صحيت اسمع ضجيج العمر , تبعته تايهه بخطاي=ادور راحت إيدينه .. افتش عنه بإيديني ..!
الااامس بعثرات الحلم , ارتب فوضتي بحشاي=اردد : غابوا السمّار ومنهو اليوم يسليني ..!
لمحته في وسط فوضة مشاعر عاشت بدنياي=يلم العمر بإيدينه .. يموتني و يحييني
تعال ارجوك ماودي اسامر عازفين الناي=اخاف ان الحزن يصحى يبكيني .. يبكيني
تعال نعيش وسط الغيم ابسقيك الفرح وياي=تعال نعاند العذال وقبل اهديك .. تهديني !
قليب اوفى من جروحي اعيشه كلي بأقصاي=محبه قدرها وافي .. تبيع الكل وتشريني
وانا لك اطهر اهل الارض .. حنونه اعذب من الماي=صدوقه وان نويت اكذب .. تشوف الدمع في عيني
وعهد مني اذا اقفيت اصونك دايمن .. برضاي=واذا اقبلت في مره .. على الموعد تلاقيني