موضوع قد اصابه بعض الشتات :(


الصيف = حر + فراغ + ملل
معادلة لا يختلف عليها اثنان ..

***


اختبار (تحليل شخصيتك في الصيف) .. اهداء من ريميه

1- في وقت فراغك .. ما العمل التقليدي الذي تقوم به :
أ/ مشاهدة التلفزيون
ب/ لعب السوني (البلاي ستيشن)
جـ / مشاهدة الافلام وخلق جو من السينما المنزليه
د/ ممارسة هوليه محببه


2- إذا كنت من ممارسي لعبة البلاي ستيشن أي الألعاب تختار :
أ/ كرة القدم
ب/ المغامرات
جـ / حروب العصابات والألعاب البوليسية
د/ سباقات السيارات


3- اي الكتب تختار للقراءة غالباً :
أ/ روايات
ب/ كتب علم نفس
جـ /كتب سياسية-اقتصادية
د/ كتب تحكي التاريخ




* اللأختبار من تأليفي .. وكل واحد بيلقى (التحليل النفسي) بعد ما يرد ويقول وش اختار



***

نجي للموضوع الأساسي

***


أمس في بيت جدتي .. وكالعادة عيال خالتي من جوا مشغلين (السوني)طبعاً شريطهم المفضل [Grand]
Grand Theft Auto
أو
G.T.A

إجرام .. انحلال أخلاقي .. وما نبالغ إذا قلنا (إرهــــاب)
عشان تعيش لازم تسرق ، تعتدي على هذا وتآخذ فلوسه وأسلحته ، تمر من عند حرمه لابسه بكيني وتتلفض بكلمات فيها الكثير والكثير من .............
تخطف وحده وتروح بها لمكان (صــااااد) و .....................
تقتل عادي (اصلاً هذي شغلتك) ، ما يرتاح قلبك الا إذا شفت الدم عادي ..
كل هذا وأكثر تجدونه في Grand

طبعاً ما أسوي دعاية بس صدق شي يقهر ..
شي يقهر ان (البـزر) يلعب بهالشخصية ويشوف هالمناظر ، ويكون بقتله وسرقته يحقق انتصار

+ سالوفه :
ولد خالتي (4سنوات) جته فترة ادمن فيها على Grand ، لدرجة انه قام يرفع السكين في وجه أخوانه إذا تطاق معهم ، وعادي لو ذبحهم لأنه بيكون (الفائز)



بتقولون وين الأهل؟!!
إذا الأهل منعوا عيالهم مرّه ، مرتين ، ثلاث ..................
والعيال يطلعون ويشترون لهم شريط جديد ، الأهل وش بيسوون ، أظنهم تعبوا من الكلام وأحياناً أساليب التأديب الأخرى

أنا هنا ما أحط اللوم على الاهل ، أو حتى على الأطفال
كل اللوم على (الرقابه الحكومية)
- كيف يسمحون بدخول مثل هالأشرطه واستمرار توزيعها انتشارها ؟!!
- ليه ما نسمع كلمة قويه توقف هالغزو الفكري لعقول صغارنا ؟!!
بتكثر الأسئلة ، وما فيه إجابة ...


اخواني شبه مدمنين لأشرطة (كرة القدم)
كانوا من مده يلعبون بشريط ولا يزلون عليه
قبل أسبوعين شروا شريط جديد اسمه (ابطــال العالم) .. بحكم اننا طليان
بعدها بيوم سألت أخوي "وين شريطكم حق الطليان؟ "
قال : رجعته .. نفس الي عندنا بس مغيرين في البداية .. بدل مايحطون دعاية المنتخب حطوا أهداف ايطاليا ولحظة تتويجهم .. والباقي ما تغير <<دعاية موبايلي :D

(لا تعليق)

يا رقابة من اللي يحمي المستهلك من هالاستغلال الفضيع؟!!



ما أقول الا ياحبي لي .. حدي كراش ومن زمان عنه بعد
كرااااااااااش مشتاقه لك
الا الكل مشتاق لك .. ليت كل الاشرطه مثلك يا كرااااااش p9


***



دعاية فيلم في شريط فيديو وفي اسفل الشاشه (غير متوفر في المملكة العربية السعودية)

ليـــــــــــــــــــــــــــــه؟!!

صح فيه بعض التجاوزات الدينية ، وفيه بعض المشاهد الإباحيه
وهذا في بعض الممنوع
اما الافلام الباقيه ليه تمنع
(اتمنى تتبعون سياسة أعرفك عدوك)

بيني وبينكم يمنع ولا انهم يسمحون به وهم مقطعين ثلاث ارباعه .. وتشطر عاد وافهمها ..
(يارقابه متى بتفهمون .. الي يبي الشر بيلقاه لو حطيتوا قدامه ألف حاجز)



***

للبنــــــــــــــــــــات

.. نشتري مجلة أزياء (بورده) وندور موديل
اللي يصدمنا ان نص الصورة مطموس بالأسود والموديل ضايع
ما أنكر أن بعض الفساتين مبالغ في عريّها ..
بس يا رقابه خفوا علينا ..

