موضوعك جداً رآآآئع ..
والله ماأدري وش أقول ي ياسر..
سوى أننا ننتظر رجعتك للهلال على أحر من الجمر فلا تخذلناااا..!

نورتو المطرح بطلتكم , وأحرجتوني بكلامكم ..
شكرا لكل واحد فيكم , بقدر حبه وحرصه على كآبتنا الغالي !

عندي شوية نقاط ..

هلابك اختي أسر قلبي للأبد

اختلف معك في جزئية عبدالله بن مساعد داعم هذا غير صحيح لا يدفع ريال
واحد والكل يعرف هالشيء هم سيتعنون فيه في المفاوضات مع الاجانب بالتحيد

ان كان هذا الشيء صحيح , فـ المصيبة أعظم ..
ايه هذا اللي أعرفه يستعينون فيه عند التعاقد مع الاجانب ..
لكن انه ما يدفع ولا ريآل واحد , ومع هذا يصير الآمر الناهي في النادي ؟!
فلاتعليق سوى الغضب , النادي يعاني وأعضاء الشرف " مستحين " من عيال بن مساعد :(
شكرا لك , نورتي !
...

أهلا فيك عزيزي شاغل الناس ..
انت طرحت وجهة نظرك , وأحترمها أكيد ..
أتفق معك في بعض ما ذكرته , وأختلف معك كثيييير في بعض النقاط

اكبر سلبيه لعودته والتي تمحو كل الايجابيات هي انه سيكون حبيس الدكه بوجود اثنين اجانب مدفوع فيهم مبلغ وقدره وسيكون الخيار الثالث...

هـ السلبية تعمدت عدم وضعها , لأننا ما نقدر نجزم فيها
خصوصا وان الجمهور الهلالي الآن ما يرحم .. ويشوف بعينه مستوى
المهاجمين الاجانب ولا يرضى بوضع ياسر على الدكة
لان المستوى بين ياسر وبينهم فرق السما عن الارض ..
والدليل آراء الجمهور بعد مباريات الهلال وكيف يطالبون بعودته للفريق ..

وفي ضل هذا الغضب الجماهيري , أتحدى أي رجل من اللي في الادارة
يضع ياسر في الدكة ومستوى المهاجمين الكل شايفة ( زفت )
اذا وضعوا ياسر على الدكة ..
بالمقابل راح يضيعون كثير من المباريات ونتائجها
والجمهور بالتالي راح ينتقد ويطالب برحيل الادارة

وضع ياسر في التشكيلة الاساسية راح يخفف من الضغط عليهم
ويكون في صالح الطرفين ياسر والادارة !
وما أتوقع ادارتنا الموقرة تترك شي لمصلحتها

انتو ليش تتوقعون ان اسيا صعبه عالعين وسهله عليكم ؟؟؟للعلم فان العين اول نادي يحصل على بطولة اسيا بمسماها الجديد بينما استعصت على الهلال عشر سنوات ومازالت!! العين سيشارك في دوري الابطال الموسم القادم بينما الهلال ينتظر هبات من الاهلي والنصر والا ينشات (ملحق)!!!

لا أقلل من ناي العين كفريق كبير وله تقديره واحترامه أكيد , لكن ياخوي كلن عقله براسه ..
شوف مستوى الاندية الاماراتية الآن , و آخر مهزله مع كامل الاحترام الشباب ياكل 6 من بيروزي ..
الاندية الاماراتية معروف ضعفها في المشاركة الآسيوية وبـ اعتراف من
الاعلاميين الاماراتيين انفسهم
والمستوى متذبذب في الدوري الاماراتي ولا يمكن التنبئ بمن البطل الموسم القادم
ومستوى العين ماراح يستمر على هـ الوتيرة ..
يعني ممكن يكون الموسم القادم
فشل ذريع للعين في الآسيوية أو مستوى نص ونص ..
لكن ما اتوقع أبدا النجاح المذهل والكبير واخذ البطوله
تخيل العين راح يقابل فرق ايرانية , فرق سعودية
و .. و..
تتوقع بيجاريها ؟!
طيب الهلال وهو في عز مستواه عام 2009 و 2010 ما استطاع الحصول على اللقب
كيف العين الآن وهو يعتبر له هذا الموسم موسم للعودة ؟!

