الســلام عليــكم ورحمـــة الله وبركــاتــه ..

كيــــــــــف الحـــــــــــــــــال ..!!

بصر1حــه هــذ1 أول موضوع أنزلــه معاكـــم ,,

وأتمنـــى تتفاعلون معـــي ..!!

موضوعي اليوم .. يقهر .. ويبط التسبد ..

ويجعل القلب يعتصر ألماً ويجعل العين تبكي دماً :( >>>> يا روحي على الخطابه والأدب الفصيح :D ..

أنا أمــس شفـــت معامـــلة واحد لأمــه p8 ,, اللي يشـــــوفه يقووول هــذي مو أمــه وحده تشتغــل عنده ..
يا خي ما عمر أحد فكر بأمه ؟؟
وشي الأم ؟

الأم : تتعب لتريحك أنت وتشقى لتسعد أنت وتمرض لتصح أنت وتبكي لتضحك أنت وتزعل لترضى أنت وتجوع لتشبع أنت وتسهر لتنام انت ........ إلخ إلخ

همن يجيك السربوت .. أول شيء .. مسمي أمه بالجوال ( الداخليه ) وإلا ( أبي السوق ) وربعه .. هذا مسميه ( أعز مخلوق ) وهذا ( وليف الروح ) وهذا (

صديق العمر ) وهذا ( خلفهم كلهم ) وهذا ..... إلخ يالهيس .. الحين .. تمّــن علــى أمك حتــى بالإسم بالجوال؟ أعوذ بالله ... وين حنابه حنا .. تلقى

الواحد ... قاعد بالبيت عند التلفزيون يتابع مباراة الدوري البنقالي من الشين :D تجي أمه .. تقول : فلان أبيك توديني للخياط وأبي السوق أببدل

هالتنوره .. إذا صار مؤدب .. ما وده يقول : لا ... يقول خل المباراة تقضي .. p2 يا اللي ما تستحي .. المباراة أهم من أمك .. اللي ما تشوفه اليوم

يعيدونه باتسر لكن أمك .. اليوم اللي يروح ما خدمتها به .. تراه عليك مهب لك .. ياخي سبحان الله .. أي واحد تشوفه ناجح بالحياة .. وموفقه ربي

أتحداك يصير ما بر بوالديه وأمه على وجه الخصوص .. والله ما شفنا اللي تنفتح لهم الدينا ويوفقون بدراسه وتجاره إلا اللي حاطين أمهاتهم بعيونهم

مهب اللي .. يقعد مع عيال الناس ويوسع صدورهم بالحتسي والسواليف .. p3 وأمه لو يوديها لمشوار تسان ضيق صدرها وخلاها تلعن الساعه اللي خلته

تقوله ودني . قاعده تقول : تبي تعرف معنى الشيء .. رح شف من فقده تبي تعرف معنى عيونك رح شف العميان:( .. تبي تعرف معنى أذانك رح شف

اللي ما يسمعون:( .. تبي تعرف معنى لسانك رح شف اللي ما يحتسون:( وتبي تعرف معنى الام .. رح شف اللي ماتت أمه :( والله إنهم يصيحون صياح ..

يقولون : حنا ما برينا بهن .. مع إنهم بارين بهن لكن يقولون ليتنا بارين زياده .. وحنا الواحد كل يوم يقابل أمه .. ما عمره يوم .. جاء وسولف عليها ..

ودور الحتسي اللي يوسع صدرها وقاله . إن تسانه سربوت .. يقول : أنا قايل لأهلي تبون شغل .. أسويه غيره لا تقولون لي وينك ؟ وإن تسانه مطوع :

قعد بالمراكز الصيفيه وجمعيات التوعيه اللي بالمدارس ينصح الطلاب ويوجههم ويلقي عليهم دروس .. أو تلقاه إرهابي يقول : برووح أجاهد .. نقول لراعي

المراكز : أن تسانك موفي امك حقها وزياده .. رح الله يساعدك .. لكن إن تسان أمك تدق عليك تبيك .. همن تقوله : يمه انا عندي جمعية توعيه .. يمه أنا

عندي مركز صيفي .. ويعد روحه إنه عنده سبب مقنع إنه ما يخدم امه . والإرهابي .. ترا الرسول صلى الله عليه وسلم يقول :الجنة تحت أقدام الأمهات .

