( تكذبين )
تكذبين وماخبرتك يابعدهم تكذبين=من عرفتك وانتي اصدق شي شفته بالحياة
دام لي صوب القصايد دمع ينزف من يدين=لجل طبعً ساقني صوب القصيد وقلت هات
طبع قومً كل ماكنو بداخلهم ونين=قالو استح لا تهل الدمع والصمت الوصات
لين صارت لي سجيه كل ماثار الحنين=ابتديت اكتب قصيدً كسّر صدور الحصاة
لا وانا ولد الرفيدي ماتهل العين عين=قلتها واللي حبس دمعه على مغناي مات
وإن بكيت بيوم لجلك فآعتبر هاليوم دين=سدده بآخر طريقك واعتبر مافات فات !
تكذبين وماحسبتي كم مضى لي من سنين=كم خريفً ذبلت اوراقه وكابر لين مات
ماخبرت إن الفصول تموت يامغناي لين=مات عصفور الصباح وضيقة الانفاس جات
صبحنا اللي فيه اشتقنا ومدينا اليدين=واختفى صوتك ورا كذبة حنينك همهمات