الموت حق وصاب واحد من اصدقائي قصته + مقطع قريب لهذا لاحدث - شبكة القناص

**S a L o M** · 08-06-2006, 05:52 PM

بسم الله الرحمن الرحيم

إعداد : سلووم الرس

اخواني الكرام

السلام عليكم ورحمة الله وبركاته

طبعاً الكل معنا يرى ويستمتع عندما يرى التفحيط

والتفحيط له مساوئ كثيرهـ والكل يعرف هالشي

لا والبعض واريد ان اكون صريح معكم لا يفحط الا لاشيا معينه

لا استطيع ذكرها وهناك من يفهم قصدي

اخواني انا اكتب الكلام هذا لانني ارى شياً لم ترونه

نعم ان احدى اصدقائي الغوالي راح ضحية التفحيط

قبل تقريباً 6 شهور شوف اروي لكم قصتة

اللتي ربما تأتي متأخره ولكن هذا المقطه اذكرني به كثيراً

في إحدى الايام في الفصل الاول يوم الخيس الصباح

كنت قد واعدت واحد من الاصدقاء على فطور

ان لابد ان نفطر سوياً ونذهب لعنيزهـ ونستانس

ونغير جو المهم صكيت الجوال واخذت

يمكن عشر دقائق الا وان جوالي يرن

قال ابروح مع واحد من خوياي وانت الحق

قلت زين انا بلحق انا وولد عمي قال تم

المهم انا تآخرت شوي عليهم

ودق علي قال وينك على الطريق فيه تفحيط ووناسه

قلت ياشيخ والله ابد احسب ثلث ساعه وانا عندك

قال زين المهم مريت ولد عمي وانا اطير

طبعاً كل واحد فيه هذا الهوس لا حد ينكر

المهم وصلتهم يمكن بعد عشر دقايق

والله لا اكذب انني ذاهب وانا امشي 180 على 190

من الوناسه ايه ذا تفحيط ولم اتوقع ان واحد من اصدقائي

سوف افقده في هذا اليوم المهم وصلت والا العالم مجتمعين

امه المهم دقيت عليه قلت وينك قال هذانا جايين بس نبي ناخذ عزم

قلت وش عزمه انت قال نبي ناخذ لنا شوط شوطين ونروح نفطر قلت

براحتك لم اتوقع حدوث شي المهم بعد دقيقه تقريباً اقبلوا من بعيد

وخذ النطله الاولى والنطله الثانيه والثالثه ويوقفها على عكسيه

المهم العالم تصفيق ووناسه وفله ومر من جنبي قال اركب

خل ناخذ شوط ونمشي قلت لا لا ماحب اركب مع اللي يفحطون

ولزم علي قلت لا لا اخاف بالعربي قال ابكيفك يالخواف

قلت اوكي عجل خل نفطر ونرجع المهم وراحوا واقبلوا مره

ثانيه وليتهم ماقبلوا وينطل الاولى وينطل الثانيه

وينفقع الكفر اللي يم السواق وتطلع تراب انا اشوف

وماني مصدق ويوم طلعت تراب وتروح للسيد الثاني

ولاهم بذاك الجيب قسم بالله من الهبله مدري وش اسوي

رحت لمهم السياره ماميزها يعني الضربه جت من عند

صديقي والباب داخل مره يعني السيارة منعفطه نصفين

المهم نزلت ابسوي شي ابفتح الباب ولا قدرت

يعني اللي بسويه ماقدرت اسويه انا اشوف الدم بالارض

يسيل بسرعه تقل ماء بس وش اسوي مابيدي شي

يعني مدري والله شي اعجز اوصفه وثم جو العالم

يبون يفزعون والا وش الباب مختلط مع الباب الثاني

واخذنا 4 او 5 دقايق وتبدا تشتب نار السيارة

ماحولنا ماء نطفيها ابد ابد المهم بعدنا عن السيارة

وجوا الدفاع المدني بعد مافحمت السيارة

وخويي ودع الدنيا هو وخويه والله ثم والله

انني اكره ان اقود السيارة بعهض الاحيان

الله يرحمه وغفر له

وهذا المقطع قد يكون قريب منه

اللهم اغفر له ذنوبه

لكم المقطع

أخوكم / سلووم الرس

المقطع من هنااااا

وشكراً

08-06-2006, 05:52 PM	#1
