قالو علامك ضايـق البـال منحـاس=قلت اسمحولي خلو البـال محيـوس
اديـر فكـرن داربـه كـم هوجـاس=غدا من اللـي داربـه كنـه ملبـوس
من يوم شفت اللي مشا درب الادناس=شاخ وتمشيخ عقب ماكـان مديـوس
سلط علـى اللـي للقريبيـن مسـاس=ذي مهنتـه للـي تبـنـاه دبــوس
باع الشهامة والوفـا يبغـي الحـاس=المعنوي باعه يبـي شـي محسـوس
باع المراجل جعـل مـاواه الافـلاس=حتى خذا مـن جـور عدوانـه دروس
واصبح ذليل تحـت الاقـدام ينـداس=حط العسل والسم للنـاس مدسـوس
عقب الدناعة والردا اليـوم جـا راس=في ذا الزمن كل العرب جاتبـه روس
لوهو ظهر في وقت سالـم وجسـاس=بيكون ذكره مثـل هقوتـه منكـوس
هذا ومـن مثلـه ليـا راس مـاراس=الا سفاسـف قـوم تقـدس فـلـوس
والحمدللـي خالـق الجـن والنـاس=اللي خلع من فكي الضرس ابوسـوس
مانيـب فـي يمنـاك ياهيـه مـلاس=لاحدتـك ليـام بتحـوس وتــدوس
تروح وتعـود علـى عينـك انعـاس=وتعس وتعود مـع النـاس مريـوس
الطيـب مايبغـي تمـلاق والـهـاس=خط طويل يتعـب فـروت وجمـوس
بعض الذي يكسي يده زيـن الالمـاس=افضل من وجيه تحكحك علـى مـوس
واليوم بان الحـق للنـاس وانـداس=دوس يدوسه من ضحك له بلا ضروس
فياللي تحسبن الزمـن مالـه انكـاس=مهبول ياللي تحسبـك دوم محـروس
الوقت لو يصفي صفا لابـن قرنـاس=ضاع الامل والحلم والجهـد مكـروس
يوم تراه اصفا من المـا ورا الكـاس=يبيـن لـك وجـه وياطالـه هـدوس
ويوم يحمسـك مثـل بـن بمحمـاس=ويبين لك وجه مـن الشـر معبـوس
فالى صفالك فانتبـه ترخـي الفـاس=وتشوف بطنه من سوايـاك متـروس

في نهار الثامـن ويـوم الاثنيـن=وبرمضـان مصفـدات الشياطيـن
افضل شهور العام شهر الموازيـن=وقف زعيم العرب واطلق لسانـه
في كلمة التاريـخ عبـر الاذاعـه=حداه شي شاف يبغـى انقطاعـه
عسا الندى يلقـى قبـول وطاعـه=دم اهـل السنـة يريـد احتقانـه
وجه نـداه لـدار حافـظ وشعبـه=حياتكـم ياحافـظ اليـوم صعبـه
الشعب زاد اليـوم سلبـه ونهبـه=ودميكم هانـت وويـن الرصانـه
ويقول ياحافظ علامك على الشعب=شعب ورا حقوقه يطالبكم وتعـب
راحت مواعيدك سواليـف ولعـب=وياليتهـا لعـب وسلمـو سنانـه
بشار فعلك فـي بـلادك جريمـة=تعلو على المحكوم عـاده ذميمـه
عواقبـك معـاد ترجـع سليمـه=شعب ابي شـاف غـدر وخيانـه
ياحقوق الانسان افزعو ليه تسلون=عما يصير بسوريا ليـه تنسـون
الظاهر انكم للفعـل ذاه ترضـون=ويـن الـذي مايرتضـي للاهانـه
ماحدهـم يانـاس للـي يسـوون=كون الفساد ووضعهم دون في دون
بشار ووزراه تمشي بـلا عيـون=حتى بشهر الخير يركض حصانـه
جبـار والله يبطـش بمـن يمـده=سيفه على اهل السنة اليوم حـده
عدو دين الله علـى الشعـب مـده=الشيعي اللي قام يسحـب عنانـه
والشاه تمشـي خلفهـم ماتميـز=والظاهـر ان وده يريـد التحيـز
واللي يبـي فيـزه يـروح يتفيـز=والوضع عـادي يعتبرهـا ميانـه
اللي حصل في حمص والا بدرعـا=فعل شنيع وشوفوا الشعب صرعـا
ماصار في عهد التتاري ولا ارعـا=فعل سوات اللـي فعـل عنفوانـه
اطفـال تيتـم علـى غيـر حقـا=جبـار سـوا لـه سوايـا وشقـا
بافعال جرمه ياعرب ويـش بقـا=الا دمى شعبـا ثعـا فـي كيانـه
يالله ياللـي تنظـر بمـا يسـوي=عليك به وافـزع لهـم يامقـوي
وانزل عليه امر سمـاوي وجـوي=وانصرهم بنصرك وفـرق عوانـه
يارموز الامـه والشعـوب الابيـه=نبغالنـا كلمـه تــردد قـويـه
قوموا مع صقر العروبـه سويـه=الحاكم اللي لاوقـف بـان شانـه
الحاكـم اللـي كلـنـا فدوتـلـه=عدل وسياسه طيب ساس وجبلـه
نفـداه بـالارواح والمـال كـلـه=خـادم بيـوت الله وحنـا كنانـه
محارب الفقـر وعـدو الفسـادي=اللي على شعبـه كريـم الايـادي
والله مابـه دار تسـوى بــلاد=يامن ورخـا والكـل ينعـم مكانـه
حكامنا ال سعـود نعـم السلالـه=ياكلـب لنـدن ياعميـل الحثالـه
فـي ذمتـي ياحكمنـا ماتنـالـه=مالك سوى غير التطـرف ديانـه
يالخارج اللي غابت اليوم شمسـه=ذكرك مع الايـام ياهـون طمسـه
حنا ترى مامرنـا كـون خمسـه=والسادس اللي جعلك افـدا بنانـه
نبايعـه بالعهـد طـول السنينـي=ماغيـره نـدور بديـل وعوينـي
عسـاه يبقـا ذخـر للمسلمينـي=واختم كـلام قادنـي مـن بيانـه
واقول صلو عد من حـج واطـاف=على النبي الهاشمي خير من شاف
كتاب رب امـره النـون والكـاف=اللي عن القلب العمـى زاح رانـه

