جل جلال اللي رفيع عرشة=يخضع لحكمه كل شي مخشي
ياجامع الدنيا تراها بلشة=لو غرك اهل الجاهية والقرشي
الليل برد وفي ظلامه وحشة=ولافيه نجم في السما به نمشي
صابتني من احوال وقتي دهشة=ياالله ترحم حالة المندهشي
كم بيت عز لي دعسنا فرشة=يظهر علينا عيبه المنخشي
وكم ناس من ناس غدت منغشة=تنظر لها وتصير مثل الخبشي
وياكم قلوب في اللقا منخرشة=وتشوفها وتقول ماكن به شي
وكم واحد في الليل عيى رمشة=ينام من زود القهر والبطشي
كم واحد راعي مزاج وغرشة=مايلحقه من عيب فعله مخشي
وكم واحد يزرع بصدره بخشة=تاتي له الزلة ودوم يمشي
حي البحر الاحمر وحيا طرشة=من بعض هرجات العرب بالفقشي
قتل القتيل وطردته في نعشه=والدق من تحت لتحت والحشي
شي جعل في العقل مثل الغبشة=عيت تفارقني ولا اقدرت امشي
ماينفع بهذا الزمان الدهشة=طمرة حصانك ترفعك بالدفشي
يعني لو ان حكاك برشة برشة=لاتسأل بتعرفش ماتعرفشي

البارحة والجفن ماطاع يمسي=سالت من اوجاعه دموعي النفيسة
لي ذكريات مبحرة وين ترسي؟=والعمر مغدي لليالي فريسة
طالع بعيني واستمع صوت همسي=تفهم تفاصيل الجليس لجليسه
توجهاتي ..هرج نفسي لنفسي=قصايدي وآمال صدري الحبيسة
بعيد عن كل الخيالات حسي= وحيد..لكن ذكرياتي أنيسة
ماقصرت دنياي في شرح درسي=عشت الثواني الحالية والنحيسة
مردودها ماكان سلبي وعكسي=لكن رسم بسمة يتيم بئيسة
لو للشقا دولة وشعب وكرسي= ماظنتي في الناس غيري رئيسة
ولو للسعادة عرس فالعرس عرسي=وآحس كل الناس حولي تعيسة
نقاهتي ..في الدين..وآداء خمسي=تغمر فؤادي أنس ما اقدر أقيسه

لا بعد ياشمس.. ماحان الغروب=البحر يرجوك حني ع البحر
مابعد هبت نسانيس الهبوب=ولا انتعش فكري وغرد بالشعر
ليتني واقف على بيض القلوب=وانشر الأطياب والوان الزهر
واني اسقيها المودة كوب ..كوب=لين تثمل بالغلا حد السكر
وليت مالي عند خلاني عيوب=كان ما اهتميت في هرجي حذر
وكان سقت الرجل في كل الدروب=واحتوي الأطياف واصناف البشر
وليتني لا تبت..أبكي قبل اتوب=وان صدري يجهش لطق العبر
واشرح احوالي لعلام الغيوب=وانكسر له ذل في حزة سحر
الذنوب.. أواه.. من شوم الذنوب=والسنين تمر..كلا لا وزر
كلنا عبد لحاجاته يثوب=عند من يغفر وغيره ماغفر
يبذر الفلاح بيديه الحبوب=لين مال الغصن من طلع الثمر
عجلوا بالخير فالعمر محسوب=وفرصتك ياعبد في هذا الشهر

صاحبي والطيب ياتي من قصا=سر نكران النفوس العاصية
مابهذا الوقت كل ينصا=العرب من بعضها متواصية
لو جميلك عندهم ما ينحصى=ينكره شح النفوس القاصية
ترهن البندق وتمشي بالعصا !=لدلة ضيوف وقدوع خلاصية !
صاحبي والمال لاجلك يرخصا=والحلال يجر جر الناصية
من نصيته وبلزومك ما احتصى=قل له ان السر بين اقفاصيه
وان عطى بالهرج زاد ونقصا=لا تمادي في نفوس رخاصية