S a L o M . . : زعيم القناصين : . .	الموت حق وصاب واحد من اصدقائي قصته + مقطع قريب لهذا لاحدث بسم الله الرحمن الرحيم إعداد : سلووم الرس اخواني الكرام السلام عليكم ورحمة الله وبركاته طبعاً الكل معنا يرى ويستمتع عندما يرى التفحيط والتفحيط له مساوئ كثيرهـ والكل يعرف هالشي لا والبعض واريد ان اكون صريح معكم لا يفحط الا لاشيا معينه لا استطيع ذكرها وهناك من يفهم قصدي اخواني انا اكتب الكلام هذا لانني ارى شياً لم ترونه نعم ان احدى اصدقائي الغوالي راح ضحية التفحيط قبل تقريباً 6 شهور شوف اروي لكم قصتة اللتي ربما تأتي متأخره ولكن هذا المقطه اذكرني به كثيراً في إحدى الايام في الفصل الاول يوم الخيس الصباح كنت قد واعدت واحد من الاصدقاء على فطور ان لابد ان نفطر سوياً ونذهب لعنيزهـ ونستانس ونغير جو المهم صكيت الجوال واخذت يمكن عشر دقائق الا وان جوالي يرن قال ابروح مع واحد من خوياي وانت الحق قلت زين انا بلحق انا وولد عمي قال تم المهم انا تآخرت شوي عليهم ودق علي قال وينك على الطريق فيه تفحيط ووناسه قلت ياشيخ والله ابد احسب ثلث ساعه وانا عندك قال زين المهم مريت ولد عمي وانا اطير طبعاً كل واحد فيه هذا الهوس لا حد ينكر المهم وصلتهم يمكن بعد عشر دقايق والله لا اكذب انني ذاهب وانا امشي 180 على 190 من الوناسه ايه ذا تفحيط ولم اتوقع ان واحد من اصدقائي سوف افقده في هذا اليوم المهم وصلت والا العالم مجتمعين امه المهم دقيت عليه قلت وينك قال هذانا جايين بس نبي ناخذ عزم قلت وش عزمه انت قال نبي ناخذ لنا شوط شوطين ونروح نفطر قلت براحتك لم اتوقع حدوث شي المهم بعد دقيقه تقريباً اقبلوا من بعيد وخذ النطله الاولى والنطله الثانيه والثالثه ويوقفها على عكسيه المهم العالم تصفيق ووناسه وفله ومر من جنبي قال اركب خل ناخذ شوط ونمشي قلت لا لا ماحب اركب مع اللي يفحطون ولزم علي قلت لا لا اخاف بالعربي قال ابكيفك يالخواف قلت اوكي عجل خل نفطر ونرجع المهم وراحوا واقبلوا مره ثانيه وليتهم ماقبلوا وينطل الاولى وينطل الثانيه وينفقع الكفر اللي يم السواق وتطلع تراب انا اشوف وماني مصدق ويوم طلعت تراب وتروح للسيد الثاني ولاهم بذاك الجيب قسم بالله من الهبله مدري وش اسوي رحت لمهم السياره ماميزها يعني الضربه جت من عند صديقي والباب داخل مره يعني السيارة منعفطه نصفين المهم نزلت ابسوي شي ابفتح الباب ولا قدرت يعني اللي بسويه ماقدرت اسويه انا اشوف الدم بالارض يسيل بسرعه تقل ماء بس وش اسوي مابيدي شي يعني مدري والله شي اعجز اوصفه وثم جو العالم يبون يفزعون والا وش الباب مختلط مع الباب الثاني واخذنا 4 او 5 دقايق وتبدا تشتب نار السيارة ماحولنا ماء نطفيها ابد ابد المهم بعدنا عن السيارة وجوا الدفاع المدني بعد مافحمت السيارة وخويي ودع الدنيا هو وخويه والله ثم والله انني اكره ان اقود السيارة بعهض الاحيان الله يرحمه وغفر له وهذا المقطع قد يكون قريب منه اللهم اغفر له ذنوبه لكم المقطع أخوكم / سلووم الرس المقطع من هنااااا وشكراً التوقيع: I'm noT \| the BesT \| .. But I hope to BE That التعديل الأخير تم بواسطة S a L o M ; 08-06-2006 الساعة 06:19 PM