بسم الله الرحمـن خيـر البدايـات=إلهـنـا رب السـمـا والبـريـات
سبحان من خيره على الخلق ظافـي=الرازق الباسـط بديـع السمـاوات
الظاهر الباطن والاول علـى الكـل=حـق لنـا نعبـده ونكفـر الـلات
شرد المعاني تجتول داخـل الـراس=ولولى الرجا بالله ماسقـت الابيـات
يالله يـاربـي رفعـنـا يـديـنـا=وحنـا تحملنـا ذنـوب وخطيـات
اغفـر خطايانـا وثبـت خطـانـا=على طريق الخير في كـل وجهـات
ونسألـك غيـث مدلهـم خيـالـه=لانشى ربابه والتحم جاله اصـوات
حن الرعد والبرق فـي مقدمـه لاح=ينساق صوب ديار نجـد العذيـات
ويهل وبله فـي الفيـاض العجيبـه=يحيي نبات طالـت ايامـه سبـات
كلـه مـن ذنـوب علينـا كثيـره=حتى اللمم صارت علينـا بسيطـات
يـارب لاتواخـذ عصاتـك علينـا=وارحم عباد تقضي الليـل طاعـات
اليـوم فـي وقـت علينـا تغـيـر=ياكثر ماشفنا مـن الوقـت غـارات
ياسامعين القـول عنـدي بضاعـة=بلاش ما يلحـق عليهـا خسـارات
من اولا تشرى وذا الحيـن تهـدى=عشاقهـا قلـت وفيهـا المسـرات
اسمـع ياغافـل لايغـرك نشاطـك=وقتك ثميـن ودور الايـام عجـلات
استثمـر اوقاتـك علـى مايسـرك=اما مع اهل الخير رفقـه وجلسـات
والا بترك الشـر حـث الجهـودي=اياك واهـل السـو لهـو وغفـلات
شبابنا لـه هيبـه وعـز وصيـت=بكم الامـم تفخـر بكـل المجـالات
ياما عليكم تعتمـد نصـرة الديـن=شبـاب الامـة ياشبـاب المـروات
في ما مضى عمود للدين وانصـار=واليوم في غفلة وتـرك الصلـوات
كم عمر ابوطالب علي يـوم فـدى=دون الرسول وحاز لاعلى الدرجـات
هذا الشباب اللـي عليـه الكلامـي=الله واكبر ما اكبـر الفـرق للـذات
ذيـك الهمـم ياطالبيـن المـعـزه=اللي تسـوق اصحابهـا للطويـلات
فـي طاعـة الله كـل همـه تعـلا=وسنة نبيه من مسكها لـه اثبـات
وتـرك النواهـي واتبـاع الاوامـر=هي مخرجك لاجالك ازمة وضيقـات
والامـر بالمعـروف يلـزم علينـا=تراه من افضـل جميـع العبـادات
ومن بعد طاعة والي الكـون كلـه=لاينفلت بـرك تـرى الحبـل فـلات
الوالديـن حقوقـهـم واجبـاتـي=حيين والا بعد من حسبـة امـوات
جنتـك تحـت اقـدام الام الحبيبـه=والله ماتلحـق جـزا الام بـالـذات
تسعة شهور تنقلـك فـي حشاهـا=تصبر على ضيم الليـال العسيـرات
