على طاري الرماح اللي رمتني من [ ثلاث سنين ]=تردد داخلي صوتن حفظته في دواويني
عزف جرحي ونزف دمعي يجرّح | صافي الخدين=گأنـي اسبـح فـدمي وغارق فـي .. شـرايني !
اصيح بصوتي المبحوح اناجي ريحة الغالين=اعاتب هالزمان اللي خذنلي وقلب .. مضنيني
رغم هاللي حصل منه رغم طعنه لي بسگين=رغم گذباته وغدره , يبعثرلـي عـناوينـي
الا ياقلب وش صابگ بتاخذني معاگ لوين؟!=لذاگ اللي ذبح روحي وسرقها مني سنيني !
افا ياقلب ماتابت شرايين الغلا للحيـن ؟!=افا ياقلب مستقصد تزيد الدمع في عيني !
گذا يعني تبي ننزف وهو يضحگ مع السالين=گذا يعني ترجعني وهو اللي ماسأل ويني !
ابيگ الحين ياقلبي تقفي بقفوة ,المقفين=مدام انگ نويت تذل مابي بعمري تحييني
يموت الحب بس نبقى گذا بإحساسنا | راقيـن |=واذا الاحساس راضي الذل اموت والعزّه ترثيني

بكا قلبي بكا طفل توفى والديه فيوم=فقدهم وما يعرف شلون فقدهم ووشهوو الداعي
بكا قلبي على حظي وماني عالبكا مليوم=مدام إن البكا يشفي غليلي ويطرب اسماعي
بقيت أبكي على الدنيا وعلى هالعالم المهزوم=بكيت وما عرفت شلون أعدل باقي أضاعي
عرفته وافي قلبي وعمر الوافي لامايدوم=عرفته طيب يمشي يساعد كل ملتاعي

حزينه وحزني البارح طعنّ في داخلي لرضاك=حزينه و كنّ مابالكون ذرّة نور تضويني
سواد الليل يكسيني ياربي ياكريم ارجاك=تفرّج كربتي والا وسط قبره تـدفينــي
يبه هالنار تكويني بعد ماعشت انا فرقاك=يبه والهمّ اتعبني بعد ماغبت عن عيني
رحلت بعيد يالغالي ولاعندي سوى ذكراك=تسليني يبه هاليوم بكل ساعه وكل حيني
يبه تخنقني العبره لا من جابوا لي طرياك=اسرح بالفكر لبعيد وتطيح الدمعه من عيني
اشتقت لضحكت شفاتك اشتقت لنظرة محياك=اشتقت لصوتك الحاني لامنك تناديني
اشتقت لجلستك فالبيت مكانك نومتك ماطاك=اشتقت لمزحتن حلوه لامن ضقت تسليني
اذكر وش كثر فاليوم توصيني اسير خطاك=تربيني على الخيرات وبالاحسان توصيني
يبه طيبك وصل حتى عيون اللي مايوم اوفاك=لو أوصف طيبة قليبك مادفتر يكفيني
كل ليله مع همي اردد بالقصيد ابغاك=يرجعلي صدى صوتي على حزني يعنيني
اشوفك في حلوم الليل ولامن قمت ما القاك=تخدعني حـــلوم الليل اعشقها وتبكيني
عشقت النوم من كثرة مانا بالحلم انجاك=ياليت الحلم يتمدد ولا القى من يصحيني ~
يبه و شلون تتركني بعد ماكنت انا وياك=رحلت وكل شي بالكون قسم ماصار يعنيني
يبه لو تدري عن حبي وقلبي وش كثر يهواك=ماكنت تـــوادع عيوني وبلا رجعه تخلينــي
يارب استغفرك واتوب اغفرلي يارب ارجاك=عظيم العرش يارحـــمن من خطاي تعفيني
لهيب الشوق يحرقني يبه و شلون انا بنســاك=سنين العمر لو مرت تبطي ماتنسيني
ياغالي كل شي بالكون يسألني يبي رؤياك=فقدك وكل شي حولي بنار الشوق يكويني
فقدك المجلس وشارع بقرب البيت هو ممشاك=فقدك المنبر ومسجد على صوتك يصحيني
فقدك شماغك ,,وثوبك,, فقدك المشط والمسواك=فقدك المشلح وعطرن ربى في داخل ايديني
بكتك الارض والدنيا ترى حتى الزهر يبكاك=بكا كل البشر يابــوي ماهو الف والفيني
زهور العمر لو ذبلت قســـــم بالله ترى تفداك=لو ابكيــك العمر كله ابد لا ما يكفيـني
اهـ واهـ ياحزني ( يابوي) من بعد فرقــاك=دعيتك يـا آلــه الكون تجبر كسرتــن فيني
عسى (قبرك) كما روضه وعلى( جنان الخلد) ملفاك=وعسى ارضك من.. خزاما وبها.. انهار ورياحيني

