السلام عليكم ورحمة الله وبركاته ..

آخواني آخواتي الكرام .. بما اني فاضي وماعندي شغل قلت آآلف هالقصة واكتبها للقناصين

التاريخ .. الله اعلم/الله اعلم/1427 << على ماعتقد .. الساعة 5:30 صباحا __ فجرا __ << آآه منك روح نام ..

نبدأ القصة العزيزة (( القصة باللغة العامية .. مطعمة بالفصحه .. )) :-

ذاك اليوم الي كنت فيه منبطح اكل جح واشوف mbc 2 << يقالك متطور اشوف افلام << حدك طاش ماطاش ويخب .. ويجيني الاخو العزيز

سعيدان - الشخصية مأخوذه من طاش ماطاش << المسلسل المفضل - ..

ويجيني هو وضروسه .. يقول : يا يــ20ــاسر قم .. قلت وين له ؟ .. قال قم وتعرف .. قلت له .. قل لايجيك بقس .. ارجع ضروسك مكانها << يهايط

.. قال طلبتك .. قلت وشهو .. قال عطني بقس رجع ضروسي << صدق وانا ابتشلت .. قلت بعدين بعدين .. قال ترى مو ناسيها عليك ..

المهم .. قم يالله .. قلت وين له يابن الحلال .. قال .. لاتسب .. قلت نعم انا سبتيك الحين .. قال ايه .. قلت وش قلت يامستر سعيدان << يقالك مطور

بالانلقزي << مايعرف يكتبها ويتفلسف .. قال انت قلت يابن الحلال .. قلت هاذي سبه انت وضروسك << معذور سعيدان مايعرف الا منفوحة

ومصطفى .. قال المهم يله قم .. قلت قل لي واقوم .. قل مادريت .. قلت وشو ؟ .. قال الحين بنروح << للحين مصّر انه مايقولي ..قلت طيب

وين له ياخي .. قال بنروح .. قلت ياشيخ فهمت بس وين .. ؟ قال انا مو شيخ .. << نــشّب الاخو .. قلت اسف بس وين .. قال برووح

البقالة .. قلت لاحووول .. كل ذا عشان البقالة ؟ .. قال ايه .. ابوي معطيني عشرة ريال << ولد فقر .. قلت بس عشرة ومستانس .. قال ايه

عشرة بس مو مباشر لك .. قلت لحوول مانبي منك معنا فلوس ياخي .. قال تسلف ؟ << ماقلت لكم ولد فقر ؟ .. قلت هماك معك عشرة ..

قال ايه بس مايكفي .. قلت ليه ياخوي وش بتشتري .؟ .. قال باونتي 2 ريالين .. مارس ريال .. ولاعة ريال << نعم وش يبي فالولاعة ذا ؟

.. ويكمل .. باكيت مالبورو << نعم نعم .. قلت ايش ايش .. قال باكيت زقاير ابي ازقر << مايعرف شي معذور .. قلت تبي تزقر مجنون

انت .. قال انت مالك دخل بس لاتقول لابوي .. قلت له انا وش عليك يله قم .. ونروح ونوصل البقالة .. وندخل واجي انا ابي ادلع طبعا << بسويلك

بطره وكذا .. واشتري ايسكريم .. وببسي << شووف المززاااج .. بارد على بارد .. ويشتري سعيدان الباكيت و الباونتي .. الخ .. يوم طلعنا

ويفك الباكيت .. ويطلع زقاره .. قلت وش بتسوي قال .. بزقر بعد وش اسوي << قال يزقر قال .. قلت وانا موجود لا يخوي رح بعيد ..

قال تبي موشة .. قلت وش موشه ؟؟ قال تبي .. قلت وش يعني ؟ قال يعني شفطه << طلع فاهم .. قلت لا مابي .. والاخ يحاول يولع ..

ومايقدر .. الين قدر الحمدالله .. جيت انا قلت يله نمشي البيت .. جاء قال وين وين مجنون انت .. خلنا نروح الراشد او جيان << السالفة في الدمام

الحبيبة .. قلت وش نسوي .. قال مابي ابوي يصيدني .. قلت بعدين جيان .. مالي خلق .. قال يله امش .. قلت وين له .. قال مستشفى الملك فهد

(( التعليمي )) قلت خير وش نبي فيه <<الاخ مايدري وش بيسوي في التعليمي .. قال نروح هناك .. قلت ليه ؟ قال نشوف الممرضات <<

اثاري نيته مو طيبة .. قلت وش تبي فيهم بعد ؟ .. قال اذا شفت وحدة دميره .. بقول اني تعبان عشان تعالجني << والله مو بسيط

هو وضروسه .. قلت واذا عالجتك .. قال وهي تعالجني .. بحط الرقم في جيبها << مو بسيط طلع يرقم .. بس دقيقه .. قلت دقيقه من وين لك جوال ..

قال ماعندي .. قلت اجل وشلون ترقم .. قال بجوالك .. << يبي يرقم وبجوالي بعد .. قلت لايخوي جوالي لا .. قال اجل بيتنا .. قلت بيتكم مافيه

تلفون بلا فلسفة .. قال اها لقيتها .. برقمها ببيجري << مدري الا الان وشلون بيكلمها .. قلت يله امش .. وصلنا التعليمي .. وندور حولها ..

