بسم الله الرحمن الرحيم

السلام عليكــم ورحمــة الله وبركاته

فيه اعضاء كثر سألوني عن كيفية تصميم فيديو او الكتابة على الفيديو او ادخال صوت على الفيديو .. اليوم جايبلكم شرح عن البرنامج ..

نبدأ على بركة الله ..

اول شئ هالبرنامج يجي مع الويندوز xp اما الويندوز الميلينيوم او غيره مادري والله هو يجي معه ولا لا ..

نبدأ

كيفية الذهاب للبرنامج :



وهذا شرح لـ محتويات البرنامج :



نبدأ خطوة خطوة :

الشرح على الارقام ..
1/(( التقاط من جهاز فيديو )) .. هذا يلزم كرت تلفزيون يكون بالجهاز وتوصله للرسيفر او الفيديو او البلاي ستيشن او غيره وتسجل منه .. مباريات او غيره .

2/ (( استيراد فيديو )) .. تظغط عليه وتختار الفيديو اللي تبي تعدل عليه او تضيف صوت عليه ..

3/ (( استيراد صورة )) .. تضيف للمقطع صورة من عندك ..

4/ (( استيراد صوت او موسيقي )) .. تدخل صوت على المقطع ..

5/ (( عرض تأثيرات الفيديو )) .. هذا طبعاً اذا تبي تضيف للمقطع حركات حلوه مثلاً ..

6/ (( عرض انتقالات الفيديو )) .. اذا عندك مقطعين وتبي تشبكهم مع بعض .. هنا تختار حركة بين هالمقطعين ..

7/ (( إنشـاء العناوين او المشرفين )) .. هذي اذا تبي تكتب على المقطع ..

8/ (( إنشاء فيلم تلقائي )) .. هذي لاتسألوني عنها لأني الى الحين مادري وشئ


نبدأ بالخطوة رقم (( 2 )) .. اذا سويت استيراد مقطع اختر المقطع اللي تبي تعدل عليه بعدين راح يكون عندك بنفس البرنامج .. سو له نسخ :



وروح للمستطيل اللي تحت اللي مكتوب عليه (( فيديو )) وسو لصق مثل هالصورة :



الحين خلصنا من استيراد الفيديو وطريقة نسخه وكل شئ .. نجي الحين للصور والموسيقي .. نفس طريقة الفيديو بس بدل ماتلصقة بـ مستطيل الفيديو حط الصوت بـ مستطيل الصوت/الموسيقي .. والصور بـ مستطيل الفيديو ..

..

الخطوة (( 5 )) و (( 6 )) .. انا ماجربتهن ولا حاولت اعرف لهن .. لكنهن واضحات ومايحتاجن شرح .. خربط بالبرنامج شوي وماعليك يظبط :D ..

..

الخطوة (( 7 )) .. اللي هي الكتابة على المقطع ..

نظغط على (( إنشـاء العناوين او المشرفين )) .. بعدين تطلع لنا هالشاشه ..



واضح .. اذا بغيت الكتابة تكون على كل المقطع .. اظغط (( عنوان على المقطع المحدد )) .. بعدين يجيك مستطيل اكتب فيه اللي تبي .. وحط على الخط وتحكم بالخط واللون .. بعدين (( تغيير حركة العنوان )) .. واختر الحركة اللي تبي .. واذا تبيها ثابته تحت ولا تتحرك .. حط (( عنوان فرعي )) .. افضل شئ .. بعدين اظغط على تم .. راح يكون عندك هالشكل :




راح تلاحظ انك اذا شغلت المقطع .. مايطلع الكتب الا بأول المقطع بس .. فلذلك شوف تحت المستطيل اللي تحت الفيديو موجود (( تراكب العنوان )) .. شوف بجنبها مستطيل ابيض وهو الكتب.. هذي ياطويل العمر .. مددها وخلها على مقاس الفيديو مثل هالشكل :



واذا بغيت تعدل على الكتابة اظغط على المستطيل الابيض نفسه مرتين ..

انتهينا الآن من الخطوات .. باقي شئ .. اللي هو اذا عندك مقطع وفيه صورة اعجبتك .. وشلون تأخذ صورة من المقطع ؟

شوف معي هالصورة :



شوفو المستطيل الاسود اللي يسار فيه تحته دائتين ومرقمها انا ..

1/ (( صورة كاميرا )) .. شغل المقطع اللي عندك ووقفه عند الصورة اللي تبيها .. واظغك على صورة الكاميرا .. واختر مكان الحفظ ..

