|
الشاعِـر : نايـف السعـود
قريت مقابلتك وجيت لك يا(محمد الشلهوب)=أبنثر شي من قلبي هموم بصدر منكوبه تأثرت بكلامك والدموع يجرها مسحوب=على فرقا (العزيزة)دمعة الاحزان مطلوبه أبرثيها على لسانك وشعري بالرثا مغصوب=ابرثيها وعيني لو تهل الدمع مغصوبه دخل(فهد المصيبيح)وعرفت ان القدر مكتوب=يقول (امك)بسرعه تطلبك واللحظة محسوبه وجاني(سامي الجابر)وقلبه منكسر متعوب= يخفيها الحقيقه والحقيقه ماهي اكذوبه وانا افكر واقول ان الكلام اللي انحكى مكذوب= يقولون احجز اقرب طائرة تستعجل ركوبه رجعت ارض الوطن والنور عقب الغالية مسلوب=وسمعت الارض تبكي والحقيقه صارت اعجوبه خسرت الكون من بعدك عقب ماكنت بك مكسوب=وكوني من بعد فرقاك غيرلهجة اسلوبه فقدتك نصفي الثاني وشمسي انتهت بغروب=اسج الرجل لدروب الغموض وتاهت دروبه ابطلب ربي يا(يمه)الهي هو يغفر ذنوب=يغفر ذنوب عبدٍ ممتلي من راسه ذنوبه عسى منزالك الجنة وملباسك حرير الثوب=ويسقالك من الكوثر مرصع بالذهب كوبه وانا من بعد ماغبتي كرهت الاكل والمشروب=وعيني هلت دموع المصيبة وبللت ثوبه وانا انهيت الكلام وكاتبه هو(عاشق الشلهوب)=ابحمل شي من همك جروح بصدر منكوبه |
الشاعِـر : نايـف السعـود
( ماني من اللي يكثرون التحاسيف ) في دنيتي ياخوي شفت الصواديف=شفت الغبن من وقت كله مصايب هالوقت إن لم تقطعه جاك كالسيف=والوقت قطعني وحط النصايب إن قلت لي وشلون أو وين أو كيف=يافيصل أسمع ما جرى وانت غايب عمري قضيته فوق روس المشاريف=والهم ماله في طريقي ركايب أضحك ولالي في عثور المصاريف=ولا أحسب لطعنات جسمي حسايب أنام وأحلم بس في لمحة الطيف=وأصحى وكني فوق جو السحايب بوسط الحفرساكن وكني بجنيف=وتغيرت الاوضاع وشفت العجايب من الهم شفت اللي قسم مابعد شيف=اللي يخلي بادي العمر شايب الغبن خاواني وصرنا مواليف=والقلب يافيصل عن الضحك تايب عج الزمان وحافي الرجل بالصيف=والصدر حامي من شعاع اللهايب وماني من اللي يكثرون التحاسيف=والاّ طموحي ماتزيحه هبايب الناس منهم من تبع كلمة الزيف=والبعض يتبع درب كله غرايب ولامن ذكرتك قلت سووا لي الكيف=وجريت لي موال يبري العطايب ويرتاح صدري من جروح المعاريف=اللي مقابلهم علينا غصايب ترجمت مابالصدر من دون تكليف=جتلك وأنا من هم الايام طايب وأنته اخوي ولاتحسب إنك الضيف=والا الغلا بالقلب ماله سبايب |
الشاعِـر : نايـف السعـود
( احبها حب ال مكتوم لدبي ) فهد قسم بالله ماهمني شي=إلا غياب اللي ذبحني عذابه اللي لعيوني تورها ومصدر الضي=اللي يداوي جرح قلبي وصوابه اللي معني بدرب ممشاه رجلي=وشلون يتركني ويطول غيابه من عقب ماكان الهوى بيننا في=صار الهجير اللي حرقني ترابه عذروب خلي ماخذن من كرم طي=كريم لكن في جفاه وعتابه هي مملكة يافهد بالحسن والغي=تمشي على حبل الجمال برحابه أحبها حب أل مكتوم لدبي=أو حب سلمان لنجد وهضابه حب الشيوخ بجنبها ينقص شوي=محبة ٍ يغلب عليها الغرابه ببس قلها كل يوم أنا ارفع ايدي=وأدعي عسى دعواي وقت إستجابه أفرح بشوفتها وتجي تلتقي في=وأقدم أعذار الضمير بكتابه |
