بن خوري ينجوا مني بالرصة وفزعة خويــّـه - شبكة القناص

هلالي وان جار الزمن · 13-05-2006, 01:00 AM

بن خوري

اول شيء لازم أعرفكم على بن خوري

في الثمانينات كنت اسمع بشخصية بن خوري ..
وكنت اعتقد انها شخصية أسطورية مثل السندباد وجحا وموكلي فتى الادغال
ومع مرور الايام والسنين أكتشفت ان بن خوري هو الصديق الصدوق لياسر القحطاني
وشائت الاقدار ان اتعرف على هذا الانسان
وكان يوم نحس علي p17

بعد معرفتي ببن خوري ..
اكتشفت انه انسان حالم ورومانسي وواضح وصريح ..
وطيب واللي في قلبه على لسانه ..
وكريم وشهم وقوي
وما عنده في اطلق شنب

تـحـدي الـبـلوت :(

كنت في الشرقية خلال الايام الثلاثة الماضية ..
وقابلت فيها طيب الذكر بن خوري ..
ورحنا شاطيء بيروت
وافطرنا في بوفية السعادة
وقضينا ساعات حلوة مع بعض

وجلسنا نسولف عن البلوت ..
وتحدينا بعض ..
واتفقنا ان المهزوم يكتب موضوع عن هزيمته في القناص
وعشاني كنت ادري انه اذا انهزم ما راح يكتب موضوع خليته يهزمني << عاش مصرف

اجتمعنا حنا الاربعة .. وبدئنا اللعب ..
كان خويي حاتم .. وكان خوي بن خوري ابوتيا ..
وخلوني اعطيكم معلومات سريعة عن خويي الغشيم
اول شيء ما يعرف يمسك الورقة
ثاني شيء ما يرفع راسه وقت اللعب
ثالث شيء ما يلعب اشارات
رابع شيء ما يعرف يقطع
خامس شيء ما يشتري << طول اللعب ما اشترى الا مرة وحده وخسر
وفوق هذا ما يعرف يرص ولا يتفرنك ولا يقص :D

بالعربي كنت العب لحالي ضد بن خوري وابوتيا

بدأ اللعب ..
فاز بن خوري وخوييه في الصكة الاولى بجدارة :D
وبدئنا الصكة الثانية ..
وكانت حامية الوطيس ..
ومليئة بالاثارة ..
وفزنا عليهم في الاشواط الاضافية :D
وانتهت الصكة الثانية وحنا 60 برى وهم 58 برى << يلعن ام النتيجة :D

الـصـكــّة الـفـاصـلـة

بدئت الصكة الفاصلة ..
واكتسحناهم انا وخويي << اللي كان وجوده زي عدمه
ووصلت النتيجة الى :
حنا 42 برى .. << برى يعني بعد الميه :D
وهم 40 جوى .. << جوى يعني تحت الميه
يعني كان الفرق بيننا اكثر من ميه ..
وكنا على قاب قوسين او ادنى من الفوز ..
جاء ابوتيا وسى رصة محكمة ( اربعمائة تردفها مائة ) ..
وبعد ما رص اعطاني اقص ..
قلت روح << يعني ما قصيت :D
وزع الورق وقال الاول ..
قلنا كلنا بس ..
قال الثاني ..
جاء خويي اثابه الله :D وقال حكم ثاني
وحكم ثاني في الرصة معناها اشارة للخوي انه يتشري صن ..
اشتريت انا صن بناءً على كلام خويي ..
ووقع الفاس على الراس
ركبت الاربعمائة والمائة عند بن خوري
وبطبيعة الحال بعد هذي الرصة فاز بن خوري :D

نقاط سريعة

* الف مبروك يا بن خوري :D
وترى في كل الف صكة انهزم في تحدي :(

* خويي الدلخ
الشرهة موب عليك
على اللي يلعب معك مرة ثانية :D

* اللي قاهرني ان اللي سوى الرصة انا اللي معلمه البلوت :(

* عامل الارض والجمهور كان من صالح بن خوري :D
وموعدنا في الرياض
في مقبرة الخصوم

* بن خوري مستواه جيد في البلوت :D
ويجي منه

* على فكرة ..
انا ما احب المشاكل ..
بس يا ياسر 20 ويا روبن هود ..
ترى بن خوري يقول انكم غشيمين في البلوت :D

<< يا ويله p21

* تحياتي للجميع ..
وجزا الله هذه الصكة كل خير ..
اللتي اعادتني ( غصباً عني :D ) للمجلس ..

