ياسر ما شاء الله عليه من خيرة اللاعبين خلقا وانضباطا وعشقا لنادي الهلال ولكن للاسف قوبل بظلم شديد .. اللاعب الموسم الفائت كان غائب كثير عن المباريات لاجل الاصابات ومع ذلك كان هداف الفريق الاول في بطولة الدوري وتسبب بتحقيق الدوري بنسبه كبيرة

للأسف تم ظلمه بشكل مفاجئ وكما لو كان هدف التخلص منه (عقابا) له على تخاذله وانخفاض مستواه . صح ياسر منخفض مستواه لكن هل كل لاعب ينخفض مستواه يعاقب بالابعاد من النادي ؟؟ كان ما بقى احد بالنادي .. لأن انخفاض المستوى امر طبيعي يمر فيه اي لاعب وله مسبابته ابرزها الاصابات . توفير الجو الصحي . حماية اللاعب الخ ..


الزبده ان اصابع الاتهام تتجه الى ثلاثة وهم سامي الجابر وعبدالله بن مساعد وعبدالرحمن بن مساعد .. حتى لم يعطوا للمدرب توماس دول فرصة مشاهدة اللاعب واصدار القرار في استمرار اللاعب او رحيله ..


طبعا يقولون الثلاثي ان ياسر طالب الموافقة على الرحيل نقول نعم طالب بالرحيل لكن بعد ضغوطات وعلى طريقة تكفى فكنا مانبيك بالنادي طبيعي يرحل ... ويتخذ قرار مجبر عليه ..


الحين لو موظف ازعجه مديره بكثرة الضغوطات وكل الموظفين يطفشونه ويتمنون استقالته بكل تأكيد بيستقيل مع العلم انه هو صاحب القرار الاول والاخير في الاستقالة لكن حجم الضغوطات كبير اجبرته على الاستقالة من تطفيش ومعاملة غير محترمه .. هذا اللي حدث لياسر بالضبط

تخيلوا ياسر رحل بدون حتى توديع بالمطار من اي عضو بمجلس الادارة وكأنهم يقولون لا ترجع . هل هذا الهلال .. هل هذا النادي المعروف بالوفاء .. ماذا عمل ياسر ليقابل بهذا الجفاء والظلم ؟؟؟؟


ياسر رايتك بيضاء ومتفهمين كجمهور هلالي ان هناك اطراف اجبرتك على الرحيل بمضض وفي القلب غصة وقلبك مجروح على المعاملة المهينه من الادارة الهلالية ومن عضو الشرف الذي ينتقص منك ويجرح فيك ويتعامل معك بلغة الفلوس للاسف الشديد ..


شكرا لك يا ياسر .. شكرا يا مظلوم الملاعب .. والحمد لله رحت للعين ولقيت استقبال يشرح الصدر وحفاوة من المدرب ومدير الكرة واعضاء الشرف والجمهور والرئيس بعكس نانادينا اللي عاملك بقسوة وظلم وجفاء ولا نقر تصرفاتهم ونعتبرها مسيئة لنادينا الهلال ..