الشاعِـر : نايـف السعـود
( صرت اردد في غيابه اااه ياحلو الوصالي ) ايه ابكتب لـي قصيـدة والله العالـم بحالـي=كم عطيت وكم خذيت وكم بكيت وكم شكيـت كل ما اكتب قصيدة عشق منها الدمـع سالـي=ذكرتني هالقصيـدة بالحبيـب اللـي نسيـت ليه من عقب السوايا اللي مسويهـا طرالـي=وليه دايم اذكر اسمه فـي كلامـي لاحكيـت وليه لما اجلس لوحدي اتخيله جالـس قبالـي=وليه لما اذكر فراقه هلت دموعـي وبكيـت وليه اناجي في غيابه وحدتي وسـود الليالـي=وليه من هم المفارق قمت اسطر بيـت بيـت وليه جرح القلب يكبر لا انجرح من عند غالي=وليه من بد الخلايـق غيـر خلـي ماهويـت وليه وليه وليه وليه وليه هو مصدر سؤالـي=وليت ماتنفع ولو تنفـع لا اردد ليـت ليـت ليت لو بس يدري عن عنـاي اللـي جرالـي=كان مافارق عيوني ولا على شوفـه ضميـت صار همي من بعد فرقاه يـوزن لـه جبالـي=همي بكفه وفي كفـه همـوم اهـل الكويـت ليت يذكر مامضى له يوم هو جالي وعنالـي=وليت يذكر يوم غاب ومن عذابي لـه عنيـت صرت اردد في غيابه اااه ياحلـو الوصالـي=ماعلى قلبـي مـلام ولاعلـى قلبـه سليـت من محبة صاحبي صرت اعشق الجو الشمالي=ولو دروبه كلها اشواك انـا لاجلـه مشيـت صورته سبحان ربه قمـت ٍ فـوق الجمالـي=وضحكته ياخلق ربـي مثلهـا ماقـد رأيـت وكل شـيٍ دون حمـد الله يعـود للزوالـي=واحمد الله انك بقلبـي دخلـت ولااستحيـت واسمك بوسط الخفوق وصورتك دايم قبالـي=بس افهـم شـي واحـد بالقصيـدة لاقريـت يمكن اصعب شي فرقى واحـدٍ ينعـد غالـي=لكن الاصعب خيانـة قلـب لامنـك وفيـت |
الشاعِـر : نايـف السعـود
( ثمان العجايب ) يادرب أمشي بك من سنين وشهور=ياللي توصلني دروب الحبايب أمشي وأنا هايم من الحب وشعور=خلى قليبي طول الاوقات ذايب يادرب لا تبطي ترى مانت معذور=طولت عن شوف المحبين غايب أشتقت ألّم اللي من الليل منثور=وأشتقت أشم اللي حوت من عجايب والخد سبحان الولي نور في نور=والا البياض اللي يفوق السحايب والمبسم اللي محتضن لول منثور=والريق أسكر به ولاني بتايب والجسم متناسق بلازود وقصور=وان جيت اعدد زينها صرت خايب رمانها في جنّة الصدر محشور=وده يفوح بريحته والهبايب أشوفها مدري وش الصين والسور=وأعد بوش من الربع والقرايب قالت تحب وقلت أنا هايمٍ (شور)=قالت بغيب وقلت كل المصايب قالت تروح يعالجك كم دكتور=وتصير من حبي وفرقاي طايب قلت البلا حبك مع الدم محشور=ماينفصل حبٍ مع الدم رايب كأنك على هجري وفرقاي مجبور=أطلبك حطي فوق قبري نصايب ولاي أخاف من الولي قلت من حور=أصلاً معك صارن ثمان العجايب شفت الهدب كني على يخت وبحور=وغرقت في بحرك ونجلك سبايب شوفك يبدل حالة الضيق بسرور=وقربك ينسيني جميع المصايب |
الشاعِـر : نايـف السعـود
