والله. كفيت وفيت.ياخوي

ياليت كل ناس زيك. ربي لا يحرمنا من تواجدك

في شبكة القناص.ومن كلامك الواقعي

صح لسااااااانك ياخوي .. وكثر الله من أمثالك

لاتحرمنا من ابدآع قلمك الرائع .

بصراحه مدري وش اقول بالضبط
لكن وبصراحه اي شي يسويه ياسر او يقوله تكون ردة الفعل له مبالغ فيها بشكل كبييييييير
والا على قولة احد الجماهير تعرضنا لظلم من لجان وتحكيم ولا شفنا ردة هالفعل من بعض الجمهور
كلامي مو معناه اني مؤيده لما غرد به ياسر
والله انه مافيه احد يجاريني بحبي للكابتن وخوفي عليه لدرجة ان مزاجي في اليوم كله يتحدد على حسب الكابتن وصحته وراحته متصورين هالشي
ويبقى ياسر هو نجمي الاول ولن تنجب الملاعب مثله في نظري
لكن فعلا من يوم غرد بتويتر وانا متضايقه بالحييييل
ياسر واللي يرحم والديك ارحمنا حنا كجمهور ومحبين لك
والله بعض الجمهور من يوم غردت وهو مسنتر بتويتر يدافع عنك ويبرر تغريداتك
ياسر انت قاعد تحط بعض الجمهور في موقف محرج وهو يدافع عنك
والله ان بعض تصاريحك تأثر علينا حنا لاننا مانبيك الا تكون كامل ولا تدخل صدام مع اي احد
فمابالك وهالأحد هو جمهور الهلال
ياسر المواجهه مع جمهور النادي مواجهه خاسره
ياكابتن كنت تقدر تثني على جمهور العين ولا احد بيلومك الا كلنا نشكر جمهور العين معك
بس من غير لاتجيب طاري جمهور الهلال وكأنك تقارن بين الجمهورين حتى لوكان قصدك عدم المقارنه
انت فتحت ابواب لناس كثييييير تدخل بينك وبين جمهور الهلال بهالتغريده
والدليل شوف مانشيت صحيفة الرياضي وعنوانها المستفز اللي افردت له كل هالمساحه وكأنه حدث رياضي تاريخي لا يتكرر
مع اني عارفه وواثقه وابصم بالعشره ان ياسر ماكان قصده اي مقارنه او اسائه لجمهور الهلال بس كلامك بهالطريقه فتح باب للكلام والاخذ والرد
امدح جمهور العين من غير لاتجيب طاري جمهور الهلال بالتغريده اللي قبلها حتى لاتؤخذ وكانها مقارنه بين الجمهورين
هذا غير تغريدتك اللي عن ايمانا
اسألك بالله ياياسر وش استفدت من هالتغريده الغامضه الا فتح باب للتأويلات الخاطئه
ودخول في متاهات من قيل وقال اللي ماعهدناها عنك ياياسر وعلى مين على عشقك وعشقنا الهلال
المشكله انك عارف اعلامنا وعارف وشلون بيستغلون كلامك ويوظفونه للاساءه للهلال وجماهيره وانا مـتأكده مايرضيك هالشيء
استخدمت ياياسر اسلوب التلميح بسالفة ايمانا وكأن ايمانا وقع ضحيه لاجواء غير صحيه حتى لو لم تقصد هالمعنى كلامك بهالشكل هو اللي فتح باب للتأويل
ياسر مثلك لايعلم ولا يقال له افعل ولا تفعل اذا فيه اي شي مهم بخصوص ايمانا عندك الامير عبدالرحمن تقدر تتواصل معه بشكل مباشر وتوضح له اللي تبي تقوله بدل من ان تغرد تغريده غامضه تفتح باب للتأويلات على عشقك الهلال وكأن فيه شي خطأ بالهلال
المفروض ياياسر تكون اكثر حذر
للأسف ياياسر انت اللي تجيب الكلام لنفسك وترجع للضغوط اللي بعدت عنها وشفنا اثر بعدك عن هالضغوط في مستواك
لكن هالمره انت اللي قاعد ترجعها لك بيديك ومن من ؟ من جمهور الهلال هالمره
بصراحه ياكابتن انت من يجلب لنفسه الضغوط
ياسر انت تقول فيه ناس تحاول تزرع الفتنه بيني وبين جمهور الهلال
قولي ياياسر من اللي سمح لهم ؟
انت ياياسر ببعض تصاريحك وتغريداتك الغير محسوبه عطيتهم البذره والمويه بعد علشان يزرعون هالفتنه
انت عارف الوضع الاعلامي عندنا وعارف ان فيه ناس تحاول تدور اي زله عليك علشان تشوه صورتك قدام الجماهير الهلاليه فليش تسمح لهم من الاساس
ياسر عدم السماح لهم مو انك تغرد بتويتر ان جمهور الهلال وجمهور ياسر خط احمر عندك
لا وانا اختك ماتسمح لهم بانك ماتخلي اي مجال لهم يدخلون فيه بينك وبين الجمهور الهلالي اللي عشقك وحبك وقطع مسافات معك للعين علشان يحضر لك مباريات وتمارين ويشوفك ويساندك

