آفرشي يا الشمس نورك وامنعي جنح الظلآم=والله عيون الحـبايب تعبت تداري الوله
بيني للحب عينك وآكتبي للغالي سلآم=ولا تقفي إلا عندك من حبيبي شي له
اعزفي بس لعيونه ووضحي معنى الهيام=بيني للشعر وجهي من بعد طول آجله
اكتبي بأسمه لوحده واكتبي لشعري كلآم=وغني بالموال صوتي يا لا لا له يا لا لا له
وإن بغيتي مني شور وحبي مايبقى كتآم=اكتبي مابيننا موعد يروي شوقي من آوله
واقطفي من الورد وردة ووصليها قبل تنام=وخوذي من حبي قطرة وخوذي من بحره نهله
وطالبك لا لاتخلي كل كلآمي من الآحلآم=لآني والله العظيم شوي آموت ومن الوله

أبَآزَن حَرفِي الأوّل / وألحّن بعدِه الثّآنِي !=وأكوّن بِيتِ يشرح لِك مِكَآنِك دَآخِل عِيُونِي
وآبوصّف معنى الثالث وابيّن فيه وجداني=واجعل شعري يحفظ لك مكآنة داخل جفوني
وبَرسِم حَرفِي الرّآبع يِوضّح حُب أعمَآنِي !=ترَآ يا زِين هُو حُبّك تِملّك دِنيتي وكُونِي
وآبعزف فِكري لِلخامس يبّين فكري بَ آزماني=يخلّي عشقي الاول يوافق ظنّه ظنوني
أنَآ مِن سبّته عِشقك [ تِعلّق قَلبِي وجَآنِي ] !=حَنِينٍ دَآخِل أعمَآقي ( تغيّر بِسبّته لُونِي )
لاتبكي عشقك وآشكي همٍ فيه أضناني=يزيد بَ خآطري الضيقة واروّدهَآ بملحونِي
ترَآ بالحِيل يَآ ( محمّد ) همّك حِيل أشقَآنِي=وأشقَى فِيني قلِيبي وزوّد بالحَشى اطعُونِي
سوَآيا وقتنا فِيني يزوّد دمْعِي بـ اجفَآنِي=واورّد لحزني الضّحكه عسَآهَآ تِهدِّي اجنُونِي
وأنَآ لِك صفحةٍ إملأ بهمّك كِل أركَآنِي !=عَسى هالصّفحه إتكفِّي وينسُونِك وينسُونِي

ياهواجيسي بَ ليل مخّبي النور بيمينه=وقعه لَـ أنهار دمعي يشبه اوقاع السحايب
والله ان دمعي على خدي يوردني الغبينه=ووالله ان همي بَ قلبي فّهمه معنى العجايب
ياعيون النور اصحي صحّوتك معنى السكينة=هدّي الضيقة بَ لقيا من هِم لـ عيني قرايب
حالي بليلي يشابه حال من ضاعت سنينه=يوم دورها سراب وضاع مردود الطلايب
يَ ليالي الحب نبضي انفطر, يداري حنينه=تسري الضيقة بِعروقي مثل ريحٍ للهبايب
يَ لحونٍ تطرب السامع دمعته لا لاتهينه=دمعة تنزل ولاهي بيوم حنت عـ الهدايب
ياوجودي وجد من ضاع النظر رمشات عينه=يوم راح وسابه حظه بوقع ضربات الحدايب
تكفى ياعمري تبّسم نسّي الخافق ونينه=لالمحته بحلم نوم وصار للخافق شبايب
ياعيونك او جفونك او شفّاه الياسمينه=تجرح الخافق وجرحه اطلبه ماني برايب
اشهد اني لي حبيبٍ زين هـ الخلق فَ جبينه=له بقلبي عشق اكبر من عشق كل الحبايب
خايلت امطار غيمٍ برقها يِسكت ونينه=وكّن هالامطار دمعه امطرت من عين شايب
يهمس لأبنه وينطق الله للطيّب يلينه=ابتسم للدنيا وانسى هم يِشمت كل عايب
يامحمد ياوليدي ارمي الدمعه وشينه=و ألبس ثياب السعد واقبليّ مثل إقبال تايب
مِن بَعَد دَعوَآت أمِّي ازرِيت أنَآدِي هَمِّي وِينه=والله ان دمعي تجامد مابعيني شيء ذايب

