يا بحر غدرك واضح بضحك الأمواج=ويضيق الخاطر دموع التماسيح
قاعك حبيس الصمت والموج هراج=في الغبه كنوزك وعندي مفاتيح
شفني على شاطيك في يدي سراج=والليل قمرا غير انا آقوم وآطيح
أخاف يكشف سري الموج لا هاج=مفروض تفهم حالتي دون تلميح
مافيه هم إلا وسط خافقي لاج=ومافيه حزن إلا بكته التباريح
ما يبرح الخفاق والظلع منعاج=والأورده لأثقل همومي مراجيح
تبرق صدوف الدهر والدمع ثجاج=والحظ ينبت يوم وتهبه الريح
يابحرنا جيتك ولو طعتني ناج=ناج السواحل وأسأل الورد والشيح
يابحر مافي الأرض لول وديباج=ولا سقى الضامي مزون مراويح
يابحر جلت الأرض وآدور علاج=والحال متردي ومحتاج تصحيح
لعل في غبتك مالضيقه أفراج=وأصبر على موجك ولو فيه تجريح
يا بحر شحت الأرض ويمن هداج=وأنا عزيز ما أبي منة شحيح
وقفت كريم فزع لي قبل ما أحتاج=ولا بخيل ما فزع لي وانا آصيح

تشوش الحميا والهواجيس قـدح زنـاد=وقلبي من الأحساس ضخـت شرايينـه
عليك الله اكبر يا زمان أمس يا جحـاد=وانا ماتوقعـت الزمـن ناسـي حينـه
جملنا جملنا قايـد الزمـل مـاينقـاد=ولو هو برك للحمل كثـرت سكاكينـه
يا ياسر عليك آمان ربي مـن الحسـاد=ضعيـف يـدور زلتـك _فاتـح عينـه
ترى من جداه يراقب الناس بالمرصـاد=ضعيف خفيف ماش حيل و ولـد قينـه
يعقب الردي واللاش ومزهب الأصفـاد=ومن بروز أسمه قبل يكتـب عناوينـه
ومن غار مالقناص بالما العكر يصطـاد=إذا ماشبـح للنايفـه تقصـر يديـنـه
ألوووف الحشود_العام في خانة (الآحاد)=وهذي السنه ترقـص لإعـلام وتدينـه
من الزوبعه بانت نفـوس تبـث أحقـاد=وعرق النسب دساس ويحـدد الجينـه
يشوفون أسمك واللقب طـاول الأمجـاد=أناس ضعاف تخرج المـرأ مـن دينـه
لما أكبر ولدهم لقمتـه قربـوه الـزاد=و ولدنا يموت من السحا ما حد يعينـه
ورشفة عسل مجرا تداوي غشش الأكباد=ومن يصعب علاجـه فحنـا مداوينـه
تعصب حميـا هـزت مـدرج الأستـاد=وميول النوادي لأجـل عينـاك ملغينـه
تحزم ترى منت بلحالـك وراك أعـداد=تدوس الخطر والنـذل والهييـن تهينـه
يا بو سعيد براق الحيا حثحـث الرعـاد=وسالت مزونه وأروت الزرع والطينـه
وجبال السراه ارسى من العارض المنقاد=ومن طيب صيب الأرض تثمر بساتينـه
تهب الريـاح العاتيـه ثابـت الأوتـاد=ولازعزعـه ياكـود ثـورة براكيـنـه

ما يهيض هاجـس البـال ويروقـه=كود فكره قدحهـا مـن زنـد يَـدْي
إن صحى الهاجوس فالجزله غبوقـه=وإن غشاه النوم مـا بيحـت سَـدْي
لأن مالي صطـوه بيمنـى سروقـه=ينكشف نظمي علـى بدعـي ورَدْي
والزمن كثرت علـى حـدي فتوقـه=وإن تعاداني الزمن مـا كَـل حَـدْي
أنبسـط مـن جيـدٍ نفسـه خلوقـه=وإن طلع من محزمي ما أرخيت شَدْي
والرفيـق اللـي تنومسنـا طروقـه=إن حضر.. نوماس وإن غيّب يعَـدْي
مثل فيصل راعـد الجـود وبروقـه=(إبن مصلح )والرفيدي صلب جَـدْي
هرجته تنبيـك عمـا فـي خفوقـه=أجـوديٍ ذرب مامـنـه مـصَـدْي
عالمراجل والشيـم نفسـه شفوقـه=طامح جامـح وعزمـه مـا يهَـدْي
أثقل الصحن بلحـم والشحـم فوقـه=وأطلـق حجاجـه وبسماتـه تقَـدْي
الجمايـل صيدتـه والجـود سوقـه=حل مرباع الشيـم يحصـد وشَـدْي
كأنه اللي ينطـح الصبـح بشروقـه=ماكـره عالـي وهماتـه تـمَـدْي
فـارد الجنحـان مـا شـي يعوقـه=خشمـه يفَطـر وحجانـه تـغَـدْي
حي من نفسه على العليـا سبوقـه=مـا تكـل ولا تمـل ولا تـصَـدْي
من رجـال توفـي الونعـم حقوقـه=بحر جود بيـن جـزر وبيـن مَـدْي
وإن نواها خصمها وأرخـى شدوقـه=تنفطـر كبـده ودميـانـه تـنَـدْي
غمرها لو هاج مـا يمـدي لحوقـه=مثل ( ياسر ) في مياديـن التحَـدْي
يا إبن عمي لك سـلام الله نسوقـه=خلطـه الفلـه وكمبـودي ونَــدْي
كل غصن بلا ثمـر نقطـع عروقـه=وكـل جـدر يبخـل بظلـه يهَـدْي
وإن يطول النخـل طاولنـا عذوقـه=والثمـر يانـع ولـه ظـل ممَـدْي
يا إبن عمي لك سـلام الله نسوقـه=يا إبن مصلح _والرفيدي صلب جَدْي

