بسم الله الرحمن الرحيم

مرحبا بكل الحلوين ...خاصة البنوتات الحلوات المزيونات

أتوقع أغلبكم إذا مو كلكم يستغرب العنوان...وش دخل!! مشاعل!! في حفل تخرجي؟؟!!

أبدأ من البدايه

!!مشاعل!! : عضوه محبوبة لبقه مع الأعضاء تدخل القلب ...تحترمها برضاك ولست مجبور عليه
تطورت علاقتي ب!!مشاعل!! في المسنجر للعلم أنا ومشاعل في المسنجر تقريبا!8شهور!!

قبل فتره قصيرة جداً تكلمت أنا ومشاعل عن رحلتنا اللي بتودينا المدرسة لها ومدري وش اللي خل مشاعل تسألني

وش أسم مدرستك؟؟

أنا: اسمها.....!!

هي : نصابه لا مستحيل احلفي من متى وأنتي هناك وشلون .....الخ

أنا:وش السالفة تعرفين احد هناك

هي : انا كنت ادرس فيها وطلعت قبل سنتين
<<<<يعني يوم كنت أنا في أول ثانوي
أنا :تعرفين الحين أحد فيها..

هي : أيه فلانة وفلانة....الخ
أنا :صدق طيب حتى انا اعرفهم

هي :خلاص قولي تعرفون مشاعل ال...

انا:اوكي


كنا بنسلوف انا وياها بس اضطرت أنها تسكر

عقب ما سكرت كان وقت غدا وانا ماقدرت اتغدا أفكر من هذي وأتذكر يمكني اعرفها ومدري ليش جات ي بالي وحده

وطيرااان على النت واستنى انها تدخل اول مادخلت

مشاعل سؤال ممكن
هي :لا

انا :خلصينا
هي: مو سؤال خذي راحتك اسئلي اللي تبين
انا تسلمين
أنا :مشاعل انتي اللي سويت أوبريت مع أستاذه البندري..
هي : لا يكوووووووووون انتي ريم ؟؟؟
أنا :ايه انا يا الشينه

وعلى طول صراخ إنا وياها ونصابه ومدري ويشلون ومن ها الكلام

المهم طلبت منها تحي حفل تخرجي وهي قالت انشاء الله أحاول

قبل يوم التخرج بيوم
الساعه 5 ونص العصر الاثنين 10\4\1427هـ -8\5\2006م

دخلت النت شوي وكانت فيه
وقلت لها بتجين بكره <<<<للعلم كنت مستعجله
قالت: مدري ما أتوقع
أنا: حاولي انك تجين زين يا الله مع السلامه
هي :زعلتي
انا : لا بس يا الله مع السلامه بطلع

<<<<<فعلاً كنت بطلع وأول ما سكرت النت وأنا بطلع حسيت انها تحسبني زعلانة بس من جد أنا مازعلت ولا شي
با العكس .... اذا جت باكون شاكرتها ومقدره جيتها وبتكون في قلبي ولا راح أنساها

واذا ماجت عاذرتها ولو هذي شعووول الغاليه


( يوم التخرج)

طبعاً ليله التخرج عجزت انام حتى استغفر الله مانمت الا قبل ما بذن الفجر بثواني فتحت عيوني ولا شمس قويه صاكه عيني وانا ظر الساعه ولاها 6ونص وخمس تأخرت في أغراض ما جهزتها وطيران اقفل المكيف واصحي خالتي واختي قومو تأخرنا ولا خ\حياة لمن تنادي

ريم روحي انتي وانا نجيك بعدين مدري وش اللي خلاني اناظر الساعه تونا 5 ونص اااااااااااااع حرام الخرعه
حتى اني انسدحت بكمل نومي خالتي فتحت عيونها ريم وراك ما رحتي انا و بكل حزن الساعه 5 ونص وهي خذ ضحك

المهم عجزت ارتاح قلت قومي ما يبيلها تجهزي خلاص
حتى اني صلحت لي شاهي وانا مو راعيه شاهي ويوم شربته اوجعني بطني يا الله وش ها اليوم المهم جهزت اغرضي وطيران على المدرسه

وانا كنت جالسه تجيني وحده من زميلاتي ريييييييييييييم الحقي شعوول جت
نصابه لا تكذبين علي .
والله ريم تعالي
رحت ادورها لين لقيتها كانت جالسه عند صديقاتها وكانت معطيتني ظهرها

