناك هو اللي يقول بكيفي .. اتمنى محد يزعل من كلامي على راسهم انت ياياسر ... تحمل شوي خاصه ان السنه الجايه ماراح تشارك بالقادسيه كثير لانك بتكون في معسكر المانيا ان شاء الله .. وبعد ماترجع رافع راسك ومشرف علم بلدك يابن الوطن ( تنقّا ) اللي تبي ... ياسر فكر شوي .. انت داخل عالم الكوره عشان وشو ؟؟ ممكن بالبدايه عشان الشهره بس انت تعرف ان الشهره ماهيب دايمه لك ... طيب بعد ماخذيت الشهره الحين وش تبي ؟؟ متأكد انك تفكر بمستقبلك الحين وتبي تأمنه خاصه ان النظام مايخلي لك راتب تقاعدي .. يعني بكره بعد الاعتزال تبي تقعد كذا ؟؟ من غير شي تقدر تصرف فيه عليك وعلى نفسك وعلى عيالك ومرتك وكل من طلب منك المساعده ؟؟؟؟؟؟؟ اصبر ياخوي ماهوب ضارك شي ... بعد كأس العالم بتقدم مستوى ان شاءا لله يأهلك انك تحترف باكبر الفرق العالميه وتوقع بكيفك وعلى مزاجك ... وصدقني ادارة الهلال ممثله في محمد بن فيصل انها تبي تساعدك وتبي تسالك انت وش الي يضمن مستقبلك ؟؟؟ الهلال ولا فريق عالمي طلبك ؟؟ ركز شوي ياخوي وشف ماراح تندم على كلامي هذا .. وفكر سبحان الله يمكن اني مخطي ويمكن اني صح .. بس اهم شي : ( همسه بأذنك ياياسر ) .. الا الكرامه سيدي هونك *** لاواحد عندي ولا ثـاني مع التحية ...

31-07-2005, 08:34 PM	#2
نحبك يا هلال مطرود من الملعب	مشاركة: وبعدين ياياسر ؟؟ متى تحس ؟؟ ماعندك كرامه ؟؟ ولا ثاني صح لسانك و لسان ابو نايف بس انتظر المؤتمر بعد شوي بيوضح كل شي

31-07-2005, 08:37 PM	#3
العتيبي2005 قناص جديد	مشاركة: وبعدين ياياسر ؟؟ متى تحس ؟؟ ماعندك كرامه ؟؟ 8 8 8 يالبا قلب الاثنين اللي بالتوقيع :D صح بدنك الغالي .. حياك الله .. اتمنى قريت موضوعي كامل ... واتمنى ان المؤتمر يجعل ياسر في موقف واضح .. امام نفسه اولا وامام جمهوره ثانيا .. سلام ...

31-07-2005, 08:39 PM	#4
نحبك يا هلال مطرود من الملعب	مشاركة: وبعدين ياياسر ؟؟ متى تحس ؟؟ ماعندك كرامه ؟؟ إن شاء الله بس انتظر القناة الرياضية الساعة 11:30 بتوقيت الرياض و فيها المؤتمر اللي بيحل كل الأمور

31-07-2005, 08:41 PM	#5
شفاف قناص جديد	مشاركة: وبعدين ياياسر ؟؟ متى تحس ؟؟ ماعندك كرامه ؟؟ والله الياقوت هو اللي انلعب بكرامته من البلوي والزامل وكل واحد بمسح بكرامة الثاني مثل الحريم كل يوم وكلمه كل يوم ونصبه

31-07-2005, 08:43 PM	#6
هلالي & amoot fee yasser قناص جديد	مشاركة: وبعدين ياياسر ؟؟ متى تحس ؟؟ ماعندك كرامه ؟؟ ياخي والله انك ذكي ماشاءالله عليك تصدق طريقتك حلوه صح لسانك والله

31-07-2005, 08:46 PM	#8
ياسر و سامي قناص جديد	مشاركة: وبعدين ياياسر ؟؟ متى تحس ؟؟ ماعندك كرامه ؟؟ كلامك صح صح صح صح صح و أنا معك يالغالي .. التوقيع: أعتزل ماردونا ومن قبله بيليه و شاخ صوت فيروز و ماتت كوكبة الشرق و رحل أرسطو وسبقه أفلاطون و تعب زيدان و سقط مبنى التجارة العالمي و لم تبق إلا الأهرامات في أرض الكنانة و سامي الجابر في وطني الحبيب

31-07-2005, 08:53 PM	#12
القنــــ9999ــــاص قناص جديد	مشاركة: وبعدين ياياسر ؟؟ متى تحس ؟؟ ماعندك كرامه ؟؟ كلامك صحيح ويا ريت من ياسر انه ما ينتظم بتدريبات القادسيه عشان يطرطعون ياقوتو ومكيفات الزامل

31-07-2005, 08:55 PM	#13
ياسر الكاسر قنــاص مبــدع	مشاركة: وبعدين ياياسر ؟؟ متى تحس ؟؟ ماعندك كرامه ؟؟ العتيبي2005 القناص ما اخذها مسألة كرامة بل مسألة حب للكيان الهلالي وعشق جارف واصرار انه ينتقل له مهما صار واذا كانو القدساويين يماطلون وهو ما زال مصر على الانتقال فهذا يثبت كل ما قيل عنهم ويكشفهم فشكرا لياسر انه اظهرهم على حقيقتهم وشكرا له انه يوم عن يوم يثبت بمواقفه الرجولية انه زعيم ويستاهل انه يكون من نجوم الزعماء واذا لم يتم الانتقال هذه الايام فالحمد لله ان ياسر ما يفكر بمثل طريقتك وتوهن عزيمته من هالمؤامرات اللي تحاك ضده وعلى الاقل تجي منهم ولا تجي منه ويقول ما عاد ابي انتقل اخوي انا احترم وجهة نظرك لكن هذي وجهة نظري يعطيك العافية التوقيع: شكريا رجـه M!ss -- شكريا M!ss_Cute ياسر : احبك يالزعيم .. اول تصميماتي في حياتي !! طابع بريدي لياسر بـ25 مليون ريال سعودي .. !!

31-07-2005, 09:00 PM	#14
الامبراطور(9) قناص جديد	مشاركة: وبعدين ياياسر ؟؟ متى تحس ؟؟ ماعندك كرامه ؟؟ مين يشاهد قناة فلاف في دعاية عن الشريطية بنزل عرض انشاء الله بكره احط الياقوت والزامل وبينهم ال*****ي (التشادي)[size=6] البلوي [/size](ابو كريشة)