انا ياصاحبي حرفي يعاصر واقع الافلام=يصورها سيناريو يوم دمعي يعاصر جراحي
أمثّل دُور لقياها ولقياها مِن الأوهَآم=واسهر ليلها مغرم وكل من شافني ناحي
تعبت انظم لها حرفي تعبت اعايش الاحلام=تعبت اقول ياليل الهوى اعتق لي افراحي

::

في عيونك من اكون ؟هم واشباح وسكون=او محبة او وله او شوق يرفعك بسماء
وحشتك بالقلب موطن والدما لك هي عيون=والشعور بكل سطرٍ اشهد انه لك ضـما

::

سواد الشوق يجرح {خافـقٍ مهمـوم}=يعيـّش قلبي الموته ويكملها عزاء واحداد
تمر الضحكه واحاول ولكن ضحكتي ماتدوم=ودمعٍ امنعه ينـزل يسيل لـ وجنتي عناد
عيونك وينها عيونك تعبت اخافي المعلوم=وقلبٍ ينبض بَ اسمك بكى للطاري المعتاد
تعبت ادور عيونك تعبت ومابقى لي لوم=تعبت اغني لحونه وصوتي بحته تزداد
تعبت اقول واردد الا ليل الهوى ما اروم=تعبت ادور لـ همي مساحه فيها له مرقاد

::

احبك قلتها من الشوق بنظرة خافقٍ قتالّ=احبك لو درى حبي بعشقي صار مجنونك
احبك ومن جنون الحب يَ كم انجرح رجالّ=احبك ويكفي إني ما انام بطيف من دونك
ياقلبك هذا هو قلبي هدية لك ولاتخّتال=لان النبض وروح الحب وموت الشعر بفتونك
ابمشي في طريق الشوق وتسّمع خطوتي الجبّال=مدامك قد ملكتي القلب بعيوني انا اصونك
دريتي عاد بأسبابك وبغيابك انا رحالّ=يرحل في طريق الحب وخطواته يبي يجونك
شفتي هذا إحساسه شربتي منه الشلال؟!=يومهّ قد لمح عينك واخفى دمعه لايخونك
وغابت عينك اليمنى ودمعة حبره قد هو سال=وتلّون شعره بحرفك ولونك ياحلو لونك
ابسألك السؤال الي يحرني وشغليّ البال!=لو إني متّ وبكيتي بتضميّ شعري بعيونك؟!

الله يسامح خافقي يوم انا اقفيت=يوم الهقاوي كلها جات ماجات
يوم الضلوع تشابه اطلال هالبيت=ماغير صمت وتالي الصمت آهات
ياليتني واستغفر إن قلت لك ميت=ولا اعيش بدنيتي هالمعاناة
غابت بعيني دنيتي وانت ماجيت=غبت وتركت العين ترفض لك تبات
يوم الدموع تقول ياقلب عنيت=دمعٍ يردد شوقنا تو مامات
يوم الملامح شاحبه يوم ازريت=حتى بعيني طالت اقصر مسافات
وشلون ابلقى قلب من يوم صديت؟=وشلون ابسمع صوت في زحمة اصوات؟
دنيا تعّيش خافقي كلمة اغليت=شوف الغلا يكفي يردد ولا بات
اشتاق ايه اشتاق ماني تغليت=بس دنيتي انهت طوال البدايات
وش عاد تنفع كلمتي كود ياليت=وش عاد اردد يابعد كل من فات
بس طالبك القى خفوقي إذا جيت=مابي يذوب بنظرةٍ بين نظرات
واطلب بعد ان كانك بشوق حسيت=تقرأ خفوقي وهو يردد لك ابيات