اتكلم بمنطق العقل لا العاطفه !


ياسر بالعين لاعب اجنبي وسينتقدووونه!!!!!! تكفوون عاد بالهلال ماسمعنا لا تجريح ولا نقد ولاقدح ولاذم لياسر وكأنكم عايشين في المدينه الفاضله....كل لاعب مهما كان اسمه معرض للنقد في حالة التقصير والا تبون الجمهور يحترق واللاعب ماهمه بس يتمشى ومايكون قد الطموح؟؟؟؟

يا شاغل في هـ النقطه اختلاف كبير
في العين اذا ياسر انتقد من قبل الجمهور العيناوي مكانه ما يكون مضمون , وممكن الادارة تبيع عقده لأني نادي آخر
ممكن يكون مستوى ياسر توب , لكن الادارة تشوف ان فيه لاعب أفضل من ياسر .. بالتالي تبيع عقده !

بالمقابل في الهلال ياسر لاعب محلي حتى لو انتقد من قبل الجمهور الهلالي راح يبقى مكانه ( محفوظ )
وبيع عقده ماراح يكون بـ السهل الكبير , والدليل ما حصل بعد اعلان اعارة ياسر للعين
وكيف واجهت الادارة النقد الكبير من الجمهور !

انت جاوبني الحين , في ضل هالضروف .. وش المكان الافضل والاضمن لتاريخ ياسر الكبير ؟!

ياسر بالعين اجنبي وبالهلال محلي يعني تقصدين حلال عليكم تنتقدونه وتغسلون شراعه وبالعين حراام عليهم يتكلمون عليه وينتقدونه؟؟؟

ما قصدت هذا المفهوم !
المقصد ان مكان ياسر بالهلال أفضل وأضمن له من البقاء في العين , افهمني الله يرحم والديك !

عزيزتي اذا قلت متابعة جماهير الهلال لياسر بكيفهم مو مجبورين يتابعونه والتشجيع مو بالغصب وقتها اللي يهم ياسر هو مشجعين فريقه اللي يلعب فييه واما عشاق ياسر وليس الهلال فلا تتكلمون عنهم بصيغة الجمعع

اذا قلت متابعة الجمهور السعودي لـ ياسر
ياخوي راح تشوف بعد اعتزال ياسر لكرة القدم كيف الجمهور نساه , واسمه غايب في الوسط الرياضي السعودي
وراح يكون مثل بعض اللاعبين السابقين اللي قدموا مستويات باهرة في الكرة السعودية , ومن بعدها أسماءهم غابت واختفت
انا حريصة على تاريخ ياسر , ومابي تاريخه ينمحي مابين عشية وضحاها !

اما الاعلام فابركها ساعه يوم يقللون متابعته عشان يرتاح من الروايات اللي يألفونها عليه...

الاعلام مثل ماهو عامل سلبي على اللاعب , ايضا هو عامل ايجابي .. ويزيد من نجاحه !
لما يخسر ياسر الاعلام الايجابي .. راح تكون النتيجه مثل ما ذكرته في النقطه اللي قبلها ..
بيكون اسمه مختفي في الوسط الرياضي السعودي ..
وبعدها يبدا الندم على اتخاذ قرار بيع العقد ..
لكن ما يكون بيد اللاعب حيله لجعل الاعلام والجمهور يذكر تاريخه الكبير وانجازاته ..

كونوا انانيين بطلباتكم لياسر انه يرجع للهلال بوجود هالاداره ولكن لاتلومونه ان فكر بنفسه وبحث عن راحته فلنفسه عليه حق....

فلا تضحي براحتك لاجل جماهير تحبك لنفسها ولفرحها فقط ولا تهتم لراحتك ولفرحك..

لحظه !
لحظه !
من قصدك بالانانيين ؟! واللي يحبون أنفسهم ومايهتمون لراحة ياسر ؟!
من اللي وقف مع ياسر في الهلال ومع المنتخب السعودي ؟!
ومن اللي تابع دوري ما يعرفه بس لعيون ياسر ؟!
ومن اللي دافع عن ياسر في أشد وأصعب الظروف ؟!
ومن اللي سخر وقته وجهده وكتاباته كلها اللي في النت وغيره لجل ياسر فقط ؟!
ومن اللي جعل جل تفكيره في اليوم هو ياسر ؟!
ومن ومن ومن ومن ؟!
اللي فعل كل هـ الاشياء لعيون ياسر بنظرك انانيين ؟؟!
وما يحبون الا انفسهم ؟!
هذي قوية وما ينسكت عنها مع كامل الاحترام لك اخي شاغل !

