بسم الله الرحمن الرحيم

السلام عليكم ورحمة الله وبركاته

للأسف الشديد جمييع الأخبار سواء في البرامج التلفزيونيه
او الصحف وحتى تويتر تؤكد بيع عقد ياسر للعين !!!
حتى الرئيس نفى الإعاره فقط ولم ينفي بيع العقد !!!
كالعاده يتلاعب بالكلمات و يستغفل الجماهير !!!
لكن لنكن صريحين وبعيدين عن المثالية الزائفه ونتكلم عن سبب عدم عودة ياسر للهلال وهو الذي كان في الموسم الماضي يؤكد لنا من خلال لقاءه في الموقع هنا بأنه :
لايتخيل نفسه بشعار فريق غير الهلال !! والآن فجأه لايرغب في العوده والسبب عضو الشرف ( المتسلط ) الذي لا يرغب بعودة ياسر وهذا ما ذكره الصحفي بجريدة الجزيره فهد السبيعي في تويتر .. وذكره صحفيون آخرون ومصادر كثيرون لا مجال لذكرهم هنا ..
ايضاً ما يثبت كلامي تصاريح هذا الشرفي ( الغريبه )
والتي لا تكون إلا على ياسر فقط من بين جميع اللاعبين !!!
أقول أخطأت يا ياسر إذا جعلت هذا السبب في مخيلتك .. لأن الهلال بتاريخه الكبير لم يكن حكراً و ملكاً لأحد .. فما بالك بشخص دمر الهلال خلال رئاسته .. وتلقى الهزائم الكارثيه
من خماسيات الشارقه و الأهلي في عهده وكادت هيبة الهلال تضيع لولا الله ثم جماهيره الكبيره التي طالبت بإستقالته .. وأصبح منبوذاً من الجماهير ..
أتمنى أن لا تنظر لهذا الشخص الذي همه الوحيد المال والاستثمار وليس إفادة الهلال ..
انظر لرجالات الهلال الأوفياء كبندر بن محمد ( نائب رئيس هيئة أعضاء الشرف ) الذي كان
من أكبر المعارضين لإعارتك وهو الذي يتبوأ منصب أكبر من ذلك الشرفي
انظر للجماهير الوفيه التي تقطع الأميال و المسافات لمشاهدتك وتنتظر عودتك للهلال بشغف
ألم تشاهد أعدادهم عندما افتتحت الكوفي شوب ؟!
ألا تفكر في هذه الجماهير العاشقه ؟!
هل من المعقول أن تحكر الهلال على هذا الشرفي الذي لا يهمه إلا نفسه وأمواله؟!
هل تريد أن تختم مسيرتك في الملاعب في نادي غير الهلال الذي كان حلمك ؟!


في الأخير : أتمنى أن لا تنسى يا ياسر الوعد الذي قلته في خطاب الإعاره :
(( وأنا واثق بإذن الله أنني سوف أعود والهلال وأنتم وأنا أقوى وأفضل ))

أتمنى أن لا تنساه يا ياسر ..

كتبت هذا الموضوع وأنا على عجاله .. بسبب توالي الاخبار المزعجه والتي أتمنى
أن لا تتحقق .. أتمنى ان الفكره وصلت لياسر أولاً ولمحبينه ثانياً

دمـــتـــم بمحبــه

للمره المليون نقولها القرار بيد ياسر
وحده لاتضغطون عليه اللي يتكلمون
اتركوهم يتكلمون مثل مايبون وخلونا نضحك
عليهم ومهما كان قرار ياسر راح نصفق له
ونقوله موفق ياكابتن ونحنا معاك وين ماتروح
خليهم يقولو علينا نحنا جمهور لاعب ونحنا راح
نثبت لهم إننا جمهور متعه كرويه نبحث عنها

يعطيك العافيه
ياليت هالكلام يوصل لياسر
بصراحه شي صعب إنا ننتظر نهاية الموسم حتى يعود لنا وبالأخير نتفاجأببيع العقد
قوييييييييييه بحق ياسر
والله العين ماهو دايم لياسر مثل الهلال عند أي إخفاق يطردون المدرب والأجانب وياسر لاعب أجنبي آسيوي
وساعتها وش مصير ياسر بيعتزل ثم بيقولون يوم فشل اعتزل
عاد أنا موتي ولاأسمع هالكلمه على ياسر
والأفضل عودة ياسر وتحقيق إنجازات مع الهلال وبعدها يعتزل بأحسن صووووووووووووووره \
لازم ياسر يرجع لاأحد يقول أنانيين ولاتضغطون عليه هذي ماهي أنانيه ولاهي ضغوووط مصلحة ياسر بالهلال صدقني ياياسر صدقني

روووعه كلامك ياسمو وبخاخ ازرق بس والله ملينا واحد يقول مصادري مؤكده اشتروا عقده ب٣٠ مليون واحد يقول لا مستحيل راح يرجع تكفى يا ابو عزوز ريح محبينك قاعدين على اعصابنا نقول الله يوفقه ووين ماراح .. على انا ميتين انك ترجع للهلال فتكفئ فتكفئ لا أطول علينا ياااارب تسمعنا وتحس فينا ياااااارب.

