السلام عليكم [ ]

يا مرحبا ترحيبةً تسبق الفار .. لاصار في دربه ثلاثين بسه !

الموضوع هذا هو آخر موضوع من سلسلة " خثاريدز أبو مشاري " :( , وإن شاء الله فيه مواضيع جديده و زوينه وبتعجبكم غصبن عنكم >>

-

قمة النكبه تقول سالفه لواحد وتبهر فيها ويصدمك ويقولك يالنصاب كنت موجود معكم ذاك اليوم , في هالحاله ماتدري وش تسوي حتى الترقيع مايمديك ترقع

-

احسن شخص يستحق التقدير في العالم إللي يجلس معك آخر شي على صحن العشاء في العزيمه ويجلس يسولف معك والله ودك توكله بيديك وتقطع له لحم وتفتح له الببسي بعد .

-

ولد عمي يهايط علي أنه يعرف يسوق ، ركبت معه وهو داعس 220 شاف قدامه مطب وهو يظغط فرامل قبل المطب ، في هالحاله مدري وش أسوي أصفقه مخمس ولا أضحك , بس الوكاد أنه تفشل وما مسك الدرقسون مرتن ثانيه

-

كنت جالس مع الشباب فالمجلس ، المهم دق جرس البيت وحسبناه ضيف ، وقمنا ننظف ونشيل ونحط ويوم رحت أفتح الباب لقيته الهندي حق الدكان ، بغيت أصقعه على جبهته بس شفت وجهه كنه فار ناشب في قطعة جبن وتركته

-

دق جرس البيت ، ورحت فتحت الباب ولقيته خالي
قلت له : والله حسبتك رجال ؟
وهو يصفقني على راسي ويروح !
بعض المرات يخونك التعبير :(

-

كان عندنا ضيف وعطيت أخوي صحنين الصحن الأول فيه تمرتين بس والصحن الثاني فيه تمر واجد وقلتله حط الصحن الثاني عند الضيف وهو يلخبط ويجيب العيد , عاد الضيف قام يناظر فيني تقل مسوي مصيبه

-

صار عند أهل الرياض حب عظيم للمطبات يعني لو أشوف شارع مافيه مطبات أزعل وتضايق يعني يكفيك مشاهدة الدول الثانيه حملة " مطباتنا وش زينها "

-

أحسن وظيفه بالعالم : " محلل رياضي " تجلس ترطن وتحتسي ساعتين بدون توقف ثم يصقعونك عشر تالاف ريال على الحلقه الوحده

-

الحرمه اللي تستحق الإحترام والتقدير هي اللي تقدر تتكلم أو تعبر في حدود 140 حرف مشكور يا مؤسس تويتر إنك قدرت تربط فم الحريم في 140 حرف

-

ولد خالي كان يشارك في قروب العايله بالواتساب ثم بعدها علمنا أبوه إننا مسوين قروب وشارك معنا ومن بعدها والورع " قامط " لا يحتسي ولا يهرج هههههههههههههههههههههههههههههههههه

-

في الطياره : ناديت المضيفه وقلت لها : فيه عصير برتكان
قالت : إيه

بعد دقيقتين جابتلي بربيكان

-

1- فاتك نص عمرك
2- خل النوم ينفعك

جملتيين يسببون لك دمار نفسي !!

-

تدري متى تكون " حمار أصلي " إذا عطيت الورع سيارتك علشان يتعلم السواقه ومن باتسر تروح للورشه تصلح سيارتك :(

-

تتميزالسعودية بـ " مطبات " تمكنك من رؤية الدول الثانيه بخاصية HD

-

بطلع من البيت وسمعت عطسة من بيت جيراننا، هذا مفروض بعد كل عطسه يسجد شكر انه للحين عايش ماشاءالله.. لو شد حيله شوي كان جاب اعصار ساندي لنا..

-

كيف تكون ورقة المقاضي سبب في جلب المشاكل للعائله
خبز كيلو
جزر قشطة
خفق قطرة
عيون خافض حرارة
كيلو كوسة << تراني وصلت الصيدلية

-

لا تسلم على شايب في يده مسواك احتمال يلخبط السستم عنده .. يلتفت يمين يقول شلونك و يرجع يتفل بوجهك

-

( حرام .. نعمة بتروح الزبالة ) الجملة اللي خلتني ادخل الطيارة على جنب

-

تدخل محل ملابس مزدحم ويلمحك البايع من بعييد ويقولك بصوت عالي للأسف مافيه مقاسك يالطيب *طيب الرخام هذا بكم المتر منه* *الالة الحاسبة للبيع؟*

-

اذا بدت سالفة أي شايب بـ ( سنة من السنين ) و قعد يطالع السقف اعرف انه جالس يضبّط إحداثيات الصاروخ

-

يقولون من زود الميانة الهندي حق الطلبات في فرايديز دبي مول يعطي السعودي كف حلاقة يقوله : نفس طلب الإجازة الماضية ولا تبي تغيّر ؟

..

خلاص قضينا من هالخثارديز الماصله المارجه , وترقبونا في مواضيع جديده قادمه
ولاتنسون تطفون اللمبات وتصكون الباب وراكم , ورانا صلاة الفجر

آييييه نسيت هذا الموضوع برعاية " عصير الربيع "

هلا فيك والله ي ابو مشاري
يا مرحبا ترحيبةً تسبق الفار .. لاصار في دربه ثلاثين بسه !
...
ويامرحبا ترحيبتن كلها ملح وبهار.. لا صار زايدن شوي بالكبسه ..!
تقليييييييد صرت شاعره..

دق جرس البيت ، ورحت فتحت الباب ولقيته خالي
قلت له : والله حسبتك رجال ؟
وهو يصفقني على راسي ويروح !
بعض المرات يخونك التعبير :(

هههههههه ياكثر ماخني التعبير دايم اقولها لأخواني

الله يسعدك مثل ماتبسطنا بسوالفك ..
يعني هذي الحلقه الأخيره من خثاريد أبو مشاري ..
أن شاء القادم يكون بجمالها وأجمل ..بانتظارك
الله يعطيك العافية

وعليكم السلام ..
ياهلاوالله بآبومشاريي ..
وهلا بالخثارييدد الخنفوشاريهه

اقتباس:

المشاركة الأصلية كتبت بواسطة BO7 دق جرس البيت ، ورحت فتحت الباب ولقيته خالي قلت له : والله حسبتك رجال ؟ وهو يصفقني على راسي ويروح ! بعض المرات يخونك التعبير :(

ياككثر ماتجيني كفووف والسبب هالجملةة ..
- الله يوسعع صدركك ي خي مثل ماوسعت صدروناا ,,
+لاعااد الا الخثاريد مانقدر نصبرر عنهاا
المهم لاتطووول علينآآ ..
ويعطيكك آلف عافييةة

الموضوع هذا هو آخر موضوع من سلسلة " خثاريدز أبو مشاري " :( , وإن شاء الله فيه مواضيع جديده و زوينه وبتعجبكم غصبن عنكم >>


كنا نبي خثاريدز أبو مشاري بعد

بس بتجيب شي جديد خلاص


عوافي