واذا كان قصدك لاني وضحت وجهة نظري في ان العودة هي الافضل يا ياسر
صرت انانية وما احب الا نفسي وماتهمني مصلحة ياسر ؟!
والسلبيات اللي ذكرتها , وتاريخ ياسر اللي ممكن يضيع في يوم وليلة ؟!
كل هذا بسبب قرار واحد فيه مخاطره كبيرة من ياسر

مصلحة ياسر في العودة , وللحفاظ على تاريخ ياسر الكبير يجب العودة
>> اذا كان هـ الرأي بنظرك له اني انظر فيه لمصلحتي وسعادتي
وماهمني ياسر , فـ اعتذر عن اكمال النقاش !


مشكلتكم ان نظرتكم للمستقبل سوداويه وسلبيه لانكم تريدونها ان تكون كذلك...لاتتكهنوا وتفتوا في اشياء لا يعلمها الا الله تعالى..

والايجابيات اللي ذكرتها ؟! هذي أيضا تبين ان نظرتي سوداوية وسلبيه ؟!
لم أتكهن , هي فقط احتمالات متوقعه وطرحتها .. اما سلبية او ايجابية !
ووش قصدك في اننا حنا نبيها سوداوية ؟؟!
يعني حنا نتمنى الشر لياسر ؟!
يآآآكبرها من تهمة


نورت المكان يا شاغل , وأعتذر لك ان حسيت اني اخطيت عليك ..
لكن الاختلاف في الرأي لايفسد للود قضيه !
وشكرا لك ..

شاغل الناس وش فيك علينا
ترى ماأحد يحب ياسر أكثر منا واذا طالبنا بعوده ياسر للهلال تراها مو انانيه بالعكس احنا نبي الخير لياسر والافضل لياسر ولتاريخه العوده للهلال
لان الهلال يحتاج ياسر وياسر يحب الهلال وجمهور الهلال يعشق ياسر

واعتقد اختي مسانده ياسر ردت عليك وما ازيد على كلامها


مسانده ياسر يعطيك العافيه موضوع رائع تشكرين عليه
والله يفرح قلوبنا برجعت ياسر للهلال عاجلا غير آجل

اذا كان صدق عبدالله بن مساعد يحارب ياسر

اقوله حسبي الله عليك والله ياااااااااااااخذك من الهلال

والله مدري ايش اقول لكن مثل ماقلتي القرار مؤثر في تاريخه المرصع بـ الدهب

والله يوفق ياسر راح ولابقاء يبقى نجمي الاول

هل اذا عاد ياسر للهلال سيعتزل في الهلال ؟؟!!
خالد عزيز هل سيعتزل في الهلال ؟
عمر الغامدي سيعتزل في الهلال ؟
بدر الخراشي ثاني هداف في دوري زين انتقل من الهلال الى الفيصلي !
هناك من يهجر النجوم من الهلال سواء نجوم كبار او مواهب

سامي في اخر مقابلة له مع التويجري قال لن يعود ياسر للهلال ؟ واضح من يسير امور البيت الهلالي ؟ وواضح اكثر من يدمر الهلال بقراراته واهوائه
هناك انباء عن مفاوضات بين الهلال وعماد الحوسني واخرى مع مهاجم الاتفاق السالم

اختلف معكم في نقطة لاعب اجنبي ؟ لو كان فكرتكم صحيحة لن نرى ابداع ميسي الارجنتيني مع برشلونة الاسباني , ولن نرى هاتريك البرتغالي كريستيانو مع ريال مدريد الاسباني معناها ميسي سيظل في دوري الارجنتين وكريستيانو في الدوري البرتغالي ؟!

