انســــان
عدد الضغطات : 13,011
الجمعية الخيرية لتحفيظ القرآن الكريم
عدد الضغطات : 9,380(انسان) الجمعية الخيرية لرعاية الايتام
عدد الضغطات : 12,936استمع إلى القرآن الكريم
عدد الضغطات : 8,192

   
العودة   شبكة القناص - الموقع الرسمي للاعب ياسر القحطاني > المنتديات العامة > المجلــــــس
   

إضافة رد
 
LinkBack أدوات الموضوع انواع عرض الموضوع
قديم 01-09-2020, 05:25 AM   #1
. . : زعيـــم قناصيـــن : . .
 
الصورة الرمزية ريح المطر و الهبايب
 
قلب رسالة ربما لن تصل

.
.
.
.


بسم الله
بكتب بدون توقف
يلا نبدا

ضغطت موضوع جديد و غمرني شعور اللي تو ترجع له الذاكره.
غريب كيف الانسان تجيه قشعريره لما يحس احساس مألوف زمان كان يحسه.
تعرفون وش احس؟ احس اني داخله بيت طين قديم بس طبعاً افتراضي.
اجلس كل شوي بزاويه و اتذكر و اتأمل النقوش على الجدران.
يغمرني الحنين و تساؤلات كثيرة ما تخلص.
احاول اتذكر ناس هالبيت و احاول احاول اتذكر اشكالهم و كيف كانو و ايش كانو يقولون. وصلكم الشعور؟

مادري ليش و شلون جيت و كيف تذكرت كلمة المرور اصلاً. و امانة لما دخلت و شفت الذكريات اغرورقت عيوني.
يالله قد ايش كبرنا، قد ايش تغيرت الدنيا حوالينا، قد ايش هالحياة سريعه حيل و ودك انها تمشي بشويش.
انتو مستوعبين انو فيه جيل كامل اللحين مايعرف ايش منتدى؟
و ايش مواضيع و مشاركات و ترقيات؟ و ايش ماسنجر و صورة و رسالة عرض و حالة "بالخارج"؟
قاعده اشوف الابتسامات اللحين و كل رمز او ايموجي يذكرني بشعور معين.
اتذكر بالضبط متى و ليه و كيف كنت استخدمهم. اتذكر حتى طبيعة المواقف اللي تضطرني استخدمهم.
احس انها رموز خاصه ماحد راح يفهمها الا اللي استخدمها. مستحيل احد ينسى هذا او هذا او حتى هذا .

اشتقت للإنتظار اللذيذ و الغموض الحلو اللي كان يلف الردود و الرسائل هنا و بالماسنجر.
التواصل كان له طعم. كانت رحلة اكتشاف و مغامرة و متعة لي هنا من ٢٠٠٥ لين ٢٠١٢ تقريباً.
اشتقت للكتابة و الشعر و تحضير المواضيع. اشتقت للقروبات بالماسنجر.
اشتقت للحيرة اللي تجيني لما اختار صورة عرض او توقيع او رسالة عرض هنا او بالماسنجر.
اشتقت لأيام المسابقات و السهرات الرمضانية هنا. اشتقت للتغطيات الإعلامية للمباريات و المسلسلات و الالبومات.
اشتقت لمواضيع و جدالات المجلس. اشتقت للتصاميم و الابداعات اللي كانت تطلع هنا.
اشتقت لمواضيع التصويت و رسايل الروابط اللي تطلب مني اصوت لأحد عشان يفوز.
اشتقت لمواضيع التشات اللي يفتحها المشرفين و زر التحديث اللي دايم نضغط عليه وقت اطلاعنا على مواضيع التشات. يالله زمااااان

