12 مليون ريال خسارهـ إحتراق مستودعات في محافظة الرس . " صور حصريه تصوير سلووم الرس " - شبكة القناص

**S a L o M** · 23-07-2006, 09:13 PM

السلام عليكم

حدث يوم الجمعة حدث لم يخطر على البال ..

وهو إحتراق احدى مستودعات محلات " الظاهري " في محافظة الرس الساعه 12 إلا ربع .. بالضبط

حيث انه تم رؤية الدخان يتصاعد عن بعد .. قبل اقامة الصلاة ..

فالكل يذهب للصلاة .. فلابد للدفاع المدني إخماد ذلك الحريق .. شي أكيد ..

المستودع الاول بدأ بالاحتراق بسبب انفجار احد الثلاجات بسبب الصغط .. ومن ثم اشتعال بعض الاطعمه ..

بعد الصلاة تقريباً 12،45 دقيقه طلعنا من المسجد ونشوف الدخان يحلق فوق اسود ..

المهم رحنا لبيت جدتي الساعه 1 حنا عندها ..

يوم جلسنا عندها ونسمع الدفاع المدني والاسعافات .. : )

وطفوا الكهرب علينا وموتنا حر .. ومدري ايش ..

المهم الدفاع المدني حق الرس ..

وصل هانك الساعه 1 تقريباً

والنار تشتعل .. والمستودع مقفل لازم يكسرون الباب بشيول والا شي ... p8

اللي يقهر ياخوان انهم قعد يتفرجون لين الساعه 1.5 لاسوو شي ..

بس جيدين يقولون بعد ياولد هناك ياولد .. والله انهم سكروا جميع الطرق ..

بس من قوي النار لوحات المحل الخارجه ذابت .. : (

المهم ويستعينون بدفاع مدني عنيزه ودفاع مدني البدائع الرجاجيل ..

ولا حضروا الا الساعه تقريباً 2.5 يوم وصلوا ويبداء الحريق بالمستودع الثاني حق المعلبات ...

المهم دفاع عنيزه ماقصروا هجموا وكسروا البيبان هم والبدايع وحقين الرس للحين وخر ياولد ماعندك احد

المهم ويبدون يطفون النار بعد ماشتعل كل شي .. يوم طفوها تراكمت على بعض ولا قدروا يطفون اللي تحت مجمر

وتركوه وقدروا الخساير اول شي 10 ملايين والحين وصلت 12 مليون ..

وانا آخذت الصور بعد اخماد الحريق مع وجود بعض الادخنه لليوم الثالث ,,,

الصورهـ تحكي ..

هنا بالصوره ذي بعد ماطلعوا بعض الحرايق بالبرحه اللي برى .,,,

وهنا بعض الاطعمه السليمه اللي قامت بنقلها الجمعيات للمحتاجين ..

هنا عمال البلديه يشيلون الحرايق اللي برى .. اللي طلعوها بوقت الحريق وهي تشتعل ..

هنا سيارة أحد المتبرعين لنقل الاطعمه للجمعيه الخيريه ..

هنا بعض الخسائر

هنا المستودع من الخارج .. اللوحة ذابت قبل فتح الابواب ..

هنا بعض اكياس الرز .. والصابون ..

هنا عمالة البلديه ينقولن الحرايق

هنا بعض الخساير والشاحنه اللي ورا لنقل الحرايق للمحرقه هن جاهزات ..

هنا بعض اكياس الرز .. وحفايظ الاطفال وانتم بكرامه

هنا بعض المحترقات ولاوزالت تتصاعد منها الادخنه

هنا صورة العماله من جهه آخرى ..

هنا صورة الشاحنه التي سوف تقومبالنقل عن قرب ..

هنا صورة للسقف وهو طايح من شدة الحرارهـ ..

هنا صورة العماله من الداخل يشيلون

هنا بعض الخسائر المكدسه

هنا صورة المستودع الاول اللي اشتعل من بعد ..

هنا شوربه معزوله سليمه ..

اللهم صبر راعيها اللهم بدله بأحسن وعوضه بأفضل

اتمنى اني وفيت .. شاكر ومقدر

**اصايل** · 23-07-2006, 09:30 PM

.:. الله يعوض عليه بخير .:.

.: الناس تحرق وانت تصور الله يلعن ابليس .:.

<< وش دخلك انتي

.. تسلم..

**I b r a a** · 23-07-2006, 10:01 PM

صدق ماتلاحظ انك رايق يالقصمنجي .. p8

الناس تحترق وانت تصور ..

:D

الله يعوضهم .. : )

**b l u e** · 23-07-2006, 10:34 PM

وعليكم السـلامـ : )

يوه والله شي يعور القلب.. الله يعين صاحبها
ويعوضه خير.. ،

سلومـ
شكلك من اللي لين صار شي قعدوا يتفرجون !