تعبت وملني الشارع .. تحمل كثر خطواتي=تعبت وملت اسفاري .. مشاوير الألم فيني
شِقِيت وتعبت انفاسي .. تسارع بعد اهاتي=كرهت الروح حتى الروح .. كِرّهَتْ طيحت سنيني
رثيت ايام .. عشناها .. رثيت الماضي والأتي=بكيت دموع .. ملتني .. وملت طرحها عيني
خلاص اليوم يكفيني .. ادور فيك هقواتي=تمايل هقوتي صوبك .. [ بدون دموع تبكيني ]
عهدتك خاين العشره , لقيتك تنثر فتاتي=تجمّع أغلى اشيائي .. تحطّم روحي .. تشقيني
كفي يافلان لاتقسى , كفايه ضرب [ الأمواتي ]=تذكر خير هالعشره , عسى هالخير يشفيني
أبرحل يمها [ أرضي ] , مَليت أرضك معاناتي=بدورلي وطن يشفي .. جروحن بيني وبيني
وتذكر جملتن وحده .. جذرها عايش بذاتي=جرحت القلب لكنّي , نفيتك قبل تنفيني !

دعاني صوته البارح داعني له ولبيته=لفاني طيفه الغالي فعزيز النوم لاقاني
تذكرت السنين اللي مضتلي معه وناديته=تذكرت المزوح اللي نطقها عنه لساني
هلابه طيفه الغالي هلابه في وسط بيته=هلا باللي رحل عني تزاعلنا وجافاني
انا لو دارت الدنيا ابد ما انسى من اغليته=حسافه لو نسى الماضي مصيبه لو تناساني
امانه وينها ارضه لو ادري عنها جيته=الملم مابقى مني واغنيله على الداني
ياذكرى اسكني قلبه وقولي شنهو وصّيته=ترابي يحفره بإيده ويدفن وسطه جثماني
احبه لو نساني اليوم واردد ااه ياليته=احبه لو قسى قلبه , مشى عني وخلاني

شفته في حلوم الليل .. يناظر جرح متعبني=ينادي / ياحبيس الحب .. هذا الحب ومصابه
يردد / قلتلك أبعد .. قلبك لا يجي يحبني=طريق العشق من داسه يذوق الجرح بأسبابه
كفى ياحب شاغلني كفايه لاتعاتبني=كفى يالوعة ايامي تراها الروح طلّابه
سليت بأول ايامي .. قبل هالجرح يسلبني=وظنيت الهوى كله .. فرح واشواق منسابه
حسبت الحب ياخذني لروحك وانت بتحبني=حسبت الكذب مو منك .. وروحك ماهي لعّابه
ثملت بكاسك المسموم .. فقت وكنت عاجبني=قبل ماتظهر الصوره وتظهر روح كذابه
تمهل قبل لاترحل .. ترى هالجرح طالبني=تحط إيدك على قلبه .. وتشفي روح منصابه