( ياذيب واللي ثبّت الارض بجبال ) ياشعر جر القاف واكتب عن الحال=وسطر بيوتك يا شعر با لتساوي وانا ادري اني كل ماجبت موال ..=خففت عن صدري عظيم البلاوي (سامي) اعتزلت وحل بالقلب الاهوال=ما ني مصدق غيبتك يا لنداوي يا (ذيب) واللي ثبت الارض بجبال=بعدك يزيد الهم والقلب راوي اظبط دلال الجرح والبن غربال=والكيف هم وحيلتي بالقهاوي زلزلت يا(سامي) من الحزن زلزال=وقلبي على التوديع ماهو بقاوي سطرت يا(سامي)حروف على البال=جيتك مصاب ولا به احد مداوي لوغبت يا (سامي) ترى الحب لازال..=بقلوب عشاقكـ على الدوم ضاوي رجيت ربي يبعد الحزن وان طال=هو العوين اللي يجيب الدعاوي |
الشاعِـر : نايـف السعـود
( الله عطاك الجود ماهي صواديف ) بسم الله اللي عدل الميل بالسيف=ربٍ عليـنا فـارض خـيـر مله ملة نبيٍ سنــته يكـرم الضيف=ولأمر الولي ولده براسه يتله ربٍ عليم بما خفى دون تزييف=قادر لعسرات النوايب يحله إليه نشكي ما تفيد السواليف=تكفي عبايرنا عن الهرج كله الله يسخرمن غدى منبع وريف=لقلوب ذاقت من عنا الوقت ذله فجرٍ لمن ليله غدى شين ومخيف=ودوا لمن يشكي هموم وعله فزعة (أبو راشد) تغيث الملاهيف=يالله عساه يشوفها في سجله تكسرت( بموهوبنا ) المجاديف=والموج عاتي والليالي مغله كفكف دموعٍ فوق خدهـ ذواريف=وأسعد حياته عقب ماهي ممله الله عطاك الجود ماهي صواديف=غصبٍ علـى يمناك بذله جـبله أبوك مايحتاج له أي تعريف=بالطيب والفزعات سيفه يسله زله مداد لمن شكى واهج الصيف=لأقبل معاليق العطاشا يبله شيخٍٍٍ كريم ولاسلك سكة الحيف=عزيز قوم ولا تجيه المذله أركت على الشلهوب والله تكاليف=بأمر الولي من وقفتك مسفهله دارت عليه من الليالي صواديف=من حرما به ضايق به محله بدل دموعه في سعاده وغطاريف=وأسعد أخوانه ويابس الكبد بله ربي يديمك عالي الصيت ومنيف=وفي جنة الفردوس تنعم بظله واللي رفعك بعاليات المشاريف=ماغيرك إن ضاقت علينا ندله بعد الولي حنا نخيناك ياريف=قلــب طـواه الهم دـقه وجـلـه |
الشاعِـر : نايـف السعـود
( انت سيفٍ بالملاقى ولا عنك محيد ) هاض فكري وسطر من شعوري قصيد=لك تجي كل القوافي ولاء لأرقبها صدرك لفعل المراجل نطق هل من مزيد؟=ويدك بيضاء من مكارمك شع شهابها أنت نبع ٍ للشهامة ومروي لك وريد=المكارم من هو غيرك (يابو راشد) جابها ؟! أنت سيف ٍ بالملاقى ولا عنك محيد=وأنت تعجز ما تطولك لحى و أشنابها وقفتك ماقد وقفها سوى رجل ٍ فريد=وقفتك وسط المواقف تزيل أتعابها مثل أبوك اللي فعايله ذابلها الجليد=لاتمركى بمجلس الطيب زاد إعجابها من يجيك يبَشّر بخير وبعلم ٍ حميد=كلمتك تكبر وصيتك كبر بأسبابها الفخر والله إشادتك وأنا شاعر جديد=وكل شاعر مبتدي مطلبه يحظى بها |
الشاعِـر : نايـف السعـود
( جادل تهز الجيوش بليل الاهوالي ) ياخافي الشوق ياحلي وترحالي=ياعشق جر المشاعر وجاب أقصاها ياحلم ساكن خفوقي دوم يبرالي=ياقف على العوج دايم ويتحداها بأسباب حب ن قديم عقد حبالي=ذكرني اول جروحي منه واتلاها ياوجد حالي عليها ويا بري حالي=سبحان رب ٍ وهبها الزين وسواها جادل تهز الجيوش بليل الاهوالي=جمال ينسف شعوب الارض وينعاها تضرب على الفكر لين يجيه زلزالي=وأغرف طعوني وأبل الجرح من ماها المشكلة كل جرح منه يحلالي=وأكبر مشاكل خفوقي مااقدر اجفاها والصدر