وعامين حطت عضدها لـك مخـدة=ومع ذا وذاك عيونها لـك لبيبـات
وابوك عضدك كل ما احتجت في شي=ايـاك لاتنسـى حقوقـه عظيمـات
وبنخا شباب اليوم ياصفوة الجيـل=بقول شي شفت ما عقبـه سكـات
لا ياشباب هلك في رغبـة النفـس=لاتطيع نفسك رغبة النفس شهـوات
تكسب امراض وتكسب ذنوب وهموم=ويروح عمرك بين حسرات واهـات
لافات شي مارجع لك علـى الكيـف=تعانـي همومـه سنيـن طويـلات
النفس مثل الخيل صعبـة ومطـواع=ان ماعسفت النفس راحت بك وجات
ما تقول يانفسي عن الشر شومـي=وامشي مع اهل الطيب طبع وعادات
رفقة رجال الطيب هـي مكسبالـك=والمرجلـة ماتنجلـب بالسهـالات
جالس جليس العز وايـاك والسـؤ=اللي حياتـه بيـن نمـه وعثـرات
حطه رسول الله كمـا نافـخ الكيـر=ترى جليسك في نظر غيرك مـرات
وياللي نقل حتفه على كتفه وسـار=بسّمٍ يفـرح كـل عـاذل وشمـات
لا للمـخـدر ياعـيـال الحمـايـل=غزوا غزانا حط خلـق الله اشتـات
يسحب خلايا المـخ حتـى النهايـة=كم نسمع وكم ينشر من الدعايـات
وعيوننا تنظـر والاحسـاس ميـت=ما نتعـظ قبـل الامـور الملمـات
يجيك راعيهـا كمـا سالـم الزيـر=ما احدٍ فعل فعله وهي بس ساعـات
يبنـي ويهـدم مـا تعـدى مكانـه=في كل موضوع وضع فيه بصمـات
لاتروح منه انظـر بعدهـا بساعـة=وان ما استفدت اليوم تلقى المهونات
قلتـه لكسـب العبـره ونستفيـدي=والله مـا قلتـه مرائـي وشمـات
وين انت ياعـود يبـري ضميـره=قدام لاتجرع مـن الوقـت لوعـات
ابناك فـي رقبتـك مهمـة صعيبـة=وانت الذي حملـت كـل الامانـات
العود لامن يبـس يصعـب عدالـه=تغانم اعيالـك قبـل ياتـي اوقـات
تلقى المهونة مـن قريبيـن وبعيـد=وكل نظر لك نظرة الذيـب للشـات
يانـاس دنياكـم جمـارك مـروري=والله لو ناقف مـع الـذات لحظـات
معاد تسوى فـي نظرنـا ولاشـي=يـوم فـرح وايـام ناكـل مطبـات
غـدارة خوانـة مالهـا اصـحـاب=تضحك وهي تخفي من الوقت نكبات
بالله لحظـه ويـن سيـد الخلايـق=صفوة جميع الناس هو مابعد مـات
لاوالله الا مات وانـا علـى الـدرب=نمشي ولامعنـا عليهـا ضمانـات
فيالله تحسن خاتمـة مـن يخافـك=لعمـال تختـم دايمـا بالنهـايـات
واغفـر خطايانـا وثبـت خطانـا=على طريق الخير في كـل وجهـات
وختامهـا منـي صـلاة وسلامـى=على رسول ماكتـب لـه خطيـات