مالمت نفسي كثر مالمتها اليوم=عليك يا ظالم عسى الله يجازيك
جيت اشتكي لك لكن اسرفت باللوم=واسرفت في كبرك وزايد تباهيك
لكن تذكرني ليا شدوا القوم=وحالوا عن ديارك وعن قفر اراضيك
تذكر اني جيت مضهود مظلوم=اشكي الهضيمة والفرج كان بيديك
جيتك ولكن عدت مكسور مضيوم=خيبت بامالي وهي راكنة فيك
ردك عميق؛؛ولا انت بالرد ملزوم؛؛=احترت كيف افهمك واحترت اجاريك
لا تحسب ان قدري مع الناس مهظوم=لا والله الا حافظه قبل لا اجيك
من لاح لي برقك معه رعد وغيوم=ركضت صوبه قلت له عز واليك
واثر البروق اللي تراوى لي حلوم=لا فيه لا بارق ولا ذي ولا ذيك
جاش الفواد وصار بالوجد مقسوم=وده يعلمك بخطاك ويناجيك
؛؛أخترت عنك البعد؛؛ والأمر محسوم=وما اقول غير الله عن الظلم يهديك
لا والله الا عنك باعف واشوم=ماعاد لك فيني ولا عاد لي فيك
البارحة؛؛جتني النسانيس بعلوم=عنك ولكن مافتحت الشبابيك
ما احب اهد الحيل واهبط عزوم=واجرحك وانا حاير كيف اراضيك
يا ورد؛؛ ياعناب؛؛ ياتوت؛؛ ياكروم؛؛=يا ما النهر؛؛ ياعذب الاسماع طاريك؛؛
ياسبحة الناموس؛؛يادر منظوم؛؛=يا( صقر ) ؛؛ ماتشبك عليه الشبابيك
ياشعري اللي ماخذل خاطري دوم=لبيه ؛؛ يوم اكتبك واسبك معانيك
تطمر غزير البحر غواص وتعوم=وتعود لي بالغانمة يوم اناديك
لبيه؛؛ يوم ادفعك ما اعرضك للسوم=وغيري يساوم فيك ويجير الشيك
ياشعر ؛؛ انا لا رحت مارحت مهزوم=لا والله الا حشمة عند مغليك
واما انت يا ظالم؛؛ معزز ومحشوم=بذكرك بغرورك وليلة تجافيك
وانته تذكرني ليا شدوا القوم=وحالوا عن ديارك وعن قفر اراضيك
تذكر اني جيت ؛؛محتار ؛؛ مظلوم=وساقتني الدنيا تحت رحمة ايديك
رسمتني في صورة الناس برسوم=شوهتني؛؛ سامحك ربك وباريك
من عهد يعقوب النبي؛؛ الذيب متهوم=واخوان يوسف لفقوه الشرابيك
ياكسر قلبي كسرة زجاج مهشوم=مماحصل ياقلب ناهيك ؛؛ ناهيك
ناهيك لا تملا التباريح بهموم=جنب طريق الشعر والله بيغنيك
ياقلب منت بمن هل الطيب محروم=مثل الذهب ماكل سوام شاريك
حتى ولو فاقت على سعرك طقوم=يبقى عيارك نادر عند قانيك
بينك وبين اهل الوفا عقد مبروم=ان تملك بطيبك شعوب ومماليك
إن شفت عمد البيت طايح ومهدوم=قل ياعمود البيت؛؛ يرفعك بانيك
لا تاخذك في قومته حق وسلوم=الناس ابد ماتعذرك ماتراعيك
كثرتها ؛؛ وابياتها لمعة نجوم=في ( كمها وبكيفها ) جت دواليك
وختامها؛؛ يا الله لك نحج ونصوم=اغفر لنا من قبل نبعث وناتيك
وصلاة ربي ع النبي سائر اليوم=يا الله تشفعنا به ادعيك وارجيك

يا العين يا اهل العين يانادي العين=ياكل عنابي سلامي سلامي
من وين اسلم ياجماهير من وين=من وين اسلم وسط هذا الزحامي
سلام(ن) ازكى من زهور البساتين=ياصل لكم بسطور عذب الكلامي
غالين ياشعب الامارات غالين=والعين له بالقلب قدر ومقامي
واحنا لنادي العين حاجب وجفنين=نغليه لابعد عشق لابعد هيامي
هذا شعار العشق يانادي العين=موج البحر عناب..والعين ضامي
تلعب وتحكي الفن من بين قوسين =خذت الصدارة مثل حر(ن) قطامي
هذي هي القمة ولاتاسع اثنين=مافوقها الا العين عنها يحامي
بنجوم تسكن في قلوب الملايين=ناقف لها وقفة وفا واحترامي
أيمانهم فاقت طوال الميامين=تحصد ذهب في كل موسم وعامي
ياسر وداعتكم..ترو الزين للزين=وداعة الكرمان عند الكرامي
وهذا شعار العشق يانادي العين=موج البحر عناب ..والعين ضامي