+ سالوفه :
فيه (بورده) جايبينها من ايطاليا ومخلينها وديعه في بيت جدتي
ذات يوم .. واثناء بحثنا عن فساتين (فوجئنا) ببعض (الخربشات) على بعض الصور
اثرها خالتي احسن الله إليها مطمسه صور العارضات (اي شي طالع....) مطموس
لدرجة ان بعض الموديلات باخت .. حتى لو بنضيف عليها تعديل ما نقدر من الحووسه
كان تعليق امي "جزعين من الهيئة تجينا انتي"
وخذنا تعهد على خالتي بعدم تكرار ما حدث



***

كتاب ممنوع !!
ما ادري وش الحكمة من هالمنع ..
- كتب تسب الدين ، تسب ولاة الامر
- كتب فيها تجاوزات دينية و اخلاقية لا يسكت عنها
- كتب تدعوا وتؤدي لاعتناق ديانات أخرى ، أو معتقدات باطله
- كتب المنجمين والعرافين وووووووو

امنعوها بكيفكم والله يقويكم

بس الي أشوفه أنكم (يالرقابة) تمنعون كتب عادية ، وعادية جداً ، لدرجة اننا نضحك على سطحية فكركم يوم انكم تمنعونها
كنكم تقولون "لا تقرا ذا الكتاب مايصلح لك"
.. طيب وش يدريكم ..


+ سالوفتين كان منع الكتب فيها خير على المسلمين ..

+ سالوفه 1 :
وحده من البنات مصيفه بلبنان ، وزاروا في رحلتهم كنيسه اثريه
هي شافت انجيل (او بالأحرى تفسير للأنجيل) وسرقته من الكنيسة ، ويوم رجعوا بدت تقرا فيه.....
تمنيت ان احد شافه معها وخذه ، لأنها كانت مقتنعه ببعض افكار الكتاب .. وهذي مأساة :(

+ سالوفه 2 :
بنات الرياض كانت ممنوعه ، وطبعاً كل ممنوع مرغوب
بالنسبه لي ما أشوف سبب يدعوا لمنع هالرواية
كثيرين حكوا ، كثيرين سبّوا ، كثيرين اتقدوها بحق وبدون وجه حق والسبب (قصص عادية تقليديه تتكرر مئات المرات)طبعاً ماراح اتكلم عن بنات الرياض .. بس بأتكلم عن روايه ثانيه قارنتها ببنات الرياض

(أتمنى ما أكون مسويه دعاية لِـ هالرواية الساقطة)

القِران المقدس
قِران = زواج .. للي ما فهموا

الروائية سعودية شيعية حاقده بكل ما تحمله الكلمه من معنى ..
من أول الروايه لآخرها سب وحش هذا غير قلة الحيا والوقاحه في وصف البطله مع زوجها ...........................
وفي وصف أمور يخجل الواحد من الحكي عنها ، غير الكلمات السوقية الشوارعية

من ضمن الاشياء الي قالتها (اكتب المضمون لا أنقل النص)كانت تتكلم عن معاملة بعض الشعوب الاضطهادية للمرأه الحائض
قالت : "حتى في الاسلام تكون المرأه قذرة ، لا تقبل منها صلاة ، ولا صوم ، ولا(........................)"
ملخص حديثها ان الاسلام يعامل المرأة الحائض باضطهادية وبكونها كائن نجس منبوذ من قبل جميع الاطراف !!!
تحدثت في البداية عن الشيعة وطقوسهم وانهم يمارسونها بسريه ، وووووووو
طبعاً كل كلامها كان سب مبطن للحكومة السنّية والشعب السنّي ، وأنا هنا أقول لها :
"لا يكثر ومزدينن فيكم"p3
تكلمت عن قيادة المرأه للسيارة ، ونفس الحكاية حمل حديثها سب مبطن للحكومه وللعلماء و(الدين)
من زين الادب حاطه الاهداء (لامها واختها) ما أقول الا يا جسرها p8


المقارنة كانت بين وحده نقلت الواقع بشفافية غير معتاده ، وتلقت من السب والتجريح ما الله به عليم.. وأنا هنا لست مع أو ضدها
وبين وحده اقل شي ينقال عنها (ساقطه ، قليلة حيا ، وقحه ، صعلوكه ، تنسب الى الادب وهي بعيده كل البعد عنه) وما وجه لها اي نقد ، يمكن ما دروا عنها وأتمنى p3

طبعاً الرواية ممنوعه ، وأحسن عشان ما تحقق انتشار محلي

<-- حاقده +p17



***

آسفه إذا كانت (+سالوفه 2) جريئه في بعض النقاط بس صدقوني ما خفي من روايتها كان أعظم !!