الله مـن هــم بقلـبـي تــوزا=بين الضلوع العوج لاجـي ولازي
الا ليا اونس طـاري الزيـن فـزا=فـزة ونيـت سايقـه مايـهـازي
ياصاحبي رمـح الهـوا لا يكـزا=بيني وبينك خل وضعـك حجـازي
الوصل من بيـن الحبايـب يعـزا=بالولف ماعـزه نبيـل وعـزازي
لانامـو العربـان جفنـي يـقـزا=كن في بريم العين كسـرة قـزازي
في جوف صدري للهواجس ملـزا=مثل الخيول اللي تريـد المـلازي
واسرجتها بالهجـر بعـد المعـزا=لين انها صوبـي تـود المغـازي
نكـران ودا فيـك مالـه مـغـزا=قطعت تذكـرة الوفـا والجـوازي
كانه جفـا ترجـع علينـا مهـزا=ويحط في ثومـة فـوادك حـزازي
وكانـه تغلـي فالغـلا مـايـدزا=بين الحبايـب مايسـاق بجهـازي
بين العيـون يسـاق قبـل يتلـزا=ويبين في نظرات عيـن الجـوازي
وانا خذيت من الهـوا لـي ممـزا=وسمحت من حفرا بالارض العزازي

عاد عيـد الاحبـة بالفـرح=مير عيـدي تغيـر ذالسنـة
اذرف الدمع والقلب انجـرح=والحزن خيم وضحّـا بدنـه
في المسا هم وان قمت بترح=كلبوهـا علـي متـوازنـه
من فقدتك يابويه مانشـرح=خاطري لوضحكت بحنحنـه
مادري من ضوا والا سـرح=والعمـر فدوتلـه راهـنـة
جسم يمشي وعزم ن منطرح=كل هـم ن بصـدري دونـه
يوم جاه المرض عفت المرح=حط وسط العنايـة مسكنـه
والامل كـل يـوم ينطـرح=نرجـي الله عظيـم ماعنـه
ربي اشفه وجودك مابـرح=بدلـه كـل سيـة بحسنـة

الشعر نقض وضد نقضه فتلي=وانا دخلتـه مادخلتـه ختلـي
اعبر بما فـي ضميـري وادرا=هرج هزيل منـه ماينصتلـي
وهرج يجمل صاحبـه لاقالـه=والله لقوله لو يسبـب قتلـي
مانيب من يرمـي ولايازنهـا=بشوتلك وانته مثـل شوتلـي
واليوم صغته فـي لـزوم لازم=واجب علي والواجبه نادتلـي
في موقف ما انساه ليـن اودع=ساعة نخيت الذايـره فزتلـي
واقـول ردا للجمالـه مـنـي=الله يبيض وجه من صوتلـي
من ربعي اهل الوقفة المعروفه=وخلاني اللي يحتمون المتلـي
ما احدا تعذر يوم جيته داعـي=ربوعي اللي في الوعد ردتلـي
جاوك كما سيل حـدر واديـه=شاش الفكر من عقب ماصكتلي
ما انسا جمايلكم وانـا بـاردد=الله يبيض وجه من صوتلـي

فكري تغيّر وقلبـي زايـدٍ همـه=ودموع عيني على الخدين همالـه
سبة نهار الخميس العصر يايمـه=يومٍ علي اثقل من طويق وجبالـه
دقيتنا ابغى اتطمن جيت بمطمـه=حصّلت علمٍ يهز القلـب زلزالـه
لابوك يالهاتف الجوال مـن زمـه=يغيّر الحال من دقـه الـى حالـه
ردت علي سسترٍ ماهيب مهتمـه=قالت ترا ابوك مات وميّل ظلالـه
ساعة وصلت ولقيت الناس ملتمه=ضاقت علي الوسيعـة واتحرالـه
وقّفت محتار مدري وينها اليمـه=جوني يعزون كلاً يدعـي لحالـه
قلت ابعدو عني وخلونـي اظمـه=لو لحظة تشوف عيني عينه قباله
تكفون خلوني اقرب منه واشمـه=وودعه قبل عنـي تقفـي رحالـه
قفوبه وقمتنا ادعي كاشف الغمـه=الهنا اللي علينا ما احصي افضاله
واقول يارب حرم عظمـه ودمـه=من لاهب النار واقبل صالح اعماله
واجعل مامره طهور ومانقص تمه=واسالك يارب جعل الخلد منزالـه
مرحوم يامبعد الهقـوات والهمـه=مرحوم ياللي علوم الطيب تثنالـه
مرحوم ياطيب الاخـلاق والذمـه=يامغني نفسه ويامرخـص ريالـه
ماهوب بين الرفاقه ينقـل النمـه=يدفع من اجل التوحد روحه وماله
الفضل للهِ ما اذكـر واحـد يذمـه=يالله يارب جعـل الخلـد منزالـه