يعني خل عنك الشيشان واللي ما شاش .. وإقعد عند أمك .. لما تموت وهي راضيه عليك .. وتراك بالجنه مهب .. تروح تدور أبعد الطرق وأصعبها لدخول

الجنه .. الحديث عطاك إياه صريحه .. مهب الأعرابي اللي جاء لم الرسول صلى الله عليه وسلم وقاله أبجاهد .. وشقاله الرسول ؟ شف الرد الحكيم .. شف

الدرس التاريخي ..شف الحجه .. قاله : ألك والدان ؟ (( يعني أبوك وأمك موجودين ؟ )) قال الأعرابي نعم .. وش قاله الرسول ؟ قال : فيهما فجاهد .

والحديث الثاني .. اللي قال : أمك على قيد الحياة ؟ قال : نعم قال الرسول : إلزم رجلها فثم الجنه . ( أو كما قال الرسول صلى الله عليه وسلم ) وهـــذ

قصــه حصلــت مع أخــوي اقروها :

يوم كان بالثانويه .. متعود يحب راس أمي كل ما جا يروح للمدرسه ( وإلى هالحين الحمد لله ) عاد مرتن كان متهاوش هو وياها بالليل ونام زعلان عليها ((

يملا الشين زعلن على أمك )) عاد قام الصبح ولا كلمها وراح للمدرسه .. والله العظيم إنه صدم وهو المخطي ما أدري وشلون صدم ؟ ما نام ولا أسرع ولا

سهى.. بس ربي يبيه يخليه يصدم غصب عليه .. حتى يعلمه إنه مهب أمك اللي تزعل عليها وتطلع ما حبيت راسها .. والله إنه الآن يروح للجامعه يصير عنده

إختبار ويروح مواصل مانام .. عاد .. طول طريق الجامعه تدق عليه أمي .. تبي تتأكد إنه مانام .. وهو يسوق جواله إذا حطه على الصامت بالإختبار ..

ودقت وما رد عليها كلها قلبها .. تحسب فيه شيء . ومره من المراريــت : طلع لم طلعة اخوياه وهو متهاوش هو وأمي - مبطي أول ما طلعن الجوالات - ما

كان معه جوال .. عاد ما راح لم اخوياه على طوول .. مرّ له شغل وأبطى عاد .. هي شافته طالعن زعل .. قالت عسى ما يسرع أو يجيه شيء وتدق على

خوييـــه.. قالت : فــلان جاء ؟ قال : لا ,, ويطقطق قلبها ... قالت : إذا جاء خله يكلمني ,, هوأبطى بالحيل قرابة الساعه ونص يوم جا قاله خوييـــه :

أمك تقول خلوه يدق علي ودق عليها : والله إنه يوم سمع صوتها .. تنهد بعمق وقالت : وينك وأنا امك ؟ وقال لها السالفه وهو طالع مزعلها .. يعني هي

زعله عليه ومع ذلك .. خايفتن عليه .. الأم مهما تسوي أنت فيها .. تراه تخاف عليك والله ما شفت الفلاح بكل شيء .. إلا أصير مرضيها.. وحده معنا بالقاعه

توفيت امها قبل أسبوعين تقريباً والله إني .. أقول : وشلون تبي تقدر تعيش بدون أم حنا هما الواحد أربع وعشرين ساعه يشوف أمه خلاص تعود ..

