--------------------------------------------------------------------------------



السلام عليكم ورحمه الله وبركاته ,,,, وبعد


كيف الحال ياجماعه

اكيد الكل مستغرب من الموضوع ومن الكلام اللي راح اقوله
لاكن اتمنى الواحد قبل مايرد يفكر في الكلام اللي بقوله واذا غلطت كل انسان يغلط واتمنى تفهموني


مع ان اليوم كانت اسوأ مباراه للأخضــر في مبارياته الوديــه

تضايقت بعدها لأنه مهما كان هو يمثلني ويمثلك قدام العالم
تذكرة المباراه اللي قبلها قدام التشيك
وتذكرت المستوى والتغيرات
قلت ابدا مو معقوله هذا هو المنتخب اللي جارا ثاني منتخب في تصنيف الفيفا

مو معقوله يكون اشراك عبدالغني او العنبر هي من اولويات باكيتا بوجود الخثران ومالك وسامي وسعد
صدقوني باكيتا لعبها صح
لعبها صح ياتونس

باكيتا لعب بطريقه دفاعيه اشبـه بطريقه لعب فرق الدرجه الثانيه مع احترامي لهم
اعتمد على تخميد نور والتمياط وترك ياسر وحيد في المقدمه
اعتمد على اللعب بثلاث محاور مع انه منهزم بهدف
باكيتا ياجماعه مو غبي لدرجه انه يعتمد على اللي شفناه اليوم
باكيتا حقق مع الازرق كل البطولات
وحقق مع منتخب شباب البرازيل كاس العالم

يعني فاهم كوره اكثر مني ومن اي شخص يسب من خلف شاشات الكمبيوتر

حتى اللاعبين طبقوا اللي طلب منهم

ومانقدر ننكر ان الدفاع تحسن بكثيررر
اول كان اي رفعه على الباب قووول
بس الحين تشوفون كيف الحال تغير ولله الحمد للافضل

وسامي آآآآآه ياسمسم في تصريحه بعد المباراه كان يحاول يلمح للأعين التونسيه ان فيه اغلاط وراح نصححها في الفتره القادمه
( وش رايكم في آخر كوره لسامي قسم بالله انها ملح المباراه )

باكيتا اعتمد التشكيله الاساسيه من لقاء التشيك

ولقاء اليوم كان فقط للأعين التونسيه

باكيتا راح يفاجى التونسيين باللعب بمحورين والزج بالشلهوب مع العملاقين التمياط ونور
وتاريخ 14 راح يكون الفاصل لي ولكل من لايوفقني
وراح اذكركم بهذا الكلام بعد التغلب على تونس ان شاء الله

اللـه يــوفق الاخــضــر ويشــرف الكــورة السعــوديـة .. ويمــسح خيــبة الثمـــانية :(

نتمنى ذللللللللللللللللللللك

يعطيك الف عافيه القناص 2006

ألف شكر على موضوعك الرااااائع
وبالتوفيق للأخضر ........

مشكووور اخوي ,, بالتوفيــــــق للأخضـــــر ,,,

القناص 2006 ..

أنا وياك في كل كلمه قلتها ..

نعم باكيتا لهو صولات وجولات في عالم الكره ..

والمبارياة الوديه لاتقدم ولا تأخر وأراد باكيتا ان يستفيد من امرين ..

الامر الاول هو الاستفاده للاعبين من الاحتكاك واللياقه والتجانس..
(وهذا مايفكرون به المبدربون في المباريات الوديه)..

الامر الثاني هي الاستفاده التي لايفكر فيها سوا المدرب الذكي ..
وهي أنه يلخبص أوراق الخصم القادم ..

وهذا ماسعى إليه باكيتا ..

وأنا واثق السعوديه ستحقق المفاجئه في 2006 ..


وألف ألف ألف شكر يا القناص 2006 علا اهتمامك وتفاؤلك الاكثر من رائع ..

كلنا معالك يا الاخضــــــــــــــــــــــــــــــــــــــــــــر ..


تحياااتي ,,,,

باذن الله السعوديه الى دور الـ(8)

والله كلامك صح وعين العقل

(( وإذا ما تأهلت السعودية إلى الدور الثاني ))

هذا كلام باكيتا

ودمتم ,,,