لان ماقدرنا ندخل لان سعيدان قال .. فيه ممرضات داخل قال السكرتي ايه ليه ..؟ قال ودنا نرقم بس << طلع مايفهم الحمدالله p10 .. طبعا

السكرتي بعد مابقسه .. قمنا ندور لان سعيدان يقول اكيد فيه ممرضة بتتطلع .. وفجأة واشوف واحد كذا متكشخ .. ولابس شماغ ونظاره ..

وبيركب سيارته توه طالع من البيت .. واشوفه مو غريب علي .. لحظة الا هذا هو .. طلع يآآآآآسر .. قلت ياويل قلبي .. قال سعيدان وشهو ..<<

قاعد يزقر على قولته .. قلت شف شف .. قال وشو وين ممرضة ؟؟ << الا الحين مصّر على الممرضات .. قلت لالالا ياسر .. قال ياسر من ؟

قلت ياسر القحطاني .. قال اها << وش فيه ذا ؟ .. قلت امش نسلم عليه .. قال ليه .. واسحبه مع ضروسه ونروح له .. جيت انا قلت السلام

عليكم .. الخ .. سلمنا وقلنا كيف الحال .. الخ الخ .. بدت السوالف __ اتضح ان ياسر بياخذ شي من السيارة وتوه واصل بس نسى جواله __ قال

سعيدان اقول ياسر .. قال هلا والله .. قال تبي زقارة << خربها .. وادعس رجل رجله .. قال ااااااااااح .. طبعا ياسر قام يضحك .. قال سعيدان

وش فيك ياخي .. قلت بعدين اوريك .. قال ياسر يله عن آذنكم انا الحين بروح داخل وبجيب شي وبطلع .. << قصدة بيروح .. قال سعيدان ..

اوكي ننتظرك .. << نشّب .. قال ياسر اوكي اوكي .. انا قلت يله امش قال لا بنتتظره .. ويسحبني سعيدان مايبنيني امشي .. لما رجع

ياسر .. قال سعيدان توصلنا بيتنا << وش سوى ذا قال هلا .. قلت لا لا ولا شي بس سعيدان يتميلح نفسه .. يله مع السلامه .. قال مع

السلامة .. ونمشي بعد ماتعدينا اللفة امسك سعيدان .. وابقسه وابقسه .. لما وصلنا للبيت .. ووجه رايح فيها .. دخل البيت .. قام ينادي الشغالة .. قال

لها وين الشايب ؟ << وش فيه ذا .. قلت الشغالة ايس ؟ قال اوووه بابا وين ؟..قالت .. ايوا بابا مافي موجود قال ابرك .. .. امش يـــ20
ــــاسر
قلت وين قال امش .. ورحنا .. الصالة .. وجلسنا ولا اشوف سعيدان يولع الزقاره قلت هيه وش تسوي .؟ قال وش عليك الشايب مو موجود <<

خربها .. قلت اجل مالي دخل .. واحنا نشوف التلفزيون ويجي سعيدان يتميلح نفسه ويحط على روتانا كليب .. ويقعد يهز رقبه .. يسوي لك

يرقص .. وانا فاطس ضحك .. وفجأة صار شي انغرف قلبي فيه .. نسمع صوت الباب ينفتح .. من ؟ ابو سعيدان يشوف سعيدان على

الكمبيوتر يلعب الالغام << تخب عليه .. ومعه الزقارة .. وانا اشرت بيدي مالي دخل .. جاء ابو سعيدان يقول سعيدان قال هاه وش تبي يا يــــ20ــــاسر ؟
قال ابي الزقارة لو سمحت .. قال اخيرا تبي موشة << متحمس مع اللعبة مايدري وش بيصير .. قال ايه قال سعيدان خذ .. جاء ابوه ويمسكه

مع رقبته ويكفخه ويكفخه . . في هاذي اللحظة قمت انا ورحت .. عشان ما أبتلش واخيرا سعيدان تعدلت ضروسه مع ضرب ابوه . . انا شفت ياسر

.. واخيرا ابو سعيدان مات .. وسعيدان ماخذ حريته في البيت .النهاية.

واسف على الاطالة ويارب ان القصة عجبتكم ..

’’تحياتي’’

راجعين لك بعد مانشوف وجهة نظر مقص الرقيب في الموضوع :(

هههههههههههههههههههههههههههههههههههههههه لا تعليق

ياســــــــــ20ــــــــــر وربي دوختني على هالصبح
انا قلت بدخل منتدى ياسر افتح نفسي على هالصبحيه الحلوه
ولفتني موضوعك الحلوووووو
بس فعلآ قصه روعه تسلم يمينك وربي روقت وانا اقراها
اقول شكلك مواجه ياسر القحطاني صدق اليوم ههههههههههههههههههه
تقبل مروري اختك:قطرة ندى

القصة حلوووووووووووووووووووووووووووووووووووووووووووووووو ووووووووووووووووووه

تسلم على القصه
مشكوووووووووووووووووووووووووووووووووووور

اوكي ياســـــ20ـــــــــر كل يوم بدخل الصبح واروق على
قصصك خخخخخخخخخخخخخخخخخخخخخخخخخخ
وافتح نفسي على الصبحيه هههههههههههههههههه

::

آلي عجبته القصة آقوله ,,

ترقب ,,

’’ انا وسعيدان والجديد عليان في الظهران مول ’’

::

ههههههههههههههههههههههههههههه

ههههههههههههههههههههههههههههه

حلوه الله يرجك

الله يعطيك العافيه عندك حس قصصي

نمي موهبتك ننتظر جديدك