صارت أمه والكنب اللي بالصاله واحد ونفس بعض والله يقضي الحتسي ويقضي القرق .. ما وفينا حق أمهاتنا لكن أبختم بآخر قصه .. لن أنساها ما

حييت : في إختبارات الثانويه النهائيه - ثالث ثانوي - الفصل الثاني يعني أسئلة وزارة .. بعد صلاة العشاء تقلبت تسبدي .. وتقلب التسبد اللي سبق وجاه

لازم يدوخ الواحد ولا يقدر ياقف ولا يقدر يمشي عاد أنا تقلبت تسبدي هاك اليوم عقب العشا وكنت سبق وجاء تقلب التسبد .. لكن هالمره جاء بشده ..

والله العظيم أمشي ماسكه الجدار أشوف الدنيا تدور تدور .. وانا ما راجعت إلا يمكن حق الفتري المهم راحت هاك الليله .. ما راجعت ولا دريت بالإختبار بس

منسدحه بالفراش ولا أقدر ولا أقعد على حيلي .. من الدوخه وقمت تالي الليل .. ودخت بزود ورحت للمستشفى .. عاد قلت لأبوي : يبه ..إختبار الوزراة بهن

درو ثاني ؟ قال : مالتس بالإختبار الحين .. أنا بصراحه كنت شايله هم الأختبار .. عقب الفجر زان الوضع شوي .. بديت أقدر أوقف بس ما أبتل .. أحس

راسي ثقيل .. رحت مع أمي للمدرسه .. وقالت للمديره : تراها تعبانه إن صار لها شيء كلموني .. وإنتهبوا لها بالإختبار وانا ما أغير أقلب الكتاب

بسرعه .. اللي انا راجعته قبل الدوخه نسيته .. هذا مهم وهذا مهم وهذي اكيد يبي يجي ما يمديتس يابنــت .. دخلوا الطــالبــات .. ووزعوا الأسئله سبحان

الله .. تقل مقيول لهم .. لا تجيبون إلا من الفتري ترا بنت ابو متعب ما راجعت إلا هو:D .. الإختبار كامل من الفتري .. سوى يمكن فقرتين ثلاث .. واحل ..

والي ما أعرفه .. سبحان الله .. تفكير دقيقه ويجيك الحل آآآآآآآآآآآآآآآخ إنهبلت وشلون حليت وانا ماراجعت p8 واطلع مستانسه p10 .. وأروح للبيت ..

وألقى أمي بسجادتها .. يوم دخلت قالت : وشلون إختبارتس ؟ قلت : تقل مقيول لهم إني ما راجعت إلا الفتري .. قالت : والله إنتس كسرتي خاطري

البارح .. وكل البارح وأنا أقول : وشلون تبي تحل .. والله إني من رحتي الصبح وأنا أدعي لتس . يمـــــه : الله يخليـــتس لي ولا يحرمني منـــتس

يالغاليـــهp9 ..

ختاماُ .. مقطع من قصيدة حامد زيد في الأم :

اغلا بشر في جملة الناس كلهم ، واكرم من يدين المزون وهمالها

اتبع رضاها وأرتجي زود قربها ، واللي طلبته من حياتي وصالها

الصدق مرساها والاشواق بحرها ، والعطف واحساس الغلا راس مالها

اهيم فيها وابتسم يوم قلبها ، يسأل وانا قلبي يجاوب سؤالها

وان طلبتني شي فزيت مندفع ، اموت أنا واحمل تعبها بدالها

هذا وأسأل الله أيجعلنا بارين بأمهاتنا .. وأن لا يميتهن إلا وهن راضيات عنا ...