ياسر انت تقول ان فيه ناس حاقده وفيه ناس مرضى ليش تعطيهم مجال على قولة احد الجمهور يقول انت ياياسر مو معطيهم مجال الا معطيهم فضاء كامل متكامل بفضل تصاريحك والغريب انك رجل ذكي ولاعب ذكي


انا بالنسبه لي فهمت من كل هالتغريدات انه ماتبي ترجع للهلال وتبي تظل بالعين
ياسر مااحد يلومك لانك لقيت الراحه النفسيه بس ياياسر كل رجائي انك تبقى بالعين وانت محافظ على جمهور الهلال وتقديرهم لك ولا تلمح بانك تريد البقاء بالعين ابدا" خلها مثل الاعاره ببداية الموسم ماطلع منك اي تصريح او تلميح بانك موافق على الاعاره الا بعد ماتمت صدقني لو تمددت الاعاره بيكون تفسير تغريداتك هو لانك تريد البقاء في العين ولا تريد العوده للهلال
اتفق مع الامير بالسر وبعدها اعلنو الامر نفس موضوع الاعاره

ياسر انت بهالتغريدات فتحت مجال للاعلام وجبت لنفسك القيل والقال والكلام حولك وخوفي ان هالشي يؤثر على تركيزك مع العين
ياكابتن انت رايح للامارات ومبتعد عن الصحافه وبعض الجماهير الغير واعيه وش اللي حادك تصرح بتصاريح مستفزه وتجلب الكلام حولك

كل اللي ابيه ويبيه اي هلالي ومحب لياسر هو عودة ياسر اللي يرد في الملعب ويسد فم كل من تكلم عليه
لكن هالشي مايجي بالتمني والوقوف على الاطلال لا يجي بالتركيز والبعد عن اي شي ممكن يشتت انتباهك او ممكن انه يشكل ضغط عليك وبالمحافظه على تمارينك والعمل على معالجة اي قصور فني عندك
كلمه اخيره ياياسر قلتها من قبل وباعيدها
تفرغ بهالوقت للعين واترك اي شي ثاني ممكن انه يشغلك عن التركيز مع العين
بالتوفيق ياكابتن

يسأل البعض ..

لماذا ياسر يكون معه هذا الفعل ؟


بالطبع لأنه ( ياسر ) فقط ..
لانه ( المختلف ) ,
لانه ( المزعج لهم )






اهلا بمن تجدد والشكر لكم ايضأ وامتناني لكم ..

كبرتوا الموضوع من دون تبرير
وخليتوا الموضوع ذل و مهينه


العين كرَم ياسر بحسن تقدير
وياسر يرد الدين لـ مضيّفينه


ومحرف الكلمه عقيم التفاكير
بانت نوايا خطــته والضغينه


بقول له كلمه تخلف به السير
(تبطي عظم) تمحي جمايل سنينه
صـح لـسـانـك مـحـمـد ..

وربي يقولون اللي يقولونه مستحيل تتغير محبة

يــــاســــــر في قــلــوبـنــا

الله يكثر من امثالكم لـ قـنـاصـِنــا

ماهو شي جديد تعود ياسر وحنا تعودنا علي الأشكال اللي مثل كذا وو الكلام يطول برد عليهم

ما قصصرت خيي كفيت ووفيت من جد
طررررح ولا اروووووع للقناااااص
يعطيك الف الف عاااافيه
لاهننننت

الف الف شكر اخوي ع الموضوع
عبرت عما في قلوب حماهير الهلال
"اقتباس "


نعيد تكرارأ . ( سيظل الآسر .. آسر للقلوب .)
وستظل الأمة الزرقاء وبصوت 90% منها ينتظرون عودتك بشغف
ونحن على موعد إغلاق ممرات المطار وتكرار مشهد إستقبالك الآسيوي الشهير ..

أما الـ 10% المتبقيه فـهي ( 10 طواقي ) ,,! في إحدى السرادق والأزقه
تملك إشتراكأ لمدة شهر مجاني
اصحابها هزيلي فكر و عقل اصحاب امراض يستعصي علاجها ..!