أنا: مشاااااااااااااااااااااااااااااعل واصارخ

وهي قامت على طول
وخذ سلام ومشكوره تعبتك ومن ها الكلام هي قالت احسبك زعلتي على طول انا ضاق صدري صدق كنت حاسه انها زعلانه
وتكلمنا شوي <<<<<رغده حللينا حشينا فيك المهم
كان عندي فقرتين قبل فقره مسيره التخرج

1- عرض ازياء (عباره عن عرض للملابس الدول)
2- أوبريت( وبشهاده الحضور أحسن فقره)( كان عباره عن 1- مرثيه للملك فهد الله يرحمه.
2- بعدها شعر.
3- مبايعه للملك عبدالله الله يحفظه.
4- اغنيه (ملك الانسانيه).

5- بعدها المملكه تاج الديار.
6- عرضه.
7- يا سلامي عليكم يا السعودية. )


بعدين فقره وبعدها التخرج

تجهزنا وقعدنا في معمل الكيميا ء ننتظر دورنا مسيرتنا كانت عباره عن أبيات شعر في كل بنت بيت

اول من بدأ العلمي بعدين الادبي وكا فصلنا اخر فصل

مدري ليش في ذاك الوقت كنت خايفه وحاسه ان الارض مو شايلتني مع اني عادي اطلع ولا يهم حتى با البروفا ما جاني ها الاحساس

بس مدري ليش جاني ها الشعور جا دور فصلنا وصفينا حسب الترتيب كان ترتيبي الرابعه

طلعت الأولى وقلب يدق الثانيه وزاد دقات قلبي الثالثه خلاااااااص من جد مقدر
حتى في معلمتي مرتبينا اقولهم مابي اطلع تكفون الله يخليكم مابي
اول ما قال (اقبلت ريم ال..)<<<<يمديكم

وتدفني المعلمه عشان أطلع قدام الحضور ولا ارجع وطلعت وانا منزله راسي ومقدر خلااااص بدووووووووووووووخ

واسمع احد يناديني ولا التفت
رقيت على المسرح وانا ماسكه نفسي جت صديقتي أعز وحده عندي بعد قلبي وقفت جنبي حست اني فيني شي كل هذا وانا منزله راسي ما رفعته وتمسك يدي وانا على طووووووووووووووول ( هل دمعي لفرح اهلي) مقدر اصبر والبنات يهدون فيني وانا خلاص ما قدر

رفعت راسي طاحت عيني في عين أمـــــــــــــي ونزلت راسي على طول وما قدرت نزلت دموعي زياده رفعت راسي مره ثاني قي عيون اختي لقيت دموع تنزل وخلاص هنا ماقدرت خلصت المسيره بدت أغنيه الام (انتي امي لفرقه ميامي) خلاص انا مقدر اغني صديقتي تقول ريم والل يعافيك اسكتي انتي والنحيب حقك

خلصت الاغنيه وكرمونا ونزلت وانا ماسكه عمر وهاديه نوعا ما
ومشيت كل اللي حولي يكلموني اسمعهم ينادوني وانا لا حياة لمن تنادي عندي هدف واحد ورايحه لمه مشيت لين وصلت
طحت في حظنها وبكيت وماقدرت اتحمل (يمه أحبــــــــك) وهي تحاول تسكت فيني خلاص خلصتي دموع الناس
سلمت على خالتي وبنت خالتي وبنت عمتي واختي

وفي ها اللحظه

جت




!!مشاعل!! وسلمت علي وانا ابكي يا الله .... ما أقدر أوصف شعوري
!!مشاعل!! اسمحيلي ما أقدر أعبر


!!مشاعل!!