أتمنــــــــى يعجبكــــــم .. ولا تنسوني من ردودكـــم .. p21


ســــــلا111111111م ...p9

/

ياقليبـي على أميمتي أحس بيجيها أجر من كثر ما أدبج فيها
<<-- ترا هذا هو الحـب العنيـف

أحـب كذا أمسكها وأفعصها وأقبص خدودها وقلبس عليهم
ولا أمسك خشمها وأقبصه بأقوى ماعندي لين يحمر وجهها تطلع سعنبووطه وشكلها يزنن خخخـ

وهـي تفرك يالبى قلبها بس ماتقول شي شكلها تعودت خخخـ


أمـي ياا أحسـن مخلوقه بهالدنيـا
قسم باالله أني أحبتس لا تحسبيـن أني لين نفخت عليتس وأنـا نايمه هذا عقوق لااا
أنتي تعرفيني ليـن نمـت أغدي عبده ولا أعرف أحد وتجين أنتي تقبصين خشمي !!

أمي يا أول حووب عشتـه في دنيااي ( قلب كبير مااااااااااااااره )

مدري وش أقول بـس أنـا أني بدون مامتي ولا شـي
وش بيتنـا بس بدونها !!


بنت أبو متعـب تسلميـن والله
الله يخلي لك أميمتك

ويخلي لي أميمتـي


على فكره مدري وشلون رديت !! أخبر أني كنت أقرا مدري كيف طلع هالرد
<-- ترد هالرد وهـي نص فاقده !!!

..

يعطيك العافيه أختي بنت أبو متعب

صدقتي هالزمن مافيه أي أحترام للام ويدل على ضعف الوازع الديني لدى الكثيرين

لاتحرمينا من مواضيعك اذا كنت بهاالمستوى الرائـــــــــــــــــــــع


أختكــ// أأموواج

أي والله جبتيها عالجرح مهما نسوي فحقهم بنطلع مقصرين

يامي يامي يامي غلاتك كلا عندي ....... حبر ويدن واقلام اهديك احلا الكلام

بس صدقيني مانطلع من جميلك مهما كان

بنت ابو متعب

ياعمري على امي وامهاتكم الله يخليهم لنا

والله ماندري وش نجازيهم فيه والله لو كنوز الدنيا ماجازيناهم حقهم

الله يطول لنا باعمارهم امين

وانا بعد بقولكم قصه :

وانا بالكليه اذاكر نص عقلي مع المذاكره والنص الثاني مع البنت الي جنبي هي وصاحبتها

والله ماكان قصدي اسمع كلامهم بس سبحان الله سمعت كلامهم هو عن ام وحده منهم توفت الله يرحمها

البنت تحكي لصديقتها عن اليوم الي توفت فيه امها والله يوم تحكي ان قلبي بغى يطلع من مكانه

ودموعي اربع اربع والبنت انتبهت لي وعرفت اني سمعتها وكملت عادي تقول : انها شافتها يوم يغسلونها والبنت

تبكي وتقول لصديقتها ماما تطالع فيا ماما تطالع فياا وتبكي وانا ابكي معها

وتقول ان حياتهم صارت كدر بعد امهم اخوانها واخواتها الكبار المتزوجين مايزورونهم كثير زي اول يوم امهم عايشه

والله ياذاك اليوم رجعت البيت وانا احب راس امي وقلت لها الي صار وامي بعد دموعها صارت مثلي وجات اختي قالت

وش فيكم وعلمتها وقامت تصيح معنا

والله ان الام غااااااااااااااااااااليه

ولانقدر نوفيها حقها

الله يحفظ امهات الجميع يارب

تسلمين اختي الله يعطيك العافيه تسلم يمينك الي كتبت هالموضوع

ارق التحايا

الله لايحرمنا برهم ورضاهم

مشكوره اختي

مـــاشاء الله p8 ..

دخلـــت أدور مويضيعــي ومالقيـــته بغيـــت أصيــح :( ..
قلــت يمكن عطيــتوه كــرت أحمــر >>> تشــوف الأعضاء يقوولون كرت أحمر وراحت وراهم ..
مشكـــووووورين ألف شكــر ع التثبيـــت p9 ..