2/ هذي ياطويل العمر .. تقطيع الفيديو .. كيف ؟

يعني اذا عندك مقطع مدته دقيقة وحده وانت ماتبي منه الا 20 ثانية .. مثلاُ من الثانية 10 الى الثانية 30 .. سو استيراد للفيديو .. بعدين اظغط على الفيديو .. راح ينعرض لك على المستطيل الاسود اللي يسارك اظغط على (( play )) الى ان توصل الى الثانية 10 بعدين اظغط على (( stop )) بس موب ستوب الاصلية .. هذي وش يسمونها (( ll )) موب المستطيل .. المهم اظغط عليه ثم اظغط على الدائرة اللي جنب صورة الكاميرا .. راح يتكون لك مقطع ثاني بجنب اللي سويت له استيراد انت .. اظغط على الثاني راح تلاحظ انه يبدا من الثانية 10 وينتهي الى نهاية المقطع اللي هو الى ان تكمل الدقيقة .. انت اذا وصلت الثانية 30 وقفه (( ll )) بعدين اظغط على الدائرة اللي جنب الكاميرا .. راح يتكون لك مقطع ثالث .. هذا هو من الثانية 10 الى الثانية 30 ..

واذا خلصت من الفديو .. اظغط ملف عدين (( حفظ ملف الفيلم )) اختر (( جهاز الكمبيوتر )) بعدين (( التالي )) بالمستطيل الاول حط الاسم اللي تبي والمستطيل الثاني مكان الحفظ .. بعدين التالي .. يجيك ثلاث خيارات .. الاولى افضل شئ .. لكن يمكن يكون حجم الفيلم كبير جداً شوف تحت يسار مكتوب (( المساحة المقدرة المطلوبه )) هذا يعني كم حجم الفيلم اللي سويت .. اذا ماعجبك من الخيارات الثلاث اللي فوق اختر (( اعدادات اخرى )) .. يجيك خيارات حط اي شئ وراح تشوف الحجم تحت .. وافضل شئ بالنسبة لي انا .. ][ فيديو اتصال واسع النطاق ( 512 ك ب / ث ][ بمعنى انه لكل دقيقة 5 ميجا .. بس يصير صافي .. كل ماقل الحجم كل ماصار اقل صفاوة .. يعني خير الامور اوسطها ..

وصلى الله وسلم وبارك على نبينا محمد ..

....

ملاحظة :: هالبرنامج مايعدل الا على الصيغ التالية : wmv , avi , mpg اما الـ rm , ram مايقبل يعدل عليهن ..

اذا عندك rm , ram تحتاج للتحويل الى mpg عن طريق برنامج (( EO Viedo )) ..

ان شاء الله فيه درس عن هالبرنامج .. بعد الاختبارات .. وايضاً طريقة التحويل لـ مقاطع الجوال .. بس خلوه تخلص هالزفت p8

..

ادري ان الشرح موب واضح بس هو مع التجربة راح تستفيد .. فلذلك جرب اكثر .. تعرف له اكثر ..

..

وأي استفسار ولا شئ تراي جاهز .. وفيه ايميلي بالتوقيع .. اذا واحد راعي طوويله ..

عافاك ربي يابطل ابدعت والله لاهنت

تسلم يمينك يابو طلال هذا الشغل الحلو .. يعطيك العاافيه ..

مثبت

مشكووووور اخوي وما قصرت والله اني كنت محتاج الشرح

الله يعافيــــــكـ يالغالي ع الشرح الوافي

عوافي يالغالي...


ماقصـرت والله...

يعطيك العافية . .

ابو طلال . .

شرح ولا اروع . .

يعطيك ألف عافيه يا ابو طلال و برنامج رائع و شرح وافـــــــــــي ..,,,

p19 أبو طلال p19

موضوع اكثر من راائع

و جهد جبااار و وااضح

الله يعطيك العافيه يا رب و لا يحرم هالمنتدى من ابداعك

تقبل مروري ،،

.
.
.
الله لا يهينك يالغالي أبو طلال و تسلم يمينك : )

..يـعـطـيـك الـعـافـيـه اخـوي عالـشـرح وتـسـلم يمينكـ ..

..والــبـرنـامـج راح يـكـون سـهـل مـع الاســـتـخـدام..

..واحـب اشــكـرك مـره ثـانـيـه اخـوي ابـو طـلال بـس بغـيـت اسأل عـن كـرت الـتـلفـزيـون..

..هـل يـلـزم اذا شبكته في الرسيفر يكون الكمبيوتر شغال يعني انا بـ اشبكه وبـ اطلع من البيت لازم يكون شغال الكمبيوتر..

..اتمنى انك تفيدني,,

..واشـكـرك مره ثـانـيه..

8
8
ايه نعم ضروري يكون شغال على البرنامج ..

ملاحظه : انا برئ ممن يستخدمه فيما لا يرضي الله ..

^
^
..طيب اخـوي كم يـوصـل سـعره يعني..؟

..آسف اني اقلقتك بكثرة الاسئله..

8
8
8
لاعادي اخوي سعره بين (( 200 )) ريال الى (( 700 )) ريال .. مافيه فرق واجد .. فلذلك انصحك تشري ابو 200 ريال افضل ..