ضايق من همومي وغربالي=وفكري تسلطن على الافكار واعطاها أوامر السمع والتذليل ووأحوالي=متقلبة لو يمر الفكر سراها جمالها يوسفي وان صارت قبالي=أروح منها إليها وأرجع أهواها من شافها بالضماير تشعل إشعالي=وشلون في عاشق ٍ من صغره أغلاها لو اني اجهل رموز الحب اشوالي=كان الخفوق ببساطة صد ماجاها أعرف بان الجبل الشهق منزالي=وازعج هجيني و اسمع لحني بغناها ياليت فال الحظيظ اليوم هو فالي=وابيع جرح ٍ سكن هالروح واشقاها تبي الصراحة ي(أحمد)يابعد حالي=حكمة زماني وأسمع مني مبداها (مايغبن إلا جروح ٍ جتك من غالي=وإلا جروح الطحالب تحت ماطاها) (مايغبن إلا جروح ٍ جتك من غالي=وإلا جروح الطحالب تحت ماطاها) |
الشاعِـر : نايـف السعـود
( اه ليت الموت يرضى يوم جاء ياخذ بداله ) يالله المعبود يارحمن يارب الجلاله=ياإلهٍ كل أبونا ساجدين وطالبيه ياعظيم الشان ياربٍ تنزه في كماله =كل أبونا نرتجيه ونبتغيه ونستعينه يارحيمٍ باعث محمد لتبليغ الرساله=مرسله بالحق والقرآن وآياتٍ مبينه فارج لايوب من بلواه وأرسلت الشفاء له=يامنجي من مشى مع نوح وأرسيت السفينه يالله انك ترحم اللي مات وتكرم نزاله =وارزقه بالجنة اللي تحضنه وتسر عينه لويحس الموت في حر المفارق وانفصاله=كان قدّر كل حي وكب مضنون لضنينه واختنق في دمعتي والياس به غل ونكاله=كني اللي صار باأطرافه كسور وغرغرينه آه ليت الموت يرضى يوم جاء يأخذ بداله=كان قلت أختار بين الناس واولهم جنينه كان قلت وكان قلت وقدرة الله لامحاله=ماتصيب الا الحبيب وماتغيب الا دهينه والقدر محتوم باأيامه ومحتوم بلياله=وكل عمرٍ تحت ربي بالبشر ماله ضمينه فجعتي في موتتك مابها عندي بساله=فجعتٍ هزت زحازيح العرب ماهي هوينه كل من جاه الخبر صد وكنين الدمع هاله=حلم والا علم ماهم علم موته محتوينه ليه اخذتي من يمينه طيبها مابه ضحاله=شمس طيبه بالمكارم للخلايق مستبينه الكرم والجود عنده طيب جوده لرجاله=والوفاء عادت كفٍ بالوعد دايم امينه الشجاعه والبتاعه رمز وافعاله دلاله=والثناء والجود دايم ملازمه كنه قرينه والله ان المسجد اللي عوده كثرة وصاله=يحتريه ولابسٍ له منبربالدين زينه والتراب اللي على دربه فقد ماطى نعاله=عارفٍ ماطاه والتربه تحت رجله فطينه الرجاله و الشكاله و الجماله و العداله=عادته وعزه ومجاله وأنشد اللي عارفينه وادعنه يوم راح وقالن الدنيا عجاله=واحرقني دموعهن في ضمايرهن دفينه جيت اواسيهن واقول الوقت والعمر وزواله=واثرني عبدالمعين اللي يبي له من يعينه من يعزي كل حاجه باقيه تذكر خياله=ماهقيت احد ينسى هن وينسى والدينه يالله انك تجعل الرحمة من جنانك ظلاله=وزد خفوقه مع نبيك والصحابه طمئنينه وصبّر اللي ماتحمل غيبته والهم ناله=واجعل حباله على تقواك والعروى متينه قلتها بـ(الشيخ بندر) بالنيابة عن عياله=كلمةٍ تبكي على اللي راح ماشال الضغينه والله ان الشعر لويرثيه ماياقف قباله=مايوفي كل شعري حاجةٍ من ربع دينه |
الشاعِـر : نايـف السعـود