الا واشيب عيني يوم اجي لديارهـم واروح=ايهل دمع العين يالجواد مـن سبـة فـراق
فرقا الولايف جرح ماله طب من بين الجروح=حلو الهوا لو طالت ايامه يجي مر المـذاق
احترت في وصفه وقلبي من غرابيله سموح=الا ياكاملين المعرفـه سلـك الغـرام دقـاق
هني من له قلـب يالجـواد مايقـدر يبـوح=ترا المفارق ليل اسـود سرمديـا مايطـاق
طول الهجر بيني وبينه هد سيسان وصروح=من اسبابه ترى بعد الولايف والقلوب رقـاق
لو ان شوفه لاعنيت وجيت لديرته مسمـوح=واللهِ لجيله ولوهو مـن ورا حـد العـراق

حفظآ لِ الحقوق
تمت اضافه المشاركه الخاصه
بِ ( شاعـر القناص ..
لِ الديوان الخاص بِ الشاعر

افيق تاره وارجـع اغيـب تـاره=من سبة المنّه ومن كثر مـا اذوق
لعـاد لا نظـره ولابـه زيــاره=معاد يبرد حرتـي كـون طـاروق
يابنت ياللي عايشه في الحضـاره=انا بدوي ثوبي على المتن مشقوق
من طيب ابوي اخذت منه الجساره=على المراجل والنظر رافعه فـوق
لو كان يلحقنـي وراهـا خسـاره=في ذمتي ماردنـي دونهـا عـوق
صارعتنا الدنيـا وذقـت المـراره=منها عرفت ان كل مطرود ملحوق
ترا القمر لوغـاب يعـرف مـداره=لكّن انا بنصحـك يابنـت برفـوق
اما اعلني يابنـت باقـوا عبـاره=قولي تراني ما اقدر اعيش ياشوق
ترا الهوا والعشق ليـل ن نهـاره=صدق ونقا والدرب من قبل مطروق
الحـر قالـو يكتفـي بـالاشـاره=وانا اكتفيت بماحصل والهـوا ذوق
ارجي من اللـي مايرجّـع قـراره=عطفه ولطفه لا وقف كل مخلـوق
هنـي منهـو مايضّيـع مسـاره=على طريق الخير ماهوب مسبـوق

حفظآ لِ الحقوق
تمت اضافه المشاركه الخاصه
بِ ( شاعـر القناص ..
لِ الديوان الخاص بِ الشاعر

حان الوعد والعلم مامنـه صـدات=يا ابنا الدواسـر يالرجـال الابيـة
ياهل المواقف لاغدا الوقت غـارات=وقفاتكـم تعـرف مـن الجاهليـة
ياهل الحمية في الظروف الشديدات=ياهـل الاوايـل والسلـوم الوفيـة
ياكم لكم بالطيب صولـة وجـولات=ما احدا سبقكـم بالفعـول الطريـة
تكفون ياربعي رجـال الصعيبـات=ياهل الفعل واهـل اليـد الحاتميـة
انتـم رجـال ماتبـون الدعايـات=وانتم هل الطالات واهـل الحميـة
هل خمسة وعشرين مليون ماجات=الا لكـم مـن دون زهـم اوصيـة
في اسبوع واحد جات ياهل المروات=من كل كف فـي المواقـف نديـة
ياربعنا اللي تنعرف فـي المهمـات=اليـوم يـوم الوقفـة الدوسريـة
البيرق اللي فـي ديـار الامـارات=نبيه مـن كسـب الدواسـر هديـه
نبغى نضيف انجاز ضمن البطولات=ويرفع هنا في ديـار نجـد العذيـة
اشوف له في كف نايـف علامـات=مايجلبـه كـون اليديـن السخيـة
نايف وقفله وقفة ترضـي الـذات=اعطتلـه اللجنـة وسـام وتحيـه
شاعر ولايحتاج لحـدن شهـادات=مجموعته صعبـه وقـاد السريـه
وقف لها ابومعزي وقـال هيهـات=انا اشهـد انـه مايجيـب الرديـة
ذكره بياخذ لـه سنيـن طويـلات=في ابوضبـي وبكـل دار ونحيـة
وبشاطي الراحه وضع فيه بصمات=اللي وقف بـه وقفـة ن عالميـة
كـل يوقفلـه ولابــه مــراوات=بالـمـال والا رفــع للمعنـويـة