شرانيـــه p9 :

ما أقول إلا الله يعين أمــتس عليــتس :D ..
والعبيــد عندنا وعندكم خيـــر ..
أنا والله أرحم أميمتــي إذا جــت تصحينــي من النوووم :D ..

شرانيــه قولي آميــن : عسى الله يخليـــلتس أمتــس ..
ومشكــووره على ردتس العســــل p9 ..

بنت ابو متعب

مشكوره يالغلا على روعة طرحك

اقسم بالله العظيم انه وانا اقرا الموضوع دموعي نزلو واقول
في نفسي يمكن مر يوم وزعلت امي علي واتصلت فيها وكلمتها
وتطمنت عليها تو الحين


الف الف الف شكر لك

الله لا يحرمني منها الله يطول في عمرها
عشان ارد جزء بسيط من جميلها علي




تحياتي

قــنــاص حياتي

لا هنتي آختي بنت ابو متعب ع الطرح الرائـع .,,.


وبـ نسبة لـ موضوعك عن الآم .,.


يعني الآم مدري كيف لـو آجلس آصـرخ بـ عالي الصوتـ .,.


آمـي كم آهواهـا ... آشتآق لـ مرآهـا


وآحن لـ آلقاهـا ... وآقلب يمنآهـا <<<< طبعآ متآثر بـ ريمي


مآراح آوفـي حقهـآ .,. بحكم آنها آمي <<< مسوي شي جديد وياراسك p3


مراتن من المرارير .,. صآر موقف مـ ع آمي لو آنهآ مو آمي كآن آعلووم ,.,


تمنيت ذاك اليوم صآيرنـ مـع آحد ثاني غير آمـي وربي لقلب الطاولـه في البيت .,.


جيت للـ والده قلت لها صحيني من النوم الساعه 5 الفجر على آسااس آني آقوم آراجع حق الآختبار .,


قالت آوكي .. ونا عندي علم يقين آن الوالدهـ الله يحفظها نسايـه تنسى جيتهآمرهـ ثانيـه .,


آمي صحيني بكرهـ مو تنسين عندي آختبآر صعب آبي آقوم آراجـع قالت طيب وتذكر آنـ


الآختبآر صعب وخآيف آنها تنسى وآرجـع آمـي صحيني بكرهـ قالت والله تعال شف الجوال .,


حاطته على المنبـه قلت خلاص اذا ماصحيتني وزفت ترى السبـه منك كيفك الآختبآر صعب .,


ويبيله مراجعه قالت خلاص بصحيك وش فيك وسواس ونا جد ضرني الوسواس وفي نفس الوقت .,


متعقد من آمي لآنها دايم تنسى ... المهم وحط راسي ونام آحمد ربي آني ماكل مشويأت قبل .,


لـ نام وصحاني العطش عند آذان الفجر المهم صحيت الساعه 4 الفجر ونا مواعد آمي على الساعه 5 .,


ونا الحين مروق وقول في بالي الحين بشوف آني بتصحيني ولا بتسحب على المهم جاتـ 5 و 6


ولا حد صآحاني المهم رحت الآختبآر والحمد الله قدمت زين وجيت البيت دخلت على آمي قلت مشاء الله .,


صحيتني مو قايله آنك نسايه قالت الجوال خربان مدري وش فيه ماشتغل المنبه المهم وجي آشوف الجوال .,


الا حاطته على الساعه 5 فعلا بس مو صباحاً حاطته مساء ومـوت من الضحك .,.


بس مهما كلف هي آمي آحبها وغليها .,.


مرتن من المرات راحت الآمارات مـع آخواني يتمشون <<< آخس يالوالدهـ p10


والله جلست في البيت كني مجنونـ مو عآرف آسووي آندومـي .,.


المهم بهدي بيتين لـ جميـع الآمهآتـ قصيدهـ من كل قلبي .,.