الامضاء :
عين . ضاء

هلالي ss · 13-05-2006, 01:10 AM

ههههههههههههههههههههههههههههههههههههههه

والله ما أدلخ من خويك إلا أنت .. أجل تباريه بدون جمهور

بن خوري لاعب كبير يقدم مستويات رائعه وهو كويس مره << === يتمصلح ولا عرف شلون p2

اما عن كلامك عن بن خوري يمكن ما شفته إلا مره والباقي هنا بالمنتدى فعلا إنسان بسيط جدا وعايش حياته .. وباين إن الي بقلبه على لسانه .. وإنسان ذواق .. كيف لا وهو يعشق فن ياسر ..

ابو ريان هنيئا لنا بقائد ( بلوتي ) محنك في ضل لعبك بمفردك مع الطبل خويك ولو أني منك كان بالأحمر مع الولاعه في جبهته .. ومعها الطفايه :D

يا بن خوري .. كما قالها ابو ريان للعيناويين

p9 على بياض .. الوعد الرياض p9

**وجـه سـهـآمـك** · 13-05-2006, 02:32 AM

هههههههههههههههههههههههههههههههه

الله يرجك يا هلالـي بصراحـه تمسيكة البيلوتـ متعـوب عليـها ..

أقتباس
اول شيء لازم أعرفكم على بن خوري

الله منوو بن خوري آتصدق اللحـس مخـي عشـانـ آعـرفـه ههههههه

على طاري بن خوري وهل يخفى القمـر ..

أقتباسفي الثمانينات كنت اسمع بشخصية بن خوري ..
وكنت اعتقد انها شخصية أسطورية مثل السندباد وجحا وموكلي فتى الادغال
ومع مرور الايام والسنين أكتشفت ان بن خوري هو الصديق الصدوق لياسر القحطاني
وشائت الاقدار ان اتعرف على هذا الانسان
وكان يوم نحس علي

آما في الثمانينياتـ .. وجحا وسندباد ونتـ رايـح متعوب عليها هذي ..

ونعم في بن خوري وفي بو سعيـد ..

أقتباس
بعد معرفتي ببن خوري ..
اكتشفت انه انسان حالم ورومانسي وواضح وصريح ..
وطيب واللي في قلبه على لسانه ..
وكريم وشهم وقوي
وما عنده في اطلق شنب

ههههههههههههههههههه كبير يا بن خوري

على فكرهـ ونت تتحدثـ عن الفتى الي يسمونـه ببن خـوري ..

جلست آفكر آقول هو ببن خوري ولا الشيـخ آمناحــي ..

من ناحيـه الرومنصيـه والصراحـه ببن خوري لاا تروحـ بعيـد ..

عرفت غنيـه خالد عبدالرحمن صارحيني ماطلعها الا عشان بن خوري ..

تدري ليه عرف آن بن خوري صريـح وقال صارحيني يبي صراحـة مثل صراحـه بن خوري << شف التشبيـه

أقتباس
تـحـدي الـبـلوت

كنت في الشرقية خلال الايام الثلاثة الماضية ..
وقابلت فيها طيب الذكر بن خوري ..
ورحنا شاطيء بيروت
وافطرنا في بوفية السعادة
وقضينا ساعات حلوة مع بعض

حياك الله ياهلالي با الشرقيـه تو مانورتـ الشرقيـه ونا آقول وش النـور هـذا ..