يشهد علي اللي خلق جملة الناس=هاك الغلا والحب واهـدم حياتـي
لاصار حب مامعه صدق واحساس=خله يعيـش بسلـة المهملاتـي
وراك مثل ظلالك وتقطع اليـاس=ضيعت حلمي ياعديـم الصفاتـي
بعد الاماني شفته اليـوم ينـداس=وطويت مافليـت طـي العباتـي
اثر النحاس نحاس لوغسل نحاس=مايرتفع سعـره ولالـه طراتـي
ياحظي المقرود لابـاس لابـاس=تقوم والا تطيـح مابـه شلاتـي
اليوم عفت الحب مع ساير الناس=الوقت هيـن والعـرب كايداتـي

امسيت والشوق عندي واصل حده=في منيفه وقلبي يـدور لمنهاجـه
حظ ن حداني عليها لعنبـو جـده=والهم في كل ساعة يرسل افواجه
يجذبني الشوق لامن رحتلي مـده=جذب الدلو من يدين مسها حاجه
لامن طرالي حبيب عشت في وده=انا اشهد انه حياة القلب وسراجه
خلن شربت الغلا والحب من عده=اقفي وانا رقبتي من الود منعاجه
ينزاح همي ليامن جيت ويصـده=اذا اتصل روحي وزادت به ابراجه
هذا شعوري واعبر همسـه ورده=في فلم عشنا ولاندري عن اخراجه

لاتعتذر معـاد تنفعـك الاعـذار=انت السبب في طيحتك من عيوني
جسمي بعد ماصار ذا اليوم منهار=من يوم شفتك ودك تعيش دونـي
قلبي غدا كنه على واهـج النـار=توميبي الافكـار سبـة طعونـي
ذوقتني ياصاحبي طعـم الامـرار=شربتنـا العلقـم ولا ترحمونـي
الى متى وانا على الغيظ صبـار=شليت حمل منه تعبـت متونـي
اما تعال وصلحـالوضع باصرار=والا اتركو قلبي يعيش مغبونـي
انا اشهد ان بعض المحبين غدار=هو والزمان الشين مايرحمونـي
ترى العرب لو تجتمع ضد بشـار=يومين والثالث تـدك الحصونـي
الرابط اللي بيننـا العـزم يـادار=والعزم لاهل الغرب شد الضعوني

يافكري المعهود في كـل ميـدان=اليوم يومـك والمواقـف ثقيلـه
فرايـدا سويتهـا والوعـد حـان=ولاخير في اللي مايجيب الجزيلـه
يقولها شافي على لسان شفقـان=وانخى هل الوقفة شيوخ القبيلـة
شيوخ خطلان اليدين اهل الشـان=اهـل الفعـول الطيبـات النبيلـه
انخا الدواسر كلهم دون نقصـان=من دون خص انخا قبيلـه قبيلـه
زايد وتغلب من زبنهم له اكنـان=ماخاب مـن يلجالهـم وتحميلـه
زايد وتغلب لاعثا الوقت ثم شـان=الكـل منهـم مايخلـي دخيـلـه
زايد وتغلـب محـزم دوم مليـان=ياسعد منهـم عزوتـه وتعنيلـه
زايد وتغلب لاعنـا كـل فسقـان=يرجع ماحصل غير طعم الفشيلـه
حشان ينخاكم ورا الباب منهـان=ماله ورا القضبان حيل ووسيلـه
مديون يرجي العفو من عند ديان=من عند صبيان الحبيبـي نخيلـه
لاد الحبيبي مروية حـد شامـان=اهل العشـر عشاقـة المستحيلـه
تكفون يـالاد الحبيبـي علشـان=اعتـاق نفـس مانـدور بديلـه
واللي عفا فاجره على الرب غفران=اجر وغنيمة وانتم اهل الفضيلـه
شي مقدر والسبب نـزغ شيطـان=وابليس سوا لـه سوايـا مهيلـه
تكفون يال جريس في نفس حشان=عقـدا مضالـه ماتهنـا بليـلـه
تكفون يال جريس مافيكـم هـدان=مالـه سواكـم لامـلاذا وحيلـه
تكفون يال جريس لو كان ماكـان=افعالكـم بالطيـب ماهـي قليلـه
تكفى يابن هادي ترا كلنا اخـوان=فرج فرج لا يارجـا مـن يجيلـه
فرج فرج ياعز من جـاك حيـران=والحمل جاير من سواتك يشيلـه
بوجيه ربعك والقبايل ومن كـان=له وجه يدخلبـه ويمنـا طويلـه
نطلبك عفوا عنه ياطيـر حـوران=ولا تـرد اللـي رجاكـم يخيلـه