آمي وجودك نور ومفآرقك يآس ... تزهر بك آيامي وسود الليالي

آحيآن آحس آني مميز عن الناس .... ميزني الحرمآن في فك غآلي


دمتي بخير

اختي بنت بو متعب


موضوع راائع و بقمه الروعه ،، و جا بوقته


بصراحه هالايام ما عدنا نشوف بر بالام ،، ابد ما صرت اشوف احد يقوم و يحب راس امه او حتي يسأل عنها ،،


قسما بالله احس انهم ما عادو يفرقون ببين الام و الاخو و الصديق و الشغاله و السواق!!!!!!


والله والله والله ،، ان الدنيا ما تسوى شي ان كانت امي غضبانه او زعلانه علي ،، قسما بالله ليت الارض تنشق و تبلعني اذا زعلت ،،

و في ناس ،، ما يكلمون امهم اسبوع او شهر و ليش؟! عشان ما اعطته فلوس ولا اخذت منه السيارة ولا من هالخرابيط ،،


و انتـي قلتي على اللي يسمي امه وزارة الداخليه و اصحابه عديل الروح و مدري وشو ،،

يا خي مستكثر على امك نك نيم زي الناس بتلفونك ،، يعني صير مثلي انا <= اسم امها ((مامتي)) ياخي دلعها ،، ياخي والله ما بينفعونك خوياك باخرتك ،،


ادري اني طولتا و مصختها بس والله من حرة قلبي ،،

و بالنسبه لحادث اخوك ،، اول شي الحمد لله على سلامته،، ثانيا ،، اتمنى انه تعلم درس و هو انه لو اييييييش ما صار ما يزعل على امه ،، و اذا الام زعلت على ولدها او بنتها فهي تمون ،، اما احنا ،، وش عندنا نزعل ، عاد من زين اخلاقنا عشان نزعل <== شين و قواة عين <== مثلها الاعلى


اااااااااه بس ،،

ما اقول الا يا امي يا وجه النور و الطيب و الخير <== عبدالمجيد عبدالله


و بالنهايه ما اقول الا اللله يسلم هالايادي و لا تحرمينا من كتاباتك الرائعه والله يخلي امي و امتس و امهات اعضاء منتدانا الموقر





اختك ،، أثيــر

امواج p9 :

هـــلا بــك ..
مشكوووره على مروووك .. والله يخليلك أمك وأم الجميـــع ..
وأنتــي لاتحرمينا من ردودك ..


عــابر سبيــل p9 :

تسلـــم لي على مرورك ..
والله يخليــلك الوالده ,, ويعطيــها طولة العمــر ..


القنــاصه الأتحــاديـه p9 :

مهمــا سوينا لها مراح نوفيها ولا شوي من اللي سوته لنا ..
والله يصبـــر البنــت على فقدان أمها ..
تسلمين على مرورك ..


p9 p9

والله صدقتي يابنت المشكله بها الزمن الواحد مايدررري الا عن نفسه ,,,,

بعد موضوعك اشتقت لامي شكلي بسافرلهااااا وربي اشتقتلهااا
7

7

ويعطيك العاافيه على الموضوع

تسلمين اختي

والله الأم ما نقدر نوفيها حقها مهما سوينا

وهي اهم شخص في حياتنا ومن دونها ما نسوى شي

انا إذا سافرت امي وغابت عن البيت احس الدنيا تضيق فيني

مشكوره أختي على الموضوع

اختي بنت ابو متعب.....

والله مدري وش اقول عن امي والله لو اتكلم من اليوم الى بعد100 سنه ما اوفي حقها امي شمعه تحترق لتنير لنا الطريق آآآآهههه ياامي كم احبك كم اههواك كم احب الارض التي تمشين عليها الله يخليك لنا ياامي.....

الله يعطيك الف عافيه على الموضوع اللي في قمة الروعه ويخليلك امك يارب.....

تقبلي تحياتي.....