آما بوفية السـعـادة آقوول مشهورهـ الي وصلت لك يا هلالــي هههههههااي

عاد الشاطئ حدثـ ولاا حـرج مثل ماتقوولـ بيروتـ هههههههههههههههااي

أقتباس
وجلسنا نسولف عن البلوت ..
وتحدينا بعض ..
واتفقنا ان المهزوم يكتب موضوع عن هزيمته في القناص
وعشاني كنت ادري انه اذا انهزم ما راح يكتب موضوع خليته يهزمني << عاش مصرف

ياحبكم للـ فضايـح مرهـ وحدهـ الفضيحه في القنـاص .. هههههههااااي

آهـ لاا تقول بيلوتـ ترانـي خرمانـ بيلوتـ وعلى طاري البيلوتـ آهـ ياالكيـرم <<< وش جاب هذا لـ هذا

أقتباساول شيء ما يعرف يمسك الورقة
ثاني شيء ما يرفع راسه وقت اللعب
ثالث شيء ما يلعب اشارات
رابع شيء ما يعرف يقطع

خخخخخخخخخخخخخخخخخخخخ آوف كانـي آعانـي منهـا

اذا جاك الواحد خصووصا مايرفـع راسـه على الآقـل تآشـرلـه شله صـن

تكونـ آنتـ ماتبيـه وتبي خويـك ياخـذهـ ,, تشوفـ الدلاخـه تشتغـل عـند خويـك

ولااالزلاعـه اذا حنا برى وهو تحت وجاك واحد يسوي نفسه فنان يبي يرص

في الآخير يركبها للـي ضـدهـ واجـد تصـير خلها على ربك فـي البيلوتـ

على فكرهـ ترانـي من النوع الي ربعي مايبونـي آلعب واجد تدري ليـه

لآني من النوع اذا تحمست جلست آسرد با الصن اللعب الورقـه بقوى ماعندي

تشووف الورقـه ماتطولـ، على طوولـ تمـزع من كثر الطراخ في الميدانـ

أقتباس
* على فكرة ..
انا ما احب المشاكل ..
بس يا ياسر 20 ويا روبن هود ..
ترى بن خوري يقول انكم غشيمين في البلوت

هههههههههههههههه طلعت منها ياهلالـي وزحلقتها على بن خوري

.......................

**b l u e** · 13-05-2006, 04:41 AM

انا متـأكده لو أجي هزمتكم كلكم أنت وبن خوري << تحسبها حبشه !!

صراحه ما قد جربت أتعلم هاللعبه احسها صعبه مرة
بس الحين ودي أتعلم .. من يعلمني ؟

:

هــلاالي ( F )

..

**عبدالرحمن القحطاني** · 13-05-2006, 05:03 AM

أقتباسومع مرور الايام والسنين أكتشفت ان بن خوري هو الصديق الصدوق لياسر القحطاني
وشائت الاقدار ان اتعرف على هذا الانسان

بن خوري . . معرفته شرف و ربح . . علومه طيبه . . و مواقفه تشهد له . . و له غلا خاص عند الهـرش و عند ياسر براسه . . و جعله ذخر لنا و لمن يعزه و يغليه . .

ناهيكم عن شهرته في جميع المنتديات المجاوره و الكل يذكره بالخير . . و لا مهوب منه والله ألا من أسمه :D

أقتباسياسر 20 ويا روبن هود ..
ترى بن خوري يقول انكم غشيمين في البلوت

بن خوري معروف أنه الرجل الذي لا يقهر في البلوت . . و شي طبيعي أن اللي قدامه يتلقى الهزيمه . . و لاهيب غريبه . . الغريب أن أحد يفوز على بن خوري . . أما روبن و ياسر 20 . . والله هم أبطال في البلوت على ما سمعت . . بس يخقون قدام بن خوري . . و كل واحد يسابق الثاني من يلعب معه . . ولا أدري هالمعلومه صحيحه أو لا !!

و دام بن خوري دبل بـ آخر اللعب . . وش تبي آكثر من كذا p8

بس بـ ألعب معه قريب . . و أن شاء الله راح أبيد هالأسطوره البلوتيه :D

يا حبيلك يا بن خوري ..

**barca rulez** · 13-05-2006, 05:06 AM

مـرور .. ولـي عـوده ..

هلالي وان جار الزمن · 13-05-2006, 05:25 AM

هلالي SS

اقتباس: