عند اقتراب الشمس.. يختـل الأوزون=يعني يصير بها الفضا ..شـي خـارب
مدري عباراتـي تفاسيـر.. للكـون=وإلا تفاسيري بهـا المـخ.. ضـارب
كن الجسد عوني وأنا.. كاره العـون=يا رب.. رجعنـي إذا تهـت ..يـا رب
بنظم قصيد(ن) فيه الأفكار.. يسعـون=من حرف مُعْرَبْ لي فضا فكر ..عَاْرب
في هالزمن.. كلن مشيطن و شيطون=كلن ورى شيطانـه اليـوم ..هـارب
ولعون يا مكفي ورى الشر ..ولعـون=من يتبع الحيـه.. تصيـده عقـارب
شف هالضريح اللي سكن فيه فرعون=يثبت له إنه مـن صغـار الشـوارب
يا علت اللي ما عرف ينهـي النـون=أبحر علـى قـارب وعـاد بقـوارب
وش زاد لك ..لي قالوا اللي يقولـون=إنك فضيع و شارق(ن) من مغـارب
وش ضاف لك.. لي قالوا اللي يسلون=إنك عريب ومن نسل جـد ..عـارب
لو فادت العزه بقت عين (شمشـون)=لو جادت الهيبة ثبـت سَـدْ (مـآرب)
في قاربي.. واحد وتسعيـن مليـون=جن و أباليـس وملاعيـن ..شـارب
لكن تخيـل بإسـم ربـي.. يولـون=حارب بربك دون هالديـن.. حـارب
قومية اليَعْرُبْ من أفكـار (شـارون)=شاور على الوحدة.. وجرب تجـارب
لين اقربت شمسه على تالـي أوزون=وتفرقوا عقبـه علـى ألـف مـآرب
في هاجسي غرفة ..وغادة.. و غليون=والمغتصب فيها على الشـر.. قَـاْرَبْ
وعيالها ..! فوق المتاكـي ينـادون:=يالمعتدي استح..!! وطف الكهارب !!

قالت شـوي وبتصـل فيـك بعديـن=واليووم قفلنـا السنـه.. ماحـدن دق
يا هل ترى نبقى ..؟ على موعد الزين=وإلا نصد ونرقـع الشـق بالشـق !
البارحة مـا طـار طيـر المحبيـن=آضمد جراحه وبي الشـوق يشهـق
في حاجبي قسوة وفي داخلـي ليـن=وآقلب أوراقي عسى الشمس تشـرق
حنا كذا.. نوفي مع الصاحب الشيـن=وانشين لي صار الخوي دوم يصـدق
أشياء فـي بالـي وهالعـام شيئيـن=واللحين شيء وما بقـى زود يفـرق
يعني مجرد شوق ودموع مـن عيـن=وانفـاس متضايـق وتأنيـب مطلـق
شاعر وله ديوان وخصومـه اثنيـن=أشعار يرميهـا.. وأشعـار تُسـرق
اهنا قصايـد بإسـم (غـاده وتاليـن)=واهنـا قصايـد ساقهـا يـم مطلـق
قبطان في شعره وله قاربن طيـن !!=يغرق وامـواج البحـر فيـه تغـرق
يظهر بلمرايـه علـى شكـل تنيـن=يحرق مساحاته وهـو فيـه يُحـرق
أشـواق تاخذنـي ولا أدري لـويـن=أشفق وماضينـا معـي زود يشفـق
قالت شـوي وبتصـل فيـك بعديـن=واليووم قفلنا السنه مـا حـدن دق !!

العـام بالتحديـد.. فـي أول اشَبـاط=شفت الذي مـا ضنتـي يـوم أنسـاه
عصفور يتراجف على باب وَطْـوَاط=خايف من البومـه وهالخـوف نجَّـاه
يا صاحبي لا تصيـر هـادم وغـلاط=الحب لي ناداك لا تقول لـه هـاه !
لبه ورحب بـه تـرى الحـب أبـاط=يعنـي ايتأبطنـا إذا حـل ممـسـاه
وانغيب في حلوه كمـا سكـر غـاط=ببريق كثرنا مـع الضحـك لـه مـاه
الحب ما يغلط ولـو كنـت مغـلاط=حتى ولـو بـك دا يزيـن لـك دواه
إكثار في الزلـه وف العفـو إفـراط=واحوال متنـدم إذا عضعـض شفـاه
حفلـة تناغـم بيـن همـه واحبـاط=واجواء تاخذنا إلـى حيـث منفـاه !
ولو حاط بك حبي.أ ويلاه لَوْ حَاط !!=ب..يطير منطادك إلـى بلـدة ال..آه
عند القلاع اللـي بهـا أربـع أَنْمَـاط=وتصير خامسها وأنا المُلـك والجـاه
يالجافل اللي كل مـا جيتـه اسقـاط=فـي حلمـه اتبسـم و ريـح محيـاه
كم جيت في حلمه و اثاريـه خـراط=كـان ايتبسـم مـن عذابـي برؤيـاه
العام ..قبل العام ..فـي اول اشبـاط=شفـت الحقيقـه تلتـثـم بالمعـانـاه
الحب جمـره والوفـا فيـه ملقـاط=والروح عُود ..وفاتن العود ما اغلاه!!

كارثه ياشعر لي صارت دموعك ما تسيل=كارثه لي صارت الدعوى سوالف وانعدام
كارثه لي نامت البسمه على شفة بخيل=وانتحر طيف المشاعر بآخر حبال الغرام!
جيتك الليله مجدد كل جرح ما يسيل=بفتق وجيه الجروح وبنقض عهود السلام
والمساعي بين طيبة خاطر وما بين ميل=نفسها ذيك المساعي بين جزلك والكلام
لكن الدعوى أنين ما رضى عني يحيل=كنه الا صوت طفلن ناحلن بعد الفطام
يا سراب صار للمقفي كما جرة دليل=اتبعه واسبقه وايعود مسيرة ألف عام
قد يكون لسرعتي تأثير في الشوط الطويل=لكن الآكد يعود والدليل اركض وانام
واصطبح والقاه قفى لين ما يصبح قليل=وانكسر له فيتشبه بالملامح والقوام
كنت في واحة غرورك ضي واشواقي نخيل=كنت بدر وكنت شعر وكنت واقع من هلام
اقصد اني كنت حلمك وانت تسعى لي ذليل=لين صرت اليوم حلمي والسكك كلها ظلام
بس تفرق جيت انا لك راس وانته جيت ذيل=كل منا تنقصه حاجه ويكشفها الملام
دام قربك نقص فيني فبتعد مليون ميل=انتهت كل الحكايه ما بقى فيني هيام
بس اسمع شي واحد قبل ما عني تحيل=اسمع جروحي تغني يا سلام و يا سلام

يــا مزار الفكر . . والا يا مزاري=يا احتواء الشارده والا الفريده
أذعن لصاحبك في حضرة قراري=يوم كلن يذعن لتاريخ سيده
بين نزوة هتلر. . وحكي البخاري=ياقف احساسي على جمله مفيده
صرت اجهل في غيابه انحداري=و انطوائي بين ذرعانه و ايده
ايه وانفاسه تسبب انصهاري=واختفائي من مساحات عديده
ان بغيت أبدأ مع النشوه حواري=ينبض الخافق على نبضة وريده
كنت ضاري ع المفارق!! صرت ضاري=ع المواصل . . واللقاءات العديده
بين بوسة خده . .و فــكـــة زراري=يبتسم شيطان محسوبك . و اكيده
كان يغويـنـي . ويفرح بنكساري=لين غار وجاب لي فكره جديده
صرت افهم كل شي في جواري=الإناره . . والأثـاثــــــات البليده
كـلــــــها راحت وخلتني بداري=مع شريط(ن) كل ما اخلص اعيده
صوته اللي فيه يتعدد خياري=بين نزف جروح او ليله سعيده
همت ! .عفوا ما لهداتي مواري=انطلق أحيان من جوف الطريده
والله انك لو تجين وكنت داري=ما لقيتي غير حزني والجريده
لن شيطاني مؤثر. . وانتحاري=وانهزامي لو على ضني أريده
في حضوره شاعر وجدا نـــــزاري=في غيابه .! في غيابه جاب عيده
يا مدار الشعر والا يا مداري=يا انطلاقاتي إلى نزف القصيده
ما دفعني للفرايد أي طاري=غير جمهور(ن) جعل ربي يزيده
يعتني بالقاف لي جبته حضاري=مُسّتَمد من الخيالات العنيده
يعني اسذج شي شعار الحواري=كل كلمه في معاجمهم سديده
سمع بوري!! يكتب ازعاج البواري=ياخي ارفق ع التخلف يا حفيده
ما هقيت اني بمل من انتظاري !!=لين صارت دمعتي تنزل وحيده
بين بضع اشياء والرابع جداري=الألم والصمت واحساس الفقيده

على ذاك الطريق اللي يودينا على الدمــام=تقوي ياعزومي ع السفر ياشــيـنها شــده
بعد ماطاح بي حظ الرياض وخايله ماحام=عسى ودي يصادف فزعته وان كان ماوده
فحول يا سعد صوب المكان اللي لنا من عام=نزوره والصدف عيت ترد الزين لـــي حده
على جاله تلاقي لي قصيد ومحبره واقلام=وخاتم صاحبك ذبلت يديه وطاح من يــده
تخيل من كثر ما امسى على ذاك المكان وقام=يــعد الـناس من حوله وهي تــنـعاه وتــــعده
نثره الوقت بحضان الرصيف وللاسف منضام=طـعـنــه الــزين بـيـديــن العهود وبـيـحـت سده
هنا قد مات حلم وقد دفنا حلمنا اللــي هــــام=بعد ماكانت انجوم السما تسرقــه وتــــــرده
هنا قبره ولاتاطى عليه بوطية الاقـــــدام=اخاف يفوق ما يلقى حدن يبغيه وايـــوده
وانا يا صاحبي مالي على مسفارنا ملــزام=بعد سافر من الدمام وامسى في وسط جده

تكذبين وماخبرتك يابعدهم تكذبين=من عرفتك وانتي اصدق شي شفته بالحياة
دام لي صوب القصايد دمع ينزف من يدين=لجل طبعً ساقني صوب القصيد وقلت هات
طبع قومً كل ماكنو بداخلهم ونين=قالو استح لا تهل الدمع والصمت الوصات
لين صارت لي سجيه كل ماثار الحنين=ابتديت اكتب قصيدً كسّر صدور الحصاة
لا وانا ولد الرفيدي ماتهل العين عين=قلتها واللي حبس دمعه على مغناي مات
وإن بكيت بيوم لجلك فآعتبر هاليوم دين=سدده بآخر طريقك واعتبر مافات فات !
تكذبين وماحسبتي كم مضى لي من سنين=كم خريفً ذبلت اوراقه وكابر لين مات
ماخبرت إن الفصول تموت يامغناي لين=مات عصفور الصباح وضيقة الانفاس جات
صبحنا اللي فيه اشتقنا ومدينا اليدين=واختفى صوتك ورا كذبة حنينك همهمات