اخيرا الله يكتب لياسر كل خير سواء في العين او الهلال

عوافي

اختي (مساندة ياسر):
عفوا بس فيه اشياء حبيت اوضحها : انا لما قلت ياسر سيكون الخيار الثالث ماكنت اقصد مستواه لان مثل ماقلتي فرق السما عن الارض بينه وبينهم بل على المبلغ المدفوع والتدخلات وحضرتج تعرفين ان الامر ليس بيد المدرب المغلوب على امره ...ياسر بفلوس ولكن ماشم ريحتهم مثل ماعرفنا وساكت خايف على مشاعرهم
بالنسبه للجمهور الهلالي مايرحم....بس بسألج الجمهور لما دروا ان ياسر اعير بالمره الاولى تظاهروا بالنادي ..الاداره شنو سوت؟ اذن من طين واذن من عجين وما اعتقد بتنكرين هالشي.....ادارة طنش تنتعش.
ياعزيزتي : الشباب الاماراتي اللي مو عاجب الكثير احرج الهلال بالذهاب والاياب...الجزيره الاماراتي متصدر مجموعته....بني ياس يقابل الهلال وماتقدرين تجزمين بالنتيجه لان بكورة القدم ماكو شي اسمه منطق والا جان برشلونه (استحوذ) على كل الالقاب...وبما ان الشيء بالشيء يذكر....الهلال بعز مجده ومستواه فاز عليه الغرافه بالاربعه......
لنفرض جدلا ان العين بيستبعد ياسر....وين المشكله اذا باعه لاي نادي؟؟ المشكله انكم تطالبون بالاحتراف واذا طبقوه اشتكيتوا منه..الندم وقتها سيطال من تخلوا عنه وهذا اللي صار للهلال.يعني الرابح الاكبر ياسر والنادي المنضم اليه........راؤوول من عقب الريال وشالكه راح السد وبيعتزل فيه شصار بالدنيا؟؟؟؟انا اقولج ليش تبونها سوداويه وانانيين لانكم تطالبونه بالعوده للهلال بوجود هالاداره اللي اصلا انحاش بسببها وبليز لاتقولون النادي ليس ملك لهم ...وقاعدين تعذربون بالعين عشان مايقعد فيه.
اختي العزيزه: يعني بصراحه بعد الاعتزال الجماهير شتبي باللاعب .مو اللي يهمها مايقدمه بالملعب؟ عيل ليش بتلحقونه حتى واهو معتزل خلاااص بعد الاعتزال بيتفرغ لحياته الخاصه واصلا اهو صرح انه مارح يدش الوسط الرياضي بعدالاعتزال..اللاعب نهايته الاعتزال.....واحب اطمنج ان التاريخ لاااااايمحى ابدا ابدا لانه حقيقه وقعت ........
عزيزتي الحين انتوا ليش حبيتوا ياسر واخلصتوله ولاحقتوه بكل مكان وتابعتوا فريق لعيونه و...و....و؟؟؟؟ليش تحسسوني انكم تسوون كل هالشي بدون مقابل وتمنون عليه بالمحبه؟؟ موياسر اللي بادلكم الحب والتعب والحماس والقهر واحترق عشانكم ولعب وجماهير الخصم تهتف بعرضه ورفض الاغراءات الماديه وضحى بصحته عشانكم؟؟؟
حبايبي والله اني اقول هالكلام من قهري من الاداره اللي كانت بكل مقابله تحط اسمه مع الخمه سعد ومالك ولما راح العين قالوا رغبته عشان الجماهير تسكت وما اعلنوا شنوا الاسباب اللي خلته يصر على هالقرار والمشكله هندسوا صفقات عاللي انتقدوهم .....ومثل ما قلتلكم انا جمهووور ياسر وليس الهلال والعين يعني ماعندي مشكله وين بيروح لاني بتم وراه وكثيييير راهنت عليه وكسبت الرهان والحمدلله......
مساندة ياسر مثل ماقلتي الاختلاف لايفسد للود قضيه وتبقى الاراء وجهة نظر صاحبها وكل واحد ادلى بدلوه في هذا الموضوع كل له اسبابه وتأويلاته وتحليلاته.............

يعطيك الف عافية
والله اشتقنا لياسر ولعبة وكله ياليت السنة الجايه نشوفه يلعب مع الهلال لانه ترك مسااحة كبيرة في ملعب وقلوب محبية :"(