ابتدت قصة حزن فيني ولا يكفي عتابه=حتى دمعة عيني شحّت ومابقى غير الاماني
انثر احزاني قبل ماجفت اطراف السحابه=والسحابه امطرت قلبي قبل هذي المباني
يَ شعور الحزن فيني ماتعبت من الرتابه=حتى اصبح وقتي قاسي من الدقايق للثواني
غابت اسبوعٍ وكني انعزلت بوسط غابه=وابكتّ عيوني قبل ماصاحت تنادي المحاني
يَ حزن يَ هم شوقي يكفي فيني هالكآبه=كل مافي الكون يعجز يرّجع الي قد جفاني
يَ شعور الشاعر الي نادى شعره يَ هلا به=عقب مابانت عيونك والجفون وماهواني
انكسر قوس الربابه وتهّت انا اداري الربابه=لين ماصاحت ربابة شوق قلبي من زمآني
الاماكن والشوارع ونظرة عيون الغلابه=وكل حزن الحب يبكي يوم وادعت المواني
يَ حبيب الروح عشقي يلهم السامع غرابه!=يوم لحن الحب يسري داخل عروقي اغاني
يَ وجود الي تعنا وهو يطاردك بسرابه=يوم يجبرها جروحه ليين ماجرحه بكاني
ضاقت الدنيا بقلبه حتى ضاقت به ثيابه=يوم ناداك وكفوفه تلمس كفوفك {تعاني}
لين ماجفت دموع العاشق الي من مصُابه=كن دنيا عاش فيها تعلمه مبدأ ومعاني
رحت انادي دربه الي ابتداه وانتهى به=رحت انادي وبأسمه الهث وضاع مني مامداني
ليت موعدنا يعوّد وتثمر زهورٍ تهابـه=كان ماعشنا الحزن واحنا سوا في صدر حاني

حالت الدنيا صعيبه لا بدا وقت الغياب=ماتِعَرف من الحسايف غير آه ودمعتين
انقفل بابك بوجهي وانفتح للهجر باب=والحكايا كل ابوها همها (هل ترجعين)؟
واسمعك بين الضلوع تغني اشعار العتاب=سقتها مثل المطر لاخفف اصوات الانين
والحشا ماغير قلّب صوت ذكرى ماتغاب=عن عيونك كنها تنعاد من جوف السنين
سافرت كل الاماني ولا لها رحلت إياب=والمصابيح النحيله نوّرت درب الحنين
وينها عيونك دخيلك وجدها فالقلب شاب=غابت وكني ضريرٍ يبجث الانوار وين
لو دموع العين ترحم وضعنا هالحين طاب=وليت دمع العين يرحم يوم شفتك ترحلين
يوم رحتي صرت اتبع خطوتك بين الضباب=اتبع اصواتك وطرفك انحجب ماهو يبين
ضاعت اطلال المدينة الحق اطراف السراب=ويوم شفت الماي عندي صرت مقصوص اليدين
صارت احزاني دموعٍ لابسه خدي ثياب=وانتظر من هو يمسّح دمعتي في كل حين

بحر الشعور إليا ظهر ماينعرف به لك طريق ..=بين الجفون اللي هدبها كفكف بيوم ادمعي !
كل يوم انادي يابنيّه صرت في ( يمّك ) غريق=ويهز لي طير الوله غصنٍ لك إن قلت ارجعي ..
ياكم تعبت الانتظار اللي له بعيني بريق ..=ذابت ملامح شوق في وجهي ألا ليتك معي
ثقل الوله في خافقي يشبه ثقل شامخ طويق ,=من هو يشيله غير همسٍ ينطرب له مسمعي
كل المشاعر في غيابك جمرتينٍ من حريق ..=مصباحها "دمعة وله" حزنٍ يجرّح اضلعي ,
وكل القصايد في غيابك تشرق بعينك تفيق ..=ماعدت اتابعها بعيونك وارجع بخيبة سعي
ماعاد باقي لي من الدنيا سوا جرحٍ عتيق=لا من تجدد كن روحي اجتاحها حزن النعي !
ذكرى بقلبي حامله في طيّها خاتم عقيق ..=لا انحمل قدام عيني كنني فاقد وعي !