اشغلتنا الحياة و كبرنا و صارت لنا اشياء كثيرة و عرفنا برامج كثيرة غيرت بشخصياتنا و اهتماماتنا و اولوياتنا.
مانقدر نغير او نرجّع شي لكن نقدر اننا ما ننسى.
كل ما اتذكر القناص و اهله و ناسه احس بـ انتماء و امتنان لكل شخص تعرفت عليه هنا و لكل لحظه جميلة قضيتها معكم.
انا ممتنه لكل شخص تعرفت عليه هنا و ممتنه للحظات الجميله و الذكريات الطيبه.
انا ممتنه لكابتن ياسر بكبره اللي كان سبب بعد الله في جمعتنا هنا. الله يسعده
يارب تكونون كلكم بخير و سعيدين و ماشيه حياتكم امنين و راضين و متنعمين بنجاحاتكم الشخصيه.
اللي كمل دراسه و اللي توظف و اللي ابتعث و اللي تزوج و جاب اطفال او حتى صار مشهور بتطبيقات التواصل الاجتماعي.
كلكم والله على البال دائماً. الله يوفقكم وين ماكنتو و كيف ماصرتو. تشرفت اني عرفتكم كلكم والله

حزنت على الاقلاع لما سكر. بس خفت يسكر هالموقع الجميل و تختفي ذكرياتنا هنا اللي اطل عليها كل ما اشتقت و ابتسم
راح اظل اتذكركم قد ما ذاكرتي تساعدني و راح اظل ممتنه لكم للأبد

ودعتكم ربي

.
.
.
.

ريح المطر و الهبايب غير متواجد حالياً   رد مع اقتباس
قديم 02-09-2020, 11:21 AM   #2
لاعب قناص
 
الصورة الرمزية نبـض المشاعر
 
افتراضي رد: رسالة ربما لن تصل


-

كل حرف من كلامك قريته حزنت جداً
هذا المكان المليء بالذكريات
دائماً أتمنى لو أن تعود تلك الأيام الجميلة
وأعلم مامضى لايعود لكنه لاينسى
أشتقت لكتابة موضوع والردود تصل إلى صفحتين
أشتقت لرسالة مضمونها تثبيت موضوع
أشتقت أن يكون قسم صوت الجماهير مليء بعشاق القناص
أشتقت لكل الأقسام أن يوجد بها أعضاء
أيام وشهور وسنين لاتنسى أبداً
أشتقت للأصدقاء الذين يمرون على مدونتي
هذا الموقع هو الأرشيف الحقيقي لياسر وذكرياته
ومشجعيه وعشاقه
هذا المكان سيبقى حتى لو قل تواجد الأعضاء
أخيراً أشكرك على هذا الموضوع الرائع
والتعبير الأجمل
كل كلمة وصلتني لشعور معين أولها بيت طين
والحيرة في صورة العرض والمواضيع
كم أنتي رائعة ياصديقة

الله يعطيك العافية

نبـض المشاعر غير متواجد حالياً   رد مع اقتباس
قديم 05-09-2020, 06:18 AM   #3
Qanas Broaz
 
الصورة الرمزية ĐάหάĦ
 
ازرق هلالي رد: رسالة ربما لن تصل


*
*



مرحبا ي مرحبا باللي عوّد و جانا

و ربي خنقتني العبره و أنا اقرأ كلامكم ، الوصف اللي قلتيه للمنتدى بالضبط هذا اللي عشته الأسابيع اللي راحت لما أسجل دخول و بكل مره أتمنى ألقى احد موجود من الأعضاء . أتمنى و أتمنى من كل قلبي يرجع للمنتدى روحه و نشاطه مع انه للأسف م أتوقع حالياً ..

عني أنا اشتقت لـ زحمه أسئلة المصممين بقسم البرواز .. و اللي يبي خط معيٓن و الثاني يبي تصميم معيٓن .. و الخاص كان مليان باستفساراتهم و الفعاليات اللي سويناه و وشلون نطلع بأحسن صوره ..
واشتقنا لما الكابتن ياسر يسجل دخول و نستانس انه موجود معنا وقت الفعاليات او بعد المباريات ..
ايه و الله اشتقنا لكل شي .. كل شي



سبحان الله كأنك عشتي بحلم و صحيتي منه .. عشنا مع ارواح لطيفه و ناس نذكرهم بالخير الى الآن ..