( مابه جديد لو تجي فيك الامثال ) نبقى معك وافين في كــل الاحوال=تبقى بطل لـــو ماتجيب البطـوله اشغلت بك كل البشر دوم ياهلال=قدرك كبير ومابـه احــدٍِ يطـوله موجك هدر وازبد من الجال للجال=وخل النقايص تنشــر اللي تقـوله وسط المدرج بـــك جماهير تختال=لان الذهب مافيه غيرك ينـوله مابه جديد لو تجي فيك الامثـــال=وياما صدح صوت الفرح مع طبوله محد وصل قدرك ولو طال لو طـال=وماتترك اللي تحصده في سهوله |
الشاعِـر : نايـف السعـود
( شربت من همي دلالن بغاديد ) لاجيت أهني الناس في فرحة العيد=أحــس كــأنـه ينعـقدبـي لســــانـي ما أقــدر أهــنيـهم وهو عني بعــــيد=لا جاء نهار العــيد حزنــي لـفـانــي العـــيد ماهــو فرحــة العيــد تنكــيد=في صبح عيد الحـزن همــي بلانــي ما أقـدرأ خـفّي حسـرتـن فيـني تزيـد=وما أقـدر أعـايدغـيره إنسان ثـانـي شربـت مـن هــمي دلالـن بــغـاديـد=وزاد الفــراق جــروح بيـن المحانـي وشـلـون أبضـحك والحـزن والتناهيد=معــي مـعـي فـي وقـفـتي وبـمكـانـي هـمـن يصـدر والـضـوايق موار يـد=يـاعـيـد مـبكـينـي طــلبتـك كـفانــي مـن يـوم راح وعانـق أجسـاده البـيد=عــرفـت أن الـكــون يــاعـيـد فـانـي خـليـت دمعي يـكتـب الـحزن يـاعـيد=لأنـي عجـزت ألقـى حروف ومعـاني |
الشاعِـر : نايـف السعـود
( خذني حزامك وسيفك اليا جتك الطعون ) ادري الشعار دايم يقولون ما لا يفعلون=بس انا لا قلت كلمة تراني قدها يار فيقي جيت عندك وخيبت الظنون=والقوافي لو تعاندني ابلعن جدها مسندي في داخلي شخص كنه في سجون=وده يشوف الاوادم ويصافح يدها ياحزامي وضلع قلبي ويا نورالعيون=ودي ابقى في ظلالك ونفسي ودها من بعد فرقاكـ تشرح أكون أو لا أكوون=عقب ماجاها من الهم شي صدها لكن اسمع يا رفيقي انا جيت مغبون=و الكلام اللي ابحكي يبيح سدها ودي انا احنا نتعاهد على انا نكون=مثل سيف بالملاقى تبين صدها خذني حزامك وسيفك االيا جتك الطعون=والله اني لااعصب الراس واقف حدها صاحبك في بعض الاحيان ينتابه جنون=لين يوصل حد الاسراف ويعكس ضدها لاجل عينك اكتب الشعر وأعتبره فنون=مره أكتب لهجة الشام و مره ندها هون جيتك اول ايام نتلاقى وهون=نفسي كانت تغصب الرجل وهي ما بدها جيت مابعمل اشي لا مصاري ولا ديون=ساكن الضيعة وانا ضعت كلي عندها احمد الله يوم خاويتك يا بو قلب حنون=انت نعمة من الهي علي ومدها والنعم من خالق الخلق و الله ماتهون=واجب نحافظ عليها ونحصي عدها وانت حافظك بعيون وسكرت الجفون=يوم بعض الناس اشوفه راح بيدها صاحبك انهى كلامه وجابته الشجون=جاك بيده اعترافه عليك يمدها ولو صحيح انهم يقولون مالا يفعلون=ذا كلامي وانت تعرف باني قدها القصيدة في يمينك وجريت اللحون=مقصدي توصل اليك ولا ابغى ردها |
الشاعِـر : نايـف السعـود