***

نرجع لموضوعنا ..

يا رقابه خفّوا شوي ، لأن هالأسلوب بيأدي لردت فعل عكسيه ، وهل هو للحين ما أدى ؟!!
غير اللي ترجونها من تقطيع الافلام ، وطمس صور العارضات ، ومنع الكتب ..
وتذكروا أن بإمكان أي واحد انه يطلع جواز ، وياخذ الي يبي كامل ويدخله هنا وانتم ما تدرون
وليه يسافر مدام النت موجود ؟!!
خفوا ، وغيروا اسلوب الشدة شوي ، لأنكم كذا صايرين (أُضحوكه)
خلوا اهتمامكم أوسع ، أهتموا بالاطفال أكثر ، راقبوا ألعابهم أكثر ..


ما انكر و محد ينكر أنكم بفضل الله منعتوا شر عظيم p10 بس !!!


***

اتمنى ان فكرتي وصلتp21 ، والمساحة لكم أصدقائي ،سطروا ما شئتم ..





(سبحانك اللهم وبحمدك ، أشهد الا اله الا انت ، استغفرك واتوب إليك)

إضافه ..

ياليت ما تعلقون على -بنات الرياض- لأنه يكفي
حتى رواية الشيعية ما ودي تعلقون عليها كثير ، وتهملون أول الموضوع


وكالعادة ..
ردود "الله يعطيك العافيه"
"مشكوره " "رائعه" "مبدعه" ............
ما ودي أشوفها


بانتظاركم

.:.جايتكـ ياريميه امخمخ الموضوعـ وافحصه واجيكـ .:.

اصايل القحطاني

بانتظارك




رامي السهام

اشكرك على التثبيت .. وانتظر ردك على الموضوع ..
لك ثلاث وردات

ريميه نشميه مناقشه لاشياء مهم واختيار نقاط مهمه لكن هلّ من منصت (وجه معصب)



نروح للاقتباسات

.
.
.

لي عوده باذن الله

.
.
.

تسلمي على الموضوع
بس انا اقول لك مافي فرق بين الروائيه كانت شيعيه او سنيه او مسيحيه المهم مضمون الروايه نفسها
انا بنات الرياض ماقرأتها بس لاقت ضجه كبيره عليها بس القران المقدس هذي مااعرفها ممكن تذكري لي اسم الروائيه؟؟
بس انا الاقي ياما في روايات من كاتبات شيعيه او سنيه بالاختصار سعوديه روعه
انا اكثر شي اقرا له قماشه العليان وخوله القزويني بس مشكوره على الموضوع

الصيف = حر + فراغ + ملل
معادلة لا يختلف عليها اثنان

ملل هاذي كثري منها راح اطق


1- في وقت فراغك .. ما العمل التقليدي الذي تقوم به

مشاهدة التلفزيون والنت


إذا كنت من ممارسي لعبة البلاي ستيشن أي الألعاب تختار
المغامرات


اي الكتب تختار للقراءة غالباً :
رواية


بتقولون وين الأهل؟
في بعض الاحيان الأهل يكون لهم دور مو إهمال في أولادهم
لكن في بعض الاحيان يصر الأطفال على شريط يكون سمع عنه
ويضطروا الأهل يشتروه


بدل مايحطون دعاية المنتخب حطوا أهداف ايطاليا ولحظة تتويجهم .. والباقي ما تغير
هادا شريط وينج الفين10 نفس الشريط بس يغيروا البدايات والخلفيات وغلاف الشريط كل مره لاعب


ما أقول الا ياحبي لي .. حدي كراش ومن زمان عنه بعد
كرااااااااااش مشتاقه لك
الا الكل مشتاق لك .. ليت كل الاشرطه مثلك يا كرااااااش
صدقتي أنا كنت اموت بهالشريط



وعن الروايات انا مدمنة روايات
وقريت بنات الرياض وبصراحة ماتستحق هالضجة كلها
أما الرواية اللي تقولي عنها والله ماسمعت فيها


ويسلمووووووووو أختي على الموضوع اللي يستحق النقاش

بصراحه موضوعك حلو من كل الجوانب

أما لعب بلاي ستيشن ألعب مغامرات وضرب

وسيارات مو دايم بعد الخميس بس منشبينا اخواني عنده

أما الكتب قصص بوليسيه اكثر شي وكتاب الشخصيه الناجحه

وكتب لغه انجليزيه ادرس واكثر الوقت اتناقر انا وابوي عند

نخله توه زارعه مقابله 24 ساعه وهي مااطلعت الى الحين .....

الكرسي حقي