..

**A r e e j** · 23-07-2006, 10:56 PM

..لا حول ولا قوة إلا با الله..

..الله يعوضهم ويصبرهم على ماجرى لهم..

..أصايل وأبو طلال تقولون الناس تحترق وهو قاعد يصور..

..هذا ألحين يوم شفتوا الصور كسب الأجر بدعائكم لهم..

.. وبعدين بعض المواضيع لازم تكون مدعمة بالصور..

..الله يسلمكـ .. يـ سلوم الرس..

..لكـ تحياتي..

مـتـــ القناص ـــيـمـ · 23-07-2006, 10:59 PM

الله يعوضه ان شاء الله

سلومـ
شكلك من اللي لين صار شي قعدوا يتفرجون !

..

[/quote] الله يرجك شيطانك يا شيخة :D

bluetooth girl · 23-07-2006, 11:46 PM

لاحوووول الله لايخسر مسلم

عسى ربي يصبرهم..,

يعطيك العافيه سلوووووم كفيت ووفيت

^^^

براااايفت للي فوووق

بالله يعني وش تبونه يسوي..؟يرقص..يصفق لهم..يصيح..؟

وبعدين وش فيهم القصمان السنع كله صحيح باردين بس يهبللللووون

<<وانتي وش دخلتس؟؟المتحدث الرسمي لسلووم..

سلااااااااام ..,

آحلى أمنيه · 23-07-2006, 11:50 PM

:( :( سلومـ ماقصرت والله

وبالفعل يعتبر هذ1 الحريق من الاكثر كثافه في محافة الرس :( بعد قلبي ياديرتي :(

وهذ1 الحريق تسبب في خسائر ماديه واضراار كبيره تصل الا ملايين الريلات يقلبي على صاحب المستودع

متقضي للرمضان من الحين :(

نسأل الله تعالى أن يرزقه الصبر والاحتساب وأن يخلف له خيرا مما فقد ، وأن يجعل ماأصابه كفارة لسيئاته ورفعة لدرجاته ... إنه جواد كريم .

فالدين نصه صبر ونصه شكر ...

اصبرلكل مصيبه وتجلد....واعلم ان المرء غير مخلد ,, من لم يصب ممن ترا بمصيبه هذ1 سبيل لست فيه باوحد :(

اضافه مني بعض الصور

:( :( :(

تسلم والله اخ سلوم على نقللكـ للصور على مصاب وافجع الديره :(

هلااااليه رجـــــــــه · 23-07-2006, 11:59 PM

الله يعوضهم.....

**توته11** · 24-07-2006, 12:17 AM

ياعمري ياعمتي اخاف صار له شي<<اطلعي برا..

الله يعطيك العافيه اخوي سلوووم..

والله يعوض صاحب المستودعات مسكين الخساير شكلها كبيره...

**زيـآد** · 24-07-2006, 01:10 AM

الحين الناس خايفه وانت يالفاضي تصوور ؟؟ ؟؟

يعطيك العافية ..

**S a L o M** · 24-07-2006, 01:14 AM

اخواني يسعدني اني ازف لكم خبر رائع

بانه التأمين تكفل بدفع الخسائر كامله والحمد لله

واشكر الكل على المرور

واللي مروا وقالوا

أقتباس .: الناس تحرق وانت تصور الله يلعن ابليس .:.

للاسف انك ماتفهمين شي خلي عقلك كبير وش تبيني اسوي اطب بالنار والا اطفيها لحالي ..

ومن كل العالم اذا صار حدث الناس تتجمهر عادي .. << زعلان بقوة ..

أقتباسبراااايفت للي فوووق

بالله يعني وش تبونه يسوي..؟يرقص..يصفق لهم..يصيح..؟

وبعدين وش فيهم القصمان السنع كله صحيح باردين بس يهبللللووون

<<وانتي وش دخلتس؟؟المتحدث الرسمي لسلووم..

سلااااااااام ..,

يحبي لك بس والله انك فله ..

انا ماني بارد احر حار بالعالم..

أقتباس
وهذ1 الحريق تسبب في خسائر ماديه واضراار كبيره تصل الا ملايين الريلات يقلبي على صاحب المستودع

صاحب المستودع انا شفت اخوه ويقول مافيه شي وبخير والحمد لله الكل بخير اضرار ماديه لا انسانيه ..

أقتباس
ياعمري ياعمتي اخاف صار له شي

ياالغاليه الناس ماجاهم شي كله اطعمه ..

شاكر ومقدر مرور الرائعين لا للي مايعرفون يردون ..

: )

**S a L o M** · 24-07-2006, 01:15 AM