بسم الله الرحمن الرحيم ..
مسّهم بالخير , وصبّحهم بِ مثله ي رب ..
أنا إنسان بلغت مرحلة اليأس الآن .. وِ جِيت هِنا انثر ما بين دَمعه .. وقهر .. و كذا يعني "( !
ياخي انا مواطن بالغ عاقل مسلم مكافئته مخلصه .. حياته كلها اكل من البيت ومن برا :| !
ياخي متعوّد اتغدى اول الظهر والعصر واتعشى المغرب والساعه 11
وكنت إلى فتره قريبه متفاهم مع المطاعم و مع الأسعار ومقسم ميزانيتي ..
والاكل كان لذيذ يعني ويفتح النفس , إلى أن " شاء الله أن تتغير الأحوال كَما يلي " ,
تحمّلوني وتابعوا معي شوي ..
يعني بأحد الأيام المقفهرّه , انطلقت من البيت لِ مطعم عندنا بالدرعيّه الله يحفظه لنا
هُو مو مطعم الكبير يعني , هو نصف مطعم يقاله بوفيّه فهد .. الله يديم عزّه 
المُهم .. و احترت ما بين اختيار البروستد ولا كودو ولا شاورما أو همبرقر , و تتالت الخيارات بِ مخيّلتي ..
الخيارات التي اعتدت بأن انتقل ما بين الواحده والأخرى ..
و رسيت على بروستد .. الا ويقولي الشامي رفعنا سعره ريال :|
قلت يالله ريال أمرِه بسيط بس ليش ؟!
ويقولي المسكين بِ نظره اعتلاها دمعتين , رفعوا تأشيرات العماله لِ 2500 ,
وجانا راعي المكان ورفع علينا الأجار من 16 لِ 30 الف ..
و قام يبكي على الاطلال وانا اللي استغرقت انتظاري لِ غدائي اللذيذ ب الطبطبه على هذا الرّجل المسكين ..
واقوله عاد وش نسوي هذي امُور اكبر مني ومنك .. وابتسمت له ابتسامة الجُوعان ..
واستمررت بانتظار وجبتي ..
ويوم خلص البروستد , تسابقت انا ورجليني للوصول إليه واخذته وانطلقت للبيت عائداً , و هنا بدت الأزمه
البطاطس متغير وصاير شي يحوم التسبد _ الله يكرّم النعمه ..
والدجاج مَهب على خبري يذبح الرّوح .. والزيت اشم ريحته قبل افتح الـ علبه ,
ياخي مسوّينه بزيت فرامل الظاهر 
!
المهم تحاملت على نفسي وتخبرُون دافعٍ فيها دراهم .. اكلت البروستد و انا اتمتم ب مفردات زادت من ذنوبي ..
تخطينا مرحلة الأكل الحمدلله .. و مرّت الساعات الاولى بدون ما اتحوّل لمستشفى او حاجه ..
و اكتشفت من اخوي إنه البقاله القريبه مننا تقفلت بعد بسبب ان المالك للمحل
رفع الاجار على المسكين من 70 الف لِ 120 
!
الظاهر البقاله على التحليه , لا والله الظاهر يبيعون خمر مهب عصيرات وجبن :| !
المهم انه ضاق صدري على هالحاله وقلت ياخي هم يرفعون وحنا نمشور وناكل ***
ثم مرّني هذاك الصّوت اللي براسي يقول .. ياخي انت وش دخلك بالموضوع كله ؟!
... ما اعجبك اكلهم رح مكان ثاني وصلّى الله وسلم ..
وكأن النفس اقتنعت بذاك الصوت و تناسيت الهم وكذا .. وكمّلت حياتي الطبيعيّه ..
ثم هالحين قبل كتابتي ل هالموضوع بِ 15 دقيقه بالتمام ..
نقزت اجيب لي شاورما بناءً على " مزاجي " .. و لا إله إلا الله ..
انا احطها بذمّتي هالمرّه واقولكم انهم مستعملين لحم قطاوه 
!
ياخي خنقتني العبرهه ..
الشاورما جايبها بكيس وبنفس الكيس مباشرهه على الزباله وانتُم بكرامه ..
ترا ما صارت ..
اكلنا بروستد بزيت فرامل عادي ..
البطاطس منتهي تاريخه ما قلنا شيء ..
بس لحم قطاوه , يعني خلاص ترا اوادم قسم "( !
يعني وش استفادوا هاه ؟!
رفعوا اجور العمال , ورفعوا الاجارات واحنا قمنا ناكل قطاوهه ؟
نلقاها من وين ولا من وين
مكافأه مخلصه و اختبارات مخيسه و بطارية جوال تخلص بسرعه ..
يعني لازم نشوف حل للموضوع بجديّه شوَي .. أو أبعلن مقاطعتي للساحه الغذائيّه , وبتعلم الطبخ بنفسي 
وهي نسبه وتناسب على قولتهم
ف من وجهة نظر لو كل شي يرخص سعره ..
كل شي بمعنى كل شي ,
فَ بتصير الحياة كويسه وكلنا مبسوطين ..
بس ما حولك احد 
لا تنسبون اخلص اختبارات السبت إن كان في خاطر احد عزيمه او شي $" !
وزي ما قال الشاعر , المجلس مجلسك .. لو الزّمن أجفاك
,
#محمد
@kbree_t
08-01-2013, 05:35 PM
_ عشان يغتنون ؟ الاوادم يفطسون ؟!
وماكثر الله غير القطاوه بالشوارع 
ومركز هههههههه مع شوية تخيلات
العرض العادي