كن الصدف هاللي جمعتنا زادت الخافق " هيام "=زادت بقلبي " محبه" / تبتليك وتبتليني ..
والليالي من عناها وسّمت فيني وسام !=من كثر ما الشوق جامح , من غيابك يكتسيني
ياهلا يا آجمل غرام / ياهلا يا آجمل وئام ,=ياهلا يا آجمل محبه .. ماهقيتك تحتريني !
ماهقيت إني اشوف النور من بعد " الظلام " !=ماهقيت الصبح " يشرق " بين اوراقي وحنيني ,
ماهقيت إن " التناهيد الحزينه " بي تنام ,=لين بانت لي عيونك وانجلى هم ( يَحوِيني )
لين ماغنى خفوقي مع ترانيم الحمَام ..=وهانت بعيني مسافه / انهكت حلم السنيني
حلم قربك يوم كنت اسكت وانا اخفي الكلام ,=لكن ادري هالسكوت / استنطق الدمعات فيني
رحت انادي قبل تكسر لي مجاديف الغرام !=كني اغرق / والوصل غارق ترا قدام عيني
والسما تبرق , وقلبي امتلا حزن وحطام ..=انتظر من هو يزيل الشوق من راحة يميني ,

كل اماني في غيابك درس حِزن وونتين=تختنق في داخلي ثم تشتعل طاري غرام
والغياب بناظري نوح وسهر ودموع عِين=واحتياج الشي والفقدان وهجوس وزحام
ياوجودي لا انذكرتي وطاري الفرقا يبين=نقطةً في آخر سطوري رثت ضجة كلام
ماانمحت في طاري الافكار وانفاس الانين=سجة الهقوه ودمعة شَاعرك " ذكرى هيام " !
ماحزنت إلا على فقدانك ودمعات بين=حسرتي يوم انشفت من دون ماتلقى إهتمام
يوم قفا منك قلبي وانرمى ثوب الحنين=النفوس وعزها ماترجع بآحزان عام
مستحيل تعود حتى لو تعيشني سنين=كن حبك في عيوني ضاق من قلبي وحام
مِن شماله للجنوب وممتلي صدري ونين=عافك الخاطر ابرحل بين اسراب الحمَام
في حياتي كان حبك اقرب عروقي ( الوتين )=وانقطع عرقك واصبح خاطري منك يضام
مابقى طاري يضمك غير كان وغير وين=غاب حُبك واحتواني صادق انفاس الوئام
كن جرحك يوم عايش كل حسراتً تبين=انثنى مابين حرفي / جافت عيوني المنام
لين صارت ذكرياتي في عيونك لي تشين=من بعد ماكنتي امال الخفوق بآحتدام

الزمن درس وحكم واقوال وافعال وحكاوي=والرجل مثل الشطير يسَل لك به منفعه
والسهر مايترك عيون الهواوي والشقاوي=كل ماسلهم من الجفنين دمعي يرفعه
والعمر سيلً تعدى فالسما نجم السماوي=ينذرف / ياخذك واطراف المناوي موجعه
وان شكيت اشك الذي في علمه اسرار الدعاوي=واحدً له كل شكوى يسمعك ماتسمعه !
خل في نفسك من الاحلام وآمال الهقاوي=مثل شمسك هي تغيب وكل قمره تتبعه
وابِن لك من عزتك قصرً مشيد في رجاوي=عز نفسك عن حياةٍ قد بلعنا مبلعه
صير فيها كالنخيل اللي وقف فالبيد طاوي=هو يعايش قيض عمره بس ليته يجزعه !
اعرف بدنياك من هُو في مدى عمرك تخاوي=الصديق مرايتك وبتنعرف من مطلعه
احسب لعمرك كثير اشياء بتروّح فداوي=غير عزة نفسك وصبرك ووقتك في سعه
اجعل الدنيا محطة عابره والليل ضاوي=وإن بدا فجرك وغابت نجمتك مع مربعه
ابتسم وانسى من الهم الذي يلويك لاوي=كن وضعه في حياتك ينطرح ثم تجمعه
وارفع علومً تجي منك عن كبار الحكاوي=وآغنم بعلمك واترك هالردى تكفى دعه