السلام عليكم
أبدخل بالموضوع على طول
الكل ينتظر قرار ياسر الاخير بشأن العوده لهلال من عدمها
والانباء كلها تشير إلى عدم العوده خاصه تغريدة ياسر الاخيره
أنا عندي وجهة نظر أقول فيها
ياياسر أنت كسبت محبة الصغير قبل الكبير في العين وكلهم يحبونك وأصبحت نجمهم الأول بلا منازع أصبح الكل يرتدي رقمك 9 وأصبح اسمك يكتب على السيارات وهذ إن دل يدل على شعبيتك الجارفه وعلى أخلاقك العاليه وروحك وإخلاصك في الملعب وقبل كل هذا لعبك وفنك
وتستاهل هالمحبه والله يزيدها يااارب
وأكيد هالمحبه جت لأنك تعتبر نجحت معهم في تجربتك هالموسم وأصبحتم قريبين من البطوله بعد ماكانوا على مشارف الهبوط الموسم الماضي فأكيد إنك ساهمت بها الشي لهم
هذا النجاح وهذي المحبه هالموسم فقط وماأحد يدري وش بيصير الموسم القادم (الله أعلم )
فمن الممكن لاسمح الله إذا قررت البقاء بالعين ألا يكون الموسم الثاني ناجح خاصه وإن الدوري الأماراتي كل سنه له بطل ماأحد محتكره والشي الثاني والأهم أن العين بالآسيويه الموسم القادم وربما لن يتأهلوا والفرق الاماراتيه معروفه في آسيا ليست بتلك الفرق وصدقني ياياسر اللوم ساعتها بيكون عليك أنت \
فأنت محسوب لاعب أجنبي ولن يرضي لجماهير العيناويه الخروج وممكن يتحول المطالبه بك إلى مطالبه بالأستغناء عنك لاسمح الله
فحبذا ياياسر لو تترك ذكرى هالموسم الجميل بالنسبه للأمه العيناويه ذكرى جميله عنك وكلما حل اسمك قالوا ( الله يذكر أيامه بالخير ) بدلا من أن يقولوا جبناه ومافادنا بشي
فأنت لاعب ذكي ودائما ماتزن الامور وأتمنى منك إنك ماتغلط هالغلطه لأننا نحبك
ولانريد أن نرى اليوم اللي يطالبون فيه بالاستغناء عنك
فكلنا نذكر هجوم بعض جماهيرهم عليك بعد مباراة الجزيره التي انتهت لصالح الجزيره 4\0 ماذا قالوا ذكروا بأنك محسوب عليهم لاعب أجنبي ولم تستطيع أن تنتشل الفريق
صدقني ياياسر هالمحبه ممكن أن تنقلب بيوم وليله بسبب نتيجة مباراه
ياسر نرجوك أن تعود لبيتك وعشقك الأول وأنت معزز مكرم وترى كلنا شوق لك مع الهلال
ياسر نرجوك عد للهلال فالكل بانتظارك
ياسر لاتصدمنا بقرار التجديد فيكفينا صدمة قرار الإعاره
هذي وجهة نظري الخاصه فرجاء لاتهاجموني واقبلوها بكل ود

والله ياليت يجدد مع العين ..

حنا عندنا الكورة نفسيات و ماتقدر تبدع الا وانت ملعووون سالف سالفك :(

فااتمنى من كل قلبي يجدد للعيــن

بإذن الله بيرجع ..
يعطيك العافيه ع الموضوع

مؤلم حديثك ولكن يبدو ان الامور تسير عكس مانريد ياسر في الهلال يقال انه يتعرض لحرب قذررة من بعض منسوبي الادارة
على راسهم اخ الرئيس واذا عاد سيكون احتياط الى ان يتم تطفيشه من النادي

نتمنى ياسر يرجع للزعيم لانه ياسر لاعب نجم وكبير ولا يليق به الا الاندية الكبيرة
ولكن تتوقع اخوي لو كان مرتاح في الهلال بيرفض يرجع
الادارة الحالية للاسف فرطت في نجوم كبار يتمناهم كل نادي كبير الدعيع وعزيز والغامدي الي كان اهم محور في المنتخب والان شوف ابداعه مع نادي الشباب
والطامة الكبرى اعارة ياسر بحجة مستواه النازل والادهى جابو بداله الطينة الحارثي وكنهم طايحين على كنز !؟
ادارة تحارب النجوم والدليل الفريدي والمحياني وهوساوي الموسم القادم كلهم اوت

نادي الهلال مع الادارة الحالية وضعه مخيف ولايبشر بالخير
خصوصا ان الرئيس اعطى سامي الصلاحية في التطفيش
اذا ياسر بيرجع مع الادارة الحالية ما اعتقد بيرتاح
وش رايك يقبل عرض نادي النصر ؟ خصوصا ان احد اعضاء شرف الهلال المؤثرين في القرار ( نصراوي )!!
انا عندي يبقى في العين ولا اشوفه يلعب في نادي النصر
وياسر قالها الخيرة فيما اختاره الله ,, ونعم بالله
كلنا نتألم اذا ياسر ما رجع لكن الاهم يختار مصلحته

ما أدري وش اقـــول بـس اللــي يــعــرفــه
إن هالــمــوضـــــوع يـــوتــــرنــــي بـشـكـل عـجـيـب ولا أقــدر أعـلـق بـشـيء ..

عــوافــي على الـكـلام الـرائـــع ..

أنت محسوب لاعب أجنبي
هالسبب كافي ..
الهلال بيته الاول ومحبيه بإنتظاره وتجديده للعين ان حصل (مع كل التقدير للعين)هي انتصار للي حاربوه داخل نادي الهلال..
خاصه ان احدهم هو اللي دبر الاعاره

الله يجيب اللي فيه الخير ان شاءالله

الله يوفقه يارب

الكابتن بين اختيارين امايتحمل الضغوط ويرجع للهلال لجل رضى الجماهير.!
والايجدد للعين لجل راحته والابتعادعن الضغط وشحن الاعلام المنحدر.؟

يارب يرجع لهلال. من جد اشتقالط