قولوا لبن مانع سعيد .. الشعر والراس الصليب=والمحزم المليان والميقاف والجنب المتين
توافروا فيك ولك وطيب الثمر من طيب صيب=ياراقي وأسمك يشرفنا مع المتأهلين
أخذتني الفرحه هناك..بعيد عن جو الصخيب=وأخذت أعبر بالفرح والناس قالوا لم يبين!
قمت آاتعكز عاليراع وجرحي أبطى لم يطيب=في ليلة ظلمى وعل الشك يغلبه اليقين
وتدمع عيون السحاب السود عالقاع الخصيب=والبرق يلمع والرعد قهقه وله شوق وحنين
وآنا آتباشر وأقترب حتى ولو ماني قريب=لو تآخذك بو ظبي عني..مابتبعد خطوتين
لنك أنا وآنا أنت في الميقاف والطارف ينيب=أخ ورفيق وجار ومفوٌه ولك سيفٍ سنين
سلام لك يا محزم الظفران يا الساس العريب=سلام يوصل شاطي الراحه من أرض الواديين
يا ابا القصيد الجزل والطالات يا الحر النجيب=يانسل شيخٍ يشتري بن اليمن والهيل دين
تنشر له البيضاء ونذكر سيرته ويفوح طيب=الله يرحم جدك اللي صانها دنيا ودين
مليون مبروك التأهل قالها الصدر الرحيب=اللي ضلوعه قاسيه وبساعة الفرحة تلين
أرق السنود الشامخه وأطربني بلحن القنيب=والبيرق الخفاق مابيطير من طول اليمين
وفي كل رجمٍ لي عويت يرد من قحطان ذيب=معك معك في لازمك ..قحطان.. في عسرٍ ولين
ساس العرب رمز الوفاء سيل العطاء سقم الحريب=شف سد مآرب جارف مازعزع الحصن الحصين
حنا تعودنا قبل لا يدعي الداعي نجيب=وحنا مع الوافي عصابة راسه وسمعٍ وعين
ورفيدة الحكام حولك بلسم الجرح العطيب=اللابة اللي لو يشين الوقت والله ماتشين
وآنا معك بدر سرى نوره وشمس ماتغيب=وانا معك وأغمض عيوني ولا بآقول وين
وأبي تعلم كل جاهل قصرنا ساسه قطيب=وأبي تداوي بإبتساماتك هل الحقد الدفين
وإن القصيدة فكرة تجمح ولك هاجس يصيب=كم قد تغنى لك من أهل الذائقة والمعجبين
فإن جات بالفزعة وبالشعر الجزل ويش الغريب؟=وإن روحت أنشودة البيرق فلاحن خاسرين

إلى متى وآنا جريـح الهـم عايـش فـي قلـق=وأخفي طعوني وأظهر البسمه على الوجه الحزين
وآنا شموخي..فارس جامح وعيـا مـا أنطلـق=يصهل شموخ بداخلي والعـزم مكبـول اليديـن
أشوم عن بعض البشر وآميل عن درب الزلـق=والشك ما يهدم ثقه بنيت علـى سـاس اليقيـن
راسي..على راسي يصبون الكلام ومـا أندلـق=راسي صليب وهمتي عليا ولـي جنـب متيـن
وآنا أتعـوذ مـن شـرار العالـم بـرب الفلـق=والله يصبرني ويظهر لي العلامـة فـي الجبيـن
قلوبنا شتـى وحـن ربـي خلقنـا مـن علـق=والفايز اللي جملـه ربـي علـى دنيـا وديـن
كم شارب مفتول من مـوس المواقيـف أنحلـق=وكم من صميدع صامل والسيف في حبل الوتين
أشره على مجود سبوق الحـر ويهـد السلـق=وإن صعبت الآريا خذا شور الغوى من راس قين
وشلون يغلق عقله الباطن وصـدره مـا انغلـق=وشلون يملك شوره العالم ولـه سمـع وعيـن
وأنا طليق حر لـو نفسـي بهـا كبـت وقلـق=عندي قناعـة ثابتـه مجمولهـا فـي جملتيـن
ماهو بأنا اللي يعصي الخالق ويرضي من خلـق=أكسب رضا الخالق ولو يغضب علـي العالميـن