( فري قوود Frey Good ) سلام من صدر ٍ سكن به حزن واتعبه الصدود=صابر على مر الزمان وكل ليله يسهره تجمهرت فيه الجروح وعنده ضلوعه شهود=وأصعب جروح الرجل لاحلت عليه مجمهره الغبن حاكم له ضمير وعقد بيده القيود=والموت قرب بيني وبينه على حد شعره لو كل رجل حط بين الجد و المزحه حدود=كان الصديق اليّا حضر صا حبه فز وقدره لكن بلانا الله بنا سٍ لاتزيد ولا تزود=ان جاء في مجلس ما أحد فز لحضوره وعبره اللي فعل معروف مع رجال ثم يلقى الجحود=كنه زرع زرع ٍ ولكن مالقى فيه ثمره واللي خمد نار الفتن ماهو مثل من حط عود=والصمت حكمه لكن الواقع تحب الثرثره الصبر طاقه في صدور رجال تتحول صمود=والصبر ما هو الميسره الصبر صبر المعسره ركود يا للي مطير العجه على الفاضي ركود=ماضيك اسود مثل فعلك ياردى يا سرسره واللي يحاول يزعج العالم ويحرق له كبود=في دعوة المظلوم في ليل السواد نبشره والله اعلم ان دمه با لفصيله كالقرود=اللي على جبال الجنوب بكل ضلع مبعثره الارض أقضبها وكل إنسان في فعله يجود=والرجل اليا منه غلط واجب علينا نستره نعرف بأن الفهد يطلع من نسل نسله فهود=ونعرف بأن الحمره ماتنجب الا حمره اذا حكم طيبك على طيب الرجال فري قود=وان ماحكم مالك ومال التايه والجرجره حكم ضميرك قبل تاصل بالغلط قدح الزنود=والرجل يعرف من يذم ويعرف اللي يشكره وش فايدتك بها المشاكل جعل حظك مايفود=ارخ الحبال وكل رجل ٍ في طريقك انذره ماالعن من رجال اليهود الا بزارين اليهود=ومااقسى من اطراف الحكي لاوقفته الحنجره ابعتذر لك ياعديل الروح يالظبي الشرود=لامانسيتك يا طبيب الجرح وارجو المعذره حبيت ابين مادفنته وسط صدري يا لعنود=الين صدري صار من حزني سواة المقبره |
الشاعِـر : نايـف السعـود
( شاعرك يمه مستعد للي من امراضك يجيه ) ياصاحبي جيتك معي عذري وكل شيٍ تبيه=جيتك وأنا متأكد أن قدري بقلبك ماأنهدم طالبك تد مح زلتي لو غبت قلي ما عليه=الغايب أعذاره معه والقلب جارحه الألم لأن المرض شفته يداهم نور عيني وثار فيه=أمي فديت رجولها وأطرفها عظم عظم شاعرك يمه مستعد للي من أمراضك يجيه=وأنا وشعري كلنا لرضاك والله لك خدم أنتي جعلتي من حياتي الشاعر الحر النبيه=يامالكه عرش المبادي والتواضع والقيم أخذ يني السيف المهند لو نوى أرضك سفيه=وأجيب لك رأسه وأنا والله أقسم لك قسم يمه خوذي صحتي وجسمي من أمراضك عطيه=لأن صحة شاعرك من خيرك لجسمه تعم صرخت لك كني كسير الساق ولسانه نزيه=وناديتك بصوت أختلط فيه الحزن مع الندم مشتاق أسولف لك عن اللي في ضميري محتويه=وأعلمك عن طعنة الدنيا إذا صابت جسم شاعرك ضميان للقاك ومنك نظرة ترتوية=لأن الفراق مجهز الحرباء وقابض بالسهم لا تسأليني لو لمحتي دمعتي (يانايف ) ليه=وتبسمي لي لارفعت الرأس وجاوبتك نعم يمه سؤالك يخنق العبره وجرحي يعتليه=أقسم بخالقنا وموجد كل شي من العدم إنك ملكتيني بشوقك لا ريال ولا جنيه=وإن كل ذره من حشاي تبني يايمه لك هرم يمه كلامي حار فيني ماأدري من وين أبتديه=لأنك نهايات البداية في كلام المستلم ياللي حنانك جر شوقي لك وانا كلي إليه=باأحب رأسك وأدعي المولى يكافيك السقم ياصاحبي جيتك معي عذري وكل شيٍ تبيه=شعر وكتابي وسبحتي وإحساس زاد به الألم |
| الساعة الآن 09:23 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0