جيتك ابسأل وش بلاه الفضا ضاق !؟=غصّت بي الدمعه وعينك بعيني
تزعل وانا اللي جيت للحب توّاق !!=تهجر وترجع من جديد , و تبيني
وش ذنب مخلوقن قضى حبه اشواق ؟؟=وش ذنب قلبن " تطعنه " ياضنيني ؟؟
جيتك غلا أرجوك لاتقطع اعنااق=ناسنٍ تحبك حطها ع الجبيني
يامشغل الارواح لك حيل , مشتاق=عطني يمينك حطها في يميني
جيتك انا والحزن في | حالة عناق=لملم بقايا عمر شخصن حزيني
جيتك انا والدمع فالعين .. برّاق=جيتك جريحن في يديني حنيني
لاماحسبت انك على الطعن سبّاق=اهديتلك روحي مع اجمل سنيني
وداعتك دمعن على الخد حرّاق=فمانة الله طحت [ قدام عيني ]

ياحزن بلغ صاحبي هالمراسيل=قله سهرته لين طِفّيَتْ عيوني
قله : عشانه كم نطقت المواويل=ابكيت لجله ناعسات الجفوني
ماخفت مره لو تقول الأقاويل=: ماتت عشانه , من هواه اقبروني
ابقى اسيره [ للجنوب ] الرجاجيل=ماهمني لو هم بذنبي .. اذبحوني
ويلاه من حبن تمايل عن الميل=ابكى عيوني والجوارح بكوني
من صدته سامرت انا البن والهيل=اشكي فراقه كنهم .. يسمعوني !!
[ شوق الغوالي ] ذايقه منه الويل=ويل الليالي بالعمى .. يدفنوني
ياحزن احبه من بلادي الى النيل=كثر الألم واحلامي اللي اتركوني
وياحزن قله كم بكى مني الليل !!=وكم نجمتن طاحت سبايب شجوني !
إما يعوّد ويهتدي بحبه سهيل=والا ترى بعده - بتعمى عيوني

صاحت عقيمه والمواني عتيمه=والدمع اصبح في حلى العين محتار
حظٍ تملك روحها هالسقيمه=جمّع معاني و للحزن .. نظمّ اشعار
ثارت طقوس الدمع تبكي اليتيمه=من وين مالدّت غزى العين تذكار
صاحت / حبيبي قالوا إني عقيمه=يعني هذاك الحلم من داخلي طار
يعني أسم هالطفل مامنه قيمه=محدن يناديني أبد بـ أم عمّار
ياغاليه .. دام النوايا سليمه=لاتحزني هذا الفضا عاش دوّار
نادي المحبه تمطر اليوم ديمه=تغسل بقايا دمع فالعين مدرار
ياغاليه طبع المحبه حشيمه=عيشي بها تمحي خطا كل ماصار
لا تزعلي لو كان اسمك عقيمه=عمر الاسامي ما امنعت سير الأقدار
خلّي الأمل يكبر كما كبر غيمه=وياعلّ باكر يبتدي بأجمل أخبار

صحيت اسمع ضجيج العمر , تبعته تايهه بخطاي=ادور راحت إيدينه .. افتش عنه بإيديني ..!
الااامس بعثرات الحلم , ارتب فوضتي بحشاي=اردد : غابوا السمّار ومنهو اليوم يسليني ..!
لمحته في وسط فوضة مشاعر عاشت بدنياي=يلم العمر بإيدينه .. يموتني و يحييني
تعال ارجوك ماودي اسامر عازفين الناي=اخاف ان الحزن يصحى يبكيني .. يبكيني
تعال نعيش وسط الغيم ابسقيك الفرح وياي=تعال نعاند العذال وقبل اهديك .. تهديني !
قليب اوفى من جروحي اعيشه كلي بأقصاي=محبه قدرها وافي .. تبيع الكل وتشريني
وانا لك اطهر اهل الارض .. حنونه اعذب من الماي=صدوقه وان نويت اكذب .. تشوف الدمع في عيني
وعهد مني اذا اقفيت اصونك دايمن .. برضاي=واذا اقبلت في مره .. على الموعد تلاقيني