بسم الله الرحمن الرحيم . .
السلام عليكم و رحمة الله و بركاته . .

مساكم الله بالخير يا عشاق القناص, بداية ما حدث من " صحيفة الإشاعات " كما يُطلق عليها في الإمارات لا تمت للشعب الإماراتي و لا للصحافة الإماراتية بصلة. فـ هي تُعتبر من فئة " النشاز " في الصحافة الإماراتية. و معروفة بـ كثرة فضائحها و دنائة أخلاق كُتابها, و ثقوا بأن ما حصل لن يتم السكوت عليه أبدا و بحسب كلام السيد عوض بن حاسوم الدرمكي عضو مجلس إدارة نادي العين بأنه سيتم تقديم شكوى بخصوص المقال المطروح بالإضافة لـ شكوى ضد جماهير نادي الوحدة للجنة الإنضباط لترديدها الأهازيج الهابطة و التي تُعبر عن فئة قليلة لا تمثل الجماهير الوحداوية الراقية بصلة.

لذلك وجب تقديم الإعتذار بإسمي و بإسم عشاق الزعيم العيناوي لـ كُل عشاق ياسر القحطاني و للكرة السعودية بشكل عام, اللهم لا تُحاسبنا على ما فعل السفهاء منا, أعذرونا ف بعض " الجراثيم " مصيرها سيكون قاسيا, و سحقا لهكذا أقلام و التي تنثر سمومها عبر صحيفة تحمل إسما غاليا و هو " الإمارات ".

أعذرونا, سامحونا, فـ ياسر كما هو ولدكم, ف هو ولدنا.

سعيد البلوشي

بصراحه يا أخوي استغربنا هذا الفعل ....

ماهو هذا كرم الضيف .....

أتوقع أن الصحيفه أساءت لكم قبل
أن تسيئى لياسر.....

وترى ياسر غالي عندنا ....
ومانسمح لاأحد يتلفظ عليه ....

ومشكور أخوي ع الأعتذار ....

صدقت يالبلوشي ..

هالجريده كلها اشاعات وماعندهم سالفه ..

ياسر مثل ماهو ولدهم تراه ولدنا دام انه يالس فـ دار زايد فهو معزز مكرم ولا ملييييون واحد يقدر ياذيه بجلمه ..

السموحه منكم مره ثانيه ..

مانرتاااح الى اذا عاقبو الجريده

[FONT="Lucida Console"][/FONT]صحيفه وكتابها تمثل نفسها ووقاحتهم » تبا لهم . . !


الإمارات غاليه على قلوبنا واكيد شعبها « الراقي »

لكن ياسر اغلا : )

والله انتوا عالعين والرأس ..,,
ومتأكدين مليون بالمئة انكـم ماراح تقصــرون مع يـاسر .,
ووضح هالشي في ردات فعل الاعلاميين الاماراتيين والجماهيـر .,
وتشكــرون على موقفكــم .,

/

والله يأخــذ حق ياسر من كل من اساء لـه .,
ســواء هنـا والا هنـاك .,
والله لايسامح من ساعد على انتشار على الاهزوجه
من البدايــه ..!

،

يعطيك العافيــه .. سعيـد .,

مصدقين من قبل ماتعتذر

جميل هالإعتذار
وإن شاء الله إدارة العين تحمي ياسر وماتقصر معه .. وتحقق ماعجزت عن تحقيقه إدارة الهلال ..!

بس عندي تساؤل بسيط ،
وش كُتب بهالصحيفه عن ياسر ؟
.
وشكراً

يآســــر غآلـــــــــــــــــــــــــــــــــــــــــــــــ ـــــــــــــــي علينآآآآآ
متفآئله خيـــر بأخــذكــــم حق الكآســـــــــــــــــــــــر
فنحن مآعهدنـــــآ الأمآرآت تســئ لمن لبآ دعوتهــآآ
وزي مآقآلت سآبقتي..
مآنرتآآآآح ونتطمن االا لمن نشووف حق يآســر
ومشكور أخــي على نبل أخلآقــك لآعدمنآ أمثآلك الصآدقون
تحيـآتي لك..

لاداعي للأعتذار ياخوي

حنا نعرف ان هذي الأشكال فئه مريضه
بس نبغى شيء واحد ان ادارة العين تاخذ حق ياسر:من الجريده
وحنا نعرف اصحاب السمو الأمراء مايقصرون
مو زي ادارة الهلال

تسلم ياسعيد
وجهك ابيض اخوي اليوم ودوم ..
واللي حصل ماراح يعكر صفو العلاقه بيننا

بيض الله وجهك اخوي سعيد ..

وهالشي هذا بحكم انه يمس ياسر وياسر الان لاعب العين فهو بالتأكيد يمس النادي ككل وانا واثق برجالات العين كل الثقه أنهم بيردون أعتبار اللاعب والكيان العيناوي ككل ..

ما حصل بصراحه استغربته من الوسط الاعلامي الاماراتي .!

ردود الفعل من بعض الاعلاميين الاماراتيين في تويتر محل تقدير لمحبي ياسر لكن ليست كافيه ويجب على كل مسؤول في هذه الصحيفه مرر هذا العنوان أن يحاسب محاسبه قانونيه ليرد أعتبار ياسر ونادي العين ويكون درس لباقي الاعلاميين ..

شكراً لك اخ سعيد على اعتذارك ..

شكراً لك اخ سعيد على اعتذارك
عواافي

من كل مكان لازم فئه ضئيله عندنا وعندكم وبكل مكان

الشعب الاماراتي معروفين بالطيب

عيال زايد فووووق الراس

مايفرقنا واحد حقير احنا شعب الخليجي شعب واحد

وان شالله تتعاقب جماهير الوحده اذا ماتعاقب بترردد الاهزوجه السيئه من جماهير اخرى زي ماحصل عندنا بالسعوديه

وانت يا سعيد بيض الله وجهك ولا داعي للاعتذار حنا عارفين كل شيء
فديت عيال زايد