السلام عليكم .. كيفكم يازعماء وقناصين ان شاء الله بخير
بدخل في الموضوع دغري .. انا واعوذ من كلمه انا جتني صدمه وانعفس يومي يوم دريت عن اعاره القناص وضاق صدري اني بشوف قناصنا بشعار غير الهلال وماتخيلت ياسر يلبس شعار غير الهلال بس بعد الصدمه تاكدت الكيان خط أحمر وهذا الاحتراف ... الحقيقي

السعودين يطالبون بالاحتراف ومزعيجينا وفي الاخير مايطبقون بس لان الهلال استثناء بدا بتطبيق الاحتراف
اعاره ياسر من مصلحه ياسر ونادي بعدين اعاره مو انتقال نهائي وان شاء الله بعد سنه بيرجع مثل اول واحسن ويخف الحمل اللي عليه من الصحافه والجمهور ووووووو الخ

المهم ومابي أطول عليكم ... قلت خلني ادخل منتدى العين واشارك فيه واشوف اخبار القناص في العين وشفت ماشاء الله الهلالين منورين في المنتدى واتوقع علامات استفهام على المشرفين على الكم الهائل من القناصين


بس شدتني مواضيع من بعض الهلالين تخلي الواحد يقول فشلتنا وياليتك ماكتبت موضوع
اللي يكتب ياليتهم رحلو قبل العبث بتاريخ الزعيم !!!!
واللي يحسب على الاداره واللي يقول باعو ياسر بالمال

واللي يقول سامي له يد في الاعاره كلام يفشل

وانا ودي اطل في وجه الاماراتي واقول امسحها في وجهي مصدوم مصدوم

وشو عبث وش هالخرابيط شكلهم للاسف مايعرفون شئ اسمه أحتراف احتراف طيب الحين فابريجاس بيروح لبرشلونه جمهور الارسنال بيقول عبثو في تاريخ الارسنال !!!! ومن هالكلام ياجماهير المصدومه من انتقال ياسر حبنا للزعيم ليس بمجرد وجود شخص معين حبنا للكيان الهلالي اتمنى اني وفقت في طرح الموضوع

قبل كذا شكرآ للامير عبدالرحمن بن مساعد والامير نواف بن سعد واعضاء الشرف وبتحديد الامير عبدالله بن مساعد والامير فهد بن محمد على الجهود الكبيره ونقله !! نوعيه في الاستثمار وتتطبيق الاحتراف والاعبين المميزين وان شاء الله يشوفون الزعيم باحسن صوره

عذرآ للاطاله