** خلوكم قريبين تكفون .. لأن المنتدى محتاجكم حتى ولو مرت سنين و سنين ..
أرواحكم هنا .. و آثاركم الطيبه هنا .. و حنا بنظل هنا موجودين

-------- شكرًا يٓ جميله

ĐάหάĦ غير متواجد حالياً   رد مع اقتباس
قديم 07-09-2020, 07:40 PM   #4
صديقـة المجلـس
 
الصورة الرمزية غزلآن
 
افتراضي رد: رسالة ربما لن تصل

[COLOR="purple"][/C





مساء الخير مساء السعاده ..
اشششششتقت اششششششششتقت اششششتقت ..
هل هو طبيعي انها غورقت عيوني !!
حزن عميققق وشوق كبير , مستحيل انسى هالأيام وكل لحظه عشتها هينا ..
خنقتني العبره والله :( ..
شكرا من القلب لكم شكرا لكل لحظه عشتها معاكم ..
انتم كنتم ولازلتم اجمل من عرفت بحياتي ..
حالباا احنا بقروب بالسناب وبقروب اخر بالواتس اب , وعاى اتصال يومي ..
ونسترجع ايامنا الجميله جدا ..
داخله من لابتوب ماعرفت اكتب به , الله يالدنيا ض1
بحاول ادخل من الجوال ان شاءالله
احبببببكممممم ..OLOR]

التوقيع:
غزلآن غير متواجد حالياً   رد مع اقتباس
قديم 07-09-2020, 07:42 PM   #5
صديقـة المجلـس
 
الصورة الرمزية غزلآن
 
افتراضي رد: رسالة ربما لن تصل

سنابي ..

ghzlan99

توينري ..
ghzlaan9

التوقيع:
غزلآن غير متواجد حالياً   رد مع اقتباس
قديم 13-09-2020, 05:19 AM   #6
مراقب الاقسام التقنية
 
الصورة الرمزية حسام الفهد
 
افتراضي رد: رسالة ربما لن تصل

شعور مختلط في كل مرة اتواجد فيه هنا ..

شعور مابين الفرح .. الترقّب .. والالم!

هذا الشعور كان بداخلنا في كل يوم جديد قبل ندخل ع المنتدى.

ولازال هذا الشعور موجود .. لكن يظهر كالظل .. ويذهب كالبرق !

أقتباس
انتو مستوعبين انو فيه جيل كامل اللحين مايعرف ايش منتدى؟
و ايش مواضيع و مشاركات و ترقيات؟ و ايش ماسنجر و صورة و رسالة عرض و حالة "بالخارج"؟


هذي الجملة حسستني اني كبرت :( لكن العمر يمضي بين حلوة ومرّة

حتى وانا ارد على الموضوع .. احس انه لا زال فيه مواضيع ثانية لابد اني اطلّع عليها

لنا اصدقاء هنا تعرفنا عليهم لسنوات .. وتواصلنا لسنوات .. وللاسف انقطعنا لسنوات ..

وما اجمل الوصل!

رسالتكِ وصلت .. وسوف تصل ..

شكرا لكِ ..

التوقيع:
Snapchat: HossamFahad
حسام الفهد غير متواجد حالياً   رد مع اقتباس
قديم 14-09-2020, 02:44 AM   #7
( صخَب المجلس )
 
الصورة الرمزية مـآكِنتُوشٌ
 
افتراضي رد: رسالة ربما لن تصل

ياهلا بريح المطر والذكريات الجميله
رسسالتك مب بس وصلت رسالتك تمثلنا كلنا
معقوله حنا اوفياء اكثر من اللازم ؟
ماغاب ذكر هالموقع من قلوبنا ولا ذاكرتنا ولاغاب الشعور اللي كنا نحسه وفقدناه
كتبتي اللي بخواطرنا وماعرفنا نقوله
الله يذكركم جميعا بالخير

التوقيع:


|


مـآكِنتُوشٌ غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:17 AM.

Designed by: BAA
Powered by vBulletin® Version 3.8.7
Copyright ©2000 - 2020, vBulletin Solutions, Inc.
SEO by vBSEO 3.6.0
Ads Management Version 3.0.1 by Saeed Al-Atwi