-


D A N C E





رميتِي شَالك الوردّي اليَا منك وَصلتي الحَفل
وناَديتي على أصحاَبك على شعرك يفُلونًه
رسّمتي لوحتن حَلوه جَمعتِي شمسَها والظل
تراقصَتي تمَايلتي برقصَه حِيل مجنُونه
رقصّ شعرك علَى متنك ورقصتِي قلوبْ الكِل
وشفتْ أحَلى بناتّ الكُون ورَى شاَلك يشِيلونَه





الرقص :
حركات معينة يقوم بها الجسم على انغام موسيقية !
بدايات الرقص كانت عبادة عند بعض الأديان ويستخدمونها أحياناً لجلب المطر
ظناً منهم بأنها فعلاً تجلب المطر
وبعدها صار يستخدم لأفتراس الفريسة في أفريقيا فكانوا يؤدون حركات معينة تشابة حركة الحيوان ليسهل عليهم صيدة
وطبعاً ماكانت الفريسة الا لنوع من انواع السحر اللذي يماارسونة للتقرب من الشيطان
وخزعبلات كثيرة !


من انواعة الرقص الشرقي :
كان من عهد فرعون كانوا يمارسونة في كثير من المناسبات !
قديماً كان مقدس في طقوس الأغريق والبرازيل وغيرها لكن الأن رياضة وتسلية وترفية عن النفس
في عصرنا رقصة تيمون صديق بومبا يحرك الأرداف واليدين مع بقاء الجسم ثابت

يختلف الرقص بأختلاف المناطق اللتي يمارس فيها
من اشهرها عندنا الرقص الخليجي ، العراقي ، الشامي ، المصري ، الدبكة الشامية ....


* الرقص الشرقي صار يعلم في امريكا وبشكل كبير جداً


الرقص الغربي



من أنواعة البوبينق وهو الرقص في الشوارع
يتميز في أندماج الراقص مع الأغنية بمعنى عندما يسمع دقات الطبل يهز جسدة
ويتميز ايضا يمزج جميع الأساليب والأستايلات في ستايل واحد
سمي البوبينق لأنه يمكنك أن تجمع بين البوبين والتوتينق في حركة واحدة
ايضا من انواعة اللوكينق يعتمد على سرعة الحركة وجمع حركات عدة ورخي الوركين والساقين
وعادة تكون الحركات كبيرة ومبالغ فيها وغالباً ماتكون ايقاعية وبأحكام مزامن مع الموسيقى .
انواع الرقص الغربي كثيرة وجميلة وتتفاعل معها أكثر ولو نتكلم عنها مابنخلص


من ناحية رياضية الرقص هو الرياضة الأكثر شعبية حالياً
لأنه مسلي وغير مكلف وخلفية موسيقية تنطرب معها واحياناً مايحتاج خلفية


طبعاً الرقص قبل كل شيء هو فن
يخفف من الضغوط النفسية ويريح النفس خاصة لا وقفت قدام المراية وقعدت ترقص لما ينهد حيلك

الرقص يرتبط بحالات معينة
البعض مايرقص الا بحالات الفرح والوناسة والجمعات ولو كان مجرد استهبال وخاصة لو كان بساحة والرقص مفتوح
تلاحظ وده يطير من الحماس
والبعض يفضل الرقص والنفس منضغطة ض1 يعني تعتقد ان الرقص فعلا علاج نفسي وروحي ويساعد على تحسين النفسية

هذا اللي فوق لفئة معينة !

فية ناس على النقيض تماما بتظهر فكرة مستهلكة بعنف وعجيبة عند هالفئة بشكل في مجتمعنا وخاصة الخليجي
هالناس ترفضة رفض نهائي وتمشي ع المثل السائد من رقص نقص
عندهم الرقص يقلل من قيمة البنت ويخليها بعيون الناس مخفة
وحدة تقول : الرقص في الزواجات أحس مب مكانة كمية أستعراض تجيب الغثيان كاشخة وميك أب وتسريحة
وكعب وأتنكس ماتجي !

وفية بنات تستحي وتستغرب من البنات اللي يهزون ماشاءاللة ماينحجون وتلاقينها تكرة تروح زواجات عشان هالشي
وتستغرب انو كيف الوحدة تكون قاعدة بكرسيها واذا بدأت الغنية تشتغل تقوم وتمشي فجاءة اذا وصلت الكوشة بدا الهز
وغيرة وغيرة من الكلام اللي نسمعة !

هالشي يبقى حرية شخصية عند الكل لكن المشكلة هنا !

ريم : تعالي راقصيني

هند : لا مالي خلق

ريم : قومي خلينا نرقص قبل مايخلص الشوط <-

هند : قلتلك مابي !

في زاوية أخرى ، ريم تحكي للي حولها عن الموقف
ريم : شفتوا هند بالزواج ماتعرف ترقص ! مسكيينة شكلها ماتعرف !
ويردون يووه حرام ليه تفشلينها

اللي ابغى اوصلة انو في بعض المجتمعات اللي ماتعرف ترقص تعتبر فاشلة !
طيب لو تربيت في مجتمع مايحب الرقص ويرى انو الجمعة اهم بكثير من عادة الرقص
مانقلل من اهتمامات البعض لكن أعتراض على الأهمية اللي صار عليها في وقتنا !

السطحية في مجتمعنا ووصلت لدرجة الحكم على البنت من رقصها !
أذكر البنت هي اللي تستحي من ظلها واللحين صار النوع هذا مايسوى !

لو سألت بعض الشباب ، ايش تبغى مواصفات شريكة حياتك ؟
ع طووول يرد لك أهم شي تعرف ترقص

في بعض الأفراح لا بد من هالمشهد :

- قومي أرقصي بس قاعدة الحمدللة والشكر
- لية ماترقصين يامعقدة
- شكلها مجبورة ع الجية
وهاتك ياتقطيع بخلق الله

أذكر قصة عجوز تقدس الرقص وتقول اللي مايرقصون " عنس "
قصتها المجيدة تقول : رجال طلق حرمتة لأنها ماتعرف ترقص وقال لها ( اذا عرفتي ترقصين تعالي )
عجيب ! أجل لو انها ماتعرف تطبخ وش بيسوي !



أخيرا سؤال للجميع :
هل تأيد فكرة الرقص تخلف وسماجة وشي تافة ولا العكس ؟

- صبايا ، تحبين الرقص ؟ أيش الرقصة اللي تفضلينها ؟

- شباب ، لو قالوا لك شبيك لبيك عروستك بين أيديك وأختار صفاتها ، بتلزم ع الرقص يكون من اهم الصفات ولا بيكون شي عادي عندك ؟ <-


سلام