انا معك لان كل كلامك عين العقل وصح
لان ياسر مكانه الهلال والهلال ولاشي من دون ياسر
حنا مانبغاء نضغط على ياسر القرار بيد ياسر
يس على حسب ماسمعت وماقريت ان ياسر راجع
الهلال اسال الله التوفيق لقنآآآصنآآآآآآآآ وين ماكان
ياليت كلامك ياصل لياسر وشكرآآآآآآآ يسلمووووو

بأذن اللي ماتنام عينه ياسر راجع لهلالناااا

طيب حبايبي سكرو الموضوع عشان م نشوش ع ياسر ..

خلو كل شي بوقته ترى بججد ملينا من انتقل ياسر وهم نفس الكلام يرددونه م تعبتو م مليتو ؟؟

مثل م قال ياسر لكل حادث حديث سكرو الموضوع واللي كاتبه ربكم بيصير رضينا والا انرضينا ..

الله يكتتب لك اللي فيه الخير ي ياسر ..

موضوووع أكثر من رائع كللامك عين العقل ياسر تعبنا وتعيت أعصابنا وربي يشهد
ياسر لاعب مواطن في فريق ولا محترف المحترف يحملونه أي إخفاق. وممكن فيه شهر يتخلون عنك
ياسر الهلال هو ناديك ونحن بنتظارك أنا قريت ردود جماهير العين يقلون 30 مليون مبالغ فيه
إذا حمهور العين ساندك حتى جمهور الهلال وفي معك مثل وفاك معنا اللي يقلون نشتت
ذهن ياسر أقووله الموسوم وانتهى خلااص ياسر وعد الحر دين عليه

لو ما كان ملكا لاحد جان ما تحكموا فيه وباللي ينتميله........ياسر لن يعوووود الا اذا بالغت ادارة المال بالمطالب ورفض العيييييييين........
حبيبي بخاخ ازرق بالنسبه للي يقولون ان 30 مليون كثيره على ياسر اولا من ناحية كثيره فهي فعلا كثيره بغض النظر عن انه ياسر او غيره مع اني اعلم ان ياسر ليس كغيره.ثانيا مادفعوا من جيوب اللي خلفوهم عشان يولولون..ثالثا ادارة العين هدفها ثلاث سنين جدام يعني اذا ماحققت اسيا السنه الجايه اللي وراها ماكو اي مشكله عندهم لانهم هالسنه كانو يبون الدوري وحصلوووه ادارات الامارات يخططون ليجدام ولا تأخذهم اهواء اي عضو باتخاذ اي قرار عندك نادي الجزيره ثلاث سنين نفس المحترفين اول سنه ما حصلوا الدوري وصبروا عليهم ثاني سنه حققوا ثنائيه والحين ينافسون باسيا بدون اي خساره..
اما عن ياسر والهلال عندك جياااااان ضحى بالدوري الانجليزي اقوى دوري بالعالم وقعد بالعين .....ادارة العين محد يجرؤ يتحكم فيها لا لاعب سابق ولا عضوشرف......ياسر كل هالسنين قالوا مستواه نازل ومع ذلك يحسملهم دوري وكؤووس واهو نفسيا وبدنيا لا يخفى على احد شلون كان.........الحين يحسم دوري واهو مرتاح نفسيا وعقليا وجسديا وماديا .......اذا الله كتب لياسر البقاء في العين فباذنه تعالى لن يحصل على اسياا الا العييييييييين فقط لاغيييير .....

شاغل الناس والله ياخوفي يطلعون من المجموعه ويتحمل ياسر كل شي وساعتها ماينفع الندم ...................
وأنا مع كلام شماليه كوول إن الجمهور اللي تابعه وشجعه وتحمس له هالموسم ممكن ينساه الموسم الجاي لأنه خلااااص راح الحماس والشوق ....
والخوف إن البعض من المحبين يكرهونه لأنه وعد وماأوفى ...
إن شاء الله مايصير هالشي بس لازم نضع كل الإحتمالات ....
ونتمنى من ياسر يقدر هالمحبه وهالشوق ويطمنا ..........

صحيح انا اقول ان الجمهور ماراح يتابعه لو جلس الموسم الجاي مثل الموسم هذا راح يمل وثانيا راح يزعل
لان ياسر وعد وما اوفى وانا صراحه بزعل لاني انتظر الايام تمر لاجل نشوف ياسر بالرقم 20 وبالتي شيرت الازرق
وفي الاخير مايرجع صراحه شئ يقهر
ياسر مكانك بالهلال غير وجمهورك بالملايين لا تتركهم شوف شوقهم لك ايش سوى يوم افتتاح الكوفي الشوراع وتسكرت كله لشوفتك

انا انتظر اليوم اللي تدخل فيه ملعب الملك فهد وبالرقم 20 ابي اشوف فرحة الجماهير واحتفالهم برجعتك. ... تكفى ياسر ارجع .