p9 حبي وتقديري واحترامي لكp9

اختي أنا سعوديه بصراحة قصة لقائك مع صديقتك مشاعل قصة حلوة بصراحة
وعجبتني كثير وفعلا الدنيا صغيرة سبحان ويمكن ما كنتي تتخيلي انه الي على الماسنجر هذي ممكن تكون معاكي
في مكان ما بيوم من الأيام ولكن نقول سبحان الله
ويوم التخرج اعتبره من أجمل ايام العمر وبجد ذكرتيني بالذي مضي وبكيت من الذكريات
صحيح يوم التخرج حقي ما كان معايا صحباتي العزيزات بس وجود امي كفاية الله يحفظ لنا امهاتنا
ومشهد لقائك مع امك والدموع أثر فيني كثير الله يخلي لك امي
وعقبال تذوقي حلاوة يوم التخرج من الجامعة وصدقيني هذاك اليوم بيكون
غير ونكهته مختلفة تماما
الحمد لله ان ربي جعل في حياة الانسان مناسبات جميلة ما ينساها ولا ما كانت حلوة حياتنا

مع أجمل وأرق تحية
اختك: شهرزاد

يا الله حرام عليك والله اني قاعده اصيح دخلت جو مع القصه..هههههه

الف مبروك التخرج ...

ما اتخيل اني في يوم من الايام اكتشف اني اعرف وحده من صديقاتي بالماسنجر..

بصراحه القصه مره حلوه تسلمين ياقلبي...

غـــــــ!ـلاي : ريمـــــو..،

ألـــــــــــــــــــــــف ألـــــــــــــف مبرووكـ التخــــــرج يااقمر ,

عقبـــــــــــال الجامعه , والرجــــــال ان شاء الله ..,



يارب بارك لها في عمرها, وعمـــلها , وعلمــها..,

يارب ارضـى عنــــها , وأرضي والديهـــا عليها , وحبب فيهــا خلقك..,

وبلـــــغها مراادها وحقق اللي في بالهــا ..,

وطــــــــول في عمرهــا, واشـــرح صدرها, وبعــد همومهـــا, واصــلح امرها يارب,

وخلهــــا عااقله وبعد عنها خبالها ..,

اللهــــــــــــــــــــــم آميـــــــــــــــن ..,

لاعاد انتـــــــــــي تآمرين أمر ..,

اذ1 سويتي شي غلـــــط استري على نفســـك..,

بعدين شووفي انـــا دعيتلك عشاان اقابل إساءتك بإحســــــان ..,

وأجــــري عند الله ..,

ريموو كش عليــــــــك..,


تستـــــــاهل مشااعل كل خيـــــر حتى انا شعووله لكـ حبي وتقديري مع انك حشيتي فيني بس عشان

تعرفوون شقد انا طيبه

القصه مررره حلوه.. مع ان فيها من الغرابه والصدفه كثير..
الله يوفقك انتي ومشاعل والله يخليكم لبعض ..
وبصراحه القصه عجبتني واتمنى تصير لي..

..
.
والله مدري شقوووووووول <------انربط لسااااانها
.
.
ريم اقل شي اقدر اقدمه لك هالشي ان ما حضرت حفل تخرجك واحلا يووم في حياتك وش بحضر اجل
فديت قلبك يالدوبا .. كنتي منوره الحفل:
رغده .. يا حياتي انتي حشينا بس هالحش من غلاك
.
.
بس ضيقتي صدري يوم صحتي.. :( ..ليش تصيحين..؟ دموع الفرح
الله يديمه عليك يالغلا
.
.
حساااافه اني ما سلمت عليك في النهايه كنت ابي اكتبلك اتوغراف علشاااان يصير عندك شي مني
.
.
..الله يخليك لي ويخليني لك..

وعقبال ما احضر يوم زواجك p21

ما ني قادره اعبر .. بس احبك يالشينه

من جد قصه حلوووووووووووووه وبنفس الوقت حزينه
الله يوفقك ويسعدك ويخليلك امك
وعقبال التخرج من الجامعه ياعمري

قصة

قد ما فيها من الحزن

بقد ما فيها من الفرح

عسا ربي يدومه عليكم



ادري انه ما لي دخل بالسالفة وقاط وجهي

لكن لان القصة صراحة ( عشت جوها )

و كانت مؤثرة و حلوة

و كانت فيها صدف قوية جداً

مو يقولك رب صدفة خير من الف ميعاد

عموما مشاعل اخت عزيزه و غالية وانتي كمان عزيزه و غالية

الله يدوم المحبة بينكم

و يخليكم لبعض

وشدي حيلك الاختبارات قربت مو صف ثالث انتي

والوزارة راح توريكم نجوم الظهر في وسط قاعة الامتحان

خخخخخخخخخ



عموما

تقبلي مروري